لغز صعب بالمره
 

مرحبا بالجميع 000000
هذا لغز صعب بالمره وعز الله اللي يبي يحله (مع العلم اني استبعد احد يحله بكل سهوله وهذا ليس قصورا بأحد ولكن لصعوبة اللغز)يعتبر من عداد الاذكياء
واليكم اللغز :
شاهد رجل امرأة معها عشرة رجال فأنكر عليها ذلك
فقالت هؤلاء خمسة عبيدي واربعة اخوتي وواحد زوجي وكلهم من بطن واحد(يعني امهم واحده)0
وهذا الكلام ليس به لف ولا دوران وصحيح 100%
وهم بشر مثلنا0
المطلوب كيف يكون عبيدها واخوانها وزوجها امهم واحده(يعني كيف حدث ذلك وماهي الطريقه)
ومستعد لأي استفسار0
وينكم ووين حلولكم>>>>>>>>>>
========
اخوكم الشقردي;)

يووووووووووووووه

والله ودي احله لكن مااحب وجع الرأس والتفكير...ويكفي ان الامتحانات جايه

والله يعين....

هلا اخوي الشقردي

مافيه خيارات!!!

:D :D
:D

اخوي الشقردي
 

اللغز مافي اسهل منه , ولا صعب ولا يحزنون , وحليته بثلاث ثوان وخذ الحل :-

اكيد امهم وحدة وهي حواء .

اذا كان هذا الحل ليس الحل الي في بالك فأنت تعلم ان لكل لغز اكثر من حل . ولم الشرهه ياشقردي مالك عذر .!!!!

اخوكم الصغينون اللي يحبكم كلكم

شوقر وملح !!

اخواني الاعزاء حياكم الله ومشكورين على المشاركه
------------------------------
ساره00 حاولي بعد الاختبارات00000
-------------------------
ابوتركي00 خذ فرصتك تستاهل 00000000
------------------------------
اليقين00 مافيه خيارات ويمكنك الاتصال بصديق ههههههه000000
----------------------------------
سكر وملح00 آسف لم يحالفك الحظ ليس هو الجواب وكما قلت المسأله 100% صحيحه ما فيها اي توريه او تلاعب بالالفاظ بل حقيقيه
ويمكن تقول انه حدثت قبل 100 سنه على شان تبعد عن امنا حواء
ارجو للجميع التوفيق000
وفكروا>>>>>>>>>
==============

واللة هاللغز يبيلة جايزة الشقردي العالمية للسلام+الادب+الفن+الطب
عشان نحلة


حقيقة صعب لكن علي قولة الشباب عطنا فرصة

ماشاء الله عليك ياسكر وملح ...لها الدرجه الثقه فيك..

معليش لقط وجهك...والمساله مااتوقع انها بهالسهوله.......

يالشقردي الله تبغاي انتظر لما تنتهي الامتحانات كان بيصير الموضوع قديييييييييم

انا له انا له 0.....ان شاء الله راح احله بس جهز الجائزه وابغاها حلووووووووه

اخوي العزيز الخبي 000000
آمر بس والفرصه عندكم الين تملون 000000
ومشكور على المشاركه وتراي مستعد بالجائزه
وتسلم0000000
=======

0
0---------
اختي ساره000000
الله يعطيك العافيه وتحلينه
يالله ورينا شطارتك والجائزه والمه0وحلووووووووووووووووووه
وتسلمين000000
================

اخوي الشقردي
 

ماقلتلك الحل بسيط , واسهل من شرب التوت بهالرمضان , خذ الحل الثاني وهذا تم بثانيتين فقط ( بطيت سبدس ياساره ) :-
ام لها عشرة ابناء
** 5 منهم اخوة للزوجه المذكورة من الرضاعة
** واحد من الخمسة الباقين زوجها
** الاربعة الباقين جار عليم الزمن واصبحوا عبيد عند الزوجة .
ماقلت لك ولم الشرهه ومالك عذر , واقول للاخت ساره الحمدلله لقطت وجهي المتناثر وجبت الحل بسرعة البرق ,, الحق عليك ماتنازل , بس ماودي اشغل وقتك الحين بس خليها ( واحد ضامن ) بعد الامتحانات نعيد ( حطي شده فوق اليا ) , سوى بالصمان مع الربع كلهم .
note: اذا تبون حل ثالث تراه جاهز وهالمره بثانيه فقط ( موتي حره ياساره ) .

اخوكم اللي يحبكم كلكم

شوقر وملح !!

اخوي النشيط سكر وملح00000
للأسف جوابك غير صحيح
وانا قلت لكم كل شيء صحيح مافيه لف ولا دوران يعني مافيه رضاعه
ولا يحزنون كل الدعوى تمام وصح0
فكر مرة اخرى >>>>>>>
ومشكور على المحاوله0
وتسلم000
===========

أخوي الشقردي عندي حل ويمكن يصير هو................

أبو البنت عندة جارية مع أولادها الخمسة(كلهم مملوكين لابو البنت)...باعها على شخص وهذا
الشخص تزوجها وأنجب منها ولد(أصبحت حرة مع ابنها)مات الشخص
تزوجها ابو البنت وأنجب منها 4 أولاد..أصبحو اخوان البنت من الاب..
وجاء الولد الحر وتزوج البنت......

وبكذا....يكونون الاولاد ال10 من بطن واحد......................

تكفى يالشقردي لاتخليني ألقط وجهي ..............:p :p :p

هلا وغلا ابو تركي الغالي 000000
والله انك قريب بالمررررررررررررره من الحل
عز الله انك مانتب بسيط ما شاء الله عليك
وتسلم0
============

بسم الله الرحمن الرحيم

والله يالشقردي أنه لغز بألف جائزه
والمشكله كلما حاولت أتورط بها الزوج

لكن أبي أحاول لأن أبو تركي قرب للحل


لنستخدم أسماء مستعاره للتقريب

أولا لنفترض أن هذه المرأه أسمها (سارة)

أمها قد أشتراها شخص مع خمسة من أبنائها الى الآن كويس

يعني ملكهم جميعا.

بعد ذلك الرجل دخل بالمرأه ثم أنجبت سارة برضو كويس

الزوج توفي أي والد سارة وورثت ساره أخوتها الخمسه وأصبحو عبيدا الله يكفينا شر الشر ماشين كويس هاه بس باقي الأربعه

ام ساره تزوجت برجل آخر وأنجبت أربعة أبناء الحين صارو تسعه

أخي الشقردي فيه سؤال

هل يمكن أن نعتبر أخو الخو أخو ههههههههههههه

يعني اذا كان ل سارة أخو من أمها أسمه علي وهذا الأخ له أخ من أبيه مثلا هل يمكن أعتباره بس فيه مشكله ما يصيرون من بطن واحد


لالا أبحاول مره ثانيه بالنسبه للزوج من جديد
أبو تركي قرب بس لحظه شوي

طيب يااخوان حاولو تركيب حلي مع حل أبو تركي..... التف راسي

مشكلة البطن الواحد

بعدين أحاول وارد لك يالشقردي


والسلام عليكم

انا عندي حل بس ماادري هو صحيح ولا لا ...


هل من الممكن انهم يكونون كلهم ابناء لامنا حواء عليها السلام ....:confused:

شكله موب صحيح ..:D


تحيات محبكم عبدالله...;)