|
حصريا ,, لقاءات متنوعه ومواقف طريفه مع زوار مهرجان .مسلسل يومي
[align=center][img]http://www.losaan.com/upp/uploads/9d31148c6b.jpg[/img][/align]
[align=center][poem=font="Arial,5,orange,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"] يامرحبا بقدومكم لبردتنا = الدار غنت والسماء نجمها لاح حي القلوب القادمه نورتنا = في ارض تتشرف قدم من لها راح ياحي منهو حاضر ن ألما صنعنا = واللي ينوله شي من ذيك الافراح للمنتدى بريده غطينا وكتبنا = الوقت يرخصله ,, وبه الفوز لماح[/poem] لقاءات مع زوار من الشرقية والرياض و الشمال ...وغيره من المواقف الطريفه والمثيره سأخصص هذا المتصفح للاحداث و اللقاءات اليوميه في مهرجان بريده التروحي مهرجان الرضا عندما يكون هناك منشط معين نرى نجاحه بالكم والكيف من ناحية عدد الزوار وتفاعلهم وتنوعهم ومتابعتهم للفعاليات وحين تجولي وجدت عوائل كبيره وتجمعات مثيره ,, اثارني ما رأيت واثار فضولي .. فرأيت ان استضيف نفسي بينهم واكسر المثل المحلي الذي يقول ( من جاء من دون عزيمة قعد من على غير فراش ) اللقاء الاول .... وانا في السداسي داخل مركز الملك خالد الحضاري ومقر الفعاليات النسائية لمهرجان بريده الترويحي جلست مع احد زوار المهرجان وهي التجربه الاولى لاستضافة نفسي في سجادة احدى العوائل . وسانقل لكم ما حدث احدى العوائل عددهم مايقرب الـ 12 سيده باعمار مختلفه تترأس الاجتماع امرأة كبيره بالسن تجلس على مقعد متحرك كانوا يضعون القهوه و الشاي وغيره من المشروبات وايضا انواع من الحلا والمعجنات كسرت امامي حاجز التردد ووقفت امامهن وقلت السلام عليكم ورحمة الله الزين نجدي اعلاميه من منتدى بريده (ينظرون الي بغرابه ,, وحداهن كأنها كانت تعي ما قلت )> ردو : وعليكم السلام ورحمة الله قلت: ممكن من وقتكم شوي ؟ قالت: هذي حياك امري ؟ قلت :ابد ممكن اجلس < هنا احسست ان علامات الاستفهام تدور فوق روسهن قالت: احداهن تفضلي سألتهم : انتم من بريده ؟ قالوا : لا من الشرقيه قلت :انا اعلاميه من منتدى بريده الراعي الاكتروني للمهرجان وحابه اشوف انطباعكم عن المهرجان و رأيكم فيه قالت : احداهن أهاا يعني انترنت ؟؟؟ قلت : نعم بس موقع اعلامي خاص لمنطقة بريده معروف ومتميز قالت : ايوه < قصدها هاتي اللي عندك قلت :ممكن اذكر اساميكم بالقاء .. قالت :احداهن عادي ,, ردت الاخرى لا فشيله قلت: لهن عادي ليس بالضروره بس اذا كنتم حابين ذلك اذا اتفقنا على الالقاب (ام محمد وام ياسر وام يزيد وام شجون و حورية) تفاعلوا معي باهتمام وتلقيت منهم قبول وترحيب وضيافه وكرم ام محمد قالت : ان المهرجان رائع بأركانه وايضا تنظيمه والمشرفات القائمات عليه والمكان هذه السنه مرتب افضل من العام قلت : انتم اصلكم من بريده ؟ قالت : ام شجون لا حنا من الدمام ابا عن جد, بس اختي ام ياسر متزوجه قصيمي وبنتها بتتزوج وجايين نحضر الزواج واحنا عادتنا نزور بريده كل صيفية قلت : وشرايكم ببريده قالت والله غير اللي نسمعه عنها قالت حوريه: لما كنت صغيره كنت متوقعه ان القصيم بر مجرد صحراء و مباني صغيره و رجال الهيئة محاوطين بريده من اولها الى اخرها ضحكت بجد عليها وعن الصوره التي نقلت لها وسالتها :من اين جاك هذا الاعتقاد ؟ قالت : من اللي يجون من بريده للشرقيه يقلون الهيئة بكل مكان ما يخلونكم تتحركون ولا تتنفسون قلت: والان ماهو رأيك ؟ قالت: بالعكس والله بريده ارقى منطقه بالقصيم واعتقد انها اجمل من مدينة الخبر نفسه من ناحية التصييف فيها جوها و الماكن الترفهيه و الخصوصيه وبعدين هنا مخلين خصوصيه للمرأة مهب كل من هب ودب يتحرش فيها ويضايقها ولذلك اعتقد ان قدر المرأه هنا ببريده عالي جدا لدى رجالهن اكثر من أي منطقه اخرى. قلت :لها ما رأيك بالمهرجان ؟ قالت :جميل جدا وخاصه المجالس التراثيه لما شفتهن سألت المشرفه هناك من وين هالمجلس عشان ناويه اشتري منهن للدوانية حقتنا بالشرقيه ايضا عن رأيها بالاركان قالت :متنوعه ومفيده انا وعيالي ما يطلعون من الالعاب ومسرح الطفل وبنتي الكبيره ازعجتني عشان المهرجان الانشادي وانا استفد كثيرا من المحاضرات والندوات خاصه ندوة الاستاذه حصه الغنام . هنا انتقلت للمرأة المسنه والتي تجلس على مقعد متحرك بعد انتهائها من صلاة العشاء وقلت لها : وشلونك يا خاله؟ قالت : بخير جعلك بخير قلت :وشـ اعجبك بمهرجان بريده؟ قالت :البيت الشعبي يهبل والله مايمل منه والبنيه اللي هناك (تقصد المشرفه) ضايفتنا بالقهوه والتمر السكري الله يسعدها قالت :ايضا الركن الصحي .. اكشفوا على ضغطي و وزني وعطوني تعليمات صحيه والله انه مهرجان وشـ زينه قالت ام ياسر: .. انا اشعر ان هذه السنه اقل زوار من السنه السابقه ؟ قالت شجون :لا والله بس عشان الاركان متنوعه يعني مو ركن واحد و مكان واحد. قلت : هل لدى احدكن ملاحضه او تعليق قالت: احداهن عن لسان عائلتي اقول والله ما قصرتوو بيض الله وجيهكم واشكر كل القائمين على المهرجان من رجال ونساء . هنا شكرت الموجدات على حسن استضافتهن و تجاوبهن معي ورفضن الا ان يقدمن لي العصير البارد قبل مغادرتي لاجتمعهن فقلت: لي عوده .. ولكن لم اعوووود < خلصت شغلي معهم ...[/align] |
لقااء رائع اختي الزين نجدي
وبإنتظار اللقائات القادمة بإذن الله |
ماشاءالله عليك يالزين نجدي
:) فكرتك رائعه .. موفقه يارب |
اقتباس:
اقتباس:
أختي الزين نجدي .... تقرير متميز وحصري ويحمل فكرة متميزة ... أستمتعت كثيراً بهذا اللقاء مع العائلة الكريمة من المنطقة الشرقية ننتظر إبداعات أخرى |
شكرا لك .. فكرة منيحة والله ومميزة .. ماشاء الله عليك .. واهلا باهل الشرقية وكل المناطق في بريدة العطاء في مهرجان الرضا اقتباس:
طيب ممكن سؤال خاطم .. وانتي تسألينهن عن المهرجان كلهن كانن منصتات لك او بس هالخمس اللي ذكرتي والباقي مطنشاتك ؟ وشكرا |
اقتباس:
والجاي احسن ان شالله دمت بخير |
سيدة الابداع وصاحبة التقارير الاجمل وسيدة الحرف والشعر بارك الله في جهودك ومنتدنا يفخر بك وبجميل حرفك وروعة حضورك اخوك |
اقتباس:
