مسابقة منتدى بريدة الرمضانية الثانية 1428 هـــ
 

http://www.buraydh.com/upbur/bur/DS.jpg


[align=center]
:x2:


أعضاء وضيوف منتدى بريدة .. مسّاكم الله بالخير جميعاً :4_1_202[1

ذي بدء .. دعوني أبارك لكم ولنفسي ولعامة الشعب المنتداوي بلوغ شهر رمضان المبارك ..

فلكم مني أرق تحية وأصدق تهنئة ، أعانكم الله على صيامه وقيامه

(( زبدة الهرج يا سادة ))

أنتم تذكرون رمضان الفايت 1427 هــ يوم سوينا مسابقة ثقافية خفيفة وكانت الإجابة مشاهدة في ذيل السؤال يصاحبها خيارات متعددة

وكان الأستاذ : عبدالله الفقير هو صاحب المركز الأول .

ثم الأستاذ : عموري صاحب المركز الثاني ...

وهذا الغالي كان قاب قوسين أو أدنى من المركز الأول .. لكن سقط عليه أبو فقير في رمق المسابقة الأخير .

ثم الأستاذة : إمارتية والنعم صاحبة المركز الثالث .

والأستاتذة : العصامي وفريد وماجد الأول وغيرهم مما لا تحضرني أسماءهم الآن

كانت لهم جولات وصولات في تلك الليالي الحافلة بالتشويق

وبهذه النتيجة تم إسدال الستار على تجاذبات منتداوية جميلة وتنافسات أخوية رائعة يصاحبها قفشات وتحدي وحماس وترقب

وما أشبه الليلة بالبارحة وما أسرع أيامنا تنقضي .. فقبل أيام قليلة هاتفني مدير المنتدى الإداري ( عبدالله الحلوة )

طالباً مني إقامة مسابقة مماثلة للعام الماضي مقدماً دعماً معنوياً وإعلانياً ، ثم ترك الحبل على الغارب

في فكرتها وإعدادها وطرحها لأخوكم الفارس الشجااع البطل الصنديد الذيب أحسن واحد بالدنيا .. أبو فالح

<< عينك عينك .. أنا حامت سبدي :(

وحتى نقدم مسابقة عصامية متميزة ومغايرة للمألوف .. فقد جعلت نصب عيناي إلغاء دور محركات البحث في الإجابة

ويأتي في الهرم البحثي كبيرهم الذي علمهم السحر ( قوقل ) .. وهذا الأخير هو من أشد أعدائي في المسابقة الماضية

فهو يقدم الإجابة ببرهة زمن .. لكن في هذا السنة مهزوب يعرف السالفة ، فهو أبعد ما يكون من الظفر بها

وحتى تتضح السالفة وطريقة المسابقة ... واصل القراءة يا بعدهم

V
V
V


:ash: (( مسابقة ألغاز )) :ash:

يطرح في كل ليلة ( لغز ) .. وليس سؤالاً ثقافياً والأسرع في الإجابة الصحيحة هو الفائز الوحيد في تلك الليلة .

(( طريقة المسابقة ))

- في تمام الحادية عشر ليلاً يطرح لغز الليلة .. ويستمر تلقي الإجابات حتى الساعة الثانية كحد أقصى

أمّا الحد الأدنى لوقت تلقي الإجابات فهو عند الظفر في إدراج الجواب الصحيح وعندها يعلن الفائز وينتهي تلقي الإجابات .

- خيار التعديل في المشاركة غير متاح .. فالمشاركة برد جديد هو الخيار الوحيد لطرح جواب آخر .

- في كل ليلة هناك فائز وجائزة فورية تمنح لمن حل اللغز ويسجل في رصيده خمس نقاط .. هي نقاط اللغز الذي أجاب عليه

- في ختام المسابقة تحسب نقاط الفوز التراكمية ويتم تحديد ثلاثة مراكز ، يمنح أصحابها جوائز نقدية وسيأتي تفصيلها ..

وكما أسلفت فكل ليلة تذهب خمس نقاط لمن حل اللغز .. والميدان ياحميدان :)

(( بداية ونهاية المسابقة ))

ستكون البداية بمشيئة الله يوم الاثنين القادم 5/9 / 1428 هــ

سيكون الختام بمشيئة الله يوم الأحد 18 /9/ 1428 هــ


:for5: :for5: :for5: (( جوائز المسابقة )) :for5: :for5: :for5:


أولاً : الجوائز الفورية ... وهي مقدمة من مركز سامرة ( بيت الموضة )

في كل ليلة هناك جائزة فورية لمن أدرج الحل الصحيح وهي عبارة عن قسيمة شراء من سامرة بمبلغ ( 250 ) ريال


ثانياً : الجوائز الختامية لأصحاب المراكز الثلاثة .. وهي مبالغ مالية مقدمة نقداً من مطاعم الضباب .. وهي على النحو التالي :

المركز الأول : ألف وخمسمائة ريال ( 1500 )

المركز الثاني : ألف ريال ( 1000 ) .

