|
في العثيم مول (اقرؤا ما كتبت لعله يهمكم)
اقرؤا ما كتبته لعله يهمكم ..
السلام عليكم اخوتي اولا : يشهد الله انني لم اخط بحروفي سوى الحقيقة بعينها ثانيا : كتبت ما لدي للتحذير من ظلم الظالمين وليس لقطع ارزاقهم ما حصل وباختصار انني ذهبت مع والدتي حفظها الله لنشتري ملابس العيد وهناك في العثيم مول في الطابق الثاني محلي (***) و(***) للملابس النسائية الجاهزة في بريدة اشترينا من محل (***) والبائع يمني كنا قبل الشراء يردد( خذي اللي تبي وحنا نراعيكي ) وحينما اردنا ارجاعها في الليلة التالية وبعد اقل من 24 ساعة ثارت ثائرته وصار يزبد ويرعد ويدعي على والدتي ان كانت تكذب في سعرها فقلت له ( عيب عليك مرة كبيره بمقام امك ترفع صوتك ) قال( شوفي شلون تكلمني ) مع ان امي كانت تسايسه قالت امي : ( لانه ما معي رجال يرفع صوته علي ) قال : جيبي رجالك واوريك !! قلت انا : ( ليش نتعب رجالنا نجيب لك الهيئة تربيك? ) استعدنا مالنا على مضض وانتقلنا لمحل (***) الاخر كان بائعه هندي وما ان قلنا سنسترجع مالنا اصابه ما اصاب صاحبه وهددته بالشرطة واخيرا اعطانا مالنا !! ما اتعجب منه ان يرفض الواحد منهم اعادة المال في اوقات الاعياد خصوصا ويتعمد التضييق علينا بينما قبل الشراء يكونوا بمنتهى اللباقة والادب !! وحين الاسترجاع يرمي بتهذيبه عرض الحائط الهذه الدرجة هم يفقدون الثقة بجودة ما يعرضونه ? انا اعرف انه ليست كل طرائق الناس تستطيع الشراء من غيرهم فالله فضل بعضنا على بعض في الرزق انما لا بأس بأن نوجه صفعة محبوكة لمثل هؤلاء كي لا يستغلوا عوز الناس وضعف النساء !! يجب ان يبيعوا وهم لا يتوهمون انهم يحسنون علينا بيدهم العليا !!!!! من بعدها ذهبت لاحدى محلات الماركات المعروفة اخذت ما اريد وبدلت واسترجعت بواقع ثلاث مرات على التوالي وبكل اريحية ومرونة كان التعامل مع الباعه هناك بمنتهى الروعة لا بذاءة ولا ابتذال هذا والله وليي وولي الجميع. |
الله يكافينا الشر ....
الى متى هذا الجشع والطمع في نفوس التجار واعوانهم ... لو كان معاك اخوك او زوجك كان دفع وهو ما يشوف الجادة لكنك مثل الطير المكسور جناحة . |
ذكرتيني بقصه لمماثله لقصتك في احدى المحلات داخل العثيم مول
اشترت الولده بلوزه من محل لا اذكر اسمه وكان لامانع من استرداد المبلغ وبالغد ذهبت انا والوالده وقال البائع يمني انتم بكم شريتوها قالت الولده 140 قال ماسبق بعتها بالسعر هذا هذه سعرها 120 تجادلت معه لاكن لافاده قلت مو مشكله هاااااااات 120 ريال (محلا العثيم فاااااااشله) وبعد التجديد انشاء الله يتحسن الوضع |
السلام عليكم شي غير مستغرب لاننا شعب طيب والاجانب وخصوصا الحظارم والهنود والبنقال صبو جام حقدهم على هالشعب الطيب لو فيه رقم خاص لحماية المستهلك كان الواحد يدق عليهم يقول تعالو تفاهمو ولا بأي عرف او قانون او حق انك اذا شريت شي ما ترجعه وهو بحالته الا بعد ساعه او نص ساعه ويشرط عليك تبدله او يعطيك كرت متى ما بغيت تشتري تجي تشتري به وين وزارة التجاره عن هالقوانين الوهميه اللي يبتدعها الحظارم والهنود |
