|
عاداتنا المتخلفة..!!!
مساءكم /صباحكم
سعاده ورضا وخير سؤال دايم يدور في بالي من وين طلعت العادات والتقاليد"الي ماأنزل الله بها من سلطان والتي لاتمت للدين بأي صله بالعكس بعضها مخالف تماما للدين بس علشانها من العادات صارت حلال سبحان الله ووش سر تمسك الناس الفظيع فيها "لوالواحد يسوي شي يخالف هالتقاليد أعوذ بالله كأنه كفر او جريمه نمااااااااااااااذج من الواقع على التقاليد المتخلفه: 1/سواقة المرأه للسيارة لو تطري هالموضوع نطو بوجهك..بس عاااادي تركب مع السواق بلحالها 2/الرجل عادي يتزوج اجنبيه بس البنت اعوذ بالله جريمه..مع انه كلهم مسلمين 3/الرجل اذا راح بزوجته او اخته للمستشفى يهبل بهم لين مايجيبون له طبيبه بس لو زوجته او اخته بتصير طبيبه مارضى طبعا" 4/عادي الوحده تلبس عبايه ضييقه ومبينه كل جسمه ومزخرفه بس أهم شي على الراس..ويقطعونه لو لبست على الكتف ووسيعه وساااتره مرررره 5/اذا أخطأ الولد عاادي زله- بكرى يعقل- الولد عيبه بجيبه- بس لو البنت أخطأت تقوم القيامه مع ان الدين وااحد والحلال والحرام للولد والبنت وعذرهم العادات.. 6/فلان مو من قبيلتنا ولا من مستوانا مستحيل نزوجه!! 7/اذا صرح الرجل بحبه لزوجته قدام الناس صااااار قليل أدب ومايستحي "مع ان الرسول صلى الله عليه وسلم كان يفخر بحبه لخديجه وصرح بحبه لعائشه في أحاديث كثيره.. 8/البنت اذا جت تتزوج لازم تختفي شهر قبل العرس وجريمه لو أحد شافه "الحمدلله والشكر بس اهل العقول براحه المصيبه انه تسوي زفه وتطلع للناس بيوم الزواج 9/الشخص الكبير بالسن سواء"شايب والا عجوز"ياويل أحد يناقشهم او يبين لهم شي خطأ سووه يعتبرونك قليل ادب وماتحترم الكبير 10/ناااس مغطين شغالاتهم وملبسينهم عبايات وهن موب مسلمات أصلا"قمة العجب و.....و.......و.........الخ وهذا غيض من فيض مدري متى تنمسح هالعادات الي ماانزل الله بها من سلطان ونعيش بسلاااااااام بدون كلمة عيب هذي عاداتنا -تقاليدنا تقول كذا-هااااو وش يقولون عنا النااااس... تحياتي ناقه فسفورية |
فعلاً أمور تدعو للتعجب ,,
اقتباس:
يغطونهن علشان مايشوفونهن الافغانيه والا البنقاليه وينطون على البيت ,,, اقتباس:
هذا مافهمته شلون تختفي !! |
مثل ما قلتي بـ عنوانك " المتخلفة " .... هذولا ربعنا .... بس وش نسوي ! |
إيه يصير خير بعد!
|
اقتباس:
يعني الله يسلمك ماتطلع للناس ولاتروح للعزايم والمناسبات ولا أحد يشوفه من جماعته |
اقتباس:
طيب الى متى ؟؟؟ متى نتطور المشكله ان أغلب الناس يسوونه وهم موب مقتنعين |
اقتباس:
ويجيب الله مطر بعد |
اقتباس:
السباحة عكس التيار متعبة .... و اي شيء جديد سيكون له ضحايا .... اذكر قبل 10 سنوات .... اقترحت في احد المجالس " اندية رياضية " نسائية .... تكون تلك الأندية متنفس للنساء وعمل تمارين رياضية وحضور محاضرات و و و .... الخ بدأ البعض بالضحك والآخر بالسب .... والآن .... ما هي النتيجة .... ! عموماً مجتمعنا يهتم بالعادات وبعض التدين الحقيقي .... خوفاً من الفلان و وش يقولون عنا علان .... سي يو .... |
اقتباس:
هذا بلا أبوك ياعقاب هذا وأنت رجل لو انك بنت كان قطعوك تقطيع التنين مشكور على المرور |
عاجبتنا العادات واللهم لك الحمد
|
تراهن ذولي شويات اللي فوق ..باقي كثرهم عشر مرات ..
بس صامدون |
حبيبتي كلامك كلـــــــــــه روعه
ع القوه |
اقتباس:
يماما ليش عاجبك جيبي اي مبرر علشان حتى حنا نعجب بهالتخلف هذا |
اقتباس:
هذولي مو مره مقتنعه فيهن ولا كللللللللللهن بجد تخلف والثامنه ... أقليـــه يسوون كذا |
اقتباس:
اقتباس:
خاصة بالدين والله ياهو اخذين بنفسهم مقالب مو مقلب واحد هذا غيض من فيض |
| الساعة الآن 05:29 pm. |
Powered by vBulletin® Version 3.8.8 Alpha 1
Copyright ©2000 - 2025, vBulletin Solutions, Inc. Trans by
موقع بريدة