|
سيد سمنسي ربك لن يضييع حق أحد سواء لك أو عليك , و عليك بالحقران فهو يقطع التسلوتان. هه سي ياااا , |
صباح الخير عجوزنا :)
الظلم لا يأتي إلا من النفوس اللئيمه الخسيسه وتذكر أن الاقتصاص يكون يوم القيامة بأخذ حسنات الظالم وطرح سيئات المظلوم عن أبي هريرة عن النبي قال : من كانت عنده مظلمة لأخيه .. من عرضه أو من شيء فليتحلله من اليوم قبل أن لا يكون دينار ولا درهم إن كان له عمل صالح أخذ منه بقدر مظلمته وإن لم يكن له حسنات أخذ من سيئات صاحبه فحمل عليه ) و عن أبي هريرة أن رسول الله قال : أتدرون ما المفلس قالوا : المفلس فينا من لا درهم له ولا متاع فقال : إن المفلس من أمتي من يأتي يوم القيامة بصلاة وصيام وزكاة .. ويأتي قد شتم هذا وقذف هذا وأكل مال هذا وسفك دم هذا وضرب هذا فيعطى هذا من حسناته وهذا من حسناته .. فإن فنيت حسناته قبل أن يقضى ما عليه أخذ من خطاياهم وطرحت عليه ثم طرح في النار ) سمنسي هنا لا ألومك على كلامك فأنت أشد من غيرك في هذا الظلم و تذكر دائما قال عمر رضي الله عنه : ( واتقِ دعوة المظلوم فإن دعوة المظلوم مستجابة ) قال أبو الدرداء رضي الله عنه: ( إياك ودمعة اليتيم / ودعوة المظلوم / فإنها تسري بالليل والناس نيام ) ألا تعلم ياسمنسي أن علي بن الفضيل بكى يوما فقيل له : ما يبكيك ؟ قال : ( أبكي على من ظلمني إذا وقف غدا بين يدي الله تعالى ولم تكن له حجه ) دمت بسعاده دووووماً دمت بووود |
[align=center]
اقتباس:
مبارك علينا وعليك هذا الشهر اعاد الله على الجميع بخير ومسرة اللي تشوفه خطأ مطبعي يابعدي لاتاخذ في بالك شكرا لتواجدك وتشريفك ياقلب العنا انت[/align] |
مرحبا اخي
ان دعوه المظلوم لاترد كما قال ولد القحطاني الحقران يقطع المصران دمت مسرورا كعادتك. |
والله وتالله ماعمري فكرت فيهم ., أنسى على طول حتى لو كلامهم ظلم بحقي ., والحق أني أسامح الجميع ومستحيل أحط راسي وأنا ماسامحت شخص ., ولو قدر وصار عناد ماأقدر أنام ., مره حمقت على وحدة وأمتنعت نفسي عن سماحه ., والله أني إلى الساعة 9 الصبح مانمت ., حتى طاح اللي براسي وسامحت البنت وتوكلت على الله ., ياخي لو بشيل على قليطه وقليط وقليطان تعبت وبصراحة مهب كفو أتعب نفسي علشانهم ., ناس لاراحوا ولاجوا من يكونوا في صفحات حياتي مجرد بني آدم ولابعد أذاهم طاغي ., سمنس ماأقدر أقول طبق كلامي لأن كل شخص له قدراته وأنا بصراحة مايهمن أحد أبد لو يقول اللي يقول ., يعني عايشة حياتي هيك إللي بدوه يحكي يحكي ولسانه في فمه و إللي بدوه يخرس يخرس ولسانه تحت ملكه ., صح أهاوش وألجلج بس مايقدر أحد يوصل لقلبي ويأثر فيه تقدر تسميه تبلد أنا متبلدة من هالناحية وقوة بعد ., أريح ياشيخ الدنيا فانية ,,,,,,,,,,,,,,,, أهذب تاهيه’ |
^_^
ســــــــــرى...ماشاء الله عليك ألف ياشيخة ياريت تعديني شوي بس.....ودّي أتبلّد تبلّد كامل من هالنّاحية...! هالأيّام سمعت كلام ظلم وجرح جرح ينزف فيني....صحت صحت لين ورّمت عيوني ونمت....وللحين أتحسّب الله ع هالظالم..تسيف إنّه جرحني...وظلمني بدون ذنب إرتكبته...!! ومن المستحيــــــــل مسامحته...لأنّه دمّر حياتي!!وحسبي الله ونعم الوكيل عليه... يارب يذوق ماذقت قبل الموت..حتّى يحس بتدميره!! تحيّــــــــــة |
