|
يا شركة الاتصالات هل سكان الفايزية ( ب) خارج النطاق العمراني D S L
[align=center]يا شركة الاتصالات بغض النظر عن الفواتير وسوء خدمة مزودي الاتصال بالانتر نت على الهاتف الثابت وكذلك عدم استطاعتنا الدخول الى الانتر نت اثناء فترة تداول سوق الاسهم وبطى سرعة الاتصال ، وكذلك ارتفاع قيمة الفاتوره خلال الاتصال ففي ذلك الحي اذا كان مدة جلسة التصفح ثلاث ساعة يكون منها ساعة مابين اعادة الاتصال وقطع الانتر نت ... الخ ، اما بخصوص التحميل فهاذا مستحيل نظراً لبطى ورداءة الاتصال .
السوال ياشركة الاتصالات هل نحن سكان الفايزية مخطط (ب) وعلى امتداد شارع الستين شرقا والذين يحملون المقسم رقم 384 محرم علينا الـ DSLفهاهي السنة الثالثه مضى منها الشهرين ونحن مكانك سر. قليل من العدل ياشركة الاتصالات[/align] نثار الاخبار |
حياك الله .. يبدو أن مشكلة نوعية المقسم هي العائق على ما أسمع .. عموماً الموضوع الآن باللمسات الأخيرة .. وبعدين لاتخاف .. هم أحرص منك .. يبون اللي بجيبك .. معك حق تأخر كثيراً .. لك الود ... |
شكراً لك على هذا الموضوع المهم ....... تحياتي لك
أما بخصوص خدمة ال دي إس إل ..... فهناك 4000 خط قادم لبريدة ,,, وسيكون بأذن الله بداية التركيب الأسبوع القادم أو الذي يليه .... نظراً لمعلوماتي التي سمعتها من أحد الأخوة المسئولين بالأتصالات .... الجدير بالذكر أن ال 4000 تم إعادتها للرياض لوجود خلل في بعضها ... ولايمكن للأتصالات في بريدة إستلامها إلا بشرط أن تكون جميع الخطوط تعمل وبدون مشاكل ,,,, حتى يبدأ تركيبها بأذن الله ...... وأعتقد أنها بشرى قريبة جداً لاتتعدى الأسبوعين بأذن الله ...... تقبل فائق تقديري |
الله يكون في عونكم ياسكان مخطط ب
صديق لي اشترك في اوبت الفضائي بعد ان يئس من الـ dsl |
الله يكون بعونكم صراحه انا عندي dsl
بس سرعته 128 وحلو مرره وسريع .. |
هلا والله وغلا ااا
شف بالحبيب عندك واسطة تعرف احد بالتصالات يدبرونك يركب بنفس اليوم يسذبون إذا قالوا ما فيه خدمة فية في مخطط ( ب) دي سي إل ولكن الشبكة مهب كبيرة ولذلك ما يروح إلى لليعرفونه اعرف واحد من العيال عنده وجارة مقدم منذ زمن وما حولك احد والله المستعان ............................ |
[align=center]هلا اخي المتميز نثار/
انا اوافقك الرأي ان مقسم 384 صاير خارج الخدمه موقتا بس ان شاء الله قبل تاريخ 20/3 بتنحل المشكله وبيصير عندك دي اس ال دلع بعد بس اصبر مابقى الا القليل وتشوف خير وانا مقدم من ثلاثه ايام وركب عندي لانهم يقولون ان بعض المقسمات ماعليها طلب كثير ومتوفره فيها البورتات [/align] |
مو بس الفايزية اللي مافيها الخدمة الجيدة للانترنت بس كل الاحياء وهذا نداء لشركة الاتصالات يا جماعة ارحمونا
|
كما قيل لنل في الجامعه وفي المستوى السابع ( معك و تأخذ كل اللي تبي ) |
الغريب أن مقسم الفايزية 384 من المفترض أن يكون من النوع الجديد والذي فيه خدمة الدي اس ال ولكن شركة الاتصالات مستكثرين على الفايزية الدي اس ال ، واعتقد أنهم نقلو أحد المقاسم القديمة ووضعوه في الفايزية
|
اخواني لاتصدقون Dsl لن ولن يشتغل بالفايزيه واعتقد انه من المستحيل يشتغل الا اذا غير نفس المقسم وهذا من المستحيل تغييره
اداه الأتصالات ببريده عباره عن مكتب تحصيل الآمور كلها تدار من الرياض المقسم لايتسع للأجهزه والبطريات الأتصالات بالقصيم لم تطالب بتغيير المقسم وهذا سبب الأخيروانتظروا سنه حتى يتم اصلاحه اوتغييره |
