![]() |
نبض القلم
مداخلة الأخت نقد التعليم وطرحها هو ماكنت ابحث عنه في كلامي بالأضافة إلى ماورد بمداخلتك قبل الأخيره والتي حملت بعض الأقتراحات والتوجيه بجانب الثناء والمسانده وهذا مايحتاج إليه اي مسئول فالثناء وحدة قد يكون سبب للأغترار او الوقوع بالأخطاء غير المشاهده ومتى ماوجد المسئول نقداً موضوعياً لايتجاهل الأيجابيات بجانب إظهار السلبيات فتأكد بأنه سيهتم به وسيكون حريصاً على التعاطي معه مجبراً لأن النقد يتضح هدفه غالباً من اسلوبه والدكتوره رقيه الوهيبي لا اعتقد بأنها لاتطمح إلى تحقيق اقصى معدلات النجاح والأخذ بأسباب ذلك متى ماوجدت امامها شيئاً يستحق الأخذ به مساندتها لاتكون ابداً بالثناء والأنتقاص من مخالفيها بل بتسليط الضوء على جميع الجوانب الأيجابي منها والسلبي وليس الهدف من اظهار الأيجابيات ان نمتدح او نثني على المسئول وإن كان مستحقاً لذلك بل ليكون على بصيره بماهو صحيح وماهو غير ذلك وهذا الأهم بنظري المشكلة ان بعض الأخوات هنا حضرت محمله بالأحكام المسبقه فلم تعطي نفسها فرصة التحليل الموضوعي لماحدث في ذلك الأجتماع فمابين حاضرة للتبجيل والتطبيل وحاضرة للتشفي والتقليل لم نجد مانستفيد منه تحياتي |
اقتباس:
تراي قاعد قاعد احتريهن الله لا يعوق بشر !!! وافطن ان ما تعلثن لتبرير الهجّه بتدريس بزرانهن !! وهذا ما يسميه الخبراء في النقاش والحوارات العالمية بـ ( الهروب المقنع ) !!!!! |
والله اني اكتشفت ان ماعندك سالفه يانبض
يعني ماسبت منول حصه المهنا لانه زينه؟؟؟ (((((((لا والله بس مثل ماتقول مالقوا عليه شيء ومترفعه عن بعض الامور التافهه ))))))))) وعشان افهمك اكثر ابقص لك قصة حياتي اولا انا معلمه مخضرمه حضرت جاهلية واسلام وتابعية الاشراف بمعنى اني درست وتخرجت هنا ودرست بكذا مدرسه وتراي اجتماعيه عشان كذا لي علاقه باغلب المشرفات لا وبعضهن بنياتي بعد مدرستهن وللاسف الكل ينتقد شخصيه الدكتوره رقيه بل الاغلب غير راضين عنه ويعتبرونه بكلمتين وبوجهين حتى هالكلام اسمعه من المشرفات اللي يجن عندنا وتقول عدا عنك يوم اهتزت عروش المشرفات يكون بعلمك على ايام حصه ترا المشرفات كانن يتنافضن من الخوف منه ولايسون اي شي يخافن ان المديره تشكيهن على حصه ( انا سامعة مشرفة تتضرع للمديرة انه ماتقول لحصه موقف صار بالمدرسة) وترا وحده من المعلمات مره شكت مشرفته على حصه ووقفت معه وغيروا له المشرفه وترا المشرفات الآن صار مايهمهن احد !!!لا وصارن يردن على رقيه ولايخافن منه """" واكبر دليل هالرساله اللي ارسلته للمدارس كأنه تستجدي به المشرفات واعتقد ان هذا قمة الضعف ## وين ايامك ياحصه بحفل ختام الانشطه قبل 5 سنوات سفلت بوحده من المشرفات تسفيل وكان الحضور اغلبه معلمات والله اننا استبشرنا بالدكتوره بالحيل لكن ليت من عطاه من حكمة حصة ونواير شوي وتخلي عنه ترهات الامور من انترنت وغيره وتبدا من حيث انتهى الاخرون مهوب تبي تحط له سياسة جديدة ماتدري صحة هالسياسة من عدمه وتبدأ من جديد مع ناس عاصرتهم الدنيا عصر وعارفين كل شيء اتمنى انك فهمتن يانبض ولاتتفاعل .وتناظر للامور بعقلانيه شوي مثل ماعودتنا بنقاشك مع ليلى المقبل وياليت تسأل اي احد تعرفه بالاشراف عن رأيهم بالدكتوره وش الاشياء اللي به مااعجبتهم وتسمع للمشرفات مثل ماسمعت لغيرهن لان ماهوب كلهن شينات والله يابهن مشرفات انه يذرن على الجرح ويبرا من حبابتهن ولاتقول عشانهن صديقاتي ترا ذا راي زميلاتي المعلمات ومديرتي |
