|
اقتباس:
وش يثبت لنا كلامك محترم نعم اجي معك لكن ماذا فعل بالمستشفى لصالح المرضى والموظفين كل اللي فعل من صالحه يزين بالمكتب ويعدل بالجدران حقات مكتبه وش ترجي ! وازيدك من الشعر بيت ما حاس المستشفى غير المطرودي وش قالوا مستشار وش دعوى وزراة الداخلية علشان يحطون بالمستشفى مستشار هو ساس البلا ، ثانيا : المسؤول الاول في هروب المرضى او المريضات ليس مدير المستشفى وانما مدير التمريض الرشودي اللي ما يدري وين الله حاطه مع يعرف يدير نهائيا ما دري من اللي حاطه . واي شي تبي من معلومات انا لك بالمرصاد |
لآ حـول ولآ قـوة إلآ بالله ..
الله يشـفي مرضانـآ .. كـل منسـوبين المستشفى يـدورون هم من يعـآلجهم مشكور إخوي على الخبريه مع أجمل تحيه |
[align=center]
اقتباس:
وذلك من ميزانية المستشفى وليس من تبرعات اهل الخير او الموظفين من ممرضين وخلافه وهاذي تحسبله . القاسم لم يعطى كامل الصلاحيات بإتخاذ القرار حتى اذا اخذ إجازه البليهي واتخذ قرار القاسم جاء البليهي وخالفه خخخخخخخ . وبالنسبة للمطرودي ماحطه مستشار <=== على غفله مستشار في مجلس الوزراء الا البليهي اللي انت ادافع عنه ذا وبالنسبة للرشودي لا اتحمله كامل المسؤوليه هو فعلا يشيل بعض من المشكلة بس ماله دخل بعد بحراس الامن . وللمعلومية يوجد بالفترة الواحده غالبا حارس واحد ولا تلقاوه صغير بالسن . وكل 3 شهور يتغير حارس الامن ويجيبون حارس ثاني مايدري وشي النفسية . يا اخي مستشفى شهار كل قسم من اقسام المستشفى عنده حارس امن خاص للقسم وكل بوابه عنده حارس امن بعد . نفسية بريدة حارس واحد للمستشفى كله ان كثرو ان كثرو حطو 3 بس هاه بفترة الصبح فقط . النفسية مشاكله واجد تحتاج إدارة ناجحه وقل لا بعد اقتباس:
على هوينك يالحبيب خخخخخخخخ [/align] |
لابد من معاقبة المسؤولين, وخاصة الممرضات المناوبات بذاك الوقت, كيف أنفتح باب القسم ؟؟ وكيف طلعت ماعرفوا عنها ؟؟
نوره الجمعه أحب أنوه لك عن نقطة يمكن ماعندك خلفية عنها ترا المريض النفسي يقول قصة وينسجم معها وهي مو حقيقية ويخدع الناس فيها, يقولون لنا دايم تفاعلوا مع قصصهم لكن لا تصدقونها كلها من نسج خيالهم و تختلف طرق العلاج بمستشفى النفسية.. وعادة اذا المريض تهيج يلجأون للتربيط وهذا علاج ولا أحد يفكر أنه عقاب أما بالنسبة للي تكلمتي عنه أنها تضرب بالكهرب, يمكن تقصدين العلاج اللي لا هو مني ولا منك وما أحد جابة من بيتهم ويستخدم لأشياء كثيرة علشان يقيمون المريض وعلاجة لأن بعض المرضى مايتكلمون الا بالطريقة هذي, وهو مو كهرب أساسا لو هو كهرب كان الله يرحمهم ولمعلوميتك بعض تهيجات المرضى النفسيين علاجها الضرب <<< تعرفين معنى الضرب الأمراض النفسية وعالمها عميييييق وصعب على الواحد يفهمها بيوم وليلة ((( ولا يعمل لهم مسابقات ورحلات للاستجمام والترويح عن النفس ))) من اللي لاعب عليك وقالك مايعملون لهم رحلات ومسابقات وترويح, رجااء خاص لا تتكلمين عن شي ماتعرفينه, للمعلومية فيه قسم خاص أسمة القسم الترفيهي والظاهر تعرفين وش معنى ترفيهي وفيه كل شي, غير كذا ينظم لهم رحلات دايم ويطلعون لإستراحات وآخرتها زايرين مهرجان الكليجا <<< يعني لا تتكلمين بشي ماتعرفينه, لأنك راح تتحاسبين على كلامك وفيه من نزيلات مستشفى الصحة النفسية سليمات لكن ظلم الأهل والزمن عليهم سبحان الله وبحمد أشهد أن لا اله الا انت استغفرك واتوب إليك |
اقتباس:
ما شاء الله عليك هالحين ايقالك جايب لنا جهودات سواه القاسم تراه طاف زيه زي اي مدير اول ما يتعين وكل هاللي سواه اردى موظف يزينه س/هل اعطى المرضى ملابس شتويه حقيقيه زي ما نلبس لنتوقى البرد الشديد هل تم اصلاح النوافذ عن البرد القارص هل وضع صخانات تغطي الاقسام عندما يتروشون وابي منك فايدة دامك انسان فاهم وش المعنى من تدخيلت بعض الموضفين للاقسام اول ما جاء الله لا يجيبه من غير شر اعترف يقربلك القاسم ولا حاطك بموقع مريح |