^^ صدقيني ماراح يشقى غيرك ., إنسي بس وعيشي يومك ترى الأيام محسوبة ., حسافة تضيع دنيانا صياح على هالناس المشمش و النعناع ., عاد أقولك علشان تنقهرين :D أذكر بثاني ثانوي وحدة من البنات تكلمت بي وسببت لي مشكلة وصلت لأهلي كذبة منها ., المهم بعد فترة و بالصدفة صارت بوجهي فسلمت عليه وقلت أمشي أفطري معنا << بصراحة نسيت النسيان عندي عالي المستوى هه ., يوم وصلت للبنات إلا كل وحدة تلسعن بنظرة حتى أفطرنا وقامت المحفوظة وراحت لشلته ., قالن ممكن تقولين ليه تجيبينه وهي متكلمة عنك و مسببة لك مشكلة عند الإدارة وصلت لأهلك !! قلت طيب وش صار ؟! هذاي حية أرزق قدامكن ماله داعي زود الخربطة والبربطة و مافضيت أميّل بوجيه خلق الله ., أسمعن دامه ماقطعت رقبتي فتراه مسامحه بحل وإن قطعته فالله الله خوذن الدية وبحرج تقطعن راسه جزء خلوها تعيش ., تبين الصدق أنا متبلدة قوووة من ناحية الزعل ماأعرف أزعل وإذا سويته أنسى وأضحك ., لذلك ماله داعي أفشل نفسي و أزعل على أحد وإلا أحمل عليه ويضيق صدري والله كسل ., أهذب تاهيه’ |
ســـــــرى...
مـــــــــاشاء الله عليك....والله يابيننا تناقض تااااااااااااااااااااام... أنا مازعل..ع طول...إلاّ ع شي يستحق الزعل....وخاصة لاصار الشخص غالي أعتب عليه...!! وإلاّ الظلم لا والله أعتـــبره جرح ينزف فيني حتّى الموت...!!ولايمكن أسامح من ظلمني..!!خصوصاً لاصار مقرّب لي!! ومن دوون ذنب....والله مالقيت إلاّ التعب والحسرة....بس مستحيل أنسى....!!\\ أتحسّب الله عليه....والله يجازيه....سبحانه يارب أصير متبلدة مثلك....مانتب مصدقتن لاقلت ضيقة الصدر من هالناحية قضت ع صحتي..!! والله دون مبــــــــــالغة!! الله يوفقك وين ماتكوني...ويارب أصيرررررررررررررر مثلك....لو ربع تبلّدك بس ماشاء الله عليك تصبحين ع خيـــــرات الله |
اقتباس:
شكرا لك .......ولكن اخي العزيز ..ترى لمسامح كريم .......فالمصطفى صلى الله عليه وسلم عندما فتح مكة ماذا قال (( اذهبوا فانتم الطلقاء )) وفي هذه اللحظة اقول للجميع ...من كان لديه حق او مظلمة لدي سفير نجد ...فليبلغه بذلك ..قد اكون أخطات بحق احد .......فالكمال لله دمتمب خير وشكرا لك عجوز سمنسي |
واله ياسرى انني تعودت ان اضع راسي في منامي واقول : الله من اذاني او سابني او شتمني اللهم فاغفر له وعافه واعف عنه الا هذه المرة فقد اصبت باحباط لتكالب الظلم والقهر معا للاسف هناك من يدعم هذا الظلم بدفاعه واستماتته بشكل مضحك للاسف هذا ماقصدته والا وربي احيانا تجيني طعون بالظهر ماعطيتها وجه امشي ولا التفت له وش عاد الله اكبر وش يبي يصير ؟ قطع اعناق او قطع ارزاق ؟ كل ميسر لما خلق له |
[align=center]
اقتباس:
عاد اللي يستاهلون تذرف الدموع ووتحجر الااهات وتتردد الكلمات علشانهم ؟ بعضهم الله يكرم الجميع مايسوون جزمة ورب العجوز السمنسي ومع ذلك نزعل عليهم بالطقاق اللي يطقهم صارت عند قناعة وربي ان البحث خلف الاخرين والبحث عن رضاهم ضرب من الجنون[/align] |
عجــــــــوز
