|
يا أمانة : ليه تسكرون بيبان حديقة الاسكان؟
تفاجأت وعائلتي عند زيارة حديقة الاسكان بتسكير بواباتها الشرقية باستثناء بوابة واحدة تقع في مكان ضيق جدا نظرا لوجود مبنى تحت الانشاء قرب الحديقة ..
وسؤالي : مالهدف من إغلاق البوابات الموجودة سابقا ؟ ان كان الهدف هو منع الشباب من التسلل للحديقة فهو في غير محله لسببين : الأول : ان البوابة الشرقية ليس عندها حراس لمنع الشباب من الدخول ! الثاني : ان سور الحديقة أصلا قصيروالشباب الي يبون يدخلون مو مضطرين يحاوطون حتى يدخلون مع الباب !! قمزة بسيطة ما تكلف شي !! يعني تسكير البوابات الي كانت موجودة اول بس ضرنا حنا يالعوايل .. شيل الأغراض لمسافات بعيدة عن الزحمة .. وتعب كبار السن بالمشي .. أمي هلكت وهي تمشي عشان ندور محل هادي وصاد ومافيه زحمة وازعاج .. ومن هنا أطالب بفتح البوابات ثانية وخاصة في الجهه الجنوبية الشرقية .. والجهه الشمالية الشرقية .. وريحونا تكفون ..وخوذوا أجر كبار السن الي ما يقدرون على المشي الطويل .. |
المفترض الخصوصية لاماكن العائلات تكون محترمة في انفس الناس وبدل اغلاق بوابة استحداث اكثر من بوابة ، لكن يمكن الامانة اتصل عليها واحد مريض نفسي ولا يثق حتى بأمه واشتكى من دخول القطط وبناء عليه اقفلت الامانه البوابة وتضرر الاخرين وهذي مشكلتنا شخص او مجموعة تنفذ ارادتها على حساب الجميع ليس في هذا الامر بل في امور كثيرة ليس اقتناع من الجهات بل تسكيت بمعنى مافيه نظام فيه فزعات ولعب بمصالح الناس
|
اقتباس:
|
شكرا عيون الصقر وذا فريمان على المشاركة والتأييد .. وبانتظار المزيد من الأصوات
يرفع لما الأمانة تستجيب وتفتح البوابات كما كانت سابقا .. |
انا اطالب بوضع بوابات تكون مهيئه من جميع النواحي ومتطلبات الامن والسلامه .
البوابة الحاليه مكانها للاسف يفتقد الى قواعد السلامه حيث مخلفات المبنى المجاور للبوابه وكذلك وجود سيارات على يمين ويسار الطريق والمسار لايسمح بمرور بعض السيارات الا بشق الانفس . اضافة الى كون ارضية البوابه عباره عن ارض مليئة باالاتربه . كذلك الاناره عند البوابه ضعيفه جدا. وكما ذكرت الاخت صاحبة الموضوع من حيث معاناة بعض النساء الكبيرات في السن من المشقه والتعب لعدم وجود ممرات تناسب هذه الشريحه من النساء . كذلك اقترح ان يتم تسكير السور وخاصة من الجهة الشرقيه والجنوبيه والشماليه وترك الجهة الغربيه على وضعها الحالي واستبدال الشبك المفتوح بسور لايسمح بمشاهدة من بداخل الحديقه . ووضع رجال امن يقومون بحفظ النظام والامن داخل الحديقه . |
رأيت شكوى وتذمر ساكني الحي من اغلاق البوابات ومعاناتهم من ذلك
اتمنى ان تعيد الأمانه النظر بهذا العمل وان تبحث عن حلول افضل وانسب للجميع اعتقد بأن اغلاق البوابات الشرقيه ليس إلا حرمان لأهل الحي من الحديقه تحياتي |
قروي فاهم
عبد الله الحلوة أقدر مروركم ومشاركتكم .. وبقي عندي ملاحظة مهمة .. وهي اننا شرقنا بالغبرات الي بأماكن لعب الأطفال ! فليه ما ترش بالموية أول العصر حتى تقلل من اعراض الحساسية الي تزيد بانتشار الغبار عند لعب الأطفال وتؤثر عليهم وكل من كان جالس بقربهم ؟ |
يرفع حتى استجابة الامانة
|
والله إنك صادقة لاننا رحنا ولقينا الابواب مسكرة درنا من جميع الاتجاهات وبالاخير ليقنا باب نص مفتوح وياله دخلنا لان المكان ضيق والحراس الصراحة ماعندهم سالفة |
الله وأكبر.. يتعبكن المشي ونقل الأغراض ...!!