حسبي الله على من كان السبب
مبنى قديم |
[frame="12 10"]السلام عليكم ورحمة الله وبركاته ""
مستشفى النفسيه ينقصه الشي الكثيييييييييييييييير ومزيد من الرعايه والاهتمااام بالمرضى بصراحه اكثررررر .. بالملابس اللي لها مية سنه ويتبادلونها باللبس والمكان والروائح بالذات اللي ماحد يقدر يقعد دقيقه ..مو بس اذا كان في مشرف يبي يمرر قام البخووور والتنظيف ؟؟ وكمان الرحمه بهولاء المساكين شوي لان في ناس مافيهم شي بس ظلم الاهل رماهم الى هالمكان الاجر قبل كل شي ...ماله داعي الصراخ والعصبيه اللي تخلي الواحد لو مافي شي ينهبل .. حررررررررام والله .. وكثيييييييييييير المحاولات اللي سمعت انهم يحاولوا الهرب من تحت الباب الخارجي اللي ماكول ومصدي من الماء ,,,,بس تمكنوا من اللحاق بهم والله يشفيهم ويشفى جميع المسلمين ولايبتلينا يارب العالمين [/frame]..... |
اقتباس:
اييييييييييييييه انت من الموظفين اللي رجعهم القاسم للاقسام قل كذا من قبل اتضحت صورة حقدك عليه هههههههههههههه اصلن انتم وش يقعدكم خارج الاقسام شغلكم الاساسي انتم داخل الاقسام بعدين القاسم بالاشياء البسيطه اللي زينه مثل ماتقول ما احد زينه غيره سواءً مدير المستشفى او اصغر موظف مثل ماتقول من اول ما نقل المستشفى إلى موقعه الحالي !!!! وبالنسبة للملابس الشتويه (كلمة حق) المرضى يصرف لهم ملابس شتويه عند اقتراب موسم الشتاء سواءً ثياب شتويه او بجائم اواواو .... إلخ وبعدين لو المرضى مايصرف لهم ليش لمت القاسم مالمت مدير المستشفى اللي هو بيده القرار الاول والاخير هذا دليل انه بينك وبين القاسم موضوع شخصي المستشفى ماله دخل بهالموضوع واما السخانات فهي غيرة بسخانات جديده (ارستون) مع التجديدات اللي قام بها القاسم الله يحفظه وبالنسبة لي انا اقسم بالله لاتوجد بيني و بين القاسم اي علاقه قرابه او اي موضوع شخصي نفعن به والبليهي كذلك اقسم بالله انه لايوجد بيني وبينه اي موضوع لدرجه اني لو ادخل عليه ماراح يعرفن . انا مقصدي المرضى المساكين اللي مالهم الا الله ثم الموظفين بالمستشفى لخدمتهم من مدير المستشفى إلى اصغر موظف وبعدين الخلافات الشخصيه المرضى المساكين ماله دخل فيها , , , , مرضى النفسية يحتاجووووووووون ولي مصلح |
الله يعينكم .....كل مكان فيه الف مشكله.....
|
انا لله وانا اليه راجعون الصراحه محد مسؤل دامها هي الهاربه
|
النقاش معك عقيم لا يأتي بنتيجة
وجهة نظر منك ابقى احترمها ولك تحياتي |
أخوتي أخواتي الأعزاء
بالأمس كنت قد كتبت موضوعا بعنوان..(المريض النفسي..احساس وشعور..) لمن يهمه أمر هؤلاء المساكين الذين كممت أفواههم وغيبت عقولهم بفعل فاعل هذا المقال يصور لنا حال ومأساة 170 مريض..يريدون انتفاضه تغير شيئا من واقعهم المر.. كل كلمه ذكرتها سأحاسب عنها يوم القيامه..لكنه للأسف واقع أشاهده يوميا طالعتنا الأخت جوهرة بريده بخبر ربما أستهجن الكثيرين هذا الحدث وهو هروب المريضه لكني قرأت الخبر وقلت...ثم ماذا؟ حالات الهروب كثيره بل أن بعضها ذكرني بأفلام هوليوود ..أذكر منها على سبيل المثال حالة هروب تفاعل معها مدير المستشفى عبر الهاتف ..أمر بتشكيل فريق أو سريه تخرج من المستشفى لتعمل كمين لمريض عند مركز الملك خالد الحضاري..ولكم أن تتخيلوا الموظفين خلف شجار البرسوبس حتى تم احضار المريض؟؟؟بتصرف كهذا عرض حياة المريض والموظفين للخطر...أما عن سبب أمره بذلك هو لتغطية فشله الذريع في المحافظه على أبناءنا داخل أسوار المستشفى.. الأخت الكريمه والقديره جوهرة بريده أرجوا التكرم وتثبيت موضوعي(المريض النفسي..أحساس وشعور..) لأنه وللأمانه يحمل بين طياته كشف الحقيقه..لعل وعسى تتحرك ضمائر وتلتفت لجنة حقوق الانسان لمثل هذه الانتهاكات.. قد يأخذا علي البعض أني متحامل على الاداره..من هنا أقول لست أطالب بتغيير الاداره بقدر مطالبتي تحسين الأوضاع والاصلاح.. وللجان أقول زورونا تجدوا ما يسركم!!!!! |