يقولون مايحس بالنار إلاّ رجل واطيها... واللّي رجله بالمي مُش مثل اللي رجله بالنــــــــار!! والله ورب الكون حاولت أنســـــــى ظلمهم...ولاأذرف الدموع عليهم...لكن ؟؟!! لاأستطيع...!!والله إن دمعتي سقطت فور الحديث عن هذا الجرح هذه الأيّام...وأنا أتكلّم!! كيف تبغاني أنـــــــــسى؟؟أنا مارحت أبحث عن رضاهم..ياعجوز...ورب الكون إنّي أتجبّن حتّى الجلوس معهم؟؟!! لكن بكائي مادرو عنه..ولا جرحي..!!لأنّهم عايشين في سبات ونبات....!! حسبي الله عليـــــــــــــــــهم.. يعني شي خــــــــــارج عن إرادتي....عذراً تحيّــــــــــــة<<خابرتك بتروحين تنامين |
وحيدة شكلك حساسة ترى الحساسين مايقدرون يتحملون ., وشخصياً لست حساسة أبداً لذلك ماكل شيء يجي على بالي ., وبعدين يالشيخة هو الزعل مايجي إلا على إنسان غالي بس والله أريح لو ماتزعلين ., صدقيني جاني أكثر منك وأول مصيبة من زوجة ولد عمي تكلمت فينا إلى عام 2011 :D والله ياوحيدة أني قلت لأمي روحي لهم وقولي صفحة جديدة عيب مشاكل بالعايلة ., وبعدين أعمالكم ماترفع وش علشانه ؟!!! هياط حريم !! الحكي بي وأنا أطالب بفض المشكلة ., خليهم يهرجون وبعدين نقص بي يد وإلا رجل وإلا عين !!! كلامهم محسوب عليهم مهب علينا ., صحيح اللحين من بعيد لبعيد بس يكفي أن القلوب صفت صدقيني ماأدري هو تبلد بي وإلا حساسية بالثانين !! ـــــــــــــــــــــ سمنس والله أن سالفة هالقريبة صايرة قبل 3 سنوات وبصراحة كلامه شين قوة ., بس فهمت أن هرجه علشان له بنت حولي وتعرف الحريم يتجاكرن بالخطاطيب تباً عاد وحدة من صديقاتي تدور لأخوه وأجي أذكر بنت اللي سبتن وأبشرك تزوجت هه هي تقطع وأنا أوصل والرزق بيد الله بس ولو عيب ., يالله وش نسوي بعقول الناس ., طنش ترتاح وقسم مايستاهلون الناس أنك تشغل بالك بسببهم ., أجبر نفسك على مسامحتهم بالقوة ., |
[align=center]
اقتباس:
الضرب بالميت حرام هذولا ناس البكاء عليهم حسرة ونداامة كان يحق لك ان تبكين لو كان البكاء من اجل السنين اللي كنتي مخدوعة فيهم ناس لاتستحق ان تحترمهم دعيني اضرب لك مثل هنا في عالم المنتديات يخاطبك البعض بكل لواقة وادب واحترام وتقدير وكأنك انت على العين والراس عندهم ويم جيت وبحثت عنهم لقيتهم من وراي يسوون البلاوي والدسائس من اجل اسقاط اسمي يعطيك من طرف اللسان حلاوة وهو يروغ كما يروغ الثعلب ويلوي ذيله بخبث ودهاء ان الفطين لايبكي على مثل هولاء ووالله العظيم الذي لا اله الا هو لدمعة اسكبها في عتاب محب صادق احب الي من بكاء على اناس لايستحقون ان ترمشي بعينيك من اجلهم خصر الكلب سنة يابنتي[/align] |
[align=center]
اقتباس:
ســــــــــرى...ياخلفهم كنت حسّاسة ماكذب عليك.... يعني ترى الحين أنا مانب حسّاسة...متى يوم أصير حسّاسة؟ يوم ع أول دخولي للمتوسّط..قزازة لاتهرجين بي ههههههههه والحين لا والله مانب حسّاسة والهرج أطنشه....وأحاول أنساه...ولاأزعل.. لأن عادي تطري لي وأطقّه بالوجه...!! بس ظلم هذا ياســــــــرى...والله لو مانب حسّاسة إن أصير حسّاسة عشان هالظلم!! والأدهى والأمر لاصار من أقارب....هذي قطعة الرقبة!! يالله المصفّي قدّام ....كلمة إمّيمتي عساي ماذوق حزنه الله يعين ع مشاكل هالدنيا وصفي لي بيتكم....أبيتس تعدينن شوي وأرجع.... يمكن أحد يقول إنّي أبالغ...لكن ورب الكــــــــــون كلامي مافيه ذرّة مبالغة,.!! تحيّـــــــــــة[/align] |
| الساعة الآن 01:29 am. |
Powered by vBulletin® Version 3.8.8 Alpha 1
Copyright ©2000 - 2025, vBulletin Solutions, Inc. Trans by
موقع بريدة