اقتباس:
هلا بالمهره وباكتشافاته !!!! والله اني متوقع انتس اول من تتجي هنا .. قلت هي الي خابرن عيالها مرتفعين وما يبون تدريس !!! لذلك ما يحتاج تقصين لي قصة حياتس .. لأني خابرها وما نسيتها !! بس شكلتس أنتي الي نسيتي هرجتس عن المشرفات يوم كنتي بالاشراف قبل تعضين شليلتس وتهجين منه !!!!!! ونسيتي بعد هرجتس عن المشرفات إلى منتس رحتي للاشراف لحضور اجتماع والا دورة والا الي هو هو !!! نسيتي انهن يتصددن عنتس لا تشوفينهن وتعرفين انهن طالباتس البليدات الي كانن ينجحن بالزت !!!!!!!!!!! مشكلتس الاولى يالمهره أنتس عاطفية والي تحكمه العواطف ما يعرف الموضوعية .. ومشكلتس الثانية انتس ما تعرفين شي اسمه جمع معطيات وتحليل واستنتاج ... كل الي تعرفينه هو جمع سوالف حريم مجمعة ثم اعتماد ( قناعاتهن المعلبة ) !! أنا شخصيا قيلت لي كذا سالفة عن كذا شخص بالادارة والاشراف .. ومن ناس اثق فيهم .. لكني لا يمكن اعتمد قناعات ( نقلية ) وغير ( عقلية ) بدون معطيات تثبت !! وهذا هو الفرق بين الشخص الذي يصدر عن عواطفه .. والشخص الذي يصدر عن عقله وما يتطلبه المنطق للحكم على الاشياء وتبني الآراء .. الشي الثاني اني أحس انتس مستدير راستس ومضيّعه من يوم قلتي ان الرسالة الي ارسلتها الدكتورة كأنها تستجدي بها المشرفات وهذا قمة الضعف !!!! وشلون تجي ذي ؟ الا ان كان مصدرتس الموثوق الي هو مديرتس ! شارحة لتس الرسالة من مفهومه هي وليس من منطوق الدكتورة !!!!! والمشكلة الأعظم والادهى ان كان كل علومتس من تحت راس هالمديرة الدهدره الي محطوطة سد خانه بس !!! والا وشلون تتفهم التعاميم ذي وتتطبق مضامينها لا صارت كذا تفهم ؟!!! أما حكمة حصة المهنا فوش الي خلاتس تعترفين به وأنتي بهاك المواضيع الاوله متقعدتن لي كل ما مدحته وأثنيت على خبرتها وحكمتها ؟!!! الحين بس صارت حكيمة وأنتي كل عمرتس مشرشحتها وتقولين انها هي الي هجّجتس من الاشراف ؟!!! عجيب هالتقلب يالمهره .. لا والله مهوب عجيب لأنه على ما يبدو ان هذي نظره مديرتس الي ما غير تمشين بساقتها على غير دليله !!!! أما هرجي عن الردميات فالكل هنا يعلم أني أتحدث عن الغالبية ولم أعمم .. لان من مصادر من على قولتس تذر على الجرح ويبرا !!! <<<< لا يصيرن قاسم مشترك بيني وبينتس !! |
نبض القلم
قلت بأن ذلك غالباً وليس مطلقاً ولا اعتقد بأن لي الحق بإعطاء مقياس دقيق للحكم على طروحات الآخرين ورغم اتفاقنا على رؤية واحدة تجاه تلك الطروحات والهدف منها إلا ان الأختلاف بيننا جذري ايضا في رأينا حولها !! فأنا لا استطيع الجزم بصحة رأيي ولايمكنني الأعتماد عليه كحقيقة ثابته دون وجود مايثبت ذلك لذا كان ولابد من اعطاء تلك الطروحات المساحه الكافيه كحق لأصحابها للتعبير عن رأيهم لك ماطلبت فهذا حق من حقوقك ولا استطيع منعك عنه فأنت الذي تختار طريقة تواجدك بماتراه مناسب ومامداخلتي إلا رأياً خاصاً بي لازلت اتمنى تحقيقه لكن ليس بطريقة الفرض ولست ضد الثناء والمدح لكني اعتقد بأن المسئولين حصلوا على كفايتهم منه بعيداً عن هنا والثناء هنا يجب ان يكون لمن لم يحظى بشئ من ذلك !! تحياتي |
أخواني على هونكم , والله فشلتونا عند ضيوف المنتدى !!
