هناك اناس عايشين وهناك اناس ينظرون كيف الاخرين يعيشون

اخواني دعونا نفصل بالموضوع على مراحل

اما مساءلة وجود الزوجة معك بالسوق فهو واجب ومطلوب

اما من يفشل اذا شاف احد زوجته معه ... فاقول لا يعدو الامر من ثلاث

اولها ... ان تكون زوجة الرجل هذا عليها من الزينه والتبرج بالعباءه مثل المخصر وغيره ما يشد الرجال اليها وهو مغلوب

على امره لا يستطيع تغير الامر فهذه نقطة ... لانه لا بد ان يخجل لو شاهده احد

ثانيا ان يكون هذا الرجل معه المسيار ولا وده احد يشوفه على شان ما يبلغ ام العيال فهذه نقطة لانها مصيبة ووبال علية


ثالثا ان يكون الرجل نفسية او من الدقة القديمة الذي يركب المراه بالسياره بالخلف ويخجل ان ينزل معها وهذا من النوادر الان


اما وجودي مع زوجتي فوالله انها فخر لي ان تكون زوجتي بجانبي يدها بيدي تشاورني باختيارها وابعد عنها كل ما هو خطر من ضعاف النفوس ومحبي اذيت الناس

وصدقوني ان المراه تفرح اذا كان زوجها بجانبها لانها تحس بالامان وتجد من تستشيره في مشترياتها

صح لسانك اخوى وليد

والله ياهى مصيبه يستحى من زوجته مايستحى ويجيه الاحراج الا بالسواق تبون الصراحه حتى لوهى مسيارماحد مفتش اوراقه وبيدرى ذى زوجةمسيارولاام عياله خل عنك هالحكى السالفه ومافيه الاقلة حيا منهم وعدم وضع اعتبار للزوجه واعتبارها شى ثانوى غير اساسي ولاهومهم خروجها للسوق معه يفضل تدقها رجليه للسوق لحالها اويقطها ويرجع لها ثانيه كانها حمل اوهم على ظهر اين الشباب المتفتح والثقافه تدرى جامعيين للاسف وهاذى افكارهم بس بالله الكريم لما تكون زوجاتهم اجنبيات تعال شوف التقدير والاحترام يمشى تقول طاووس وهى بجانبه يقاله كاشخ فيها وتلقاة شايل البيبى على ايده ويشاورهافى ذا وذاك ياخوى والله اذارحت السوق تشوف العجب العجاب منهم

لوانهم يفكرون جدى ببالمرأة لرأو ان تبادل الآرا والمشاركه ممايسعد الزوجه ويعود على بيته بالاستقرار

ولاخفيك سر لوقلت لك ان بعض الزوجات لهن يدا فيى ذالك تعودة من الاول اجدعنا بالسوق واذا خلصنا دقينا عليك

يجد عنى ويروح حشا مايفرح فيها رجلي على رجله اصلن احس بوجودى وكيانى وانا معه والا ماتلزم الروحه بدونه الافى اقصى الظروف واضيق نطاق

شكرا خوى وليد لاثارتك هذا الموضوع وباليت الشباب يسمعون وينفذون ولاالشياب انتهى امرهم لوانه فيه شياب مثل العسل مايترك زوجته ابد ومدللها احسن من شباب هالوقت المايعين هههه

حياك اخوى وليد بساحة الشعروالخاطرة ولوممكن تتطلع على مشاركتى اكون ممنونه لك

الفاضلة مرأة من الشرق

بس حبيت أفيدك وأنا بكامل قواي العقلية أنني أقول قول أخي ( الفقير لكن إلى الله) دون أدنى تردد

وجيد والله ان اللي وافقك ديزوه لأنه شوفي حليله صغير بعمر الزهور

وبالمناسبة ما رايح أهاجر لأفغانستان , لأني رايح أقعد هنيّا حول النخيل بلازا عشان أنصحك لو جيتِ بحجاب مش حالك أو مشعبر أو مكعبر
تعرفين لزوم اللقافة وانا أخوك

أما ديزو فلا يلزمه حجاب , لكن يلزمه يكبر شوي ويتعلم حكم الشرع في خروج المرأة للسوق متبرجة أو دون حاجة !


أستاذي وليد الطريقي : أعجبني ما كتبت فشكرا لك .
.

بالعكس انا اوقع انها مافيها اي شي

ولاينحرج بها الوقت الا اللي ماعنده ثقه بنفسه

اسعد لحظاتي ...يوم اروح انا وامي للسوق ...وتقولي ..ياوليدي شل الغراض وحاسب راحي المحل ...
والا رحت انا واختي واخذت ماتحتاجه من السوق وانا معها ..وعادي اشوف احد من اصدقائي او غيرهم
او ممن اعرفهم ..واسلم عليهم ..اهم شي تكون اختك او خالتك..متحشمه ومتستره ,,,وغيره ..لا يهمك


بـــس الـــزوجـــــــــه ...لا ...لا ..لا
























لا اعرف عنها شي ..لاني اعزوبي .. الله يرزقني الزوجه الصالحه ..واروح معها للسوق ...