|
هذا مايحدث في الأسواق !! وضع مقزز
السلام عليكم ورحمة الله وبركاته
اكتب لكم هذا الموضوع الذي حدث معي ومع غيري مئات المرااات ( ذهبت لسوق بريده المعروف في جنوبها وكانت معي ماما (الله يطول عمرها والمسلمين أجمعين آآآآمين ) في أحد المحلات وانا جالسة أتفرج إذا بالبائع يطالعني بطريقة أقشعر بدني منها .. ،، خرجت ولم اشتري منه شيئاً ،، وعندما دخلت محل آخر وكنت أسأل البائع عن تايير أعجبني فقال لي حرف حرف : (هذا المقاس أحلى عليك ؟) وهو يطالعني من فوق لتحت ؟؟ , والآخر يرد علي بتغنج وابتسامه والله أن أحد الباعة مسكني من يدي ليستلم المبلغ (( استح على وجهك أنت بتاخذ الفلوس وإلا يدي ؟؟؟)) وموقف ماما أذكره لكم ( الله يخلف علينا صارت الأسواق ماتبيع إلا ملابس مقززه {تنانير قصيره + بناطيل ضيقة + اشكال تنانير مقرفة مشرشحة !} والله شفت تنوره طولها شبر !!!!!!!!!! خافو ربكم ،، وين الستر ويننا عن زمن الصحابيات !!! حال يرثى لها !! أمي قالت لأحد الباعة : حرام عليك تبيع هذي الأشكال ! خاف ربك كيف تبغى الله يبارك لك في رزقك ؟! قال لها بالحرف الواحد (( فيه غيرك يشتريها ؟؟ )) يتكلم بنفس خايسه .... الله يهدينا وياك ويستر عل حريمنا !!! هذا معي وإذا سألت صديقاتي قالو لي أشد من كذا !!! ((أنا بصراحه إذا رحت السوق ألبس عباية مسكرة ع الرأس واســـعة مخصصتها للسوق وألبس جزمه سبورت ((الله يكرمكم )) ، حتى نقابي ما أفتحه ! وشكلي قبيح بصراحه // لكن مدري شنو السالفة وإلا عشاني حـــرمه خلاص !!! والحين ماأحب انزل السوق إلا مع بابا أو أخوي الكبير ،، حتى صرت أقول لأبوي أو أخوي وهو يسألي البائع ؟ وهم يحاسبون عني (الله يطول لي بأعمارهم آآآآآمين والمسلمين أجمعين ) شنو رايكم بالله مو مهزلة ((باعة )) يتصرفون كذا مع بناتنا ؟؟؟ |
شي طبيعي الي شفتي...
هم يجسون النبض إذا ما عطيتهم وجهه ما يستمرون . .وما قاموا بهالافعال الاهم لاقين بنات تسايرهم ومن كثرهن التبس عليهم انهم يفرقون بدوا يجربون بالجميع المتسترة والي ما تسترت وبالنسبة للملابس الي تقولين ممكن الوحدة تلبسها عند زوجها .او تلبس تحتها او فوقها شي ... |
الله يهدي الجميع
|
والله يأختي الشق أكبر من الرقعة
لو وضع حد للبنات أول كان ماشفتي هالتصرفات ولكن الشين تغلب على الزين واختلط الحابل بالنابل والحين مافيه فرق المتستر واللي مو متستر كلهم يلقون مضايقات من اللي مايخافون ربهم اسأل الله الهداية لك ولنا |
لاحول ولا قوة الابالله اهكذا تتحول اسواق المسلمين في ظل التخاذل المخزي وتغييب الدور الفعال لرجال الحسبه وهدم هيبتهم في قلوب الناس والى الله المشتكى
|
اااااختى ملاك الله يخليك لوالديك روحى مع ابوك احسن .. هذه العماله انا رجل وشنبى يمشى عليهن التيس اخاف منهم , وانا أ لا حظ اخوننا السعوديين والسعوديات يستهنون بالعمال وهنا مربط الفرس (وشوا رفيق ماهو رجال) ,,,,, وجهة نظرى احترموها وشكراااااااااااااااااخوكم ماسك طريق حايل السريع روعه >>>>>>>>>>>>>>
|
احمدي ربتس يا ملاك ..