وااااو والله خوفتونا من العثيم والنخيل
شكلنا بنحول للرس مول |
في امريكا لك 60 يوم ترجع ما اشتريته
حتى ولو استعملته لانهم ببسطه يتعاملون مع الزبون بمصداقيه :) |
يقول الهندي لي
(انا ممكن رجع اذا انت روح سوي لبس جوا مصلى بعدين مو كويس يجي رجع على طول نفس وقت ) هذا ما تبقى نبدل ملابس في مصلى المول وبامر من الهندي فتكون التجارة رابحة |
الله يقطع اللسانه
يرفع صوته على حرمه كبيره أخ لو كنت موجود كل شيء ولارفع الصوت على الحرمه الكبيره والحرمه بالعموم اللي يرفع صوته أو يمد يده على المرآه هذا ليس رجلاً أنا أنبسط أذا دخلت مع المدام الى أي محل وشفته حاط لوحه مكتوب فيها البضاعه المباعه لاترد ولاتستبدل أو بعباره أخرى لاترد ولاكن تستبدل أذا أشتريت أي شي ومصالح لمدام بكره أجي ورجعها أبي فلوسي وأذا طاطا أقوله شوف طلعه من المحل منب طالع لوعلى جثتي أنا مرجع فلوسي مرجعها بطيب أو بالغصب وكل مادخل واحد للمحل سابيت المحل أنهم نصابين وحراميه وفي الأخير يرجع فلوسي غصب عليه |
اشكر اخوتي الكرام على مرورهم
ممكن اكون بكونك ابو عبادي 595 الاخصائي بنت البدائع سري للغاية ابو ريما الخالدي واعتذر عن تخطي ذلك في الرد السابق لي |
بكل بساطه لأن المحل له أما السعودي له الأسم يأخذ مقابل الأسم فقط
|
لأننا وببساطة نجهل القوانين،ولا نملك الحجة !! جميع البضائع تسترجع مالم تكن من الأجهزة الكهربائية والالكترونيات. |
اغلب المحلات هنااااااااااااااااك يمنيه
وش ترجين منهم قمه القذاره مع النساء |
عبدالرحمن 2007
وميض البرق عدوة النفاق اشكر لكم مروركم الكريم نعم ينقصنا العلم التسوق ثقافة ومهارة لا نعيها بالقدرالذي يحمينا من جشع وخسة الباعة في كل مكان |
لي تعليق بسيط على الموضوع :
أولاً ، ليش الترجيع ؟ أنتي شريتي ملابس جاهزة يعني أكيد تعرفين مقاسك ، وبعدين قطعة اللبس اللي أنتي شريتيها ما هي بمغلفة يعني شفتي لونه ونوعية الخامة وموديله ومقاسك تعرفينه ، وشي حجتك بالترجيع ؟ بالإضافة إلى أنك من خلال ما كتبتيه كثيرة الترجيع ، أكيد ملوا منك ، لا أنتي اللي شريتي ولا أنتي اللي خليتي البضاعة بالمحل علشان يشوفها ويشتريها غيرك . ثانياً : بعض النساء تروح تشتري فستان فخم من محل فخم بمبلغ وقدره ، ثم تحضر فيه حفلة أو مناسبة ، وتجي من بكره للبائع تقول بارجعه ( ما صلح ) ، وش ذنبه هو ، بعد ما استعملتيه ترجعينه ، وبصرف النظر عن جنسيته ، أفعال بعض النساء المترددات على المعارض الكبرى تجيب الضغط والسكر . ولكم تحياتي |
اقتباس:
وفرت علي الكثير بردك هنالك نقطة أخرى ماذنب مستهلك آخر يلبس القطعه مستعملة نعم خصوصا الملابس كيف لو اشتريتي قطعه ثم علمتي بعد ذلك انها قد استخدمت واعيدت للمحل بالتأكيد لن تشتريها ونقول من وين تجينا الأمراض المفرووض الملابس وبالذات اللانجري لاتعاد باي شكل من الأشكال حفاظا على الصحة العامة اعتقد ان الموضوع للتشهير بالعثيم مول لاأقل ولاأكثر وسلموا لي على سياسة المنتدى الجديدة |