المركز الثالث : خمسمائة ريال ( 500 )


(( ;) معلومات وتغشيشات ;)))

- مدة المسابقة 14 يوم .. فيها 14 لغز و 14 جائزة فورية و 70 نقطة تحتسب في رصيد من أجاب .

- تم اختيار الألغاز بعناية وحرص فائقين .. فاللغز لا يمكن أن تنسحب تفاصيلة على إجابتين ..

وستكون الإجابات سهلة وواضحة ومما هو دارج ومتعارف عليه

- الذهين اللي يسوي قروبات من معارفه لمن يشتهر في البراعة في حل الحواجي والألغاز

- حين يرد في اللغز ... أنشدك عن { ورع(ن )... عود(ن ) ... شايب ... الخ } فالمقصود تذكير الجواب ، فالجواب مذكر

أما حين يرد ... أنشدك عن { عذرا .. بنت .. بكرة .. الخ } فالمقصود تأنيث الجواب ، فالجواب مؤنث .

طبعاً هذا معروف للغالبية .. لكن أخاف يقضب حلقي واحد ما يدري :) .

- اللي ما يقدر يوفق بين مصروف خيشة الرز وملابس أطفاله بتاع العيد ..

ماغير يسنتر عند منتدى بريدة الساعة الحادية عشر ويبشر بالخير :c9: [/align]


[align=center]بمان الله [/align]

وعليكم السلام ورحمة الله وبركاته

يالله حي ابو فالح كل عام وأنت بخير مبارك عليكم الشهر

الله أكبر يااااااسرع الدنيا كأنه أمس المسابقه كله من أعمارنا

المشكله لاصار المخ أمجيم ماعنده أستعداد يفكر:ash:

[align=center] ياهلا وغلا .. ونت من هل الخير يا غالي والله يبارك على الجميع

صدقت ونا خوك من اعمارنا .. أليس الصبح بقريب ؟ [/align]

[align=center] بس من المشاركين ؟؟

إنشالله تكونين من الفايزين .. شدي حيلك وجمعي اللي حولك ، والسالفة تراها سهلة [/align]

يا سرعك رديت ماشاء الله عليك وأنا أزود الحتسي

أثرك لقطتن خخخخخ

يعطيك العافيه يا اخونا ابو فالح .. ماقصرت

<<< ما تطيق الالغاز :)

مبارك عليكم الشهر الفضيل

اهلا بك سيدى ابو فالح اخبارك ياراجل

ومسابقة جميلة

وماجمل ذكريات العام

بس بعد المشاركين العام الماضي تزوجوا

يعنى قليل يدخلون

فرصة لى اشارك


والله يعينك ياغالي ع الاجابات
والغاز بعد


وتحيتى الك

[align=center]
الصبح القريب

ما يمديك .. لقطك الرادار :)

لا تباعد خلك حولنا .. والسالفة سهلة ولا فيها وجع راس .. أنت أجزم بس


Queen buraydh

الله يبارك على الجميع

من اليوم ورايح .. تبي تصيرين مفتونة ألغاز .. لا تباعدين وتلقين كلامي

لحظة .. جابك الله

مسابقة المطبخ .. ليش التحجيم باشتراط 100 مشاركة جادة ، لو فتح الباب على مصراعية لكان التنافس على أشده

عموماً .. أعرف وحده بقراطيسها ودها تشارك لكن هالفيتوا يمنعها


عموري

مراحب بالغالي .. أسفرت ونورت

شد حيلك وناخوك .. ونت تستاهل كل خير .. لكن تعال منهو اللي معرس .. لا يكون عبدالله الفقير

إذا كان هو .. ياويله ويا سواد ليله ليش ما عزمني ؟؟ مستعد أجيب فسحتي واكلها عندهم :)

بمان الله[/align]

معاك يابو فالح وياعلك على القوة

هلا فريد

ليش اطلع ........


