|
تشهير وقذف ورمي بالكلمات والجمل المنمقه وذكر أدله وبراهين وكل هذا كان على سبيل الظن فقط
لمجرد سؤال احدى العاملات نعمل من الحبه قبه ونشهر هنا بالصفحات دون التأكد أرجو التريث قليلا قبل طرح مثل هذه المواضيع لأن فيها أرزاق ناس ولا نريد أن يكون أي منا سبب لقطعها لمجرد الظن اسمحي لي اختي اشراق من وجهة نظري لم توفقي بطرحك للموضوع . |
مو غريب على مجتمعنا الصغير , لقافه ومن ثم قذف ومن ثم تشهير
الكلام عام عن العادات السيئه الموجوده عندنا لا لموضوع شروق تحياتي |
قرات الموضوع
و قرات الردود و استغربت امرين .. = اتهام الكاتبه انها قذفت صاحبه المشغل و هذا ماورد في موضوعها .. اقتباس:
و صاحب المشروع لابد ان يكون حدد خطه مشروعه و نشاطاته , فهل اقامه مثل هذه الحفلات من ضمن نشاطاته ؟ و اذا كانت صاحبه المشغل و لاتدري عن نشاطاته و لا تتابع العاملات فهذه ايضا مصيبه ! اما اذا كانت العاملات استغللن غيابها في الفترات التي لاتتابع المشغل فيها فهذا تنبيه و ابلاغ لها . = الامر الثاني .. ان بعض من ردوا شككوا بحرمه الاحتفال بعيد الميلاد و بعضهم اعتبرها حريه شخصيه و بعضهم اعتبر الامر عادي و الاخر اتهم الكاتبه باتهامات ... !!! لانها استنكرت و انكرت عيد الميلاد و بعضهم مارس هوايته في النيل من البريداويين و القصمان ..!!! و قد رد اخي وضوح في الرد 26 رد كاف واف على هولاء . احتي اشراق اكبر فيك غيرتك و اجمل ما فعلته هو انك كتبت في الملاحظات في المشغل فهذا واجبنا عكس ما يفعل البعض من السلبيه في المواجهة ثم الاختفاء بمعرفات تكتب في النت فقط , فلو اكتفيت بموضوعك هنا في منتدانا دون القيام بخطوه عمليه لكان تصنيفك ممن يزيدون مشاركاتهم فقط . اكرر شكري لك و نتمنى ان نرى رد من اداره المشغل بالتواصل مع مسؤلي العلاقات العامه في منتدانا . |
أماسي ونص
شفتي مره ثانيه الله يعافيك لاتجزمين وتكذبين الناس وانتي ماحددت اليوم يعني مافيه الا عزيمتكم ومافيه الا يومكم بعدين ياأماسي تقولين أن العاملات يحسبونه وانا أقولك العامله اللي سألتها تقول حنا منظمينها كيف ياأماسي مايعرفون وهم هم اللي منظمينها كان نهاية الحفله على الساعه 10 ونصف الأخ خالد شكرا على ردك وعلى أنصافك أنا فعلا آخر ماأفكر فيه أتهام الناس بغير دله وبغير وجه حق وأنا عمري ماكتبت شي عن طريق وكالة يقولون أنا شفت هالشي بعيوني وسألت العاملات بنفسي واللي خلاني أكتب هالموضوع لأني تسائلت لأنه خفت يكون هالشي منظماته العاملات من دون علم صاحبة المشغل لأنه صاحبته يشهد لها بالخير والصلاح لو ترجعون لمواضيع اللي تخص هالمشغل بالمنتدى أبان افتتاحه كنت أنا من المدافعين عنه وعن افتتاح هالمشروع وأنا من المؤيدين لافتتاحه وضد محاربة ماهو جديد اذا كان لايتعارض مع الدين لكن بعض الأخوه والأخوات اتهموني واقدفوني بكلام لايليق ومع ذلك مازلت محترمه مع كل اللي غلطوا كل هدفي من هالموضوع أن أرى وجهة نظر صاحبة المشغل بين التأييد والرفض وأي سؤال أو استفسار من قبل لجنة العلاقات العامه انا حاضره والأخوه والأخوات اللي يقولون حريه شخصيه مانقول شي حريه شخصيه لكم بس حنا من حقنا إنكار المنكر |
[align=center]إشراق..