يأخي هذا المخطط دائماً خدماته ناقصة ويفرقون بينه وبين مخطط أ حتى يالخدمات الاخري وهذه منذ فترة طويلة
|
والله مشكله
مساكين أهالي الحي |
هههههههههههههههههههه
ياعمري .. اثرك مثلي .. انا مقدمه في الإستراحه بالحي الأخضر .. لي تقريباً سنه وشوي .. وكل مادقيت عليهم يقولون ابد شهرين ثلاثه وهو راكب .. وانا ردد ياليل مااطولك .. تدري عاد جبتها ع الجرح يوم وقت الأسهم وانا ضغطي ياصل مليووون .. من قوة ان ضغطي تعود يرتفع يوم خسرت صار عااادي عندي ماضاق صدري ..!! خذ العلم .. اتحدى يجي الدي اس ال للمقسم هذا قبل تتحرر فلسطين خخخخخ |
عسى الله يجيب البديل ويفكنا من الأحتكار
|
والله شركة النصب السعودية مو الاتصالات
خدمة الدي اس ال غير متوفرة في اغلب الاحياء لعل الشركة المقبلة تلبي طلب الجمهور بكل صدق |
الصراحه يااخوان انا تلفوني 384 ويوم اتصلت اطلب الدي اس ال قال لي موظف 907 الصراحه المقسم هذا مافيه امكانيه قلت طيب متى قال انه يحتاج تحديث عاد متى الله اعلم واستفسرت من واحد بالاتصالات قال ان الشركه بطور تحديث كل المقسمات وبالذات مقسم الفايزيه لانه الوحيد الغير مدعوم بالدي اس ال يعني فقط 384 اما باقي الفايزيه يخدمه مقسم الصفرا عشان كذا عندهم الدي اس ال متوفر وانا للحيت انتظر. وعلى قول المثل الله يجيب الغيم وتطيح الامطار
|
صباح الخير للجميع
بنسبه لمقسم 384 اللي في الصفراء عدد مستخدمينه لايقارنون بعدد مستخدمي مقسم الضاحي 329 ومقسم الضاحي مافيه خدمه ل دي سي ال والسبب هو ان المقسمات من نوعيه قديمه لاتخدم الخط الرقمي وكلام الاخوان (( بوحكيم )) و (( الظامي )) صحيح 100% والانتظار هذا كله لان المقسم مثلا 384 من 3840000 الى 3849999 سعه المقسم يكون طلب ال دي سي ال من مجموع المشتركيين 9999 شخص فقط 200 مشترك وهذا سبب الانتظار لان تغيير المقسم الى مقسم رقمي حديث يكلف مبالغ طائله و لا يوجد سوى مثلا 200 مشترك في المقسم اللي طالبيين خدمه دي سي ال فايوضعون على قائمه الانتظار حتى يزداد العدد هذا كلام مسئول في الشركه قاله لي وأنا طالب دي سي ال من تقريبا سنه على رقمي في الاستراحه بالضاحي وحتى الان المقسم لايخدم لان عدد طالبي الخدمه قليل جدااا اخوي صقر شاهين شركه الاتصالات مو نصابه لانه خدمه dsl هذا مازاد عليها الطلب الا بعد طفره أو طفة الاسهم :11[1]: اخوي غريب ماأظاهر بيجي منافس للشركه بعد ما أمتلكت جميع الكيابل الموجوده في المدن :36_1_12[1 وأسف على الاطاله |
السلام عليكم يا اهل الفايزيه ( 384 ) عنديلكم بشارررررررررررررررررررررررررررررة مرة سارة
الد اس ال رايح يشتغل خلال ثلاثه اسابيع اهم شى شدو حيلكم 0 1) موديم مع الفلتر 0 2) قحص التسليك الداخلى 0 الوعد بعد 3 اسابيع |
انا عندي dsl
بس سرعته 128 وحلو مرره وسريع |
السلام عليكم
اخوى بدر محمد للمعلوميه 0 1) مقسم الفايزيه 384 يقع شرق شارع الستين وليس كما ذكرت ( الصفراء ) 0 2) مقسم الفايزيه يعتبر جيد يحتاج فقط تركيب اجهزة اضافيه للبوارتات 0 3) العمل جارى على قدم وساق 0 |
مساء الخير على الجميع
اخوانى سيتم تقديم عرض التأ سيس مجانا لخد مه أ فاق دى اس ال اعتبارا من 1 ابريل ولمدة 3 أ شهررررررر 0 استانسووووووو يااهل الفايزززززز يه |
الله يكثر الشركات المنافسه .حتى تزين خدماتهم.