ليش كل من يجلس على كرسي قيادي على طول تعرمشونه ولا تعطونه فرصة لأثبات وجوده ودوره في بناء المجتمع ؟؟؟؟؟ سولاف .. المهرة .. الصقهاء ..ام البرحي .. مادري نسيت الباقيين لماذا كل السب بمديرة الأشراف د. رقية الوهيبي ؟؟؟ ولماذا تقيسون على عدد المشاركات بالموضوع اللي يسبونه أنها ماتنفع ووووو ؟؟ ياأخواتي ترى أغلب المشرفات الفاضلات النزيهات والمديرات القديرات لا يكتبن ولا يقرأن مافي الانترنت ومع ذلك يمدحن شخصية مديرة الاشراف وتعاملها ويعطنها فرصة للنهوض بتعاونهن معها (( وليس نقيس أن الشخص فاشل أو ناجح بعدد الردود المؤيدة أو المعارضة له)) فهناك من لايدخل أو لايشارك اصلا في الرد بالانترنت , هذا تذكير لمن تقول أن أكثر الردود تسبها!!! أختي الذاهبة : تعجبني كتاباتك .... ولكن استغربت ردك هذه المرة بتأكيدك أن التي تكتب وتمدح الاجتماع هي الدكتورة !!!؟؟؟ ماهو استنتاجك ؟ ليس كل من يمدح شخص لابد أن يكون هو اللي يكتب عن نفسه فلنرتقي بفكرنا عن هذه المهاترات الصبيانية فهذا حقل تعليمي جميع من فيه متعلمين أخوتي مديرتنا حضرت الاجتماع واخبرتنا بالمحاورالتي نوقشت فيه وكانت معجبة جدا باسلوب رقية الوهيبي في الطرح وتقول أنها صريحة وذكرت المخالفات التي تقع فيها المديرات والمعلمات مع الطالبات وركزت على حسن التعامل مع الطالبات وووو مادري وش الباقي من اللي قالته مديرتنا عن الاجتماع لكن اللي اذكره أنها تطرقت للرسالة التي وجهتها مديرة الاشراف للمشرفات وتحسب أنهاوصلت لبعض المدارس ومديرتنا تقول ماشفنا الرسالة وماندري وشو مضمونها وكلنا يالمديرات بالاجتماع قلنا لرقية ماوصلتنا الرسالة . المهم أن مديرتنا تقول استفدنا من الاجتماع وذكرتنا بأشياء مهمة . وأنتم في ردودكم تخالفون في الرأي ومع اختلافنا في رأينا بمديرة الاشراف فلا يفسد الود بيننا . ولكن ماذا قدمنا نحن في مدارسنا لطالباتنا ونحن كاملين حتى نسب الاخرين ؟؟ لو فكر كل شخص أنه تولى منصب قيادي ماذا سيفعل ؟؟ وماهي الانجازات التي سيسعى لتحقيقها ؟؟ ووو فليقدمه لطالباتنا وهو في مكانه الأن سواء معلمة أو مديرة أو مشرفة . نبض القلم .. عبدالله الحلوة ... نقد التعليم .. عيون الصقر .. والباقين ... ردودكم منطقية وفي الصميم واطروحاتكم مقنعة مع ملاحظتي على مشاركات الاخت نقد التعليم أنها ناقدة ومشرشحة لكل شخص تنقده ولم أراها امتدحت أحد واشادت بجهوده بقدر نقدها اللاذع والمحرج للأشخاص المنتقدين أخي نبض القلم ردودك ومشاركاتك السابقة هادفة وممتعة .أما الأن فهي باردة ومقلدة هل سرق معرفك ؟؟ أم يشاركك أحد في المعرف؟؟ |
والله موضوع اخذ اكبر من حجمه
وش الجديد قولوا لي ها ه هاه مثل ماتقول المديرة صديقتي طنش تعش تنتعش |
بسم الله على رويسك يانبض تقل بك دوره
اولا انا مادخلت الاشراف عشان اطلع منه وان رجعت لمشاركاتي تشوف ان الاشراف طلبون كذا مره وقلت معصي لاني مبسوطه بمديرستي اما بالنسبه للمشرفات به مشرفات بليدات وبه متعاليات ولكنهن القله ولله الحمد وبعدين انا ماتعجبن حصه ولا احبه بعد لاني كل ماصار حفل اولقاء اوبالتصحيح لادارت علينا لازم تهوش وتفشل احد وتشرشحه. وتمشي بالواسطه اما من ناحية حكمته فهي حكيمه ماتتطرق لسفاسف الامور وماتقدر تخلي احد يغلط عليه بس تطعن بالظهر يعني(يعطيك من طرف اللسان حلاوة ويروغ منك كما يروغ الثعلب ) وبعدين انت وش شفت على رقيه يوم انك تمدحه !!!!!!!!!!!يعني من حصه لرقيه نفس الشيء بعدين ترانا عارفين رقيه منذ كانت مديره للمتوسطة 15 وعارفين سواياه وحقده على الاشراف يشابه حقدك بالضبط على الاشراف بس ترا مااقول انك انت رقيه!!! لا والله مااقصد بس يجمعكم شيء واحد كرهكم للاشراف والمشرفات ..... فاعقل الله يصلحك واسمع الهرج ولاتغلط على مديرتي تراه غالية عندي بالحيل الا على طاري الاختبارات ماتخبر مرة لوليدي ,,,تخرج الله يصلحه وبلشت به ياحليلك يانبض وانت تبين انك ذكي |
00000000000000000000000000000000000000000000000000 0000000000000000000000000000000000
|
انا احس ان ام عبد الكريم هي الصاجة
ههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هه ملقوف صح لكن كل واحد وله وجهة نظر |
الساعة الآن 02:13 am. |
Powered by vBulletin® Version 3.8.8 Alpha 1
Copyright ©2000 - 2025, vBulletin Solutions, Inc. Trans by
موقع بريدة