سؤال واتحدى مدير المرور يجاوب عليه؟؟؟؟
 

يارجال خله على ربك هم جيدين بها(( الصفر )) (( للحبيبين )) اما اللي يرفع صوته عليهم ولا لاقالك انا من الجماعه طق حوله .
قـــــــــهــــــــــر قـــــــســـــم بـــالـلـّه قــهـر

اقول من تحسب اذكان خصمك هو الحكم

يارجال هم ماحطو هذ الحكم حب بك أيها المواطن
بل حب لفلوسك يبون يدجونبك بالقسايم
حسبي الله عليهم

كلام صحيح وقوي والله يمكن شفت واحد بس شكله جديد يعني من الروعه لابس خوذه

سجل عندك.... والله انني لم اعلم ان هناك انسان لايقدر الكبير في السن ولايحترمه .
في يوم من الايام اتصل على صديق ...
وقال ارجوك الفزعه .
قلت خير إنشاءالله ابشر بلمستطاع .
قال الوالد مسكه المرور وهو متجه في طريق القناه للجنوب فيه اشاره تقاطع الوحده يقول لف يمين متجه غرب واضع المسجد على يمينه ومتجه لااشارة ثلاجة المنجم . ومسكه واحد وقال انت قطعت الاشاره وقال الشايب ياوليدي كل عمري اجي منا ولا احد قال لي شيء قدر هاشيبات قال الحجز يعني الحجز قال انا مريض بالسكر واطق ابر قال مهب عذر اعيالك يجيبون ابره لك في الحجز هذا الكلام بعد العصر ونحن الان بعد المغرب والوالد بالحجز .. ارجو ان تشوف لنا حل انا ضاعت مراجلي الي ماقدرو ابوي والله ان يحجزونن معه لو اروح لحالي.
فقلت نلتقي هناك في المرور ولايصير إلا الخير وريح نفسك .
فقابلت العسكري المسئول عن الحجز فحاولنا ان نرى والده فقال بسرعه لايشوفكم احد .ففتح لنا الباب وإذا بالشايب ممدد على الارض وهو نفسه لاتساوي شيء عنده ولم يرفع نظره لولده . انا لم اتحمل منظره فذهبت خارجا لاانني لو نظرة اليه وكلمته ماذا سوف اقول له وابرر حجزه .
فسئلنا العسكري اين المسئول فقال مادري طيب يالحبيب مافيه احد مسئول او رقم جواله تهارج خشب وبعد محاولات خارجيه من اصدقاء حصلنا على رقم جوال المسئول بعدصلات العشاء . نتصل والجوال مغلق .
وفي هذا الوقت الطويل من الانتظار دارة مع العسكري نقاشات حول العسكري الذي مسك هذا الشايب الايقدر كبير السن .. والله العظيم انه يقول ماذا يعمل العسكري وهو قايل له المسئول لاترجع إلا وانت معك مخالفات بعدد محدد ... اقسم باالله العظيم ان هذا كلام زميله .. وسوف اسئل عن هذا في الاخره ...
وبعد عناء كبير بالتوصل إلا المسئول وبمساعدة احد الاصدقاء مكالمه تلفونيه للخفير العسكري . يخرج تقديرا لمرضه .. الساعه العاشره ليلا ... وهذه القصه حصلة قبل حوالي عشرين يوم
يا اخوان والله لو انه سارق لخرج بسرعه وحاولو يتخلسون منه بأن يحضر رقم احد يكفله .....
إلا هذه الاخلاقيات وصلت ببعض شبابنا .. والله لو ان الشايب قريب له مافعل به هذا ...
يامن تخرج الافراد وتأمرهم بأن لايرجعون إلا وبوك المخالفات مخلص ... خف الله خف الله
الظلم بالمعيه عدل بالرعيه إذا انت تتعامل مع كل الناس سواسيه ...

اخوي بندر بن عبدالعزيز..
الا والله ونعم مالي عيني واكثر وشكرتكم بس محتاج رأي المشرفين لاني أحسهم يجاملون المسئولين فقلت هذا الموضوع يحدد هل صحيح مجاملتهم او لا..

أقول تبيهم يعطون العسكري قسيمة

بسم الله عليهم .

هذا من السابع مستحيلات

منطقي

تأكد بأن كل مخالف سيأخذ جزاءه المناسب متى ماابلغت عنه

هذا مااكده لي ذات مره النقيب عمر العبداللطيف وقد اخبرني بمعاقبتهم لأكثر من رجل مرور نتيجة ماتم طرحه هنا في هذا المنتدى من قبل الأخوه

المهم ان يتم اثبات الواقعه حتى لايصبح الأمر باباً مفتوحاً للتجني والظلم


تحياتي