وأنتن تلفن الأسواق بلا ملل ولا تعب , والله ياالحريم أبتلشنا فيكن...!! على العموم ياصاحبة السمو يمدحوووون الدائري... ويخب بعد...!! وإذا مو عاجبك الدائرئ النوم بدري عبادة,,,, |
اقتباس:
|
اقتباس:
مرجبا أختي وشكرا على التأييد طالما رفعنا صوتا وصرحنا بمعاناتنا فالأكيد أن الأمانة ستتجاوب معنا |
اقتباس:
ونعمة من ربي ان الامانة اسمها ((((( أمانة ))))) ... مهيب طاحونة تطحن آراء الناس وحقهم بالتعبير بعد !! مير صدق من قال الي اختشوا ماتوا !!!!!!!!!!! |
اقتباس:
وشو به صدق الطاحونة يا عطر الندى؟؟؟؟؟؟؟ صدق من قال : لا تحرق النار الا رجل واطيها والي ما عانى والا أصلا ما تهمه معاناة الناس ماله داعي يرد ويزيد عدد مشاركاته على أكتاف الآخرين !! |
ياصاحبة السمو المشي رياضة ومنشطة للجسم والدورة الدموية .
فلماذا لما مشيتي مترين قامت الدنيا...؟؟!! فأرتال الشحوم في بنات السعودية من كثر (البلبطة) وقلة الحركة . الوحدة تدخل رز ابو كاس ولا تدري الا وهي مثل التفيخة مع كل مكان متنفخه ....!!! ربما البلدية قاصده الشيء هذا من أجل أرغامك أنت وأشكالك على المشي ولكن لافائدة...!! آآآآآآسف على القسوة في الرد ياصاحبة السمو فالموضوع يتطلب ذلك . |
اقتباس:
دارين يالطاحونة ان المشي رياضة .. ونشكر الأمانة الي حطت لنا هالحديقة حتى نمشي بها .. لكن لو تراجع كلامي الأول تلاقين أشتكي من تعب كبار السن الي ما يتحملون المشي وخاصة الي عندهم قلب وضغط وسكر وروماتزم ويتعبهم الاجهاد . أما شيل الاغراض فالحمد لله أولياء أمورنا ما يقصرون بس حنا نبي راحتهم وما ودنا لهم بالتعب الي ماله قيمة .. يعني المشي مفيد لنا ولهم ما قلنا شي .. بس ما خبرنا من شروطه حمل الأثقال !!!!! ولعلمك ان المشي والرياضة من أسباب ذهابنا للحديقة أصلا .. بس حنا نرفض (( قرارات الأمانة )) الي مالها مبرر الا مضرة العوائل من أجل منع الشباب وهم بقرارهم لم يمنعوهم أصلا !!!! |
يرفع بانتظار الاستجابة
وأكرر مطالبة بضرورة رش الاتربة الي في ملاعب الأطفال بالماء فيوقت مبكر .. ذبحنا الربو قسم بالله .. |
وبرضه يرفع بانتظار الأمااااانة
|
غبااااار ... غباااار ... الحديقة غبار من هالمبزرة .. تكفووووووووووون يا أمانة رشوا ملاعب المبزرة بالماء .. وافتحوا لنا باب جنوبي شرقي ..
خوذوا أجرنا تكفووووووووووووووووووووووووون |
بصراحه ألأمانه مأحسنت [اغلاق أبواب ] حديقة حيوانات كاسره ــألمشاهده بالعين فقط ,,,
أعجبني رد ألكساره أسف أقصد ألطاحونه في مشاركته رزأبوكاس وبالونه ــ ليش مأقترح على ألأمانه وضع سيركهربائي للنقل بدل ألمشي .. ,,,,,,, حبذا لو أتصلتو على سعادة وكيل ألأمين م \صالح ألأحمد نعم الرجل متجاوب والحل فوري ,,,, تحياتي للجميع وعذراً زميلي ألطاحونه .... |
طيب من يدبر لنا رقمه ( صالح الأحمد ) الي تقولون .. وأنا أقول لحدى اخواني يتصل عليه .. والا حنا حريمن بحرم الله ...
معكم علم رجال من تالي عجااااااااااازين وزووووله وكلللش يبونة على الجاهز حتى الاتصالات بسبة إدمااااااان الكبسة !! <<<< قال ابو كاس قال !! الي بيته من قزاز لا يحلّت تكفووون ترى بنفلقه ! <<< عربجة على اصوله!! |
يرفع لأمانة مدينة بريدة .. لننتظرأن تستجيب وتفتح البوابات كما كانت سابقا ..
