|
[align=center]
اقتباس:
صباح الخير اختي هامة ليس كل الرجال ينطبق عليه بمعنى ان بعض الرجال يصعب عليه التطبيق بالامر من زوجته ،، اوكي تعالي يازوجتي بأسلوبك حاولي اني اتعدل بالتعامل ومع المحاوله يسهل الامر بس لا تجين تقليلي شفت الشيخ يقول كذا ... وانت ليش تعاملك كذا .. بعض الرجل يحتاج حيله وليس امر فهمتي ؟ هذا اذا فيه أمال لتغيير مع بعضهم على العموم انا عندي مثال على احد الشخصيات القريبه مني ،، بس بقولها بعدين لان وقتي ضيق [/align] |
السلام عليكم
ابن ابيه ... تريد المرأه واجباتها ،، مثل ما يريد الرجل واجباته وحقوقه وخطاب الدين سواء من المشائخ وغيرهم ليس سوى تنوير لعقلية وفهم المرأة للواجبات التي لها وعليها ...وان كان التركيز حاليا على ما لها ، فذلك لكون المرأة المسلمة بوجه عام سارت وهي تستقي حقوقها (( ان كان ثمة حقوق )) من العادات والتقاليد ... ولا انسى ان المتلقي تختلف طريقة تلقيه ...وهذا ليس من واجب الملقي مراعاته ... واسمحلي ان زوجة صالح ( : .. ما عباراتها التي ذكرت الا شجاعة منها وحرص على كيان اسرتها ... فتأمل معي . (الشيخ فلان يقول إن الرجل لازم يخصص وقت لعائلته يجلس معهم ) ، (الزوج الصالح لازم يتلطف مع زوجته ويعاملها برومانسية ) ( الإنفاق ليس تفضلاً من الزوج وليس منة ، بل هو واجب ) ( الجلوس في الاستراحات ، وإدمان السهر تقصير في حق البيت والزوجة ) ( بعض الرجال يدع أولاده كالأيتام ) ربما ما بالأحمر يثير حفيظة جنود الاستراحات ( : كلامها جدا معقول من انسانه تحاول الحفاظ على بيتها وابنائها ... ربما تكون زادت الجرعه يوم السوق ( : مما جعل صالح ... (يهذ لك المسباح ... )بتلك الدقائق ... ثم الا تلاحظ معي ايضا انه وخلال دقائق ذكر التعدد وانه الحل لحال زوجته ،، ولا ادري اين ذهبت الحلول الاخرى ( : وهل اذا عدّد ... سيصلح حاله ... موضوعك متشعب جدا والحكم على المشائخ من خلاله حكم ساذج ... ( : ابن ابيه شكرا لك أختك سيكـلـ ـه |
اقتباس:
الكلام للجميع طبعاً ،، الحين كل السنين مبحلقين بالممثلات العاريات وتكاد لا تخلوا إستراحه من القنوات وتسافرون لكل بلد وتشوفون على الطبيعة واذا قالت الحرمه شي ،، تعال شف الرد كأنها ارتكبت جريمه !! ويوم طلع شيخ وااااحد رزقه الله جمال في الشكل والأسلوب ولابس ثوبه وشماغه يسعى للخير ،، حقدوا عليه الرجال وصار يتمكيج !! إعترفوا إنكم غيرانين منه وحسوا بحريمكم ،، ولا تنسوا أن لحوم العلماء مسمومه ،، |
زين اللي صفت على مشايخه وعلى اشياء تكون واقعيه الى حدٍ ما البلا اذا صار اللي خربه تمثيليات ومسلسلات وافلام وبدت تقول اليوم (عــيــد زواجنا) وبكرا (عيد خطوبتنا) او تعال نرقص سوا على موسيقى هاديه ورومانسية |
اقتباس:
ولماذا النساء لايفكرن بهذا الموضوع وترتاح من الرجل يوم وراء يوم |
[align=center]
http://filaty.com/i/710/f3dd562.h---11.gif اقتباس:
http://filaty.com/i/710/f3dd562.hh----2.gif [/align] |
[align=center]
اقتباس:
وحده من الاقارب متزوجه رجال اغلب وقته في المزرعه ، ودايم هي مع عيالها بالبيت بالحالهم ، لان زوجها يجي كل خميس وجمعه عندها وباقي الاسبوع بالمزرعه .. اغنام وحلال ومزارع كثيره يقضي معضم وقته في المزارع وحاط زوجته في بيت عادي جدا بالديره .. المهم انه كان يودي زوجته عند اهلها وكانت زوجته تقول لخواتها ان زوجي ريحته غنم ودايم تعبان ،، طواااالي خواتها يتطنزون فيها ويتمسخرون عليها ويقلون انتي كيف صابره عليه ييييع .. وسيارته مو كشخه مع انه غني .. البنت حز في خاطرها طريقة زوجها ،، ولما جاء زوجها ياخذها من اهلها بسيارته الهايلوكس رفضت تطلع معه وقالت خلاص ما ابيك .. جلست بالبيت وقالت حق ابوها انا خلاص ما ابي هذا زوج لي لان عيوبه كثير .. والدها من النظام القديم >> نظام الاجباري ضفها مع شوشتها وعلى بيت زوجها