امين دمتي بخير لا عدمناك |
لقااء رائع الزين نجدي وبإنتظار اللقائات القادمة |
اقتباس:
ابو حكيم تسلم الله يخليك حضورك رائع |
اقتباس:
لا عدمنا حضوورك بنسبه للباقي كانوا يشاركن بالردود وانا ويخطمن بالكلام بس ما تعرفت عليهن لانهن متحفظات جدا لذلك كان الحوار كله مع اللي ذكرة دمت بخير واشكر تفاعلك |
الزين نجدي انتي كل يوم هناك ودي اشووووووووووفك
واقعد اسولف انا وانتي |
يعطيك ألف ألف عافية اختي الزين نجدي على هذا التفاعل
إلى الأمام |
موقف مضحك وطريف (2)
ذوق
شكرا وكلك ذوق مرورك يشرفني جناان حياك حبيبتي لا عدمناك نمله كاشخه انا تقريبا هناك يوميا حتى انا اتشرف بشوفتك حياك عيوني be6ar اشكر مرورك دمت بخير |
اشكر كل من مر من هنا
وارجوا المتابعه ودمتم بخير |
الحلقه الثانيه موقف طريف
[align=center]موقف طريف [/align]
[align=center]في القريه الشعبيه حيث الاخوات من مشرفات وزائرات الدائمات للمهرجان ونحن الاعلاميات جميعنا تألفنا وحصل ببنا صحبة و موده وكأننا نعرف بعضنا من زمان كنا في احد الايام نجلس في ركن بيت جدتي والموجود في القريه الشعبيه وقد انتهت الجده من رواية القصص وترديد بعض القصيد القديم وامتاع الحاضرات بالسوالف والنكت الشعبيه وغادرت الركن ,ونحن نتجاذب اطراف الحديث مع مشرفات الاركان قبلت علينا تلك المرأة الكبيره بالعمر (عجوز قصيره مدحدحه) . وقالت : السلام عليكم ورحمة الله رددنا السلام : جلست على السجاد قريب (المنقل) وصارت تقلب بالدلال و البرقان وتقول : للبيع قلنا : لا قالت: بكم !!! < ماتسمع قلنت ام ركان : 70 ريال قالت : هاااهـ بـ خمسه ؟؟ ضحكنا جميعا قالت ام راكان: لا و تسمع بكيفها بعد قربت لها ام ركان وقالت : مهب للبيع قالت: اجل وشوله حطينهن ؟ و ماهنا قهوه ؟؟ قلت: إلا فيه قهوه ,, وصبيت لها فنجال قهوه وهي تشرب القهوه مرت احدى البنوتات وكانت لابسه تي شرت كم قصير قالت المرأة (بهواش) انت وراك لبسة ستذا ماتستحين وين كمومك ؟؟ البنوته خافت وتغبت ورى ظهر احدى المشرفات قالت ام ركان: وش نسوي بهن ايه هوشيهن مايستحن قالت العجيز : انت وراك تخيطينوووه لهن قالت ام ركان : هذي مهب بنتي !!! العجيز بعد مابرمجة الكلمة غلط في اذنها قالت : خيطي لهن ثياب بهن كموم مهب ستذا ام ركان بعد ما يأست من الشرح اخذت الموضوع بأريحيه وسلمت لامر العجيز وصار كل الموجودن بالقريه الشعبيه وكل من يمر عليها بناتها قالت: لها شوفي انا كمي طويل وكانت ام ركان تجتهد بالشرح لانها ترفع صوتها وتستخدم الاماءات علشان تسمعها العجيز قدر المستطاع قالت: ايه بس جابتن < قاصة شعرك وين الشعر ؟ ام ركان تمسك باحد المشرفات وقالت : شوفي هذي بنتي شعرها طويل وشوفي كمها طويل بعد وتنورتها ساتره التفت المرأة العجيز وهذه المرة ماقلت شي بس سوت شي تففففففففففففففففففف << بوجه المشرفه اللي شعرها طويل .. متنا من الضحك المشرفه تقوم واقفه وهي تمسح اثار التفه اللي على وجهها هههههههههههههههه قالت ام ركان وهي ماسكه ضحتها شفتي تربيتي قالت العجوز ترا النار حاميه وهي معصبه انتهى الوقت ونريد ان نغلق الانور ونخرج من القريه الشعبيه ولكن العجيز متربعه وماعندها طاري تقوم قالت ام ركان يالله يا خاله نبي نروح قالت العجيز وشوو عشاء؟؟ سكتنا << تورطنا تبي تتعشاء بعد العجيز تركتنا وحنا ننظر لبعض كيف نحل هالموضوع !! وحبت < أي مشت على ايدينها وركابها الى زاوية ركن بيت جدتي واسقطت احدى المراتب اللي في البيت الشعبي وتوسدتها ونامت عليها ام ركان توهقت .. تحاول تقنعها ياخاله يبون يسكرون النور قالت تونا جايين و ماتعشينا قالت حنا من زمان جيين وين بناتك ياخاله قالت اهناك خخخخخخخ << نامت جت سيارتي وطلعت من المكان وانا بموت من الضحك على هالموقف ام ركان جلست معها لين جو اهلها ماشالله عليها المشرفه على القريه الشعبيه ام ركان ياطول بالها فعلا الشخص المناسب في المكان المناسب [/align] |
يعطيك العافيه الزين نجد مجهود كبير تقدمينه تشكرين عليه والله يوفقك دنيا واخره. |
يـامـرحـبـا بـقـدومـكــم لـبـردتـنــا
الـدار غنـت والسمـاء نجمـهـا لاح حــي الـقـلـوب الـقـادمـه نـورتـنـا في ارض تتشرف قدم من لها راح ياحي منهو حاضـر ن ألمـا صنعنـا واللي ينوله شي من ذيـك الافـراح للمنـتـدى بـريـده غطيـنـا وكتـبـنـا الوقت يرخصله ,, وبه الفوز لماح يعطيك العافية اختي الزين على التغطية الرائعة بحق جهود تذكر فتشكر حي الله الجميع في بريدة العز والمجد |
الزين نجدي انتي كل يوم هناك ودي اشووووووووووفك
واقعد اسولف انا وانتي |
نونو
والله قصص شي وفكره حلوه بس لا تطولين علينا |
الله يعطيك العافيه الزين نجدي
وموقف صراااااااااحه يضحك حسافه فاتني ودي أني شفت الموقف يله ماقصرتي نقلتيه وكأني حاضرته بارك الله في مسعاك ...... دمتي بود ... |
ههههه ياحبيل هالعجوز والله انه فله خخخ الف شكر الزين نجدي |
اقتباس:
في مثل هذه المواقف يحتاج الامر إلى مشرفة رصينة ومتزنة تعالج المواقف الطارئة بحكمة ............ وهذا ماأستنتجته هو تواجد المشرفة المناسبة في المكان المناسب ,,, وفق الله القائمات على الأشراف المباشر للفعاليات النسائية شكراً لك الزين نجدي .... على هذه التغطية المتميزة والتغطيات الأخرى السابقة للمهرجان |
شكرا لك .. موقف رهيب الاخر الحقيقة .. انا اتوقع ان هالعجوز تستهبل وشكلها تسمع .. لانها تسمع على هواها .. مرة تقول ( بخمسة ) وهو على ماتبي ومرة تقول ( عشاء ) وهو ماتبي يعني سمعها على هواها .. ليش ماسمعت اطلعي نبي نطفي الانوار وليش ماسمعت يوم تقولين لها السعر بـ 70 ريال !! او شكلها من المباحث خخخخخخ اقتباس:
وشكرا |
هههههههههههههههههههههههههههههههههههههههههههههههههه ههههه
الزين نجدي لا تنسين المووووقف الي قلنا لك اليوم عنه << فااااااااااااااااطسه ضحك |
يعطيك ألف عافية
|
ههههههههههههههههههههههههههههههه
والله القصه الثانيه شييييييي والله تصلح بمسلسل طاش ماطاش ههههههه |
جميلة جدا ...
|
نقل رائع لـــ أنطباعات الاخرين عن المهرجان و أهله ..., وفعالياته .
