|
المتوسطة الخامسة والأربعون في حي الأسكان؟؟؟؟تعامل قبيح
[align=center]بسم الله الرحمـــــــــن الرحيم
السلام عليكم ورحمته الله وبركاته: أسعد الله أوقاتكم بكل خير أحبتي هاأنا أعود إليكم من جديد وبعد إنتهاء أزمة الإمتحانات عسى ربي يوفقنا جميعا وللأسف موضوعي لا يبشر بالخير فقد سمعت مايحزن اليوم طبعا أنتم عارفين إنه آخر يوم من الإمتحانات للمتوسط والثانوي المهم أختي تدرس في المتوسطة الخامسة والأربعون وفي السنة الثالثة وطبعا عارفين أنه آخر يوم والكل بيفلها سواء من قهوة وشاي وغيره فمن الممكن بعضكم بيقول وين رايحات يمتحنن وإلا يدرسن لا رايحات يمتحنن بس عارفين إن الوقت طويل أيام الإختبارات فلا مانع من إحضار القهوة والشاي او البارد وبالعفل المدرسة أيام الإمتحانات ماعارضت على هالشي والكل كان يحضر معاه حاجته وبعد الإختبار يفلنها المهم اليوم حصل مالم يكن في الحسبان ففي وقت اللجنة تم مداهمة أغراض الطالبات ؟؟؟؟؟؟ وماهن ياترى أغراض الطالبات اللهم مشروبات ومأكولات وصدقوني مافيه أشياء مخالفة لقوانين المدرسة المهم بعد المداهمة ماذا تتوقعون فعلوا بالأغراض المشكلة إن اللي يداهم معلمات يعني قدوات مربيات أجيال وأجيال فماذا تتوقعون كان تصرفهم وللمعلومية أحتفظ في أسماء هؤلاء المربيات للأسف؟؟ والله ماتركب عليهن مربيات ومعلمات المهم قاموا سلمكم الله وكبوالمشروبات بالأرض قسم بالله كان هذا تصرفهم كبوا النعمة بالأرض لا يحترمون أحد مانبغى لهم إحترام على الأقل يحترمون النعمة ورب النعمة المفروض جمعوا جميع الأغراض وإحتفظوا فيهن بغرفة المديرة أوالمساعدة ولما يطلعون الطالبات يخبرونهن وبس لا يكلفون أنفسهن قسم بالله قهرررررررررررر قهررررررررررررررر قهرررررررررررررررر هالتصرف يطلع من مربيات أجيال أنا ماأقول معصومات من الخطأ فالكل يخطىء جل من لا يخطىء لكن صدقوني أنا في إحدى ثانويات بريدة والله ثم والله قمة في الإحترام والتقدير ومخليننا على راحتنا بس بحدووووووووود المديرة كأنها أختي مو مديرة عسى ربي يوفقهم ياااااااارب المهم أنا برفع صوتي للمسؤؤلين وياليت يجيبون النداء وينقذون المدرسة ومن فيها قبل فوات الأوان بالله وش رايـــــــــكم هذا تصرف.؟؟؟؟؟؟؟ هل يتقبله العقل؟؟؟؟؟؟؟؟ صدقوني المصادر موثوقة اليوووووم يوم الثلاثاء 18/1 /1428 هـ هذا ماحــــــــــــــــدث؟؟؟؟؟؟؟؟؟؟ بالله ابغى تجاوب وآراء المسؤولين وغيرهم بعيدا عن التجريح والسلام عــــــــــــــــليكم ورحمته الله وبركاته[/align] |
وحيدة الله يسعدك..وينجحنا وياك..