اختي كانت حامل بالتاسع وولادتها اليوم أو بكرى وحوم تسبدها واحد يغازلها ويرقمها !! ووين ؟ بمستشفى سعود بعنيزة !!! مير شكله يا اما عمى بصر ما يشوف كرشتها الي ناطة زي الجحة الرويانة !! والا عمى بصيرة يبي خيال مرة والسلام !! الله يحفظنا واياكم من كل شر .. بس صدقين .. زي ما قالت بريداوية .. هم لاقين بنات يعطنهم وجه عشان تسذا صاروا يجسون النبض لعل وعسى !! البياعين يا اختي طبيعي لأنهم دايم يختلطون بالحريم وهن أكثر الأحيان بلحالهن بالسوق .. بس الي مطير بوهتي من جد وشلون يتجرأون الحلاقين وعمال المطاعم على المغازل حتى والوحدة بالسيارة ومعها محرمها وهي متسترة!!!!!!! والله ان نفسي تحدثني ان في الموضوع إن !! ما تجرأوا الا انهم لاقين وجه .. وشكل شعارهم ان صابت والا نلقى غيرها !! بس لو الوحدة منا احتفظت برقم الهيئة بجوالها ودقت تعلمهم عن كل سامج وهو يسمع ويشوف .. كان ما صار ذا حالنا .. |
الله يعنيك اختي ملاك يابتشوي
|
اللهم استر عوراتنا
وأمن روعاتنا |
صدقتي
انا دائما اتعرض لهالمواقف هذي وخاصتن هاليوومنه هاليمنين الله يمسحهم وربي اذكر نفس موقفتس هذا يمني قال هالتنوره احلى عليك تمسك على خصرك من هناااااااااااااااااااااا.....الخ وجدعتها بوجهه وطلعت وبعد يمني اخر كذلك يوريني فستان ويجيني مع ورى ويسوي لي حركات وربي شوي واجمع الخلق علي ماخليته جدعت الملابس اللي معلقهن وحييييييييييسسسسسسسسسسسسست مريرتهن وطلعت وخليته وكذلك بمكه يمني اخر حاول يميك ايدي بالزحمه ولحد يومي هذا وايدي تلتهب وتبدى تحمر والله العظيم الهنود ارحم من هاليمنيييييييييييين الله يقطعهم ويمسحهم من هالأرض وتستمر المعاناة ولو انادي الهيئه ضفوني معهم فما الحل هل نسكت وربي مايلقون بال للرجل اللي معك؟؟؟ اشكرك حبيبتي على الموضوع وتستمر المعاناه |
ذهبت وا معتصماه ادراج الرياح
وذهب حياء بعض بناتنا مما ادى الى تجرا بعض القرده على بناتنا وحقاً وجبت الان وا معتصماه |
نملة
يا قلبي من قالك ان الهيئة بيظفونك معه ؟ أنا دايم أفضح بهم .. وما شفت من الهيئة الا الشكر وعبارة : بيض الله وجهك ومع السلامة .. جا دورنا وأنت سويت الي عليك .. همن اتوكل وانا مبسوطة اني ما خليتهم على راحتهم .. واهم شي انهم يدرون انه موب كل الطير ينوكل لحمه !! |
الاخ الالماني
الصالحات اكثر من الطالحات فلا تعمم هداك وبالنسبة للبائعين الملاحظ ان التجاوزت تصير من البائعيين اليمنيين اكثر من غيرهم ومن وجة نظري الخاصة الابلاغ عنهم ولو عن طريق الهيئة بالاتصال لان ذهباك لهم وابلاغهم فية احراج وفشيلة واللى تستحى ماهى رايحة الاخ وليد الطريقي الله يهديك يعنى تبي تقول انهم ماتجرا على فساد البنات لاتعمم ترى بعض البائعين مايعرفون عاقلة والا غيرها يحبون يتميعون مع كل بنت |
اختى صاحبة السمو الفكرى