أو تقوم بإيجاد الحل المناسب تحياتي |
شكرا الافق على رفع الموضوع
تسلم على الفزعة |
لاااااااااااااااااااااااااااااااتعليق !!
ومن الذي قال لك ان الفتحة التي اغلقت كانت بابا بل العكس تماما ....... ولو كان لي رأيا لاطالبت باغلاق جميع الابواب ماعدا البوابة الرئيسية( الغربية الشمالية ) والاهتمام بها اكثر واكثر من ناحية رجال الحسبة ورجال الأمن وكذلك التشديد على عدم دخول الشباب لأنها في الحقيقة اصبحت مكان لسدالفراغ عند بعض الشباب حمانا الله واياكم من الفتن !!!! |
كلامك صحيح
شكرا صاحبة السمو |
اقتباس:
هناك كبار السن الذين لا يتحملون المشي , وهناك الأطفال الصغار , وهناك أغراض العوائل التي تحتاج إلى حمل ! أما رجال الأمن ورجال الحسبة فالله يقويهم لكن لي عليهم ملاحظات .. رجال الأمن أحيانا نشاطهم ملحوظ , وأحيانا نجي ونروح ما شفناهم ! اما رجال الحسبة فما قصروا لكن مشكلتهم انهم بس يآخذون لهم دورة على الجزء الجنوبي وهم مع بعض وأشكالهم معروفة !! وطبيعي ان الشباب وحتى البنات أول ما يلمحونهم بيهجون ! فالمفروض يجلسون لهم فترة كانهم من عرض هالناس حتى يشوفون البلاوي الي تصير عيني عينك !! أما مسألة انك ياولد نعمة تبي الامانة تشدد على الشباب فيااااااا ليت ومن بؤك للسماء ! لكن ترى التشديد عليهم ماله علاقه بأغلاق بيبان الحديقة الشرقية والجنوبية ,, لأنهم يقدرون يدخلون من فوق السور .. راس مالها نطة وفي رواية قمزه !! من دون الباب !! فالأمانة ماغير ضروا العوائل باغلاق البيبان والتضييق على الناس وزحمة السيارات ! وانا اقترح بعد إن الامانة تحرص على تشجير المناطق الي جنب الشبك وخااااصة الجزء الجنوبي والشرقي , لأننا لاحظنا كثرة الشباب الي يزعجون بأصواتهم وصراخهم والا بمسجلاتهم وهبالهم مجرد ما يلمحون خيال مرة تمشي بالحديقة !! يا اماااانة ارحمونا تكفوووووووووووووووووووووون |
صاحبة السمو سؤااال يسدح نفسه وابي اعرف منك شخصيا الاجابه......
الا تتفقي معي ان كل ممنوع مرغوووووب عند كل الجنسين حتى لانظلم احد... حديقة الاسكان للشباب لايفصلها عن حديقة العوائل سوى بضع مترات ومع ذلك تلاحظي الشباب قد اهملوا الاماكن المخصصه لهم وذهبوا لمزاحمة النساء ...... وعلى العكس تماما حديقة البلديه أو بالاصح منتزه البلديه تجدي الشباب يتشكو من تواجد العوائل وبكثرة حتى في بعض الاحيان لايجدوا مايجلسوا فيه .... اود معرفة السبب |
اقتباس:
ولد نعمة ليس دفاعا عن العوائل , ولكني لم أجد أبدا عوائل في مضمار الشباب !! أما حديقة البلدية فكل الي فيها أجانب وشكلهم ما يدرون أصلا انها للشباب |
معااااااااااااااااااليش صاحبة السمو بهذي غلطانه ........ من اللي قالك ان كلهم اجانب بالعكس كلهم اهل الشماس
وانتي جايه ................. |
اقتباس:
وبعدين أنا خابرة حديقتين عند البلدية , فليت الأمانة تخصص الشرقية مثلا للشباب , والغربية للعوايل وبكذا تنتهي المشكلة ولا أحد يضايق أحد !!! |
للرفع حتى تستجيب الأمااااااااااانة
|
[align=center]يابنت الحلال حنا يالشباب والله ماعندا شي ببريدة يعني منتزة ولا شي ثاني احمدوا
ربكم يالعوائل كل شي لكم العثيم عوائل النخيل بلازا عوائل ولا ملاهي ببريدة إلا هو عوائل وحنا وين نروح ....... هذا السؤال اللي نبغى اجابتة[/align] |
اقتباس:
لكم المضمار ولكم حديقة البلدية الشرقية <<<< ذي منحة من لكم !! ولكم حديقة الاستاد الرياضي ولكم حديقة العقيلات <<< أظن اسمه تسذا ! الشاهد انه الي عند النجر الي بطريق عنيزة ودايم فاضية !! ولكم مساحات الثيل الي بالارصفة ولكم مخطط الرواف <<< توي مكتشفته وكله ينوس شباب متسدحين !! ولكم الدايري بجميع اتجاهاته ولكم البران وش تبون بعد ؟!! |
[color=0000FF] سبحان ألله ــ ألى ألأن مافتحو ألباب ــ أكيد مابيديهم سنع ــ أوأنه بيحول منتزة رعاية مسنين وجالسين يهيئونه من ألداخل ولا ودهم يوقف عملهم ..