موبس مدرسة اختك اللي سووا هالتصرف المتوسطة العشرون اللي بالفايزيه ضفوا كل اللي جايبينه البنات.. والمتوسطه اللي بالربوة..>>انواع النذاله يوم ضفوا قش البنات تدرين شسووا..قفلوا المقصف وخلوا البنات كذا بلوشي شرايك بلعانتهم..من جد ناس يبون حد يوقفهم عند حدهم.. تحيتي.. |
[align=center]
وحيدة امها تحية وتقديرودعوات لكي وللجميع باالحصول على اعلى الدرجات وحمدآعلى السلامة مداخلتي عامة بحكم اني لست من هنا لكن: قضاياالمعلمات ومشاكلهن لاأعرف لماذاتزيدوتكثرهناك حلقة لم تكتمل هل السبب المعلمة ام ادارة المدرسة ام الادارات العليا في كل يوم نسمع قراروفي كل يوم استراتيجية معينه واجراءيتخذدون مراعاة للوضع الانساني للطالبات والحالة النفسية لهن قرأت امس موضوع مدرسة في الجنوب توزع على الطلاب القهوة والتمراثناء الاختبار من اجل التهيئة النفسية للطلاب تصرف المعلمات هذه امرفي غاية الغرابة فمادام ان الامرقدتم السماح به فلماذاالتراجع ؟؟؟؟ وان كان التفتيش لابدمنه فلابدان يكون وفق ضوابط معينه ماالداعي ان ترمى كل هذه الاشياءدون مراعاة اواهتمام ّ!!! اتمنى الاتكون اتخاذالقرارات مبينية على عواطف لاقوانين محددة! تحياتي وتقديري [/align] |
والله الصراحه تصرف لا ينبغي
لكن لا مسؤولين ولا مراقبين لا حياة لمن تنادي |
اقتباس:
حياك ربي شموعة أجل كلنا على الهواء سواء الله لا يحللهم قولي آمــــــــــين قسم بالله أختي تتكلم علي شوي وتصيح من المغثة حسبي الله عليهم دمت بود[/align] |
بصرحة .. أختي الكريمة وحيدة أمها .. هذا التصرف لاينبغى أن يصدر من فئة متعلمة فئة ينظر لها بأنها مربية الأجيال
فهذا التعامل بعيد كل البعد عن نطاق التربية والتعليم .. أين أحترام شعور الطالبات .. ومشاركتهن أفرحهن بنهاية الأمتحانات .. تحياتي |
اقتباس:
[align=center]تحية محبة ومودة لقلمك المميز مبررررررررروك ألف على الإشراف والله وصاروا مشرفين كان فعلا مكانهم مناسب مبرروك وعساك ع القوة يالغالي فعلا (((الرجل المناسب في المكان المناسب)) وحضورك المشرق كلامك وتعقيبك عين العقل بس وين اللي يسمع؟؟؟؟؟؟؟؟؟ حسبي الله على من كان السبب إنسان ثاني2 لا تحرمني من تواجدك العطر دمت بود[/align] |
اقتباس:
صدق شي يقهررررررررر ويغث وينرفز قهر هالفئة تكون قدوة على إيش تكون قدوة على هالتصرف القبيح والله الطالبات يرحمن والله أكلم أختي شوي وتطلع دمعتها من القهر تخيل متفقين ومشترين وآخرتها كذا حسبي الله عليهم أخي الغالي لا تحرمني من تواجدك العطر دمت بود[/align] |
اقتباس:
لا ينبغي أبدا ولايعقلللللللللللل بس صدق لا حياة لمن تنادي أخي الغالي لا تحرمني من تواجدك العطر دمت بود[/align] |
لاشك إنه تصرف غير لائق خصوصا صادر من مربيات ،، لكن أنت سمعتي الكلام من طرف وربما لو سمعتي الطرف الآخر (اللي هو الإدارة كان تغير رايك فيهم ، أقل الأحوال تخف حدت غضبك وحنقك على ادارة المدرسة .
|
اقتباس:
غيررررررلا ئق أبدا لو سمعته من الإدارة أصلا الإدارة مو إدارة هذي المديرة جديدة ولا تدري وش السالفة صدقني المصدر موثوق اللي فاعل كذا المراقبات والمساعدات هذه ليست إدااارة أنا ماأحرق رزي إلا تصرفهم مع النعمة وثانيا مع الطالبات غلط xغلط المهم حياك ربي طالب المجد لا تحرمني من حظورك[/align] |
هذي المدرسه باي حي ؟؟؟؟؟؟؟ حي 6؟؟؟؟؟؟؟
|
اقتباس:
حياك ربي يالغالية لا حي 2 [/align] |
وحيدة امها
لااتصور ان يصدر الفعل بهذه الصورة في مدرسة ربما هناك اسباب لما حدث وربما لم يكن بالصوره التي نقلت لك تحياتي |
اقتباس:
لا تصور وتصور أقبح من كذا بعد مافيه أسبااااااااااااب أبدا اقولك اختي اختي هي تتكلم علي وكم مرة قالت لي أفعال والله قبيحه وقسم بالله ماأبالغ أبدا باللي قلت وصدقني بيسألني ربي يم القيامة عن هالكلالالالالالالالام اللي أنا قلت عموما حياك ربي يالغالي لا تحرمني من إطلالتك البهية دمت بود[/align] |
غير معقول!