ابو فالح وش رايك تغير الوقت احسه مبكر جداااااااااا

من 12 الي 1
مجرد اقتراح

يعطيكم العافيه على المسابقة

وكل عام والأمة الاسلامية بخير

وبالتوفيق للجميع

كل عام وانتمـ بخيـر ..
يعطيك العافية وبانتظار بدء المسابقة ..

وعليكم السلام ورحمة الله وبركاته
كل عام وأنتم بخير ومبارك عليكم الشهر الفضيل .
بارك الله في جهودكما وأعانكم على الحق والهدى .

وإن شاء الله نكون من المشاركين إذا عرفنا الجواب ..

والله يجزاك خير ويوفقك دنيا وآخره .

احس بتكون حماااااس


لكن وقت المسابقة مايناسبني

ليش ماتخلون فترتين للمسابقة

فترة للي يدخلون الساعة عشر

وفترة للي يدخلون الساعة وحدة <<< وقتها من الساعة وحدة

وكل عام وانتم الى الله اقرب

الله يعطيكم العافيه ابوفــالح.. والله يقويكم جميعاًَ... انت والمدير المحترم ..الحلوه,, وجميع المسؤلين عن منتدى بريده00

وإن شاء الله أكون متابع جيد ومشارك شبه يومي في المسابقه ...> مع اني مانيب بالحيل بمثل النوع من الألغاز...

ان شاء الله اشترك
ومشكورين على المسابقة

كل عام والجميع بالف خير ومبارك الشهر الكريم علينا وعليكم

ابوفالح

تواجدك يعني النجاح واسلوبك يعني التشويق وتفاعلك يعني الحماس وبلاشك سيكون لكل ذلك دوراً بارزاً في تميز المسابقة بإذن الله

اتمنى لك وللجميع التوفيق وبإنتظار الأنطلاقه على بركة الله


تقبل تحياتي

طيب وش المعنى 14 ليلة المسابقة ؟؟ >>>> واحد فاضي

ابو فالح .. يكفينا من المسابقة سواليفك بالموضوع تقطع التسبد ..

والساع عشر والله انه وقت بني المخرج وراعي الباب مثل مايقولون .. لكن نحاول نتواجد ان شاء الله ..

طيب حنا عندنا تغطيات بالموفنبيك وشلون نشارك .. لكن هين نخلي أم العيال تسنتر عند المنتدى الساع عشر وتفتح اون لاين معي عشان اجاوب له >>>> يقالي عاد انا محمد بن شلاح خخخخخخ

وشكرا

عساك على القوه ,,,

يعطيك العافية يا ابوفالح...وننتظر المسابقة على احر من الجمر..

دمت بخير..

بإذن الله سنبحث بموضوع المُشاركات مع بقية اللجنه ,, لكن ما فهمت المقصد من ( هالفيتوا ) ؟

[align=center]http://www.geocities.com/miss_7o0oryah/Paper-U.jpg
[grade="008000 00BFFF 00008B 00BFFF 008000"]السلام عليكم ورحمة الله وبركاته[/grade]


مبارك عليكم الشهر

وعساكم ع القوة

بارك الله فيكم وفي جهودكم

الى الامام يا متميز




•
•
•
http://www.geocities.com/miss_7o0oryah/PaperD.jpg[/align]

أبوفالح وراك ما تخليها الساعه 12 مثل العام الماضي >>يمكن أصير بالدوام بوقت المسابقه

بارك الله في جهودكم

عساك عالقوة ياخوك بس ياليت الوقت يتغير اشوي ضاقت س 10<<ارضاء الناس غاية لاتدرك

[align=center]و الله يــاشكــلها أنوااااااااع الزحمــة إذا جــت الســاعة 10 ....
إتصــل على المرور نســق معهم مانبي بعض المطــافيق اللي مــايعرفون يوقفون صح يبلشــوننا بالزحمــة ,.......

وفقـــك الله أبــو فــالح و عســاك ع القـــوة ,........[/align]

كل عـــــــــام وانتم بخير

انا ضيف جديد عليكم في المنتدى الرائع

حبيت استفسر عن كيفية ارسال الاجابات هل على الخاص لابو فالح طبعا هذي اول مشاركة

لازم عدة مشاركات على شان ارسال على الخاص الاجابات

كيف يكون طريقة اعلان الاجابات الصحيحة يوميا

او كيف

اتمنى الرد عاجلا

تمنياتي للجميع التوفيق الدائم

تقبل الله صيامكم وقيامكم

كل رمضان افتكر منتدى بريده

واشوف المعرف الخاص بي

اجده ما زال موجودا

وهذا انا اسجل حضورة هالسنة