المشاركة الأصلية كتبت بواسطة تايقر بريدة (المشاركة 1210354) إذا بدأت الاختبارات وقربت العطله أصبح السفر هو شغل الناس الشاغل فلا يهمه نتائج الأبناء أهم شي عنده أنهم يعطلون ويسافرون وكأن السفر مرتبط بالعطله صحيح ان العطله وقت طويل للراحة لكن مو لازم تسافر وتجلس شهر أو أكثر وكأن بيتك ماتعرفها إلا في وقت الدوام!!! والمشكله اننا نرى الكثير من المسافرين تتراكم عليه الديون بسبب السفر يمكن كلامي هذا قد يعجب بعض الرجال ولكن لايعجب الحريم لأنهن هن اللي يبدن بالسفر وكل هذا عشان الأسواق... الأسواق ....الأسواق وأكررها ثلاثا ولايفتكر البعض ان اللي مايسافر عنده ظروف صعبه تحرمه من السفر بل أن هناك الكثير يتفرغون لأشغالهم الخاصة وش رايكم ياشباب هل السفر بالعطلة واجب علينا أو مو واجب ؟؟؟

المشاركة الأصلية كتبت بواسطة ابوخالد382 (المشاركة 1210414) أكيد داج ياتايجر ولا كان هالحين أنت بهاواي.....تراي أمزح..... السفر وأنا أخوك شيء ضروري للإنسان من أجل كسر روتين الحياة الممل وتغيير البيئة شيء ضروري...أنا مستحيل بالإجازة أقعد بالسعودية وخصوصا الجو يطبخ...يعني مسافرين مسافرين..ودمتم بخير.....

المشاركة الأصلية كتبت بواسطة الذاهـبـة (المشاركة 1210382) مد رجولك على قد لحافك .. و ما يمنع لو توسعون صدوركم على حريمكم .. و تحسون بشعورهن شوي .. خصوصاً الموظفات .. ترى الاسبوع الاول من العودة حقت المدرسات .. الله وكيلكم كللللللللللللله مهايط .. ( انا رحت اسبانيا .. وااااع لا والله انا رحت لديفون .. يااااه لا ماشفتوا جزيرة جنب الهند ) .. وخذ من الهيط .. حمد لله .. حريم هذا اقصى ما عندهن .. هه !! عاد حلو السفر للترويح عن النفس .. و مو لازم تروحون لآخر الدنيا عشان تنبسطون !!

اقتباس: المشاركة الأصلية كتبت بواسطة لمبة شارع (المشاركة 1210409) انصح الجميع بالسفر الى مصائفنا الغالية وعدم السفر الى الخارج فبلادنا بلاد الامن والامان والاسعار المناسبة والمصائف الجميلة وفيها عقيدتنا الاسلامية وعاداتنا وتقاليدنا الجميلة برضوه وفيها شواطيء جميلة وفنادق جميلة وخطوطن سريعة والهدا والشفا والسودة والحبلة والهاف مون وملاهي الحكير في كل محل...

المشاركة الأصلية كتبت بواسطة بنت بريدة سابقا (المشاركة 1211353) انا عن نفسي يستحيل تمر اجازة بدون سفر لان عندنا حرررررررررر ماينطاق والتذاكر تحجز من الاختبارات النهائيه

المشاركة الأصلية كتبت بواسطة المستوي (المشاركة 1211363) لاليس من الواجبات مو شرط

المشاركة الأصلية كتبت بواسطة هادي الطبع (المشاركة 1211023) السفر لترويح عن النفس بعد ملل طويل في التحجير بالبيت ولكن ليس الزاماً ان تسافر وانت على الحديده فيه امور اخرى يمكن ان تحسس اولادك بالراحه وبمدينتك تعملها الخروج للمتنزهات والذهاب اى الملاهي وغيره كثير

المشاركة الأصلية كتبت بواسطة هادي الطبع (المشاركة 1211023) السفر لترويح عن النفس بعد ملل طويل في التحجير بالبيت ولكن ليس الزاماً ان تسافر وانت على الحديده فيه امور اخرى يمكن ان تحسس اولادك بالراحه وبمدينتك تعملها الخروج للمتنزهات والذهاب اى الملاهي وغيره كثير

اذا الواحد يبي يحمل نفسه فوق طاقتها
بلاش سفر الشكوى لله
نعوضها بالطلعات

المشاركة الأصلية كتبت بواسطة بث مباشر (المشاركة 1211437) كلام جميل ياأخي تايقر بريدة والسفر ياتايقر لازم بالعطلة إن ماسافرت بالعطلة ماكأنه فيه عطلة وأنصح اللي بيتصيف داخل المملكة وإن ابعد الإمارات تقبل تحياتي

المشاركة الأصلية كتبت بواسطة سحابة مزن (المشاركة 1211624) السفر متعه بحق وترويح عن النفس لكن مد رجولك على فد لحافك لابد للمراه العاقله ان ترحم زوجهاخاصةاذا كان من ذوي الدخل المحدود ومهوب شرط كل سنه تسافر وصيفنا في بريدتي احلى واحلى وفي وطنا اغلى واغلى قولوا ااااااااامييييين اللهم رخص الاسعارواكفنا شر الاشراروكيد الفجار