بعد موبايلي الامور بدت تزين بالنسبه للجوال. |
اقتباس:
لعلمك dsl لايوجد للإتصالات منافس بالوقت الحاضر .. ومن ناحية موبايلي .. فابشر بطول سلامة يامربع .. لا ماقارنة بين الإتصالات وموبايلي ... حتى في الجوال تستطيع الإتصالات وضع موبايلي على الحديدة .. فقط لويسمح لها بالتخفيض بالوقت الذي تريده .. لعلمك ما زالت الهيئة ضاغطة على الإتصالات لتنجح موبايلي .. بعد فتح المنافسة سترى العجب العجاب .. أين تذهب موبايلي .. عيب الإتصالات شيئ واحد .. تضيق على موظفيها ... وتدلل عملائها .. يعني مثل النخلة العوجاء بطاطها في غير حوضها .. تبحث عن الدعاية وتنسى أن أهم دعاية لها هم موظفيها .. تحياتي .. [/align] |
إعلان من شركة الاتصالات السعودية
نهيب بالأخوة طالبي خدمة dclإحضار ملف علاقي والتوجه مباشرة لفرعنا في صندوق التنمية العقاري اختصارا للوقت والتقديم من هناك للقرض السكني ومعه خدمة الد سي 200إال أنتهى |
[msg]أبشروا بالدي اس ال وتفائلوا خير ان شاء الله [/msg]
اقتباس:
اخوي مضيع البلنتي ابشرك بشرى ساره تفائل خير انا واجهت مسؤل كبير في الاتصالات السعوديه وقالي انهم الان يعملون فيه وصبرك اسبوعين الي ثلاثه اسابيع .. ومن حضنا انهم يبي يوفرون لنا 300 ريال حقت التأسيس .. لكن عسااااااااهم يصدقون يارب لعلمك اني طالب دي اس ال في المحل وفي البيت والي الان .. لكن عساااااااااااهم يصدقون معنا يارب [/align] |
نعم اشكرك أخي كاتب الموضوع حي الفايزية ب من أقدم احياء الشمال الشرقي وأكثرها كثافة سكانة ومع ذلك استهتار شركة الأتصالات بهذا الحي كبيره جدا فلقد كان المقسم قديما 324 ثم نقل عنه وبدل الى 381 الأسو ثم نقل وبدل الى 384 أسوا مقسم في بريدة لا أعلم لماذا شركة الأتصالات مستهدفه لذلك الحي بالسوء للعلم اعرف الكثير ممن قدمو لدسل قبل اكثر من عام ونصف والى الآن لا من مجيب لك الله يا فايزية ب |
هذادليل على فشل مدير الأتصالات بالمنطقه الأماجايب خبر المدينه والا الشركة احظرت مقاول واكمل للازم ولكن اللأدارة بالمنطقه ماطلبة اطلاق التيار للجهزه الحديثه بالمقسم
|
حياكم اهل الفايزيه قريبا جدا اضع الارقام الاولى التى رايح تركب عند العميل 0
بس اهم شى ولمو القهوووووووووووه وعلوم الرجاجيل 0 |
الان مر على انزال الخبر اكثر من 3 اسابيع
ومكانك سر...لاجديد مجرد آمال تتبخر.. الظاهر اننا بننقل الى جنوب بريده بالقمايم اللي بالخالديه عشان ترضى علينا الشركه وتركب الديزل(هذي احدث تسميه من عجوزي الله يرضى عليها) هههههههههههه |
رددو معي ياليل مأطوووووووووووووووووولللللللللللللللللكككككككككككك ككككككككككككككككككككك
|
عندنا وعنندكم خير وعنيزه تلقى الجيران واحد عنده والثاني انتظار
|
هي جت على سكان الفايزية بس
المشكله على مستوى المملكة هذه السرقه بعينها |
اقتباس:
ملف ( الديسل) تعبت من كثر ماكتبت dsl حاطينه بجنب ملف الأسلحة النووية الإيرانية يعني بعد ماننحل مشكلة الأسلحة يبون يحاولون يمكن ليت لعل (جميع أدوات التمني )تنحل المشكلة ويدخلون شركة الاتصالات في بريدةالتاريخ من أوسع أبوابة ويقفزون الى آخر سلم المجد والشهرة وتجي القنوات الفضائية ويحتفلون بهذا الانجاز جميع اخواننا المتضامنين معنا من سكان زحل لاوالمريخ وبلوتو أعتذروا بسبب التوقيت عندهم مدارس الصبح |
والله شكلي ابرحل عن حي الفايزية بسبب هال دي سي ال واروح لبيت مركب فية وخالص
احسن لي اكثر من سنة ونصغ وواسطات وكلم الرياض وكلم فلان وعلان ولا فية نتيجة وان شاء الله خدمة افاق هذي تبشر بخير نقول الله يعين بس لك الله يا مخطط ب |
شكرة الإتصالات وضعف الخدمات قصه لن تنتهي تفاصيلها
المدن المتقدمه توفر خدمة الواي ماكس ونحن لازلنا نفتقد لخدمة الدي اس ال في كثير من أحيائنا !!! كان الله فلي عون الفايزيه وسكانها |
الله يكون في عونكم ,, يامخطط ((((ب)))) أحتسبوا الاجر عند الله ,,
ياخي دورلك واو منا والا منا لعلك تجدها ,, موفقين يأخواااااااااان |
اتصدقون عاد
أول واحد ركب Dsl بحينا هو أنا من سنتين ومستاااانسن عليه والسرعة256 والحمدلله على ذلك |
حسب افادة 907 موعد التوسعة لمقسم 384 هو 25/7/1428هـ وحنا نقوووووووول الله يعين مأجورين يافيزيه ب اصبروا واحتسبوا وتعيشو وتاكلو غيرها
|
السلام عليكم اهل الفايزيه الموعد قرب قسم بالله 0
بس هدو اللعب يعنى ارضى 0 |
| الساعة الآن 12:08 am. |
Powered by vBulletin® Version 3.8.8 Alpha 1
Copyright ©2000 - 2025, vBulletin Solutions, Inc. Trans by
موقع بريدة