هل صارت مربية الاجيال غيوره من طالباتها ... هذا الشي خارج من مربيات الأجيال ... أما لايحس ضميرهن من أفعالهن ... والنعمة لماذا فعلوا بها هكذا ... ... على الاقل عطوها الجمعيه الخيرية أفضل من فعلتهم ! أشكرك .. وحيدة أمها .. على الموضوع أخوكم .. أبوفهد |
مرحبا وحيدة امها
أكيد التصرف هذا غير لائق و كان المفروض يحتفظون بالمخالفات بشكل أفضل من كذا و طبعاً يا حبوبتي الشاي و القهوة و المشروبات الغازية يعتبرونها مخالفات و ترى دايم الحركة هذي التفتيش في الاختبارات و في كل وقت .. هذي أمور أكبر منا ولا فيه مجال نقول ليه و ما ليه .. بس مسألة إسالة المشروبات كذا .. أبداً مافيها حسن تصرف .. لفت نظري شيء يا أختي الكريمة : ليه ما تذكرين اسم مدرستك الثانوية .. اللي ترين انها مدرسة جيدة ؟ ليه كل مذموم مذكور ، و الطيب ما يذكر ولا يشهر ؟! أتمنى تخبرينا عن مدرستك .. إذا مافيه حرج او كلافة عليك .. :) |
ما فيه شيء يخول لمسلم انه يكب نعمة الأرض إلا إذا هي بيبسي لأنه ضار 100% وعليه كلام انه من كرش الخنزير مدري ايش
اما غيره فمهما سوو الطالبات ما يكب اللي جابو فتشو وكببو بيجيبون البنات مرة ثانية لازم الرئاسة تفكر شوي البنات يحبون اللي هم يسمونه اجتماع وكل وحدة تجيب حلا ولا فيها شيء اطلاقا لكن لازم يقنن توقيته وكيفيته ونوع ما يحضر ويترك كهدف مثلا لأحسن فصل في السلوك يسمح لهم بمثل هذا بحصة نشاط اما المنع 100% من عصر اختي الكبيرة وهم بالثانوي على وقت شدة شدة شدة التعليم وهن ينقلن الشاهي والفطاير ويجحدنه عن الادارة للحين ولا راح تتهي هالظاهره الا لسبب فسيلوجي مثل حمل جميع طالبات المدرسة فما تشتهي لا تفطر ولا تتونس وهذا امر مستحيل ،،، انزلو للواقع يا ادارة ذولا بنات مهمب عيال نص خبزة تكفيه يوم ونص كل شيء يفرح البنت ويجدد نشاطها ويريح نفسيتها ويحمسها لدروسها سؤال لصاحبة الموضوع وش نوع المشروب لا هنتي !!! |
[align=center]
كون بعض المدارس يتعاملون بهالطريقة ( الإستفزازية واللاتربوية ) مع الطالبات هذا أمر يحصل كثير ويصير حتى بأحسن المدارس !! لكن اللي عجزت القى له تفسير كونك ( وحيدة أمها ) وتقولين : اقتباس:
<<<<<<<<< ماأشغلها بهالموضوع إلا هالنقطة http://www.buraydh.com/forum/images/icons/icon10.gif [/align] |
اقتباس:
وهي اختي معلمة في المتوسطة الخامسة والاربعون وبمجرد قرأت الخبر اتصلت عليها طبعاً اصرت على ان ارد بسلنها وهي (المسؤولة عن هذا الفعل في المتوسطة الخامسة والاربعون ) نــعم قامت مجموعة من إداريات ومعلمات بجولة تفتيشية في صباح اليوم الثلاثاء على ماتحملة الطالبات من اغراض ووجد فيها مشروب الببسي وبكمية تفوق الخمسين علبة (وتعرفون ما يحتوية من مواد ضارة وشحوم خنزير )وقامت أختي حفظها الله بصب الببسي في الارض وترى البنات جايبات الببسي علشان يلعبن به (يطيشنه على بعض وعلى جدران المدرسة ) يعني المسائلة مافيها تصرف قبيح على العكس المعلمات منعن الطالبات من اللعب بالنعمة يا وحيدة امها (صح الاسم ) وخيرها بغيرها وكان عندك اسلوب للعب لأخر يوم دوري شئ غير الببسي (صار مكشوف للمعلمات ) وسلامي لأحلى منتدى |
اهلا البرنس الهلالي ..