بجد لازم بكره أمرعلى ألموقع وأتأكد بنفسي عن أسرارأغلاق ألبوابه صاحبة ألسموألفكري ــ وهذا رقم تلفون مكتب وكيل ألأمين [3251135][/color] |
اقتباس:
من ناحية الفتح فيه باب شرقي مفتوح , بس المشكلة انه واحد بس ومن جهة الشمال أو تقدر تقول وسط الحديقة من شرق , حول ألعاب الأطفال .. وهو في مكان ضيييييييييق قووووووة نظرا لبناء مدرسة تكاد تكون ملاصقة للحديقة <<< المعنى ان الشارع ضييييق مررررة ! ومن زود الغثاء مليان هالشارع على ضيقه سيارات ملبقه <<<< بعض الناس على بالهم فرض يلحمون بباب الحديقة تلحيم ! بس الاعتراض على تسكير باب الجهة الجنوبية الشرقية الي بعيدة عن الألعاب وهي الي هادية على الغالب لبعدها عن أماكن لعب الاطفال وغبراتهم !! أما سالفة المسنين فما ادري وش قصتك انت معي ؟! وراك متبلين بهالسالفة ؟! من قرض التقاعد وشوف الشجر ! لرعاية المسنين !! <<<<<< فك يا ابني وخل عنك المواحن والتقعد ! وشكرا على الرقم , لا عدمنا فزعات الرجال الطيبين شرواك . |
قسم بالله شرقنا من الغباااااااااااااااااار
فكونا يا امااااااااااانة .. وخلوا هالعمال الي مالهم حاجة بالحديقة يرشون تراب الالعاب بالماء من بدري وافتحوا لنا باب بالجهة الجنوبية الشرقية |
سؤاااااااال مهم للأمانة
عل البيع في الحديقة مصرح فيه وعادي ؟ لأنه لفت نظري مؤخرا انوااااااااااااااااااااااااااع المبيعات وخاصة الأكل ! حريم يقلن ويطبخن على الهواء مباشرة !! فلو كان الامر عادي ومصرح فيه فياليت تنوروننا حتى نترزق الله لأنه عندي مشيريعات ودي اسويهن بس ما عاقن الا تصريح البلدية <<<< لا تروحون بعيد وتحسبونن هامورة ترى ماهنا غير بسطة ! مير ماعلى الله بعيد ! |
يااااااااااااااااااااااااااااا حبك للبلااااااااااااااااااااااااش ياصاحبة السمو ...........
استأجري استراااااااااااااااااحة وفكينااااا . بس اهم شي يكون فيهاا باب قرااااااااااااااااااش عشان يدخلونك بالسيارة ماودنا لك بالتعب ............... والا الله يستر بس الحين تشرقين بغبااار .. زين لاوصيك تحياااااااتي لك |
اقتباس:
أقول يا شين الي يبي يكثر مشاركاته وهو ما قرأ الموضوع زين .. والا قراه وراسه كل شوي يطيح على كتوفه من النوم ! ويا شين بعد الي ما يهمه الا نفسه ولا يعرف إلا ضمير المفرد <<< ان جيتوا للصدق ما عنده ضمير !! من جد يا شين الي ماعنده هم جمعي فيحس بمعاناة جميع افراد مجتمعه بدل ماهو ما يعرف الا وش يبي هو وبس !! |
كانت قبل سنوات هذه الحديقة مرتاديها كثر اما الآن فلا يوجد فيها احد الا قلى يعدون بالاصابع
امانة مدينة بريده يوم كان مسماك بلدية بريده كنتي افضل من امانة بريده اصحوا يالامانه من هالاوضاع |
| الساعة الآن 02:21 am. |
Powered by vBulletin® Version 3.8.8 Alpha 1
Copyright ©2000 - 2026, vBulletin Solutions, Inc. Trans by
موقع بريدة