مع احترامي لكاتب الموضوع
صاحب المحل من حقه مايرجع الملابس لاسباب كثيره ما قصر اخوي عبدالله الوشمي و د:المنصور وباين عليك انك كثيرة الهجوله والاسترجاع الله يصلح بعض الحريم انا اقول وش هالزحمه على المستوصفات اثريها من هجولة الاسترجاع دمتم بود |
غاية المرام اشكرك على التنبيه.ولاكن لدي ملاحظه. ليش اقحمتي اسم العثيم مول هذا محل من ضمن مئات المحلات الموجودات بالعثيم يعني ليس ذنب العثيم في توظيف هذا اليماني النصاب.!! |
اول شي هالمحل من يوم قلتي يميني عرفت نوعية المحل
يعني المحل له حلاله هو واكيد راح يمطمع ويجشع وترجع على ضميره النايم تعاملي مع الماركات فاتوره وسبع ايام ترجيع او استبدال ام هذا الي فيها يميني ومدري ايش _نسوها الناس من زمان |
ومن رأيي مالها داعي اختي انك طرحتي المشكله هنا بالمنتدى لان المنتدى يخص بريده وهذا المحل يخص يمني الجنسيه
لاتشوهي صورة مدينتنا بعماله زائفه |
لاحول ولا قوة الا بالله ..................................................
|
هنا الى نتعاطف معهم وبعدين نلومهم
|
السلام عليكم اخوتي
اشكر لكم مروركم الكريم عبدالله الوشمي د.منصور المنصور ابو صقر الغالي وردة بريدة اخي عبدالله الوشمي ارجعت بضاعة اليماني مرة واحدة لاثاني لها .. انا اتحدث عن عدم ملائمة المقاس ارجو اخي ان لا تتعالى على الواقع ...وان كان صاحب المحل يخشى ما قلت فما يمنعه ان يتأكد من سلامة القطعة والستكرات المثبته عليها د.منصور المنصور : انا لا اتحدث عن نوعية اللانجري ثم اريدكم ان تعلموا انني لم اذكر اسم المول الا لانه يضم المحل للتحديد فقط فكلنا يعلم ان المحل واحد من كل وشتان ما بينه وبين بقية الكل وهو مجرد مستاجر هناك .. وسلام عليك انت في المقام الاول ابو صقر : انت احترمتني وما لبثت ان وصفتني (بالهجولة )!!! حسيبك من هو القادر على حسابك الغالي : انا لم اقحم اسم المول الا للسبب الذي ذكرته فقط والعثيم مول يحوي في اركانه ثلة من المحلات راقية التعامل وردة بريدة : ذكرت في موضوعي انا (ان الناس ذوي طرائق مختلفة وقد فضل ا لله بعضهم على بعض بالرزق ) ثم الا تتعامل هذه العمالة الزائفة مع شريحة لا بأس بها من اهالي بريدة اليس ما يؤرقني يؤرقك ونحن اختين في بريدة التقينا في منتدى بريدة ... |
باونتي
احمد السالم اشكركم على المرور الكريم |
اقتباس:
على العموم تصرف العمال مع الحريم هو لمجرد الضغط واخذ البضاعه بدون ارجاع الفلوس ولو كان هناك رجال وا ان هولاء العمال ادبو لما دئبو على رفع اصواتهم وبعدين بعض الحريم تاخذ وترجع متردد لو فتح المجال لخربت البضاعة تحياتي |
من المعروف في فقه ديننا الإسلامي ..وفيه على ماأذكر فتاوي في ذلكـ .. أن بيع السلعة بشرط ألا ترد ولا تستبدل لا يجوز لأنه شرط غير صحيح لما فيه من الضرر والتعمية ولأن مقصود البائع بهذا الشرط إلزام المشتري بالبضاعة ولو كانت معيبة أو عدم تناسب المقاس أو المواصفات مع طلب المشتري للسلعة ..