تحية طيبة لأختك الكريمة ، و شكراً لتسجيلك .. عفواً بعد إذن صاحبة الموضوع .. كان بإمكان المعلمات مصادرة البيسبي عندهن في الإداره طيب إذا كانت الطالبات مراهقات و صغيرات بالسن و يبي يلعبن و يطيشن البيبسي تجي المعلمة و تصير أصغر عقل من هالمراهقة ؟ بالله هذا تصرف قدوة ؟! باكر الطالبة إذا لقت شي ما يجوز لها في بيتهم .. بتجي تدلقه بالصالة قبال عيون أمها .. و هل هذا التصرف من النظافة ؟! مع احترامي للاستاذة .. معليش تسرعت و تصرفت بعصبية .. وسخت الدنيا و كبت النعمة و نقدت عليها البزارين ..! مممممم بعدين من قال البيبسي خنزير و ما خنزير ! البيبسي عطية الله ! |
بيسبي بيبسي بيبسي بسيبي بيبسي بيبسي
أبي أتمرن على طباعة بيبسي |
[align=center] الســـلام عليـــكم ورحمة الله وبركـــاته
أنا طالبه من طالبات المتوسطه 45 وفعلاً كلام وحــيدةأمها صحيح 100% أوكي من حقهم ياخــذون البيبسي بس مو من حقهــم إنهم يكبونه بالأرض على الأقــل يحترمــون النعــــمه وعلى فكره الإدراه سامحه إننا نجيب أغراض وكل الأسبوع اللي راح وحنا نجيب بيبسي ولا منعونا وش معنى اليوم بالذات يكب البيبسي بالأرض وياليتهم أخذين الأغراض عندهم ويخبرونا باللي صار والله يجزاهم ألف خير لكن(( كبـــوا النعمه في الأرض)) ياناس إحترموا النعـــمه أخــوي ( البرنس الهلالي) سالفةالبيبسي اللي أختك تقولها إننا نطيشه على بعض وعلى جدران المدرسه<< حشى لوحنا أبو سنتين وإذا حنا نطيش البيبسي ليش نعصب عليهم وهم يكبونه بالأرض راح يكون عندنا شيء عادي هي هي مرده بيكب بالأرض (يطيشنه على بعض وعلى جدران المدرسة )<<حسبي الله على اللي قال هالكلمه لهالدرجه وصلت الكذبه (( حسبي الله ونعم الوكيل)) المفروض إحترموا النعمه وأخذوا الأغراض معهم وحتى ياليت لو خلصوا من الأغراض يرجعونهم بأماكنهم الأكياس مافيه إلا عبايه وكتاب ونرجع ونلقى الأغراض فوق تحت العبايات مختلطه والكتب مختلطه<< بالله هذي مداهمه وياليتها على البيبسي الجولات يدخلونها جوا القاعــه وقسم بالله إنه فيه معلمه مراقبه باللجنه اللي أنا فيها وتجلس تتسلى بجوالها لين يخلص الوقت وجوالها N80<< بالله هذي مراقبه تراقب البنات وهم يختبرون وعلى فكره كل الجولات كاميرا مشـــكورة وحـــيدة أمها والله يعطيك العـــافيه[/align] |
و عليكم السلام و رحمة الله وبركاته .. يازهرة البابونج
اقتباس:
واخزياه ..! من جد مادري وش أقول ! الوضع مزري .. الله يهديهن بس |
هل هذي حقيقة مدرسة .؟
أم كذب ما يقال؟ |
اقتباس:
لاأختـــي حقيقه والمدرسه بحي الأسكان( 2) |
اقتباس:
[align=center]حياك ربي أخوي أبو فهد أخوي هذا غيض من فيض قسم بالله احمد ربك الحمد لله ان اختي آخر سنة لها وإلا كان راحت فيها احمد ربك على هالعقول الضغيرة قهر تكون مربيات أجـــــــــيال أسأل المسؤلين بإنقاذ المدرسة ؟؟؟؟؟؟؟قبل أن يقع الفأس بالرأس حياك ربي أخوي ابو فهد لا تحرمني من إطلالتك البهية دمت بود[/align] |
اقتباس:
[align=center]أبدا لا إحــــــــــراج ولا شي مدرستي الثانوية الثانية واثلاثون ببريدة والله ثم والله تعامل ولا أحسن المديرة أختي مو مديرة والمعلمات تعامل رائــــــــــــــع بمعنى الكلمة تحية وتقدير لجميع المنسوبات لهذه المدرسة حياك ربي اختي الغالية الذاهبة لا تحرميني من إطلالتك دمت بود[/align] |
