|
افيدوني يا اخوان هل العيب فيني ام في رجل المرور !!!!!!
يا شباب المرور بجميع دول العالم افضل من عندنا ولن اقول ان مرورنا متخلف ولكن ساسرد عليكم ما حصل لي واترك لكم الحكم ...
انا ادرس في استراليا ومره تجاوزت السرعه حيث كنت امشي بسرعة 80 والسرعه القانونيه70 فاوقفني رجل المرور وكانت اول مره لي يتم ايقافي فيها في استراليا ......لا شعوريا نزلت من السياره لاكلم رجل المرور على العاده في السعوديه ...فهددني بالسلاح وقال ارجع لسيارتك ...وانواع التحقيق وتفتيش للسياره وليش تنزل وبعد توضيح بان هذا المعتاد في بلدي وانه يجب ان انزل من السياره احتراما لرجل المرور .....فجلس يضحك وهو مندهش ويقول هذا تخلف ....وقال لي (المفترض انك تجلس ورجل المرور ياتي اليك وانت في السياره .....القانون الدولي يقول ان نزول الشخص من السياره ممنوع .... ويحق لي ان اطلق النار عليك ....لا تكرر هذا الشي ...كيف لا تطبقون هذا الشي في بلدك )......قلت انا اسف ولن تتكرر مره اخرى ....اعطاني قسيمة السرعه بادب وتوكلت على الله .وبعد ان وصلت للبيت حمدة الله على السلامه . في بريده لو ما انزل من السياره رحت فيها غربله ولعانه وانواع القسايم وحتى يقول لك بكل بجاحه ليش ما تنزل ...وحصل لي هذا الموقف حيث جلست في السياره ذات مره فاشار لي رجل المروربيده بان انزل من السياره لاتي اليه ....واظنكم يا اخوان ملاحظين هذا الشي .... طيب وش الحل يا ناس ....هل العيب فيني انا ام في مرورنا هل يحتاج مرورنا الى تثقيف وتعليم من جديد ...ام يجب ان اتعامل مع رجل المرور السعودي باسلوب ورجال مرور الدول الاخرى باسلوب آخر !!!!!!!!!!!! [align=center]ورغبة في مشاركة أخي الفاضل .... أحببت أن أضع تلك الصورة التي التقطتها أمس جوار مجمع الأمير سلطان التعليمي [/align][align=center]http://buraydh.com/hak/wqjz001.JPG[/align] |
والله أنك جبته يالذيب لا لو ماتنزل وتمسي عليه بالخير دور عليك أي مخالفه وعطاك وإذا مالقى قال لك أنت مسرع قبل شوي !!! وخذ قسيمه من يحمينا من هؤلاء الظلمه ؟ من يحمينا من كلاب النار ؟ نداء إلى مديرالمرور أن يعاقب المخطأ من رعاياه وأفراده المتسلطين . والله ياأخوان أحد أفراد المرور أو قفنا بحجة تغيير خطوط السيارة !!! فلما اتضح أننا لم نغيرها طبعا بعد الحلف المغلظ أن الخطوط نفس المديل قال بالأخير : أجل أنت مسرع !!!!!!! وسجل قسيمة سرعه والله قهر |
لا تستغرب إذا في يوم اعطاك ما يسمى بـ(رجل) المرور قسيمة عدم النزول من السيارة
والله كرهت هذا البلد بسبب المرور ليتني لم اولد هنا |
اقتباس:
علي نياتك يابو اميرة |
هههههههههههههههههههههههه ...ينزل ..صاااااااااااااااااااااااااتز أنت والله ياهي يبيله
|
أخي الناقد ولد علي ..... تمت إضافة الصورة دعماً لموضوعك
في الحقيقة أننا نعاني من تلك المشكلة منذ الأزل , وتلك المشكلة من المشكلات ينبغي أن يتداركها المرور لأننا مجتمع واعي ومدرك ويجب أن يتعامل رجال المرور الأقل تعليماً مع المواطن بطريقة حضارية أفضل من المشاهد في شوارعنا الناقد ولد علي ,,,, شكراً لك |
عزيزي النظام واحد ترى المفروض والواقع ان رجل المرور
هو اللي ينزل وهذا نظام هنا بالسعوديه يعني خلك واثق ولاتنزل خله هو اللي يجي لأنه هذي شغلته بس اذا كنت مسوي غلط مخالفه ولاشي افضل لك انك تنزل عشان مايلحطك بقسيمه انت انزل لمه عشان يمكن يمشيك .. |
اقتباس:
|
الاخ الكريم خالد المقيطيب ( ابو حكيم )