شكراً لكِ ..., الزين نجدي . تحياتي .,’ |
مشكوره اختي الزين نجدي
على التغطيه بس والله يانتي جزومه زين ماطحتي بوحده حمقه شكرااااااا لك |
هههههههههههههه بجد شي لآيكون العجيز اللي عليها أزرق قصدي نيلي ههههههه << ترى ماهاوشتني ولآ بغت تضربني ههههههههه
يسلمك الزين نجدي .. بانتظار مواقفك الطريفة .. وحكاويكِ |
لقاء براءة و فضول المشهد (3)
[align=center]لقاء براءة و فضول
في البداية كانت تجلس بقربي وتسمع لحواري مع احدى الزميلات كنت اعتقد انها احدى الفتيات قريبتها وزميلتي تبدلني الشعور كانت تعتقد انها قريبتي قمة البراءة بملامح وجهها منصته ومتابعه لحوارنا ؟؟؟ تقدم الى المكان الذي نجلس فيه فتاتان تسألا عن ركن الفن التشكيلي ,,؟؟ فقلت في بالي هذه صيده حلوه طلبت منهما الجلوس وتناول القهوه فلم يمانعا ومازالت الفتاة منصته ومتابعه تعرفت على الاختين حيث قالت لي احداهن اني اول مره احضر للمهرجان بريده بل اول مره احضر لبريده نفسها فقلت انت من وين ؟ قالت من تبوك ما شالله جايه زياره ؟ لا عمل وين ؟ قالت اخصائية في مستشفى ومن سنه تقريبا وانا في القصيم لكن لم اجد الفرصه لزيارة بريده قلت لها وماذا اعجبك ببريده؟ قالت ما شالله كنها عروس وشوارعها ذكرتني بعروس اول اللمبات الصفر بكل مكان فعلا عرس بريده الترويحي سالتها وبالمهرجان وش اعجبك ؟ قالت حلوووو كل شي فيه (( متعوب عليه )) والحقيقه سمعنا عن الفعاليات وركن الفن التشكيلي وانا من عشاقه وجيت للاطلاع بس المره الجايه بجي اشتري من لوحات بناتنا المبدعات والاخرى قالت انا من البكيريه وتعرفت على الاولى لانها جارتي هناك وقد اتفقنا ان نزور بريده وانا ايضا اول مره اجي للمهرجان بريده . وشي حلو اكثر من التوقع ,, بس لو يغيرون شكل الهدايا على حسب المجال يعني يكون فيه تنويع ثقافيه ترفيهية .... الخ قلت هو متنوع ,, بس يمكن حضك . ولا زالت تلك الفتاة منصته ومتابعه وتبتسم لبتسامنا و تسكت اذا تكلمنا واضافت الاخصائية قد حضرت محاضرة للاستاذه حصه العبدالطيف وكانت ممتعه جدا وهذي فائده التي نلنها نشكر القائمين على المهرجان قلت ماهو شعورك الان وانتي ترين فتيات المنطقه ينافسن لتبدوا بريده افضل؟ قالت ان بنات بريده بالحديد لديهن عزيمه واراده ليس لها مثيل رغم تمسكهن بالعادات والتقاليد فهن يثبتن ان العادات والتقاليد ليست عائق اما طموحهن. بذلك ابتسمت فخرا اني منهذه المنطقه وانتسب الى بناتها وابتسمت تلك الفتاة المتابعه لي !!! فالتفت عليها قلت هل فلانه اختك ؟ فبتسمت !! قلت تشربين قهوه ؟ ايضا ابتسمت ؟ لفيت نظرتي وانا اقول ببالي انها تستخف فيني وبعد قليل قالت اريد ان تقابلي معي ايضا ممكن !!!! لكن لم تنطقها بشفتيها بل قالتها اشارة (الصم والبكم ) بعد ذلك ضحكت على نفسي اني كانت طول الوقت وهي جالسه معي احسب انها متابعه معي ومستمتعه بحديثي <<< طاح وجهي بس الحقيقه سعدت جدا بها ولقدرتي على مخاطبة هذه الفئه من المجتمع فقد عملت معها حوار وسالتها عن رايها بالمهرجان ؟ فقالت جميل ولكن لايوجد شي خاص بنا فقت هل حضرت المحاضرات؟ قالت مارح افهم شي ؟ قلت هل اعجبك التسويق؟ قالت نعم والكوفير و التحف والفن التشكيلي واهم شي الركن الشعبي والطبخات القديمه شكرتها ثم وسألتها ليه كنتي تنظرين الينا وتبتسمين ؟ قالت استحي تبتسمون وانا ساكته عيب لازم ابتسم معكم لو مافهمت شي .[/align] |
اختي الزين نجدي
والله تتحفينا بقصص رائعه يوميا ما اعجبني بهذه الفتاة هو صبرها لكي تصل لما تريده الف شكر ونريد المزيد بكل تأكيد :) |
شكرا لك الزين نجدي ..
