|
[size=6]أسباب غير معقولة ولا مقبولة !!!! على الاطلااااااااق !!! نهي نهي نهي !!!
والاخوان كفوا ووفوا وقالوا الي كنت أبقوله بدءأ من تحذيركم لهالمالغات الي يتميلحن وكأنهن يستعرضن على عينك يا تاجر !!!!! وانتهائا برد الشماسي وحلوله الي حطه لكم بكل بساطه !!!! أما انكم تتخطروا الخاص للجميع لان حدا هالسفل انكر انه تحركش بوحدة من العضوات فماهوب مقبول أبد !!! ودوروا لكم أعضاء هنود يصدقون هالأسباب ويدخلونه بروسهم الي تقطر زيت !!! وبعدين حتى استداراكاتكم بعد غير مقبولة ولا تدش المخيخ !!! يعني وش (((( يضمن ))))) لي أنا وغيري من الاعضاء انك انت يالرمادي أو انت يالزعيم منتم داخلين رسايلنا ؟؟؟؟ يعني بتولع مثلا عندي لمبة حمراء تشير ان رسالتي مدخول عليه ومتعورينها ؟؟؟؟ بلاش بكش تكفوووووون والشرافة هي الشرافة وبلغة عنيزة تدعى البلاغة !!!!! مهما اسبغنا عليها من مسوح الاشفاق والفزعة لمن استنجد !!!!!!!!!!!!!! وبعدين هالي تجيها رسايل ما تعرف ان فيه شي اسمه مسح وسهج ؟؟؟؟؟؟ لازم يعني تاخذ وتعطي وتنصح .... وبعدين تروح تشكي ؟؟؟؟!!!! علموهن عن قائمة التجاهل طيب كحل ثاني ان طالت الدعوى !!!! <<<<< هذا على افتراض اني مصدقكم ترى !!! الرمادي تعال شوي أبيك بكلمة راس على العام لأن الخاص ما عاد خاص !!!! أنت خابر سالفة الي فتح موضوع ينصح به الي يغازلون قبل مدة وأثار الغبار أو بالاحرى كشف الغبار عن ان فيه تجسس على خصوصية الخاص ؟؟؟؟؟؟؟؟؟ من وقتها وانا غاسلن ايدي بمسّكة من شي اسمه خاص !!!! |
خطوة رائعه جداً
وثقتنا كبيرة بالجميع ان شاء الله وحرصهم لما فيه من المصلحة العامة فشكرا لادارة المنتدى |
ترى الشلليه غزت منتداكم بشكل كبير حتى جعلت منه منتدى خاصا لهم كل واحد يرد على خويه !!
ترد على صاحب الموضوع ولاتدري إلا خاطمين خوياه بالرد عليك ,,, وليتهم يناقشون ردك بل يحاولون التهريج والاساءة الى من اختلف مع صاحبهم ,,, فيه اقتراح افضل واعتقد اسبقوني بعض الاعضاء تسكير الخاص افضل نهائي |
طيب يالشماسي
أنا أقدر أرسل شكوى مرفق فيها صورة رسالة اللي توهق وأرسل لي لكن بعد تعديل ( بريء ) للنص وش خلا الصورة بدون ( اصطحاب ) الأصل يا اخوي ما تنفعنا من عرفنا الدنيا إلا سبة ها التزييف البريء يعني شوفو حل ثاني ياللي اعترضتوا على القرار |
[align=center]
اقتباس:
أنت أهم شيء صف النوياء والباقي نتفق عليه بعدين!! يعني لاتظن أن اللي اعترضوا هم راعين غزل أو لهم علاقات مع بنات بالمنتدى !! وأضف إلى ذلك يوجد منتديات تسهل لك العملية بدون أي تعب !! وتوجد قنوات فضائيه على التلفزيون خاصة بالتعارف ؟؟ وش انت يامنتدى بريدة اللي صارت رسايلك الخاصة مصدر للغزل((مصدق انت يابراق1)) يعني علشان مشكلة وحدة اوثنتين حطيتو منها أنكم بتقضون على المشاكل كله ويصيرون الأعضاء كلهم تحت الرقابة؟؟ المسألة ياعزيزي أن العضو له خصوصية فعلى أي أساس تسلب منه؟؟ هل هي مجاملة لأجل يوزر ((نسائي)) رفع شكوى والادارة وقفت عند مشكلته وعجزت تحله مثلا!! حتى ابوفهد بنفسه يقول لن يفتح على الرسائل الخاصة ولن يطلع عليها إلا بحالة تقديم شكوى!! لكن المعذرة يالأدارة وين الثقة اللي بينك وبين الأعضاء وين احترامك لخصوصياتهم؟؟ بهذي الناحية لنا الحق بالاعتراض وللأدارة الأحترام ا؟؟ تقولي يا استاذ براق1 مسألة تعديل النص تعالوا يالمعارضة ترا براق1 هو اللي بايع عليهم الهاك ويبي يمشيه علينا :18[1]: طيب ودي اعرف منهو هاللي بيتبلاك لدرجة كتابة شكوى ومضيع وقته علشان يتهمك بحاجة زي كذا ؟؟ حبيبي مادري هل المشكلة هذي وصلت إلى درجة أن ابوفهد او الزعيم وباقي الادارة مايقدرون يتصرفون ويبحثون عن حلول ثانيه!! عادي مثال آخر لعيونك يابراق1 نقول ونفرض مثلاً أن ابوفهد جته شكوى مره ثانيه وفيها مرفق لصورة وجت من فلان من الاعضاء عن طريق الشماسي مرسل الرسالة مقدم الشكوى اللي هو فلان دام أنه صادق في شكواه عنده الجراءه لو طلب منه رقم يوزره يرسله للأدارة ولأبوفهد الحق بالتأكد من الشيء هذا والطلب من كل الطرفين لو لزم الأمر إذا تأكد فعلا يقوم ويشوت الشماسي بوز وكرت احمر لاعاد تعتب يالشماسي على بريدة كوم احش رجليك على اعتبار ان السالفة كبيره تستحق من ابوفهد يتصرف هالتصرف بس قلي انت متى بيجي على المنتدى شكوى من هالنوع العقوبة فيها تعني الاستغناء عن احد الاطراف:ash: ويابراق1 فيه حلول ثانيه إذا ما أقتنعت !! لكن ماأعتقد أن أغلب المشاكل في منتدى بريدة كلها من الرسائل الخاصة أو ان هذي الرسائل سببت لأدارة المنتدى عقدة وعكسية ترا فيه مشاكل أخرى ربما ادارة المنتدى تعاني منها اكثر من مشاكل الرسائل الخاصة للمعلومية فقط!! وعادي مستعد أصير بديل عن الهاك واخرب عليك الصفقه حقت هاك ((الشرافة)) وأطلع لكم الحلول العويصة بس كل شيء بحقه وابصير ارخص من براق1<<<تراي امزح ولاتحط بخاطرك ياعسل:D شيء أخير ولو اني طولت عليك مثل أن هناك حلول أخرى تغني عن استعمال الهاك توجد ألف طريقة وطريقة أيضا للتحايل وتنفيذ وصناعة المشاكل والبلبه مع الأعضاء والعضوات وهذا الهاك نايم بالعسل ومع التحية[/align] |
اقتباس:
أخي العزيز عبد الله طلبت حلا للمشكله كما هو معروف بأن البينة على المدعي فمن يدعى أزعاج بعض الأعضاء له عن طريق الرسائل الخاصة بأمكانه أن يخبرك برقمه السري وتقوم بتسجيل الدخول بمعرفه وتتأكد من دعواه و الشكوى المقدمة منه إذا كان هذا فعلا هو الدافع الحقيقي للإطلاع على رسائل اللأعضاء الخاصة تحياتي |
الرسائل الخاصة بداية السقوط في الهاوية
علشان كذا قرار ادارة المنتدى قرار موفق واتمنى إلغاء خدمة الرسائل الخاصة كلياً |
ذا فري مان ...