اشكرك جزيل الشكر على الاضافه ....فهي بالفعل دليل واضح على ما ذكرته اعلاه .وهذا دور رائع من المشرفين يحسب للمنتدى . اتمنى ان ياتي اليوم الذي يفهم فيه رجل المرور ان دوره في المجتمع هو دوريقوم على توجيه وتوعية واحترام المواطنين في المقام الاول مع تنفيذ العقوبات ضد المخالفين بحياديه ودون تمييز ... اتوقع ان المشكله تكمن في رجل المرور نفسه ....فمعظم رجال المرور تم اختيارهم لهذه المهمه في المجتمع على أسس ضعيفه دون مراعاة لنفسية واخلاق وتاريخ المتقدم لهذه المهمه ...ولا انسى الواسطه التي تتربع في هذا المجال ....طيب اذا تم اختيار شخص لهذه المهمه وهو صاحب تاريخ نعال الله يكرمكم واخلاقه ونفسيته دمار....وش توقعون يبي يصير ......اكيد عرفتم . تخيلوا يا اخوان اني درست مع احد الطلاب من الاعراب ....وحصل بيني وبينه نقاش طويل ....عاد يقول لي ان شاء الله ابتخرج من الثانوي وابدخل العسكريه واصير رجل مرور واباطى على راسك يا ؟؟؟؟؟؟ ....طيب ان كانت معظم هذه النوعيات من رجال المرور وش يبي يصيرون . نرجع لكلامك يا ابو سليمان يوم تقول ( سلطة القوي على الضعيف)....هذا المبدأ اللي يسير عليه معظم رجال المرور . تحياتي وشكري للجميع |
العسكري هذا عليه خطائين"اللي بالصورة" اولا انه ينزل هو للراكب ثانيا الراكب مايتكلم معه من جهه الشارع لانه خطر يصدمه واحد لكن يبقى الموااااااطن هو المخطي ولو اطلق عليك رجل الامن النار يبقى هو على حـــــــــــق |
أتوقع انا إن راعي المرور من قوة إنه ماعمرة نزل يسووووووووووووووووق حاااااافي ...
|
فعلاً تخلف مروري
انا مدري عن هذي الاشياء ولا قد شفت والله يبعدني عنها .. لكن الصوره المُرفقه من قَبل مُشرفنا الفاضل ( تفشل ) |
[align=center]والله عام 1408 هـ .
شف من هاك الوقت استضافت مدرستنا رائد أو حوله .. والله ماذكر .. المهم ونقز طالب من بيننا وجدع كلمه والظابط يتكلم .. قال الظابط من اللي تكلم .. قال أنا ..!!. ياحبي له ( سهيل ) الله يذكره بالخير .. قال له أنت سألت السؤال هذا ..؟؟. قال نعم .. لأنه سأل بسرعة وذا يتكلم ( طيب لو وقفن المرور من اللي ينزل للثاني ) ..؟؟. صاده الظابط قال تعال ياجريء .. الصحيح رجل الأمن هو اللي ينزل ..!!. انتهت ... لكن ربعنا لو ماتنزل وتـتـنزل له صكك بمخالفة من رأسه مكتوب عليها ( مخالفة : ماعرف قدري ) ..!!. قلب الحقايق موجود .. وخاصة لبعض الإنقليز بالمرور عندنا ..!!. تحيتي لكم ...[/align] |
اقتباس:
|
القسيمه مكتوبه مكتوبه
لاتنزل خل عندك كرامه والنظام معك |
اخي الناقد ولد علي
اذا مااردت الحديث بمنطقية اكثر فنحن سبب المشكلة !! نحن من ينزل من سيارته لأجل استعطاف رجل المرور لعل وعسى ان نسلم من العقاب المستحق لو كان لدينا وعي اكبر وحفاظ اكثر على النظام لما احتجنا لكل هذا ولكان النظام هو الفيصل بيننا النظام ايضا ينص على ان لكل مخالفة عقاب ولايوجد بالنظام مايسمى بالأستعطاف وترجي رجل المرور من اجل السماح لأنه لايحق لرجل المرور نظاماً ان يتجاوز عن اي مخالفة فلما لانحاسبه على ذلك ايضا ؟!! متى مااستطعنا التعامل مع الحقوق بميزان واحد سواء كانت لنا او علينا فسنجد الجميع يحترمنا ويعطينا مالنا من حقوق واولها نزول رجل المرور من سيارته احتراماً لنا لأننا اساساً احترمنا انفسنا بإحترامنا للنظام تقبل تحياتي |
هلابك اخوي ولد علي