اقتباس:
لكن أقولكم ياااااااااناس كان كل شي مسمووووووووح فيه أيام الإختبارات إلا آخــــــــــــر يوم وش السرررررررررر؟؟؟؟؟؟؟؟؟؟؟؟؟؟؟ ياليت الإدارة تسمع والمسؤؤؤؤلين؟؟؟؟؟؟؟؟؟ حياك ربي أختي شقردية لا تحرميني من إطلالتك دمت بود[/align] |
اقتباس:
[align=center]حياك ربي أخوي لا مو كل المدارس ولا أحسنها يحصل هذا أنا ذكرت لكم مدرستي وكيف تعاملهم معاااااااااانا هههههههههههههههه ياحليلك لا والله أختي شقيقتي مو شرط الإسم يدل إني وحيدة أمي أختي شقيقتي مو أختي من أبوي تدرس هناااااااااك والكلام صحيح وموثوق لا تحرميني من إطلالتك البهية دمت بود[/align] |
اقتباس:
هلا باللي داخل يدافع عن أخته المراقبة لا تقول أختك؟؟؟؟؟؟؟اللي إسمها والله ماأبي فضايح وإذا تبغوني أقولكم أسماء المراقبات اللي سوو كذا ماعندي مانع أقول أخوي البرنس مسجل علشان تشهد شهادة كذب وزور لأختك لا ياخوي وش هالنفسية وهالعقل على أختك الحين تعلم الغيب أنه راح يطيشونه بالجدران ههههههه قسم بالله مت ضحك على هالتفكير والعقول الصغيرة أقول إن شاء الله يلقون البيسبي يفوق الألف علبة مو شغلها لا وبعد تعترف وتقول كبته على الأرض يعني تجاهر بالمعصية \الله يخلف عليك وعلى إختك رجاء لا تتعدى حدود الأدب للحين ماسكه أعصابي لا أنا صح عليك الإسم مو غلطان وراح يشهد علي لساني على هالكلام يوم القيامة وحياك ربي مرة أخرى وسلم لي على أختك لا تحرمني من طلتك دمت بود[/align] |
اقتباس:
من طول الغيبات جاب الغنايم كيف إمتحاناتك ان شاءا لله تمااااااام الحـــــــــــــــــــــمد لله وشاهد شاهد من أهــــــــــلها قايله لكم كلامي صحيح وموثوق عموما الله يعينكم على هالقعول حياك ربي مرة أخرى لا تحرميني من تواجدك دمت بود[/align] |
والله هذا التصرف كثير يصير في مدارس بريده
المفروض ان المدرسة قالت انها ماتبي الشي هذا واذا خالفو البنات وجابو الاشياء لهم حق انه يتصرفون كذا بس يااختي الحين البنات تغيرو عليهن تصرفات غريبه انا اختي بنفس المدرسه(الخامسه والاربعون) ومره قالتلي انه صار تفتيش وفيه وحده من البنات معها البوم صور فية كل الممثيلين جت البنت رمت الالبوم في الحوش من الشباك علشان اتبري نفسها واللةالحين البنات يبون مراقبة دقيقة وسبب تفتح هالبنات كله من المسلسلات الخليجيه....... |
اقتباس:
المفررررررررروض قالوا من أول شي مايبغون كذا وش المشكلة إنهم فاتحين الباب لهم طوال أيام الإمتحانات وآخر يوم يسوون كذا مو مشكلة بس شوفي كيف تصرفهم مع النعمة الله لا يسخطبنا صحيح مراهقات وفيه تغير بس التعامل له دووور المفروض يكون فيه تعامل جميل ومتبادل بس الجميع وإحترام وتقديرررررررررررر معاك الطالبات بهن حقهن بس إحنا نتكلم على تصرف مربيات أجــــــــــيال مو مراهقات الحمد لله حياك ربي أختي الغالية لا تحرميني من إطلا لتك دمت بود[/align] |
على فكره ياخت وحيده ترى المعلمات مالهن دخل هذي اوامر الاداره والمديره هي الى ورى كل ذا ...