نمله كاشخه الحصان الاسود انتم اتفقتو على ان اليمنيين هم اقذر انواع البائعين وانا اويد كلامكم بالحرف الواحد واليمنى يعمل حركات جس نبض للبنت بلمسها من جسمها بطريقه سريعه فان تركته فهو سيواصل قذارته وان ردت عليه فانه سيقف بكل احترام ليس خوف منها لكم خوف من الهيئه اعزائى اتمنى ان نكون مرافقين لاهلنا فى الاسواق ونكون على مستوى المسئوليه حتى لاتتعرض اعراضها لقذارة هولاء كنت اتمنى ان الاخوات اللى يلمسهن البائع اليمنى ان يبادرن بالاتصال على الهيئه وادعو من كل قلبى ان تكون هناك مقاطعه للباعه اليمنيين لكى نجبر كفلائهم على تغييرهم اشكرك اختى على صراحتك وحفظ الله لنا بناتنا وامهاتنا اللهم امين |
اللهم احفظنا نسائنا ونساء المسلمين امين يارب العالمين
مايحدث في الاسواق شي محزن ميوعه من وتجمل بعض النساء وقلة ادب من الباعه وخاصة ابو يمن الكلب الوقح من اراد الستر لنسائه يكون معهن في الاسواق احفظ لهن والله خير الحافظين 0 |
نسال الله الحفظ للجميع ومن تعرضت لهؤلاء الشواذ مو لازم انها تلم الخلق وتتصل على الهيئة في نفس اللحظه بإمكانها بعد الخروج الاتصال على الهيئة والتنبيه على صاحب المحل وفعله الشاذ..!! والمفروض الوحده ما تخرج لوحدها الى السوق ولاتدخل لمحل لايوجد فيه نساء غيرها .!! تحيتي |
السلام عليكم ورحمة الله وبركاته
أشكر الجميع على تفاعلهم معي ،، صادقين اكثر شيء من الجنسية اليمنية ، ولا تنسون الهنود كمان ((خااااصة في مكة )) حدث ولا حرج ،، الله يهدي الجميع // أنا لما أنزل السوق أشوف كمان أشكال بنات تقرف والوحدة كاشخة للسوق ( عبايات مخصرة + برقع طالع خدها مع عيونها + وتلاقي الوحده تتدلع في كلامها معهم ، لا وتكاسره ع السعر // على طاري الهيئة بقولكم موقف صار مع خااالي وانا كنت معاه ((خالي الحمد لله ملتزم لحيه وثوب قصير وياعيني عليه >> المهم كنت معاه في سوق العثيم مول وتحديداً في محل mango (MNG وكان في الزاويه ثلاث حريم يتفرجون ع الملابس وفاتحات النقاب وأصواتهن عاليه ،، انا كنت قريبة منهن ولما طلبت خالي عشان بستشيره في بلوزه أعجبتني وقرب مني (وهو جاي تكلم معي (انتي ملاك ) ولما هذولي الحريم سمعو صوته وشافوه إلا بسرعه قفلن نقاباتهن وتسترن وراحن بعيد )))))) والله ضحكت عليهن لهذي الدرجه تخافن من المخلوق ولا تخافن من الخاااالق )) الله يخلف ،،،،،،، واللبس العاري انتشر في الاوساط النسائية بشكل كبير انا شفت بنات غير متزوجات لابسين قصير وبناطيل وملابس تقررررف ياليتهن يلبسنهن بس عند ازواجهن ! الله يستر بكره وش يلبسون ! حسبي الله على الغرب ! والله الحين صارت الأجنبيات يتسترون وبناتنا ينافسون بعض على لبس العاري ((انعكس الواقع )) وهذا مايريده أعداء الأسلام ،،،،،،،،،،،،،،،،،،،،،،،،،،،،،،،،،،،،،،،،،،،،،،،،،، ،،،،،،،،،،،،،، أخوي طخطيخ >>> شكراً لك أن صرت ماأنزل السوق إلا مع بابا أو أخوي الكبير...... آخذ حاجتي وارجع بسرعه (( اللهم لك الحمد والشكر )) وفيه أمثالي كثير ولله الحمد ،، الله يهدي الجميع /آآآآمين |
اخواتي بالذات ... البائع لن يتجرأ مع اي واحده منكن إلا لوجود بعض المخالفات مثل النقاب وغيره ... لكنني انصح جميع الاخوات بالذهاب الى السوق مع الاب او الاخ الكبير !!! كذلك لايجب ان تتحدث البنت مع البائع عن السعر وغيره اثناء مرافقتها اخاها الله يستر عليكن يا اخواتي |
شيء جميل منك اختي ملاك00غيرك اذا قال لها البائع والله هذا حلو عليك داخت !!
