شرايكم بالعدسات الطبية ؟؟
 

مرحبا هامه

انا استخدم عدسات طبيه واذا كنتي تبغين الصحي استخدمي عدسات ال6 شهور عشان تغيرينها كل 6 شهور وهذا اصح .. وابتعدي عن العدسات اليوميه لأنها خفيفه حيل وتتمزق جوا العين .. قبل فتره رحت للاسعاف بسبتها
لكن خاصية انعكاس الاشعه ما اعتقد انها متوفره ..

يارب احد يقدر يفيدك ..

ما أنصحك بالعدسات أبداً

خليك مثلي إلبسي نظارات :)

وبعدين العدسات حساسة جداً, يمكن الواحد ينسى ينام فيهن !
ويمكن تجلس جنب نار أو مكان حار وأنت ناسي لابسهن
وحتى إذا كنت بمكان بارد وأنت لابسهن خطر أيضاً

هذا غير كلام أحد دكاترة العيون يقول أي شي تضعه بعينك خطر !

اختي
انا استعملهم منذ 10سنوات ما فيهم اشكالية ولكن هذا يتوقف على الشخص نفسه ومدى تحسسه فانت استعمليهم واذا حسيتي بمضايقة اتركيهم ولكن يفضل وضعهم في المحلول عند النوم وعدم النوم فيهم لان العدسه تحجب الاكسجين عن العين فلا يفضل النوم فيهن وحافظي على نظافتهم في المحلول والان وجد عدسات طبية بعدة الوان اقول طبية اما غير الطبية فهي موجودة من زمان 0اتمنى اني اكون افدتك مع التحية

^^^
طلعيها من راسك بس

وبعدين يبدو إن نظاراتك إطارها ثقيل ..
خلي النظارات من دون إطار ولا يترك أثر

لا والله ماعمري جربتهن .. لكن سمعت عن شخص مره كان يلحم وماعت العدسات بعيونه <=== ماظن إنك تبي تلحمين هههههههه
لكن ممكن تجلسين جنب مكان حار بيوم من الأيام

ومره تعرضت احد الأقرباء لمشاكل بالعين والدكتور يقول انه بسبب العدسات

على العموم أنصحك تروحين لم شخص متخصص أفضل وتسألين

بالنسبة للأماكن الباردة ماظن تكون مشكلة .. لأن بريدة دايم حارة وبشتاء بريدة عادي .. لكن في برا والأماكن اللي يجيها صقيع وبرد شديد خطر على اللي يلبس عدسات ممكن تلصق بالعين على حسب ما قرأت

هامة حاسوبية أسأل الله لك دوم الصحة والعافية .. وحياة سعيدة بإذن الله




تحياتي

هامـــــــــــــــــــــــــة

عادي استخدمي اللي ترتاحين له

اذا على العدسات البسها أنا ومافيها اي مشكلة ومرة نمت فيها مع اني كنت خايفة بس ماتسوى علي ذاك النومة من الخوف لكني مرات محدودة جدأ ألبسها لاني انا ماحبها واخذ العدسات المؤقته وبعد كل فترة ينتهي اكسجينها وترمينها...

والنظارة اذا ترتاحين فيها مو مشكلة بس ابحثي عن الايطار اللي يكون خفيف ومايكون فيه شي يسبب اثار على خشمك.. يعني الايطار نفسة لــــــــــــــــــــه دور

والعدسات مايكون فيها عاكس للاشعة بس انتي سوي بعدسة النظارة عاكس لاشعة الكومبيوتر عشان ترتاحين

واخيرا انصحك بالليزك... وناسة :)

شوفي يا استاذتي هامة حاسوبية

نصيحه من مجرب

انا استخدمت العدسات الطبية لمدة سنة

والحين ما تتخيلي كيف اعاني ..

جفاف وحراره بعيوني دائمه .. هذا غير الاحمرار والالم

نصيحه لا تستخدمي العدسات ابد .. تراها والله مضره بالحيل

شفتي العين ؟
مو جواتها العدسه السوداء ؟
هذي الله يسلم تتنفس سبحان الله . واذا حطيتي العدسات عليها حتى لو كانت العدسات مطوره وفيها مسامات لازم العين تصير مكتومه او في حالت ضغط عليها لانها في وضع غير طبيعي .. واذا صارت العين مكتومه وفصختي العدسات بتجيك حكه في عيونك وتصيري ترمشي برعه بسبب حرارة العين بعد الضغط من العدسات ..
وهذا الشي احتمال ما تحسي فيه الا بعد استخدام العدسات لمده .. ..
حتى لو كان عندك ضعف واستخدمتي العدسات .. وحبيتي بالمستقبل تسوي عملية تشطيب راح بتكوني غير قابله للعمليه بسبب العدسات .. لذلك شوفي الي بيسوي عملية تشطيب يسأله الطبيب من مته تارك العدسات ؟؟؟
اذا من مدة قصيره ما يقدر يسوي له عمليه لان عينه جافه او هزيله
لذلك شوري عليك لا تستخدميها من شان صحتك ،،
هذا غير الاهمال .. اذا انتي من النوع الي مهمله في العدسات من ناحية التنضيف وطريقة البس والفسخ وطريقة متابعة اوقات لبسها ومدري شنو .. احتمال تنعمي فجأة لا سمح الله >> خوفها هه هه
البسي نظاره والحمدلله والشكر .. ترا فيه اطارات خفيفه وشكلها جميل وفيها عاكس عن الاشعه وعن الشمس تقدري تحطينها اوتوماتكيه تكون مضلله في النهار وفي الليل ترجع شفافه ..


وفي النهايه .. اتنمى ان اكون اوصلت بعض الافاده

مرحبا هامة ليه الخوف بالعكس العدسات جدا مريحه

واتفق مع مرسى الاحلام فيما ذكر وهي الطريقة الصحيحة

ولا باس ان تكون العدسات فقط فى فترات الزيارات والعمل

وفي المنزل يفضل نظارة حتى ترتاح العين

وكما ذكرت كوين يفضل العدسات التي كل ست اشهر

اما خاصية عكس الاشعة لاتوقع وجدود عدسات بتلك المواصفات

والشهر مبارك عليك يالغلا

تحياتي