ياقلبي ياهي الفتاة اجل صارت من الصم وانا يوم اقرأ الموقف قلت شكلها من بنات المنتدى تبي تسمع حكاويك .. .. ماشاء الله اكتشفتي فيها انك تستطيعين محاكاة هذه الفئة من فتيات الاحتياجات الخاصة .. والله يحفظها لاهلها وشكرا لقصصك .. ننتظر الابداعات القادمة منك يامبدعة وشكرا |
حلوووووو اللقاء ماقصرتي (الزين نجدي)..
|
في مهرجان ام صويلح وام دحيم كانت فتاتين من فريق المشارك يرتدين الزي القديم (ثوب الروز و سروال خط البلده و الغدفة ونعال الزنوبا )
بعد استعرض مشهد قديم على مسرح بكل الوان السعاده تجولن بالملتقى و وقدمن لمشاهد المضحكه والطريفه وذهبن الى مسرح الطفل ليجدن الفتيات الصغيرات ينتظرونهن بغضاره فيها حنا > طاسه وطلبو من ام صويلح ان تضع بايدهن الحنا ونحن في الركن الشعبي انا وام سليمان وبعض النساء من مشرفات وغيرهن جاءت ام صويلح قالت لايفوتكم !!! وش صار ..؟ قالت كنت بالمسرح وكنو هناك بعض الحريم الكبيرات بالسن وهن متابعات احداث المشهد الفكاهي المهم خلصنا العرض وبغينا نغادر المسرح صوت احدى الحريم الحاضرات وقالت هيه يابنت انتي تقول حسيت انه فيه احد يناديني قلت سمي قالت شوفي السروال طايح تقول واشوف الا خط البلده فعلا بالارض خخخخخخخ عاد برقعها تقول قلت لها هذي حنا اول ستيرين نلبس وكل لبسنا ستر والله الحمد قالت اي ساتر شوفي كرسي السروال بالارض تقول وانحاش من المسرح وانا اللقط وجهي |
هههههههههههه
شي رائع وجميل .. يضايقني مغادرة القصيم حاليآ وعدم الاستمتاع بالمهرجان .. لكــن .. مع حكاويكِ كني موجوده بالملتقى .. فألف شكر لكِ .. |
ههههههههههههههههههههههههههههههههههه
يافشيلتهاااااااا والله موقف قوي وروايه رائعه كالعادة ايتها المتميزة :) تحياتي لكِ وبإنتظار المزيد |
هههههههه غريبه اذا حضرت للمهرجان ما اشوف هالسوالف شكلي احضر متأخر |
جناان مره ثانيه الصقي بالزين نجدي وتحصلي العلوم الزينه :)
|
| الساعة الآن 04:51 pm. |
Powered by vBulletin® Version 3.8.8 Alpha 1
Copyright ©2000 - 2025, vBulletin Solutions, Inc. Trans by
موقع بريدة