من جد جبتها .. يا شيخ والله انك عفريت ... سديتها في وش الشرافة !!!! بس عاد من جدكم مصدقين ان كل هالهلمة عشان يوزرات نسائية مشتكية ؟؟؟؟؟؟؟ الله واكبر عاد يالفزعة !!! وينكم من المشاركات الي تتهم اتهامات صريحة وتسب سب علني لأسماء معروفة على الساحة ؟؟ وأنا أولهم طبعا بموضوعي السابق ؟؟؟؟؟ وينكم ما تحذفون وتحررون وتحققون ؟؟؟؟ قلنا مئة مرة ان فيه ألف حل وحل للعضوة حتى تردع الي يتحرش فيها من دون ماهي تصعد الموضوع : يا ادارة تراي مهمة !!! ويا ادارة تراي من حلاتي الناس تتحرش فيني وفيه أحد الا ويزعجني !!!! وهات يا انواع المصاخة والتمسح بالمشرفين والادارة <<<<< يمكنهن يبن واسطة والا ودهن يصيرن مشرفات والا يبن يلفتن الانتباه بس !!!! يا اختي اسهجي الي يتحرش بتس وابلعي العافية .. وخيرته بيمل من السهج !!! أما شغلة هالمؤيدين فما مشت علي بعد !!! وهم على فئتين : اما بسطاء انطلت عليهم حملة الدفاع عن الفضيلة وقالوا بحسن نية ايوالله صددز !!! أو مشرفين خاشين بيوزراتهم الرديفة !!!!!!! <<<<<< لا تنكرون تراكم تسد اعترفتوا ان لكم يوزرات ثانية !!!!! طبعا وش فايدتها ؟؟؟ الا بمثل تسذاتا !!!!!! تفرضون على الاعضاء شيء .. وتدخلون باليوزرات الرديفة المساندة للتأكيد والتوثيق والتشجيع !!!! ترى ما صارت ولا استوت ... تصفقون .. وتستمتعون بـ ( صدى ) تصفيقكم !!!!!!! |
أنا أوفق .. الأعزاء نبض القلم و صقر المنتدى الشماسي واشاطرهم الرأي في أن الاطلاع على الرسائل الخاصة بين الأعضاء يعتبر خرقا للخصوصيات الفردية ...
على العموم .. الثقة مطلوبة بالمنتدى والمشرفين .. وان كان من شك فالأفضل استخدام خاصية البريد الالكتروني لقطع الشك باليقين .. لكم تحياتي |
ماهذا..؟
ألهذه الدرجه وصل التضييق بالأعضاء... اسمها رسائي خاصه... خااااصه يابشر.. يا للأسف.. منتدى يحمل اسم.. بريدهـ.. يلعب به ثلة من الديكتاتوريه ... اعذروني.. ولا اعتقد بأني أسأت الأدب بهذه الكلمه.. فهي كما قلت.. ديكتاتوريه.. وتضييق لم أرى مثله بحياتي بكل المنتديات.. عموما.. دعونا نراقب رسائيكم اذا سمحتم.. نعم.. نريد ان نراها مثلكم.. فنحن لنا خصوصياتنا ممثلكم تمام..!! اخوناي.. بكل بساطة.. العضو اللي مايبي رسايل.. يلغيها من لوحة التحكم.. وقضينا.. يعني يا اختي.. ماتبين احد يزعجك ويتميلح بالخاص.. الغي الرسايل وقضينا.. لماذا الآلاف من الأعضاء.. تنتهك خصوصياتهم بسببكن..؟؟ أنا أسجل اعتراضي.. كـ غيري.. وأتمنى قبوله.. ولا أتوقع قبوله أيضاً.. واضح بأنكم لا تهتمون بإعتراضنا.. والا حطوا تصويت.. وانا اعلن.. باني مغادر هذا المنتدى.. لغير رجعه إن لم تتراجع الإدراة الديكتاتوريه عن هذه الخطوهـ.. |
نسيت ان اقول..
تحياتي لـ نبض القلم.. وللشماسي.. ولكل الشرفاء.. |
الغالبية ضد القرار ..
