|
ياقلبي أنتِ كل شي تبينه رآح توصلين له لكن بهدوء مو بالمر
|
اقتباس:
ههههههههههههههههههههه |
اقتباس:
تحدثي عن نفسك فقط..لأنك لاتعلمين عن ظروف غيرك من الفتيات قد يكن سعيدات ومدللات في بيوتهن..وراضيات تمام الرضا أختي إن الفتاة العاقلة المحافظة على دينها لن يدفعها أي ضيق تمر به أيا كان هذا الضيق الذي تعانيه لن يدفعها لفعل مايغضب الله أو يكون وصمة عار عليها وعلى أسرتها.. الفتاة العاقلة المحافظة لو حبسوها في داخل غرفة سترضى أن تموت عطشا ولا تسمح لنفسها بأن تفكر مجرد تفكير أن تغضب الله بأي عمل وإن كان صغيرا الفتاة التي تقع في الانحراف وتعلل ذلك بأن أهلها حبسوها أو منعوها أو ضيقوا عليها إنما هي تتخذ هذه الأعذار لتبرير خطأها الذي زينه لها هواها وكذلك ضعفها الشديد أمام المغريات.. أختي .. فلتكن همتك أعلى وهمك اكبر أسأل الله لك التوفيق |
آآآمين يارب...
ولكن اختي الشر يعم والخير يخص.... اختي الكريمه ... المشكله في مجتمعنا انه يتحدث عن نفسه فقط... فالظعفاء المساكين من المجتمع اللذين لايستطيعون بث مشاكلهم للعالم الخارجي من سيبثها لهم؟؟؟اذا تحدث كل شخص عن نفسه فقط؟؟ فانا احب في مواضيعي ان اعمم ,,ولا اخصص... احب ان انوه لكيـ،،، ان الرسول صلى الله عليه وسلم قال(أليس في ديننا فسحه),,, فانا لا يعنيي اني كتبت هذا الموضوع ان اكبر طموحي كشته بالصمان لا لا لا اختي,,, وانما مقصدي هو الترفيه البسيط بعد المكوث الطويل في البيت,, اشكركي اختي الكريمه ع المرور,,, |
كلامك كله وااقعي وانا وحده عايشه هالوضع عادي يمر شهر ماطلعت وعادي تمر اشهرر ماشفت وجية جديده .. حدي حووشنا اذا ضاقت بي الوسيعه ..
ابوي لاااهي مع ربعه وأخواني كل واحد عايش حيااته وانا قدر الله علي وتخرجت وقعدت مير اللي تداوم تحمد ربه الف مره انه تطلع .. ولو بغيت مشوار بالسنة مره شفت الذل مارحت ويطلع بمرررررة .. بس فيه حريم وبنات انواع الخري والمري وماتقضبهن الارض وأحد مقابل الجدران ولو تبين اسمع لتس جدراننا تراي مستعدة :( مشكورررة حبيبتي على الموضوع قدرت افضفض شوووي . |
العفو ختوو..
الله يسخر لك اخوانك ويهدي الجميع... الله يرزقك الزوج اللي يسعدك ويوديك بدون ذل>>ههههه |
الفتاة السعودية تتجاهل عن ( ثقافة الإستقرار بالبيت ) ومفهومها الشرعي
ولذا صار دعاة تغريب المجتمع يسعون بقوة لإبتعاد المرأة عن معنى ( وقرن في بيوتكن ) ( ماخلق الله خلق وضيّعه ) <<< على قولتهم . الله سبحانه وتعالى شرع للمرأة ( القرار ) بالبيت ولن يقول مسلم عاقل أنه سبحانه شرع لها ذلك ( ولم ييسر ) لها قبول ذلك و سهولة تطبيقة ( إذا صدقت مع الله ) .,؟! معلوم للجميع ( أن كلاً ميسر لما خلق له ) " ومن " ذلك شرع الله للمرأة شرائع ( مخصصه ) ويسر لها تلبيتها و تطبيقها في حياتها ( طائعة ) ., ومتى صارت ثقافة المرأة المسلمة مستوعبة و مدركة لحقيقة ( تخصيصها ) بأحكام و أوامر مخصصه ومعينه صارت حياتها اكثر سعادة و اكثر تقى وصلاح ., تحياتي .,’ |
اقتباس:
...............................................ياف تاة اآلمتها الحياة انا بالنسبه لي لم يحصل لي ماحصل معك او اللي ذكرتيه بس ماانكر هالشي وفيه ناااس بناتهم ماترفع راسها تناظر ....من زود انهم ضاغطين عليهاا ...الوحده حتى شوالف مع الوالد ماتعودت عليها ....مشاكلها تموت بغرفتها ... مع هذا الحين كثير من الناس تغيروا ماشاءالله صارت البنت 24 ساعه مع اخوها روحه وجيه ..اما طلعااات الشباب دايم اصلا مالها داعي ... حلوه سيارتك ....بس تراني خوافه اركب سياره لوحده جربت مره وتوهقت ...يوم نبدا نسوق لاتخافون راح نتعود والله لايحيجنا لبعض الاشكال اللي كل همه تشوف حرمه قدامها ...!! |
اقتباس:
ههههههههه هذي نصيحه بالمجاني لكل طالبة تدرس رفقي بنفسك ورسبي حتى لاتحرمي من الطلعات والصديقات والشاهي والقهوه في كفتريا الكليه هههه |
[align=right]فتاة آلمتها الحياة
عجبتني رحوك الحلوة الله يديمها عليك ويسخر لك اخوآنك يارب :) طيب مافكرتي تتقربين من اخوانك وتسولفين عليهم انا واحد من اخواني اذا طلبت منه شي يرفض بدون سبب ولا هو راعي سواليف معي بس بديت انا احاول اتقرب منه واسولف معه والين كلامي اذا ناداني اقوله سم وتآمر وحتى وهو اصغر مني صدقيني بعد هالاسلوب يستحي يرفض لك طلب اقل شي بيأجل بس بالنهاية يوديك ويطلعك وحاولي تتقربين منهم بالاشياء اللي يحبونه مثلا اذا فيه منهم راعي كورة اساليه عن المباريات او عن ناديه اللي شجعه او عن الاخبار السياسية على حسب اللي يحب بالنهاية هو بيبدا يسولف عليك اذا شافك تهتمين باللي يحب يعني بالاسلوب واللباقه كل شي يجي ياوخيتي حتى لو كان طبعه قاسي مع الايام والاسلوب الزين بيلين صدقيني وانا مجربه هالشي [/align] |
اقتباس:
|
اذا ما ودك تطفشين من البيت اصحي بكير مع اخوك او ابوك واشتغلي بالبيت ونظفيه ونظفي الملابس وقدور عشاكم اللي البارح عشان اذا جاء من العمل تكونين تعبانه وتحسين بفضله عليك, لا تنامين للظهر واذا جاء قلتي ابي اتمشى والا ابي السوق.. لو تشوفين اشكال الرجال وهم جالسين بسياراتهم بمواقف الاسواق ما قلتي كلامك هذا, اول يومه بالدوام وآخره بالاسواق.. بعدين اتحداك تقولين تجمعات للرجال اكثر من تجمعات البنات بالاسواق وكأن مالهم بيوت... احمدي ربك على العافيه وتعلمي لك كم طبخه عشان زوج المستقبل..لا تقعدين تسوين له خلاويص كل 6 شهور على بالك تسوين حلى.. لا وبعد تبينه غصب عنه يقول تسلم يمينك وهو جايب مقادير الحلى ب 500 ريال لو تلقاه عنز ما تاكله...بعدين كيف صارت الطلعات تحارب العنوسه؟ تحسبين الشباب فساتين تتنقين فيهم!.. حاولي يكون بيتكم نظيف وملابس اخوانك نظيفه وصدقيني تشوفين اخوك عند بابكم يوزع ارقام السراء على الخطاطيب...
|
اقتباس:
اهلاً اختي الكريمه نورتي موضوعي..... اولاً ليس بالمهم ان من يطرح مثل هذه المواضيع انه يعاني من المشكله التي يطرحها... فمثلاً من تطرح مشكلة العنوسه هل من الواجب ان تكون عانس؟؟؟ او من تطرح مشكلة الطلاق هل من الادهى ان تكون مطلقه؟؟؟ لالا اختي الكريمه فنحن مشكلتنا ان كل واحد يطرح مشاكله فقط اللذي يعاني منها ..... فلو فعل العالم كله مثل ما يفعل مجتمعنا,,,لبقية الدنيا بدون خير... فأنا ولله الحمد اجلس مع اخواني اكثر مما اجلس مع خواتي.... ونتجاذب انا وياهم اطراف الحديث,,,,, وكل واحد يبوح للثاني مشاعره تجاه شيئ محدد... لكن انا حبيت اطرح مشكله ربما اعاني منها انا لكن ليس بالكثير... والتي يعانين منها بعض الاخوات الاخريات..... يسعدني مرورك اختي الكريمه.... |
اقتباس:
الحمد لله الذي عافانا مما ابتلى به كثيراً من عباده ,, |
اقتباس:
السلام عليكم ورحمة الله وبركاته اخي الكريم,,,,,, لاحظة في بداية كلامك توجيهات ونصائح بل وارشادات,,,, اما في النهايه همسه في اذن عانس>> اولاً انا مراهقه وتوي ع الزواج وفوقي خواتي,,,>>والله يوفق الجميع ثانيا عندنا شغاله وقايمه بالواجب في اشغال البيت كافه,,وحنا ما قصرنا نساعده نظراً لانه ماتقدر تقوم ع بيتنا بكبره بلحاله... ثالثا :تمنيت اني مشاركه في مسابقة الطبخ >>لاني مؤكد اني راح احصل ع المركز لاول..... وفقك الله اخي الكريم،،، اتمنى ان تكون ردودك في مواضيعي القادمه عن ظهر علم وليس تخمين..... واتمنى ايضاً ان تكون ردودك فيها احصائيات مثبته وليس مجرد توقع وشكراً,,, |
| الساعة الآن 10:40 am. |
Powered by vBulletin® Version 3.8.8 Alpha 1
Copyright ©2000 - 2025, vBulletin Solutions, Inc. Trans by
موقع بريدة