والله القسايم صايره اكثر شي لعانه من العسكري انا قبل تقريبا سنتين معي هايلكس وكنت فاك المرايا الجانبيه اهم شي فيه عسكري بالسوق الداخلي كل ماشافني سوا لي ازعاج يبيني اركبها قلت له لا واذا صار عليها حجز الحين ودها اهم شي صار من القهر يداوم بالسوق على شاني عاد قبل شهرين بعت سيارتي جيت بسدد القسايم لقيتها 2500 ريال مافيها الا وحده سرعه والباقي مرايات يعني لو بتذكر اللي ماسكني اكثر شي 7 مرات والباقي شكله يخلص فيه الدفتر ــــ يعني مالك حل معهم الا تنزل وتحب راسه وخشمه ومن القهر تركع قبل تاصل له بس مافيه لا حسيب ولا رقيب ... نأسف ع الاطاله |
اقتباس:
اشكرك اخي الكريم عبدالله الحلوه على االتعقيب الرائع جدا اوافقك الرأي في كل ما قلت فالعيب فينا نحن .....لكن اخي اذا جلست في السياره ولم انزل لرجل المرور ......تغير اسلوبه معي ويمكن ان يبحث عن اي سبب ليعطيني اكثر من مخالفه ....قد تصل الى ان يسألني عن طفاية الحريق مثلا . من يحميني من تسلط وجبروت بعض رجال المرور اذا ما جلست في السياره .. اظن يا اخي الكريم ان المشكله مشتركه والعيب مشترك بين رجل المرور وبين المواطن . |
العساكر طبعا" يختلفون لكن بعضهم أذا وقفك ولا نزلت من السياره قال هذا مستهتر ولا هميته فتلقاه يدور أي شي على شان يسجل قسيمه .. وبعضهم أذا ما نزلت تلقاه يقول هذا عنده وااااسطه ولا يعطيك قسيمه وتلقاه يسلم عليك ويرجع لسيارته... وأذكر واحد من زملائي أخذ أغرب قسيمه في التاريخ... وهي كان يمشي بطريق عنيزه وأقطع الموتر بنزين وقف خوينا يمين ودق على واحد من الشباب علشان يجيبله بنزين وهو جالس ينتظر خويه وقف عنده عسكري قال العسكري وش عندك واقف قال مقطع الموتر بنزين نزل العسكري عطاه قسيمه ومشى ...! خويي موقف موتره صح وأوراقه كامله بس الى هالوقت مايدري وش عليه القسيمه.! |
اقتباس:
اخي الغالي ابو اميره طيب لو نزلت واستسمحته واعطاني غرامه ........وش استفدت ان كنت ترى انه ممكن يزود القسايم لاني ما نزلت ........فو الله مشكله ما بعده مشكله استمرارهذا الاسلوب في تعاملنا مع رجال المرور يبي يقويهم علينا ويبي يحسون انهم فوق القانون ... صراحه انا متحير وابي جواب شافي لسؤالي هل انزل من السياره واخالف الانظمه واشجعه على التسلط ام اجلس في السياره وانتظر ما يجين !!!!!!!!! |
اقتباس:
ما اجبت على سؤالي هل انزل من السياره واخالف الانظمه واشجعه على التسلط ام اجلس في السياره وانتظر ما يجين !!!!!!!!! |
اقتباس:
أذا كانت أوراقك كامله أجلس في السياره أما أذا كان العكس لا أنزل وخلك أخلاق وعسى تفتك.. |
اقتباس:
مادمر مرورنا الا هالانقليز خخخخخ المفروض ينزلون قرار للي ينزل من سيارته للعسكري يعطونه قسيمه !! |
العرف المروري لدينا مبهم وحين يكون غير واضح لا يحتسب على أحد خطأ لأنه لا يوجد عمد بذلك. في الغرب السائق يثبت في مكانه ورجل المرور ينزل له ولو نزل السائق فللمرور أن يطلق عليه النار. وهذا قانون مروري يفهمه كل من قرأ تعاليم قوانين المرور لمنح الرخصة . أما لدينا فالأمر وسع صدرك ولا يوجد تحسس لأن السائق مسالم ورجل المرور ليس بيده صلاحيات. أما مذكرتم من ( الإنقليز أو الألمان أو الكنديين ) من سوء تصرفاتهم فهم معذورين بصراحة! فهم بين أمرين : بين سندان الضابط ..... ومطرقة المراهق المستهتر!!! |
لو ينزل يغمى علي تدرون ليش ؟؟ من الفرحة طبعاً
واقول اخيراً فهموا النظام !!! |
العيب ليس فيك ولافي رجل المرور
العيب بالنظام اللي مانمسك له سالفه النظام معك وفجاءه يصير ضدك !!!!! لو يطبق النظام الحقيقي كان تعرف وش لك وش عليك |
يا اخي فنترك هذه النقطه قضية النزول
المشكله انه يكلمك من طرف انفه اللي يشوفه يقول مدير المرور او وزير المعارف ولو تبي تشرح له قال اصبر شوي وكتب القسيمة بعدين قال لك اشرح لماذا هذه المعامله السنا بشر ..؟!! وهم بشر مثلنا ..؟!! او هم يلبسون غيرنا ؟؟ يمكن تحياتي لك توتي |