اقتباس:
تمنيت أن تعملين بما به تنادين..! تحيتي,,,[/align] |
اللهم أحمنا من الفتن ..
|
اخت اشراق انا ماسمحلك تتهمني اني اكذب انا حددت اليوم وياليت ترجعين للصفحات الي قبل وتشوفين ردي
والعاملات يقولون لك انهم هم الي منضمين علشان يكسبونك يعني انهم فاهمين لاكن الحفله حنا الي منضمينها وكانت حفلة زواج وانا متأكده انك تقصدين حفلة الأثنين لانهم هم زعلو يقولون حنا المفروض الي نزين الحفله مو انتم وهم الي عليهم يوفرون لك المكان فقط وللمره الثانيه ماسمحلك تقولين تكذبين الناس انا ماقلتلك انك تكذبين انا قلت تقصدين الحفله الي كذا وكذا اذا هي تراها مو عيد ميلاد واذا انك ماتشوفين الردود زين فهاذا مو ذنبي |
العبرى
لو سمحتي ياختي على أي أساس قلتي ياليت تعملين بما تنادين جيبي الرد اللي قلته يدل على عدم احترامي للمتحاورين معاي أذا كنتي تقصدين ردي للأخت أماسي ونص أنا بس عاتبتها أنه ماتجزم على طول أنه مافيه الا حفلتهم بس وهي ماحددت اليوم ولاشافتني محدده اليوم لانه على ردها بدت الردود تتهمني بالشهابه واللقافه وقدف وتشهير ليش ماسألت أي يوم بعدين جت تتكلم عن حفلتهم مو على طول تقول حفلتنا وانه ماهو عيد ميلاد لانه طلعتني كذابه قدام الناس وهي مافيه لامن قبلها ولا من قبلي اي تحديد وتمنيت منك يا أخت العبرى ترتقين عن المهاترات لأنه كلمتك ياليت تعملين بما تنادين تزعل وتنقص من احترامي وطلعتيني اني مااحترم أحد والله يسامحك أماسي ونص أختي أنتي محشومه وحاشاك وأنا آسفه كان الأولى أنك تسألين عن اليوم قبل تجزمين وكان الأولى مني أني أقولك بردك طلعتيني كذابه قبل تتأكدين ولا أقولك لاتكذبيني وآسفه مره ثانيه وهالحين بنزل رد يحسم الموضوع كله وسآمر بأغلاقه |
إشراق..
لم أقصد ذلك مطلقاً..ولا يعنني الأمر.. لكن مداخلتي الأولى كانت مجرد إستفسارات ونقاش لكِ ومع ذلك تجاهلتيه وكأنني أخطأت بحقك.. وأعني ردي كان محترماً..ألا يكون من حقي الرد علي..كإحترام على الأقل حضور..! لايهمني شكر ولا غيره حين أرد على أي موضوع كان لكن لا أحب أن تنتقص حروفي وكأنها غير محترمه..! إشراق هو رد أدرجته.. ولا يعني أمراً آخر.. رد هنا وفقط.. ولا أحمله لأي خارج كان.. :) تحيتي لك,,, |
بسم الله الرحمن الرحيم
إلى الأعضاء أخواني وأخواتي في منتدى بريده الكرام وإلى كل من قرأ هذا الموضوع حرصا مني على المصداقيه بالطرح وعدم الظلم لأحد أيا كان وقبل كل هذا لا أود اتهامي بالكذب والتشهير ولمعرفتي بما تتميز به صاحبة المشغل من تدين وأخلاق فاضله ويشهد لها بالصلاح قمت مرة أخرى لزيارة هذا المشغل في هذه الليله وتحدثت مع نفس العامله اللي قالت لي أنهم منظمين حفلة عيلاد ميلاد بأنفسهم ورجعت وسألتها هل أنتم نظمتوا حفلة لعيد ميلاد قلت بأمر مِن مَن ؟ وحطي في بالك ترى السالفه فيها موضوع بمنتدى بالانترنت يطلع عليه القاصي والداني وجميع ابناء وبنات بريده وخارج بريده ومنهم من لايرضى بأقامة مثل هذه الحفلات؟ وسيصل الموضوع الى مشاكل لاسمح الله قد تضع المشغل وصاحبته في موقف حرج عندها قالت أنا كنت بشوف الحفله ومظاهر الأحتفال تورتات وشموع سألتهم قالت لي وحده عيد ميلاد وحده من صاحباتي وهم بيضحكوا بس بعدين عرفت أنه حفلة تخرج أو نجاح أو مابعرف أيش قلت ليش قلتي لي أنه حفلة عيد ميلاد قالت لي العامله أنه بعد ماطلعتي قالت لي زميلتي بالعمل أنه مو عيد ميلاد هم قالوها بيضحكوا عليكي وهالشي قالته لي زميلتي بعد ماطلعتي قلت أنا لها ليش تقولين أحنا اللي منظمينها وأنا طلعتي ماتعرفين عن الحفله شي قالت أحنا هيئنا الجو واحنا اللي هيئنا المكان وأحنا اللي خدمناهم بكل شي وفيه سبب ثاني أنه أي أحد يبغى ينظم حفله من أي نوع بتكون تحت أشرافنا وعشان تكون ببالك قلنا أحنا اللي نظمناها سألتها قلت صاحبة المشغل عندها علم لو كانت عيد ميلاد ترجعون لها وتتسأذنون لها بأقامة الحفله قالت العامله ليش هو ممنوع عيد الميلاد قلت فيه أحد يرضى وفيه أحد مايرضى وفيه من يعتبره الاحتفال لايجوز بدعه مبتدعه وتقليد أعمى وهو كذلك وفيه أحد يرى أنه لا بأس به لكن الأصل عندنا أنه دخيل على مجتمعنا ونستنكر هالفعل ونراه ورأي الأغلبيه بأنه لايجوز قالت صاحبة المشغل تسمح بالتجمعات النسائيه داخل المشغل والزيارات وتجمع الصديقات لكن لم نتطرق لعيد ميلاد بس مادام هيك رايكم برا أكيد بترفض لأنها حريصه على الدين ومتدينه ,,,,,,,,,,, بعدها طلعت بعد ماريحت ضميري وراح أطالب بحذف هذا الموضوع بعد قراءة هذا الرد من القراء وان شاء الله هنالك اتصال لصاحبة المشغل وأعتذار لها بسبب كتابة هذا الموضوع وأخبارها بحيثياته سأطلب منها أخبار عاملاتها بما تريده وبما تمنعه وشهاده لله مني أني رأيت الحشمه والتستر بالنادي الرياضي ولم تضع في المقهى مايثير الريبه والشكوك وأرجوا من الأخوه والأخوات عدم أطلاق الألسن بالألفاظ الجارحه والمسيئه وأن يكونوا محضر خير لا محضر شر وعدم اشعال الفتنة بين المتداخلين وأرجوا من المشرفين حذف الموضوع بعد يوم أو يومين أو كما يرونه مناسب لأنه تبين سوء الفهم واتضح خوفا من يقرأ بداية الموضوع ولا يقرأ هذا الرد التوضيحي وشكرا |
أختي العبرى
أنا آسفه وحاشاك أنه يكون عدم ردي ومناقشتك تقليل من احترامك لا والله لكن لاحظتي بعد كثرة الردود بديت ماأرد كل رد على حده وأناقشه مو بس ردك وردك على العين والراس وعلى راسي من فوق أشكرك على مرورك وعلى مداخلتك وأعطائك متصفحي من وقتك لك كل الشكر والتحيه والتقدير وأرجوا أنك ماتفهمينها عدم أحترام لك لكن يمكن ضيق الوقت وانشغالي بحسم هذا الموضوع بدأت ماأرد ولاأداخل على جميع المداخلات وليس تهميش لشخصك الكريم تقبلي مني كل التحايا والترحيب ومجرد مرروك ووضع بصمتك في متصفحي شرف لي حتى لو لم تكن في صالحي فأنا أحترم كل الاراء وأتقبل جميع وجهات النظر اذا كانت من غير تجريح وردك كان قمة في الاحترام لي لايعني عدم تعقيبي لردك تجاهل لا والله وشكرا لك |
دايم السرعة عواقبها وخيمة وياكثر اللي يسرعووووووون وهم يضربون بواري بعد !!!!!!!!! واذا سووو حادث قالوا مادرينا بس الشجاعه في الاعتذار تمسح ماصار |
جميلة هي أخلاقك يا أخت اشراق والأجمل منها ضميرك الصاحي وعدم التزمت بالرأي ولم تأخذك العزة بالإثم بل إن توضيحك الأخير بين لنا نبلك أيضا أرجو أن يكون هذا الموضوع موجود دائما وأطالب بعدم حذفه حتى نتعلم منه جميعنا ونتعلم الا نتسرع وكذلك أن نبحث عن الحقيقه ونعتذر إذا أخطأنا .
أكرر شكري لك واجلالي واحترامي |
جزاك الله خير
|
اختي اشراق
احسنت الفعل بمخاطبه عاملات المشغل لاستجلاء الحقيقه كل الشكر لك و ساضيف في بدايه الموضوع تنويه بانه تمت زياره المشغل للاستفسار في الرد رقم 55 |
| الساعة الآن 12:50 am. |
Powered by vBulletin® Version 3.8.8 Alpha 1
Copyright ©2000 - 2025, vBulletin Solutions, Inc. Trans by
موقع بريدة