|
اقتباس:
|
والله ماألوم بعض الحارين على حرارتهم
خبرك أجواءنا عليلة وطبيعتنا خلابة وهذي لها دور كبير بهالحرارة بس بعضهم الإديتر حقه رصتين :) يعني حار بزيادة يفقع على أي شي ، ويحميه أي واحد الحرارة الموزونة ممتازة ، مابين الحرارة والبرودة على فكرة أعجبني إقتراحك لصاحب المحل إنه يشغل الآلة ويخليها تصور مادامكم تصلون |
اقتباس:
|
الحراره بعض الاحيان زينه تبرد الكبد
لكن الشخص دائمآ يكون اكثر شدة وقلق... حتى انه يتعايش مع القلق ويعيش معه... :( |
اقتباس:
هذا اللي يسمونه حرارة لكن على سنع |
اقتباس:
تقريبا:) لان الحار على ادنات الدون يهاوش ..<تكره الهوش بس ارحم من اللي يسكر عليه بالمجلس اسبوع زعل |
يمكن والله ولي العلم بسبب الجو الحار الجااااف والسموم القاتله
تخلي الواحد ماله خلق شي ونفسه براس خشمه |
انا بالنسبه لي الحراره عندي اهون من البروووووووود
ياشين الواحد لاجاك بارد ومن البرود يالله يتكلم لاودايم المره لاصارت بارده يصير رجله حار والعكس ثمن الدنيا تشتعل نار والمره مبرده ههههههههههه |
فيه امور تحتاج
حراره وامور اخرى تحتاج برودة اعصاب واحيانا على حسب النفسيه والمزاج ما الفرق بين المستعجل والحار الفرق هذا مؤقت وذاك دايم حار |
خالي من الحرارة يقول أكز عيالي للحاجة همن ما أصبر أروح اجيبه قبلهم وألاقيهم بالطريق توهم يمشون .
أنا بي حرارة عند المواعيد أحب أتقيد قدر المستطاع واشب على اللي وراي ولكن دائما ما أخذل مع المقابل تجده يتأخر حتى إني أتندم على العجلة . |
يقول كولن باول في كاتبه الذي طبع بعد عملية عاصفــة الصحراء السعوديين يهمتون كثيراً بالوقت ، وتجدهم أسرع البشرية وهم ينطلقون بمركابتهم في الطرقات .!! والذي لايعرفه حضرة الوزير الجنرال أنه بمجرد وصول السعودي إلى جحره يلهث باحثاً عن لقمة عيش أو استراحــة فيها الطيش ، أو أسواق فيها العيون تتلاقى كأفراد الجيش ، ويبحث عن الترفيه والراحة والثرثرة . لم يعلم أن حرارتنا ، وسرعتنا وبالاً علينا .! نحن أخي ننتظر عدة سنوات حتى نصل إلى شيئاً من سعة الصدر ، وأن نتعلم أن الوقت بتنظيمه يكون صيد ثمين ، وأن نتعلم الصبر في كل الأحوال ، وليس لمجرد ساعة أو يوم . |
اقتباس:
أنا عندي اسباب فسيولوجية بس ما عندي اسباب وراثية :29_3_6[1] هالحين تشوف الكثير من الشباب طاير بسيارته بين السماء و الارض و تقول له وين رايح يقول رايح للاستراحة طيب فيه حالة طارئة يقولك : لا طيب وش معجلك يقولك : ابروح اقعد ^^^^ قطفة من نصائح الوالد |
اهلاً بالعزيز جلوي الشقير ..! سأذكر لك هذا الموقف واعطني رأيك في حرارة هذا الشخص ؟!! ذات مره راكب مع صديق في سيارته كانوا قاصدين احد المحلات .. كانو يسيرون بطريق وكانت امامهم على بعد كيلو اشاره ومشوارهم يتطلب منهم اخذ الاشاره والعوده من نفس الطريق من الاتجاه الاخر ..! الراكب شاهد الاشاره وهي باللون الاخضر فصوت بصوت عالي لصديقه .. بسرعه عجل على الاشاره قبل لا تولع حمراء .. ماكان من رفيقه الا ان توقف عندها وهي لا زالت خضراء .!!!! ولا تسأل عن حال الراكب ..! يكاد يصاب بالجنون من برودة صديقه بالرغم ان الامر ليس بالضروري قضاءه بوقت عاجل فلو انتظر لأيام لما حصل اي شئ . موقف آخر اشد غرابه ذات مره في موقف مشابه لنفس الموقف هذا ولكن اكثر غرابه كما ذكرت !! صاحبنا يسير لوحده في طريق متجه الى محل وذهب مع اسهل الطرق واقلها اشارات مروريه لكي لا تأخذ منه الوقت ويختصر الطريق الوقت يداهمه وكان يسير في احد الطرق وامامه اشاره ضوئيه ( المحل الذي يريده يلزمه اخذ الاشاره والعوده مره اخرى ) كانت الاشاره امامه لونها اخضر وبعد ان اقترب منها تحولت الى البرتقالي ما ذا فعل صاحبنا ؟ هل وقف ؟ هل قطع الاشاره ورجع مع نفس الطريق ؟ لا لم يفعل كل هذا .. ما فعله امر مضحك جداً زاد على ضغطة البنزين لكي لا يقف عند الاشاره وتجاوز الاشاره ضناً منه انه سيأختصر بعض الوقت وماعلم انه لو توقف لوصل بوقت اقل بكثير مما فعله الذي سيلزمه اخذ الاشاره الاماميه ثم الرجوع ومن ثم اخذ الاشاره الثانيه ..!! لم اقل لك منهو صاحب المواقف ؟ محدثك غفر الله له وتجاوز عنه ورزقه الرفق . محبتي . |
انا امي من الحراره لاصار عندنا عزيمه تشيل القدر من دون بيز!!
ولا اشرايك بالشباب اللي يسرعون وتلقاه يمشي مليون وبالاخير توقف انت وياه بالاشاره؟!! |
حلو الواحد يكون حار بس يكون على سنع و بحدود
بس الواقع عندنا اغلبهم حارين على قلة سنع مثل الشايب الي يبي يبدى صلاة الجماعة و الناس لسى ما جتمعة ((ليش اسمها صلاة جماعة)) فيها شئ لو استنى خمس دقايق على بال ما يجتمعون الناس و يتحقق الهدف من صلاة الجماعة ...؟؟؟ انا عني ما احب اتعامل معهم .. ما تعرف تركز بالشئ الي تسويه تلقاهم بس ينافخون ((بس التعامل مع الحار افضل صحياَ للمراره من البارد)) |
| الساعة الآن 06:39 am. |
Powered by vBulletin® Version 3.8.8 Alpha 1
Copyright ©2000 - 2025, vBulletin Solutions, Inc. Trans by
موقع بريدة