والذهاب للسوق مع الأب أو الأخ يحميك من كل شر باذن الله0 الود لك0 |
الاخ الراي الاول
لااعتقد ان البائعين اليمنيين تصل انهم يلمسون صحيح قد توجود لكنها قلة مو لة الدرجة بالنسبة لظاهرى الملابس العارية في الاسواق نعم هي انتشرت انتشار عظيم وهذا غزو الله لايبلانا لكن الشرهة على الرجل اللى يسمح لبناتة ونسائة بهذا اللبس |
[QUOTE=الجبل الاسود;1146235]الاخ الالماني
الصالحات اكثر من الطالحات فلا تعمم هداك وبالنسبة للبائعين الملاحظ ان التجاوزت تصير من البائعيين اليمنيين اكثر من غيرهم ومن وجة نظري الخاصة الابلاغ عنهم ولو عن طريق الهيئة بالاتصال لان ذهباك لهم وابلاغهم فية احراج وفشيلة واللى تستحى ماهى رايحة [align=center]أخي العزيز الجبل الاسود نعم الصالحات كثر وكذلك الطالحات وأنا يأخي لم اعمم بل اوضح أن ماحصل للاخت نتيجة اعمال من الطالحات تجاه الباعة ومايدور بينهم بالخفاء يطبقونه على الصالحات علانية تحت شعار محاولة من العيار الثقيل جازماً أن أغلب بناتنا لن يبوحن بما حصل لهن وذلك نتيجة خوفهن من اولياء أمورهن أو من عامة الناس فتكون النتيجة انهزامية تحت مسمى الستر ارحملي [/align] |
الله يستر على بنات المسلمين أجمعين يارب ,, أما بالنسبة للعمالة صح يناظروووووووووونك من فوق لتحت يفصلون جسمك إلا إذا عطيتيهم وجه بالكلام ولاتميوعين ولاعبايتك مخصره -اللله يهدي بنات المسلمين- ,, ,, أنا ألبس العباية الفضفاضه وألبس شراب رجلين مايقربون لي وبعدين لازم وجود المحرم لكن ياأخوات .. تقبلي مروري ..
|
الله يهدي بنات المسلمين ويكفيهن شر المتربصين من جميع الجنسيات.
|
اللهم احفظ نساء المسلمين
والمفترض التي تريد اذهاب للسوق اصطحاب احد افراد العائله ليكون حمايه لها من الذئاب بأذن الله |
من يوم جاء ( أبو يمن ) الا والشر والفساد معه
بالعثيم يا ناس صار كله يمنيين حثاله ما فيه الا الهندي يبيع بالكوفي شوب والباقي تقول بصنعاء الله لا يكثرهم ---أحذروا أبو يمن أحذروووه -- اللهم استر علينا وعلى جميع المسلمين يارب |
السلام عليكم أولا دائما المغزلجين مايجون الوحده الا الي فيها ريح ثانيا (كل قاعده لها شواذ) ثالثا المفروض اي وحده يسويلها رجال حركات تخبر من معها او تخبر الهيئه لاتتركه وتروح كذا يتمادى رابعا اتفق ان اليمنيين زودوها خامسا الهيئه ضروريه جدا لو أختلفنا معهم سادسا احنا في زمن العولمه والتكنلوجيا (لاتصدقون كل مايلفق للهيئه من كتابات او تصوير) ولو أخطأو فأخطائهم مهنيه لاتمس عرض أونحو ذللك والله ولي التوفيق؟؟؟ |
اختي ملاك
بداية اشكرك على هذا الطرح القيم فقد وضعتي يدك على جرح نازف وانا هنا اؤيدك وبنفس الوقت اخالفك الرأي واختلافنا بالراي لايفسد للود قضية فأنا اؤيدك ان هناك الكثير والكثير ممن ابتلاهم الله بمرض القلوب وعمىالبصر و البصيرة وضعف الوازع الديني فلا هم لهم سوا الجري خلف هذه الدنيا واشباع رغباتهم واهواء انفسهم وهؤلاء يتلذذون بمعصيتهم ساعة وستكون عليهم حسرة لقيام الساعة فهم اشبه مايكونوا بالحيوانات لاهم لهم غير اشباع الرغبات ونسوا ان هناك رب يحاسب واننا بهذه الدنيا كعابري سبيل لا نعلم متى نغادر !! لذا يجب على كل فتاة تريد حظي الدنيا والآخرة ان تحمي نفسها منهم وتحاول الا تعرض نفسها لهم بأي حال من الاحاول ولاتخرج الا بمحرم وغير متبرجة بزينه واخالفك اختي ملاك