|
الله يعافيهن ولا يبلا غيرهن .. ويستر على بنات المسلمين
نرجع في المقام الاول لولي الامر عنهن وتربيتهن . الحرمه من اول ركزه تتعود .. لكن اذا خليت تمادت وعبايات الراس مو كله فتنه .. اعتقد يمكن اللي فيها زخرفه وضيقه هي المصيبه وغير لايقه لكن اعتقد بالمقام الاول الفتنه تظهر من جسم البنت بعضهن ماشاءالله احسن شي تلبسها خيشه عن الفتنه مهما لبست تبي تفتن والزين زين مهما لبس وبعضهن تلبس وتحب تتزين لكن مو قصده الفتنه والله اعلم بالنوايا .. وبالعكس تحصله احسن دين واخلاق من بعض اللي متسترات اللي اذا شفته تقول الدين يذرف منه ماشاءالله .. وهذولي ينطبق عليهم موضوع البراويز .. للاخ رحال تبقى براويز جميله لكن ماندري عن مضمونه |
اقتباس:
وترا موب لازم ينزل للسوق،، او لازم محرم معكم >> وش دخلك يالملقوف كل ذا نغر عشانه شخصية ههههههههههع الله يحفظه ويعصمه يارب من الفتن وجميع شباب المسلمين واولهم انا |
حكاية رجل
كلامك سليم يا اخيي لكن يظل حجاب المرأه الكامل هو فرض شرعي يجب عليه الالتزام به مسألة ان أخلاقه زينه و عباته و الله انه أخلاقه ما تشفع له الحجاب فرض و الاخلاق اقل منه مرتبه بالدين اللي حبيت اوضحه الأهم ثم المهم |
اقتباس:
واتوقع الموضوع يتكلم عن الحجاب وليس عن الاخلاق يالغالي الله يعافيك ولا يبلانا |
اقتباس:
صبحك الله بالخير ابو خالد معلوم رزه قاضين منه ههههه و الله مهب لازم ينزل بس احيانا شغله صغيره و راجعين مهب مسوات ينزلنا و يروح فـ يدخل السوق معنا امين الله يعصمنا و إياكم يارب |
كان اول التزين باللبس الداخلي في السوق الحين اهم شي العباية في الاول ما نعرف الا شكل واحد الحين كل يوم شكل واسم جديد وكشخة جديدة :) العباية هي الفتنة وهي اللى تلفت الانتباه اغلب العبايات الجديدة توصف الجسم بشكل دقيق الله لا يبلانا ولا يفتنا قمنا نخاف نطلع للسوق :d |
لو نبي نتكلم بالامور الدينيه
كان انفتح كذا باب .. وتسكر عليهن كذا باب لكن وين اللي تبي تقتنع وتسمع تسكر وتفتح الباب .. كان نتكلم بالدين لكن الواقع والحقيقه تختلف .. كل سنه تتغير الاشياء لاكثر تفتح ومعروف ان المراءه تحب تتدحرج ورى الموضه .. مهما كان دينه وهذا الواقع لهن .. نبي الستر باس على قولت رفيقتك |
أنا ماعرف ليش واقف الى عالكتف ,, بعضها استر من الى عالراااس مليون مرة الحسبة في طريقة اللبس مو النوع ياتركي..! |
أشوف 95% من العضوات هنا ضد النوعية المذكوره من العباءات
والمشكله الواحد اذا راح للسوق بيشوف 40% من البنات يالبسن نفس العباءة ودي اعرف وين عايشات والا وش سالفة هالتناقض ؟ |
كلن مسؤول عن عمله . الحلال بين والحرام بين .
|
اقتباس:
طيب ليش لهجتك لهجة اتهام !؟ عامل الناس بما تحب ان يعاملوك |
اقتباس:
nouf وزياده ع كذا بعض البنات عندها عباية الكتف من الكبائر حتى لو هي عريضة ومافيها أي شي يدعي للفتنة وهي عبايتها ع الراس وعيونها مستحيل تغطيهم عند الرجال خير إن شاءالله غطي عيونك والبسي اللي تبين والحمدلله لاصارت عباية الكتف عرض بشت ابوي ماشوف فيها فتنة :) |
كل الشكر لكم على مداخلاتكم ..
والله يحمي نسائنا من تلك العادات الدخيلة على مجتمعنا بتلك التقاليد العمياء اللتي تغزو مجتمعنا بحجة الموضة والتطور وغيرها .. تبقى المرأة والفتاة بحجابها درة مصونة تفتخر فيها المرأة السعودية بتربيتها وتمسكها بالدين الأسلامي القويم .. مع صفة الحياء اللتي تتمتع بها وعدم عرض مفاتنها سواء بعباية أو لبس عابر آتى لنا من غزو الآجانب .. وتبقى مرفوعة الرأس بعباية الرآس اللتي عرفنا وتربينا عليها من خلال آمهاتنا ..... وبالأخير مثل ماذكر بعض الآعضاء ربما غياب الرقابة من ولي الأمر أو بمعاونة ولي الأمر يبقى من تستلذ بتلك العبايات مشتركة بالذنب مع وليها .. |
عندما نتحدث بواقعيه وما يحصل من لبس تلك العبايه او ماشابهها
سوف نجد ان تلك العبايه هي الشرار للفتنــه داخل المجمعات وهي الجذب الأول والرئيسي لبعض الشباب . طبعا كان هناك دراسه سابقه للجنة الاستفتاء اعتقد ,, وقد اجابت بأن العباءة الشرعية للمرأة وهي [ الجلباب ] : هي ما تحقق فيها قصد الشارع من كمال الستر والبعد عن الفتنة ، وبناء على ذلك فلا بد لعباءة المرأة أن تتوفر فيها الأوصاف الآتية : أولاً : أن تكون سميكة لا تظهر ما تحتها ، ولا يكون لها خاصية الالتصاق . ثانياً : أن تكون ساترة لجميع الجسم ، واسعة لا تبدي تقاطيعه . ثالثاً : أن تكون مفتوحة من الأمام فقط ، وتكون فتحة الأكمام ضيقة . رابعاً : ألاّ يكون فيها زينة تلفت إليها الأنظار ، وعليه فلا بد أن تخلو من الرسوم والزخارف والكتابات والعلامات . خامساً : ألاّ تكون مشابهة للباس الكافرات أو الرجال . سادساً : أن توضع العباءة على هامة الرأس ابتداءً . |
عباءة الكتف تعتبر زينة وهي فتنة والفتنة ملعون صاحبها
لذا افضل لمن ارادت ان تخرج بعباة كتف افضل لها ان تخرج بدون عباة نهائي . |
| الساعة الآن 03:53 am. |
Powered by vBulletin® Version 3.8.8 Alpha 1
Copyright ©2000 - 2025, vBulletin Solutions, Inc. Trans by
موقع بريدة