واعتذ من زوجها وقال ترا البنت صغيره وخواتها لعبين في راسها لما رجعت وعرفت ان هذا نصيبها قررت ان تحاول بالتعديل من زوجها ، ماتتخيلي كيف عانت ومع هذا الحين مافي زوجه من اقاربها حصلت ربع راعي الاغنام هذا .. الحين زوجها مسكنها قصر يطرد فيه الغزال ، ويبات عندها يومياً مع انها كبرت بالعمر الا انها حاولت معه وكانت محاولاتها ناجحه ، هذا غير الخدم والحشم الي عندها .. زوجها يقول والله اني اصبحت لا احب الخروج من البيت اطلاقا ، بل افضل الجلوس بين اولادي وزوجتي فأني احس بوله عندما اغيب عنهم .. وهذا الرجال انا اعرفه والله العظيم اشياء ماكنت اتوقع انها تتغير ومع هذا غيرتها زوجته مع الوقت .. هذا غير طبعه الحاااااار جداً ولا يحتمل اي نقاش او تفاهم .. صدقيني الحريم كيدهن عظيم بس مشكلت المرأة في هذا الوقت ليست مثل المرأة في السابق تكافح وتحاول وتخدم وتخضع وفي نفس طيبه الجيل هذا جيل الـــ ياااااااي لو تقول للبنت شي قالت اقول ودني بيت ابوي يدلعني وبلا مذلتك .. تبي مطاعم ، وتمشي ، وتبي سفر ، وتبي فلوس للسوق ، وتبي احترام ، وتبي فراش دسم .. وهنك ترفع لسان بشي ،، الدين ينصف المرأة وخلك رومنسي ياروح امك >> لا تعليق .. اوكي انا بتغير بس مو بالسرعه هذي . ومن مشاهدة برنامج بتجي زوجتي تطبق فيني وتبي استجابه بيوم وليله ،، لازم البنت تكافح مع زوجها حتى تنال مطلوبها [/align] |
( من يرسم خطة حياته بوردة حمراء سيعيش أبد الدهر في غبطة وسرور ) ومن ( يسن قلمه بشوكةٍ فليتجرع ألمها جيداً ) الكثير من الأزواج يعتقد أن الزواج هو عبارة عن فرض سلطة ، وأن الزوج المؤنس لزوجته إنما هو ( رخمه وزلابه ) عند أهله .. وهذا إعتقاد خاطئ .. بل من حق زوجتك تفهم حياتك والعيش معك بِكل جمال كما أنت تراها جميله ! الكرم ( صفة المدح الكبرى ) .. ومن خلال كرمك يتبين مقياس حبك لزوجتك .. فا أعطها من المال وراح تتملكها كل أبوها .. وراح تكون لك زوجه صالحه وسامعه وناصحه ! ترى الحرمه تموت ثم تذوب لين ( تغدي ) صينية ( باشمل ) بين يديك إذا شافتك تمدحها وتغري أنوثتها حتى لو كنت تكذب عليها منتب خسران . وبعض الحريم - الله يهديها - من تشوف زوجها سارحن عنها بعيد .. وهي مباشره ما تفكر إلا أنه راح ياخذ عليها أو أنه جالس يفكر بوحدتن شافها بالشارع .. ومن تشوفه وهي تخمطه بسؤالها السقيم ( علامك يافلان .. وش انت تفكر فيه .. ياللي فيك وياللي مافيك ).. وتصير الدعوه صيحه ونيحه ونقره ! الزبدة .. الثقة مبدأ .. والمبدأ هوَ علامة الرسم الصحيح للحياة الجميله . مبدأ ( الشك ) في زوجك وكل ماطقت ( حصاة بعود ) قامت تهذري وتوسوس في زوجها .. فهذا يهدم ماُني طيلة أيامهِم الجميله .. اعقلي يامره ودعي الشك عنك يامال الملاس على ظهرتس . فقد تكبد التعب والمشقه لكي يوفر لُقمة العيش لبطنك ولعيالك ! كح كح مزقوم |
موضوع يستحق الرفع
|
ياناس لا توحشوننا ما نعرس
لو كل واحد يعرف إن فيه شي عليه كما أن فيه شي له لتعدلت الأموورر لكن طبيعة البشر الضجر وعدم الرضى |
اقتباس:
|
اقتباس:
وما سمعت عن حقوق الزوجه لمين جت الفضائيات ومهب كل الفضائيات تجيب هالشي ماهي حقوق الزوجه على الزوج ؟؟ |
إبن ابيه اسعد الله اوقاتك بكل خير
موضوعك مهم جدآ ,,ويحتاج للصراحه والحياديه لان الصدق يريح كما تريح اشراقة الشمس بعد المطر،،،،،،، أنت عارف ان فينا يامعشر النساء صنف تصر على ان يكون زوجها زوج نمووووووووووووووووووووذجي وننسى تقصيرنا>>الله يحلنا منهم وعزالله تمر احيانآ ظروف ومواقف يدمحون الزله او يتحكمون بشاعرهم ان صح التعبير وعلى النقيض ردود (بعضنا )حيال تلك المواقف دمت في حفظ الله |
اقتباس:
|
اقتباس:
ها ها ها |
| الساعة الآن 02:37 am. |
Powered by vBulletin® Version 3.8.8 Alpha 1
Copyright ©2000 - 2025, vBulletin Solutions, Inc. Trans by
موقع بريدة