بأن هؤلاء الرجال ليس هم السبب لمايحدث فحسب فهناك من النساء من تبحث عن الرجال وتحاول ان توقع بهم وتفتنهم سوا بكلامها او نظراتها او حركاتها وقع حذر المصطفى عليه السلام من النساء وانهن فتنة بهذه الدنيا وهذا النوع من النساء هي من تعرض نفسها على الرجل وتفتنه وبعد هذا تضع اللوم عليه !!! وقد شاهدت بعيني نساء اذا رات الرجل بدأت تتمايل بمشيتها وتطلق الضحكات والنظرات وقد رسمت على وجهها لوحة من الاصباغ بجميع الوانها للفت النظر إليها اسأل الله العافيه وان يعافيهن ولايبتلينا وانا ارى انه من المستحيل اي امرأة حفظت نفسها ونظرها واحتشمت ان تتعرض للمضايقة فالمرأة المحتشمة تفرض على الكل ان يحترمها مهما كان هذا الذئب فعندما تحافظ على حجابها يكسبها وقار وهيبة من الله فلا يستطيع اي بشر ان يقترب منها وربما نتعرض لمضايقات من بعض الذئاب ولكن بحكمتنا وقوة ايماننا نستطيع ان نتخلص من هذا ولله الحمد فمتى ما حفظنا انفسنا حفظنا الله وارى ان سبب مانحن فيه هم الرجال فلو كل رجل حفظ ابنته واخته وزوجته وراقبها من غير شك واعطاها ثقة غير مفرطة فلن يطمع بها شيطان فلابد من مراقبة المرأة مهما وصل بها العمر او الثقه خصوصا البنالت المراهقات لانهن يلن لاي كلمة حب والشيطان حريص فلو احس الفتاة ان هناك من يهتم بها ويراقبها فسوف تتراجع وتعمل حساب حتى لو انساها الشيطان الخوف من الله ويجب ان نبعد الجوال خصوصا عن بناتنا فهو مفتاح لكل شر اذا لابد ان يكون كل رجل وامراة رقيب على بناته واولاده ويوجههم التوجيه السليم ويخوفهم من الله ويغرس هذا في نفوسهم حتى يكون هناك وازع ديني يمنعهم من الإقدام على اي حرمات والاولاد والنساء امانة بأعناقكم انتم يارجال فلا تخونوا الامانة التي اوكلت لكم اعتذر للآطاله واسأل الله العلي القدير ان يحفظنا ويحفظ نساء المسلمين والا يجعلنا عبرة لغيرنا آآآمين |
اقتباس:
الله يحمينا جميعاً |
السلام عليكم ورحمة الله وبركاته
أشكر الجميع ع المرور وأنا أحترم كل رأي يعطيكم العافيه فعلاً الأمر هذا خطير لو تطور الله يستر ع المسلمين والمفروض الحرمه أياً كانت متزوجة أو غير متزوجة ماتنزل السوق إلا لحاجة وتكون متستره ومعها أحد محارمها ،، وأنا أحترم رأي الأخ أنه لو كانت الحرمه متستره فهي تفرض إحترامها ع الجميع (((وبصراحه السوق مافيه إلا وجع الرأس ، أنا ماأصدق على الله آخذ حاجتي وأروح البيت ))) الله يهدي ويصلح ويستر ع الجميع ،،،،، آآآآآآآآآآآمين يااارب العااااالميِن تحيااااتي الغيوره على أخواتها المسلمات : مــــــلاك عــبــدالله |
اقتباس:
مشكور أخوي صاحي ورايق ،، كلام جميل يعطيك العافية |
بصراحه عندي ملاحظه عندما نزلت للسوق مع الأهل وبالتحديد السوق الداخلي رأيت الغالبيه نساء بدون محارم والرجال قله قليله ؟أين الغيره معشر الرجال ؟هل هي المشاغل اليوميه؟هل هي الثقه العمياء؟أم هو الحبل على الغارب كما يقال ؟وهل الباعه نساء!! عجبا لما رأيت! نساء كأنهن دعين الى حفلت زفاف وليس لقضاء حاجاتهن عبائات ضيقه ومساحيق ملونه وعطورات جذابه هل هوالأحساس بالنقص ومحاولت لفت النظر للجمال المزيف البائعين في السوق من اليمانيين والهنود يتصببون عرقا برائحه الجنس لهول مايرون ويسمعون !َ!! من الكلمات الرنانه . لوسمحت بككممممممممم؟ماعندك هديييييييه ؟ بكم آآآآآآآآآآخر شي اب دسكاااااوند الله يخليك والا بشوووووف غيييييرك يالله خللللللك عمييييييل. أينكن معشر النساء عن قول الله تعالى ((ولا تخضعن بالقول فيطمع اللذي في قلبه مرض)) لاأظلم البقيه من حدتها الضروف واتت لوحدها متحشمه متستره ولم تخضع بالقول لأحد فقد رأيت منهن قله كثرالله من أمثالهن وهدى الله البقيه الباقيه ونصيحتي لهؤلا النسوه لكي تتجنبي المضايقات والمعاكسات عليكي بالمحافضه على الحجاب الشرعي والعبائه الساتره فحجابكي وعبائتكي تاج على رأسك فهل سمعتي اخيه يوما ان التاج يوضع على الكتف !!! |
اي سوق بياعينه يمن او حضارم لا يمكن تروح نامراءة مفردة لازم معها احد او معها محرم لانهم ما يستحون
لذا العثيم التسوق فيه مشكلة لابد من محرم مع العيال او يدبرون لهم خوية تروح معهم هنا تظهر ميزة اللبنانية والشوام ما ينزلون روحهم الا للي تبي وتدور الغزل وكشخه يعني لو تميوع وهي شيفه ما عطوها وجه |
اهم شيئ ان تكون البنت والمراة معها احد امراة مثلة
مو مشكلة ان الحريم يدخلون في السوق بدال مايكون معهم رجل كثرة دخول السوق مالها داعى اقصد من تذهب للتمشية وسعة الصدر وليس للتسوق بالنسبة للسوريين لااعتقد انهم يهتمون بالنساء عندهم في بلدهم حريم وبنات اشكال والوان وش لهم بوحدها متغطية مو معناة انى انفى عن السوريين لكن لااعتقد انهم يهتمون بة الامور يمكن اليمنيين والحضارمة لااعمم عليهم البعض فقط وليس الاغلب |
من أمن العقوبة .. أساء الأدب يجب ان يكون هناك حزم لكل من تسول له نفسة ان يخدش بناتنا ولو بنظرة هناك بعض الفتيات تعتقد انه من العيب ان يكون محرمها برفقتها في الاسواق وغيرها وهذا نتاج ثقافة رجعية بل ان المحرم يجعلك مثل الملاك ويبعد عنك شر الاشرار شكراً على طرح هذا الموضوع اخوك |
مأعتقد أن هذا يحصل بالسوق ألداخلي ,, ورجال ألهيئه بكل زاوية منه ,,,
والواجب على من تدخل السوق ألاحتشام وعدم التبرج ـ وأختصارألكلام وبهذا تحمي نفسه من جذب الرجال ألمتطفلين ,,, وأذا وجدت من يسئ أليها تخبر رجال ألهيئه وبهذا يحاسب وتكون له سابقه ومن ثم يوضع بالمجهرويصبح تحت المراقبه ,,, أللهم أحفظ نسأنا ونساء ألمسلمين من كيد ألعابثين وطمع ألطامعين ,,,, |
الله يهديهم ويفتح على قلوبهم
قوووولو أمين |
ياناس حنى مانقول إلى الله يهديهم ويفتح على قلوبهم
قووولوووو أأأأأمين |
آآآآآآآآآآآآآآآآآآآآآآمين
ويهدي بعد كل مبغض ومبغضة للهيئة .. |
للسوق وألبس جزمه سبورت ((الله يكرمكم )) ، حتى نقابي ما أفتحه ! وشكلي قبيح بصراحه
أختي العزيزه العماله مامن وراهم إلا وجع الرأس والمشاكل,وهذا مرده ضعف الوازع الديني,كذالك بعض البنات إذاراحت السوق كأنها رايحه لحفله عطورات ولبس وكحل واكسسوارات ,تخلي الحصى ينطق.لكن أعتب عليكي بقولك(صرت قبيحه)ياللعجب وهل الستر والحشمه جعلوكي قبيحه ,بل يحترمك حتى اللي مايخاف ربه.وفي الختام الله يستر على بناتنا من العماله وبعض الشباب الصيع. |
اقتباس:
حبيت اوضح لك أنو مو قصدي شكلي قبيح عشاني متستره ! أنا أقصد بعض الرجال وحركاتهم السخيفه معي حتى وشكلي مو حلو ، لأننا نشاهد أمثلة لبعض البنات الله يستر عليهم الوحده تتزين عشان الرجال ! الله يعطيك العافيه على كلامك ، والله يستر ع الجميع |
| الساعة الآن 09:27 am. |
Powered by vBulletin® Version 3.8.8 Alpha 1
Copyright ©2000 - 2026, vBulletin Solutions, Inc. Trans by
موقع بريدة