على طاري رجل المرور كنت ممسوك بمخالفة سرعه عند نقطة تفتيش ام سدره
وانا قاعد انتظر القسيمه جاء راعي بي ام دبلو حووت وقاله العسكري ليش مسرع ورد عليه راعي الحوت اقولك عطني قسيمه لو ماودي اسرع كان اشتريت ددسن مثلك !!!! والله يالعسكري فشل انواع الفشيله وقعدت اضحك شوي شوي اخاف يعطين قسيمة ضحك على العسكري !! |
المرور يعمل من غير نظام ، لكن ننزل دئماَ لنتفادى المخالفة ، وكثيراَ ما تفاديناها ، لكن ما زال المرور يحتاج للكثير من التطوير كما هي حال مؤسسات الدولة ، لكم أطيب المنى |
من يحمينا من كلاب النار ؟ ياخي خل عندك ذوق بالرد اصلا ما فيه شخص بالمدينه ملتزم بالنظام كلهم يمشون على البركة سرعة + قطع اشارة + تفحيط + دوران + تجمهر وين الناس الواعيه واذا انحجزت السيارة جاء ابوه يتوسط او يشتكي يالله امش عدال يحتار عدوك فيك |
اخي الناقد ولد علي
بلاشك المسئولية مشتركه لكن ماقصدته بأننا نحن من اعطى رجل المرور صلاحيات اكبر من خلال لجؤنا إلى استعطافه وطلب ماليس حق له فأصبح يرى نفسه اكبر مما هو تقبل تحياتي |
بالنسبة لي إذا كنت خطي آقف قبل يكبس لــــــــي طبعا ماهب على شانه ولكن لعلا وعسى انه يسمح لــــــي ( ما أظنه ) وإذا اناء مـــــا أخطيت والله اني أوريهم النجوم ما نزلت تــــحــيـاتي .. لرجال الأمــــن المخلصين ولـــــكـــ م |
اقتباس:
أهل هو مثقف من لايعرف يقرأ ولايكتب أصلا؟ من الغباء الذي يعتريهم بعض المواقف حصلت لي : كنت ويا ولد عمي وأسمائنا واحدة مثلا إسمي أحمد وإبن العم أحمد طبعا وقفنا بدون أي سبب أخذ الإثباتات دور عذروب مافيه طالع في وجيهنا ناظر الإثباتات قال أنتم أخوه إبتسمت وقلت نعم رغم فارق الشبه بيننا !! مرة أخرى وقفت عند التفتيش أخذ لفه على السيارة قال سيارتك عليها بلاغ قلت خير ياطير لأني واثق مليون بالمية من عدم وجود أي خطأ قلت: من متى وأين؟ قال: الأسبوع الماضي في طريق الربيعية قلت كم رقم اللوحة عطان رقم غير رقم لوحتي ضحكت وقلت رح شف رقم اللوحة رجع يمي وقال ممكن اللوحة مغيره قلت طيب كيف عرفت ملامح الموتر قال موتر جديد !! طبعا رديت عليه وهزأته وقلت الموتر له أربعة أيام طالع من الوكالة وشغلات الربيعية لك ماهي لي وتدخل الجندي الآخر وحل الإشكال بعدما كاد أن يتطور 0000 نرجع لموضوعنا المرور في المملكة يحتاج إلى الكثير لعل أبرزها إقامة الدورات التثقيفية والإجبارية لعدة شهور ومن ثم يتم تطبيقها على أمر الواقع وسط متابعة من الضباط ولعل أبرزها متابعة نظام صرف المخالفات ونزول العسكري للمخالف وإلقاء العقاب على المخالف على حد سواء وعقاب العسكري عند أي شكوى تجاهه وتضاعف العقوبة ضده في القضايا الأخلاقية وهذا مانراه يشغل الكثير من رجال الدورية والمرور !! لكن إذا ماخالفت لاتنزل أما إذا أنت مخالف ولاتهمك القسيمة لاتنزل أيضا وإذا والله خايف من القسيمة قلة لل 00000 ياسيدي !! |
بالنسبة لي إذا كنت مخطي آقـــف قبل يكبس لــــــــي طبعا ماهب على شانه ولكن لعلا وعسى انه يسمح لــــــي ( ما أظنه ) وإذا اناء مـــــا أخطيت والله اني أوريهم النجوم ما نزلت تــــحــيـاتي .. لرجال الأمــــن المخلصين ولـــــكـــ م |
اخاف اقول شي يجي ولد الحلوه ويحذف المشاركه كالعاده
|
| الساعة الآن 03:52 pm. |
Powered by vBulletin® Version 3.8.8 Alpha 1
Copyright ©2000 - 2025, vBulletin Solutions, Inc. Trans by
موقع بريدة