المشاركة الأصلية كتبت بواسطة ....الأمير.... (المشاركة 1211539) أخوي تايقر بريده كل واحد يعرف السفر وانه ترويح عن النفس ووناسه وتغيير جو حتى انه اذا كان السفر مع عائله كبيره يعني أعمامه او خواله لا تنسى انه يقوي الروابط الأسريه أيضاً ولا تنسى انك تونس عيالك فلذات كبدك يعني يكفيك من هالسفر كله وناسة عيالك وشكرهم لكم وامتنانهم لك وأيضاً زوجتك الي تخدمك طول السنه وتبي راحتك ما تقدر انت تريحها وتونسها بشهر واحد يعني السفر مو واجب لكنه مرغوب ومطلوب أيضاً وله نتائج ايجابيه كثيره لكن السؤال اخوي تايقر بريده وش الي مو عاجبك بالسفر تحياتي لك

المشاركة الأصلية كتبت بواسطة شمس بريده (المشاركة 1211493) السفر ترويح عن النفس بعد عناء الدوام وتغيير للروتين اليومي وانا اؤيد السفر بحدود الاستطاعه الماديه وعدم الارهاق بالديون والسفرلهدف الراحه والاستجمام واخذعمره والطايف وجده ويالله من فضلك دنيا ودين والله يرد المسلمين بالسلامه

المشاركة الأصلية كتبت بواسطة أبوالهـدد (المشاركة 1212722) شيء جميل السفر مع الأهل والأحبة نهاية العام وبعد عناء الدوام وتعب عامٍ دراسي كامل بالنسبة للطلبة والمعلمين لتغيير الجو ولتجديد نشاط النفس ونقاهتها متى ماتوفرت السيولة لكن المشكلة الحاصلة الآن أن السفر أصبح مظهر من ضمن المظاهر التي يتفاخر بها الناس في الوقت الحاضر ونتيجة لتعلق البعض بحب المظاهر ولجعلهم إياه غاية أصبح الكثير من الأسر يصرون على تحقيق هذه الغاية حتى وإن كانت على حساب إرهاق ميزانية رب الأسرة وأخذها حيزاً من متطلبات ضرورية أخرى لاسيما وأننا أناس في الغالب لانخطط لأمورنا الحياتية إلا في وقتها . أخي تايقربريدة أشكر لك هذه اللفتة الجميلة

تحياتي لكم جميعا ..

وصباحكم اخير الخير ..


بالنسبه الى السفر بالعطله . فاني اجده منفس لبعض العوائل (اللي عندهم بزارين علل) وخاصة بدراستهم

يعني الام هي اللي شايله هموم البيت من ناحيه الدراسه والنجاح ..


والاب .. كما هو دارج بين مجتمعنا فهو الصبح بالدوام .. واذا جاء اخر الظهر


(ظربه غدوه ونام) الى قبل المغرب .. وبعدين جلس يتقهوا (والنفس واصله الى الخشم)


ماله خلق شي ..

بعد العشاء يطلع للاستراحه لم خوياه .. وهذا برنامجه ..


يعني الضحيه .. هم العائله باكملها وعلى راسهم الام ..


يعني اقل القليل انه ينفس لهم برحله داخليه او خارجيه (مع اني افضل وانصح بالخارجيه)


نظرا لارتفاع اسعار المعيشه بداخل المملكه اثناء مواسم العطل .. وهذا الذي غير موجود بالخارج..


.....



تحياتي لك (ياللي ناطلن اسمي) ههههه

المشاركة الأصلية كتبت بواسطة the tiger (المشاركة 1212926) تحياتي لكم جميعا .. وصباحكم اخير الخير .. بالنسبه الى السفر بالعطله . فاني اجده منفس لبعض العوائل (اللي عندهم بزارين علل) وخاصة بدراستهم يعني الام هي اللي شايله هموم البيت من ناحيه الدراسه والنجاح .. والاب .. كما هو دارج بين مجتمعنا فهو الصبح بالدوام .. واذا جاء اخر الظهر (ظربه غدوه ونام) الى قبل المغرب .. وبعدين جلس يتقهوا (والنفس واصله الى الخشم) ماله خلق شي .. بعد العشاء يطلع للاستراحه لم خوياه .. وهذا برنامجه .. يعني الضحيه .. هم العائله باكملها وعلى راسهم الام .. يعني اقل القليل انه ينفس لهم برحله داخليه او خارجيه (مع اني افضل وانصح بالخارجيه) نظرا لارتفاع اسعار المعيشه بداخل المملكه اثناء مواسم العطل .. وهذا الذي غير موجود بالخارج.. ..... تحياتي لك (ياللي ناطلن اسمي) ههههه

المشاركة الأصلية كتبت بواسطة مياسه (المشاركة 1214659) الكويتييـن الي داجين يبيعون سيارتهم ويسافرون انا بعد داجه جواز ببيع سيارتي واسافر هونغ كونغ :)