لان المعلمه ماراح تتصرف تصرف من غير توجيه واوامر المديره ... |
اقتباس:
أنا ماقلت معلمات أنا قلت مراقبات ومساعدااااااااااااااات المعلمات مالهن دخل وبعدين أقولك المديرة ماتدري وش السالفة قسم بالله جديدة والله ماتدري وعموما لي مدرسة تدرس هناك يعني مو بس أختي قسم بالله لا ياحبيلك لاصارت المديرة مالها كرت يعني مالها هيبة وكلمة بالمدرسة راح يتصرفون على كيف كيفهم وإسألي طالبة هناك إسألي زهرة البابونج في ردها الأعلى ويبين لك كل شي لا تحرمينني من طلتك البهية دمت بود[/align] |
اهلين حبيبتي
تصرف من ناس متخلفه ومو بس صادر من مدرستك لآ من مدرسة 34 ببريده وصادرو الترامس حقات القهوة والشاهي والفطور حق البنات والله تخلف لآ والمصيبة ان المدرسات أخذوا الفطاير وماندري وين رااحت لكن الترامس خبوها بوحده من الغرف والمصيبة ان البنات عاندو ولآطلعو من المدرسة تخيلي والامهات ملوو يدقون على المدرسة ومافي مجيب وطبعآ تعالي شوفي الحوسة المهم عرفو يجيبون رقم جوال المدرسة ويوم اتصلت احدى الأمهات لان الوقت جاء 12 الظهر وماوصل أحد من البنات اللي حول بعض بيوتهم بنفس الحي تدرين يوم ردت الادارة قالت مافيها احد وربي الاهالي اخترعو وآخر شي ماتدري ان البنات لسى موجودين للاسف بعض المدارس لآتوجد فيها ادايات كفو للمناصب اللي يديروونها لكن مااقول الا من المسؤوول عن هذا وذااك ؟؟؟؟؟؟؟؟؟؟؟؟؟؟؟؟؟ الف شكر لك حبابة عالموضوع |
اقتباس:
الحمــــــــــــد لله والشكر والله شوية عليهم تخلف الحمد لله بس صدق العقل نعمة شووووية قهر يصيرن صاحبات هالعقول منسوبات تعليم الله لا يغير علينا شوفي كيف بتعاملهم حدو البنات يسوون شي هم بغنى عنه لو مديرتهم صدق لها كلمة وهيبة ومهتمة بالمدرسة ومقدرة الدور اللي هي تقدمه كان ماصار اللي صااااااااااار أين أنتم يامسؤلين التعليم عن مايحصل في مدارس بريدة؟؟؟؟؟؟؟؟؟؟؟ تداركوا مايحصل قبل فوااااااااات الأوان؟؟؟؟؟؟؟؟؟؟؟ حياك ربي ياأوخيتي لا تحرمينني من طلتك البهية دمت بود[/align] |
وفقاً لما نقله لي أحد أولياء الأمور هناك
وفي إتصال أجراه مع مديرة المدرسه أتضح حجم الخطأ نعم حدث ماذكرت الأخت وحيدة أمها لوكان الأمر يقتصر على ترامس الشاهي وماشابهه ربما نقول ممنوع . لكن عصائر وبيتزا وفطائر !!!!!!!!!! خطأ من إدارة المدرسه وأعتقد أن مديرة المدرسه والإداريات هناك أدركن حجم الخطأ ولعله درس في القادم من الأيام وكلنا خطأون شكراً وحيدة أمها |
ووووووواااااوووه كل هذا يصير بالشمال الحمدلله إني من الجنوب ومدرستي ثانوية ومن احسن المدارس
|
| الساعة الآن 06:28 pm. |
Powered by vBulletin® Version 3.8.8 Alpha 1
Copyright ©2000 - 2025, vBulletin Solutions, Inc. Trans by
موقع بريدة