الله شفيها يااارب
المسئول طبعا اكيد ماانتبه لها وتصير في اكبر المستشفيات لانقعد عن كل شي وندقق اين المسئول واين المحاسب الله يستر |
تابعت القضية من بداياتها
وأتمنى أن نضع الاصبع على الجرح لمعالجته... وأن يكون نقدنا (( للعمل )) لا للعاملين ... والمريض النفسي كغيره من المرضى يلقى كل عناية ... والمريضة المذكورة كغيرها تحتاج الى علاج نفسي واجتماعي .. العلاج النفسي كفيل به مستشفى الصحة النفسية ... ولكن العلاج الاجتماعي لا يستطيع تقديمة الا ( عائلة ) المريضة .. ولكن مع الاسف أنه من خلال ( رد ) الشئون الصحية المنشور بجريدة ( الرياض ) ليوم الجمعة 21/4/1430 هـ يتضح أن ( ولي أمرها ) لم يقم هو أو أي من أفراد أسرتها ( بزيارتها ) من تاريخ ( ادخالها ) بالمستشفى قبل ( اربع ) سنوات ....!!!!!! << إنا لله وإنا اليه راجعون >> وأرفق لكم الرد كما قرأته بالجريدة // الشؤون الصحية بالقصيم توضح: المريضة النفسية هربت بحثاً عن أقاربها!! سعادة/ رئيس تحرير جريدة «الرياض» المحترم الأستاذ تركي بن عبدالله السديري السلام عليكم ورحمة الله وبركاته: إشارة لما نشر بجريدتكم الغراء بعددها رقم 14892 وتاريخ 7/4/1430ه بقلم/ ملفي الحربي ورقم 14901 بتاريخ 15/4/1430ه بقلم/ منصور الحسين حول موضوع (خروج مريضة نفسية من قسم التنويم بمستشفى الصحة النفسية ببريدة). عليه نفيدكم والقارئ الكريم بأن المريضة المعنية تعاني من مرض نفسي وهي نزيلة قسم التنويم بالمستشفى من تاريخ 29/4/1426ه ومنذ ذلك التاريخ لم يقم أحد من أفراد أسرتها بزيارتها ما سبب لديها رد فعل للتسرب والبحث عنهم وقد لوحظ عدم تواجدها بشكل سريع، وتم البحث عنها ووجدت قريباً من المستشفى وتم استلامها بعد أن تم الفحص عليها للتأكد من عدم استغلالها على الرغم من قصر مدة مكوثها خارج المستشفى. وقد قام المستشفى بدورة بإصدار العقوبات على كل من كان له دور في ارتكاب هذه المخالفات كما تم استدعاء ولي أمر المريضة وإبلاغه أهمية زيارة ومعاودة ابنته بين حين وآخر لما في ذلك من أدوار ايجابية في علاج المريض النفسي. هذا ما وددنا اطلاعكم والقارئ الكريم عليه آملين نشره بأقرب فرصة ممكنة شاكرين ومقدرين للزملاء الإعلاميين حرصهم على إيضاح الصورة، إلا اننا نأمل أن تكون كما هي على مسرح الواقع دون اضافات من شأنها الإثارة والتأجيج، حيث ان ذلك يتنافى مع دور الإعلام السامي المؤثر على كافة شرائح المجتمع.. هذا ما أردنا إيضاحه، آملين نشره بأقرب فرصة ممكنة. وتقبلوا خالص التحية والتقدير،، مدير عام الشؤون الصحية بمنطقة القصيم الدكتور عاطف بن محمد سرور |
ويتضح مما سبق أن المريضة ( عرضت ) على المختصين بمستشفى الولادة والاطفال ببريدة وأتضح ( سلامتها ) من أي أعتداء ولله الحمد ..
والشرطة .. والهيئة .. والامارة .. والشئون الصحية .. وأدارة المستشفى ..أولت الوضع جل أهتمامها وتم التحقيق في ملا بساته وإيقاع العقوبات اللازمة .. ونم استدعاء ولي أمرها و( إبلاغة ) أهمية مراجعة المستشفى و ( مزاورة ) مريضتهم ودور ذلك بالعلاج وتحسن الحالة ... أخواني أحبائي أتقو الله في أنفسكم ودعو عنكم القاء ( الكلام ) جزافا فوالله سوف نسأل عن كل كلمة ( قلناها ) أو كتبناها... والله أعلم |
| الساعة الآن 04:51 pm. |
Powered by vBulletin® Version 3.8.8 Alpha 1
Copyright ©2000 - 2025, vBulletin Solutions, Inc. Trans by
موقع بريدة