والحلول الناجعة طرحها الشماسي و the free man فهل سيتم إلغاء القرار ؟! نأمل ذلك . مع العلم أن سداح بن سادس ج قال شيئاً مثيراً ويستحق التفنيد . وتقبلوا تحياتي 00 المتزن |
اقتباس:
صدق رايك المفروض يطبق 100% لأنه هو الصحيح والمنطقي أتمنى اخ عبدالله وابو نورة انهم ياخذون رأيك .. او حلك بعين الاعتبار مع كل الود والاحترام ديزوو المشاكس |
الشماسي ! هه ! أنت من وين تجيب كل هالحكي , ما شاء الله تبارك الله ( لا يجيلك شي نبلش )
يا ويلك من الله يالشماسي ! تصدّق اني ودّي أعرف وش هو الهاك , هو جهاز والا برنامج والا حتى رجال يحطونه يراقب الرسايل! خخخخ *** نجي للهوشه : لا يعني أن وسائل الشر كثيرة أن أساهم أيضا أنا فيها بصفتي مدير أو مالك منتدى أو بقالة , أنا مسؤول عند الله عما أتسبب فيه لا ما يتسبب فيه غيري , كثر أو قل . صراحة اقتراحك بأن من يشكو سوء أدب الآخرين في الخاص يعطي كلمة مروره لمن يثق به من الإدارة , وهم يتحرون الحقيقة , أنا أؤيد هذا دون تحفّظ لكن يبدو أن المشكلة عديدة الأوجه وأنت عالجت وجها واحدا ! عالجت مشكلة من يشتكي , فماذا عن الباقيات , فمثلا من المشاكل رسائل الغرام المتبادلة ( بالتراضي ) المؤدية إلى المواعيد والفجور , ماذا عنها ؟ , فربما يلاحظ المشرفون على مجموعة مثلا شواهد على مثل هذا السوء , ويحرصون على منع الخطأ , فما الحل ؟ إذا نزلت الإدارة عند رغبة ( المعارضة ) فأنا أقترح منع الرسائل الخاصة كلية عن عموم الأعضاء وفتحها لمن تثق الإدارة بحسن استخدامهم لها ( مثلي طبعا يالشماسي ) وانت والله ما ادري عنك وش تسوي من ورانا وبهذا لا تكون انتهكت ( الخصوصيات ) ولا أتاحت هذه الوسيلة لكل من هب ودب وبهالحل تبطل دعواك أنت والربع وش تقول عاد بهالاقتراح |
اخي الشماسي
الحل الأول غير مجدي فكما قال الأخ برق يمكن التلاعب فيه واتفق معك من سيكلف نفسه عناء ذلك لكن مجرد احتمالية التلاعب فيه تجعلنا غير قادرين على الأعتماد عليه كحل الحل الآخر والذي شاركك فيه The Free Man اراه حلاً منطقياً يستحق التوقف والأهتمام والتطبيق . . الأخ نبض القلم لا اعلم لما أنت هنا ؟!! لايهمك الخاص ولا تصدق كلامنا فلماذا الأعتراض اذاً اليس من الغباء ان تعترض على تطبيق شئ هو موجود بالأصل بحسب اعتقادك ؟ تمنيت ان يكون حضورك بأسلوب افضل واتمنى ان لاتحيل ذلك إلى الأسلوب الساخر فهو ادنى من ذلك بكثير الأخ افا ياخلفهم تستطيع اعادة القرأه لتتضح لك الصوره اكثر الأخ المتزن كما ذكرت سابقاً لن يتم اتخاذ اي خطوه حتى ينتهي الحوار هنا ويمكن الغاء القرار بالطبع فاحتمالية صوابه من عدمها انتم من تقررونه بارائكم واقتراحاتكم وبالنسبة لكلام الأخ سداح فبرأيي انها اشاره منطقيه جداً تستند إلى الوضع العام في عالم المنتديات وليس لدينا اعتراض على تفنيد كلامه ويمكنكم اقتراح الطريقة المناسبة بأنفسكم ومتى ماوجدنا استطاعة العمل بها فسنفعل لأن الامر يهم الجميع ومن حق الجميع ان يطمئنوا إلى صدق تعاملنا معهم تقبلوا تحياتي وتقديري ,,, |
| الساعة الآن 03:51 am. |
Powered by vBulletin® Version 3.8.8 Alpha 1
Copyright ©2000 - 2025, vBulletin Solutions, Inc. Trans by
موقع بريدة