ذكرني موضوعكـ هذا أخيتي غاية .. بما حصل لأحد أصدقائي عندما كان يدرس في أمريكا - الولايات المتحدة الأمريكية- , فحدث أن اشترى حزاماً هناك ولكن بعد فترة ( أي بعد كذا يوم) عندما حاول أن يرتديه لم يتقبل شكله أو أنه لم يُناسب البدلة فقرر أن يُرجعه الى المحل الذي اشتراه منه,,,,ماذا قال البائع ؟؟؟؟ (( مع ملاحظة أكثر من ثلاثة أيام )) فكان رد البائع بقوله: على الرحب والسعة لك ذلك وبسعر ذلك اليوم الذي اشتريته فيه ..فأرجع له البائع ماله - نقوده - ومعها ابتسامة عريضة… فأندهش !! من هذا الموقف صديقي واسترجع ذاكرته الى ما يحصل هنا عندنا… من مثل تلاعب هاليمنيه الذين لم يجدوا من يوقف تلاعبهم وإستغلالهم وجشعهم في البيع .. فهذا يستوجب تدخل حماية المستهلك..!! لكن لاحياة لمن تنادي.................. تحياتي |
وليد الطريقي
الافق اشكر مروركم الكريم اخي الافق : في بلاد بنو الاصفر اسلام بلا مسلمين الله المستعان ردك هذا يبين كم انت متسع الافق رعاكم الله |
اقتباس:
تذكرت قول الإمام محمد عبده عندما قال عن أوربا وجدت فيها إسلام بلا مسلمين ... تحياتي |
[align=center]انا في اعتقادي يجب ابلاغ الاداره عما حدث وهم راح يتفاعلون معك ويخافون على سمعة المركز وسبق حصلت مشكله لموظف وتم ابعاده عن المركز ولم يعد الا بعد الاعتذار من صاحب القضيه .[/align]
|
والله الحين مافيه شي اسمه أدب
ومافيه احترام خصوصا اذا كان البائع سوري او مصري مع احترامي للسورين والمصرين يكون كل شي زفت غير النصب الي ينصبون عليك والله يكفينا شرهم مع تحياتي (بحب الحب) |
الافق
احترامي 2006 بحب الحب اشكر مروركم الكريم اخي احترامي 2006 : انا اعلم ان ادارة العثيم مول لن تتوانى في اظهار حقي ان لجئت لهم وربما لم يلهمني الله الاستعانه بهم بعده سبحانه كنت قد اضعت غرضا هناك ووجدت تفاعلا ملحوظا للسؤال عنه في صندوق الامانات اسئل الله ان يرده لي بمنه وكرمه اختي بحب الحب :الادب موجود وان عكرت الاجواء بعض ذرات الغبار ما تلبث ان تنجلي ونهنأ بنسائم الخير مهما فعلوا وفعل غيرهم ليسودوا ايامانا باخلاقهم النزقه سيبقى الرجاء بالله |
اااااااه قلبي شكلي ابموووووووووووت
يقهرونن هاليمنيه والا الهنود لامنه بداء يلط لط ولا يهايط قسم يجين ماغص براسي انا مع توضيف الشباب السعودي بالمحلات اما ذولا مكانهم باصات الترحيل <<<<منحمقه قوووووووووووه |
الله يعين عليكن يالحريم
ودي افتح محل خاص بالنساء بس متردد بسبب محوقتهن وكثر ترجيعهن اخذت ثياب قوسيه عنده اعجبك خلاص مو تروحين مالي عينك وتقول وحده وع ماهو زين تجين طايره ترجعينه |
كثير من المحلات كذا يستقبلونك بالورود
ولو تقولين لهم ابرجعه اذا ماجاز لي قال عادي مافيه مشكله اهم شي عنده تعطينه الفلوس طبعا هو بيرجعه بس بعد مايرفع الضغط لكن شي اخر ترا الناس مالهم وليه |
على العموم اليماني قذر ..
لكن بصراحه الحريم عليكن كثر ترجيع مهوب معقول على كثر الطلعات لسوق ماتعرف مقاسه . |
اقتباس:
اقتباس:
|
فتافيت سكر
اشهب توتي ابو تريكه اشكركم على مروركم الكريم اخت فتافيت : سلامتك والله اخواني النقاط التي اثرتوها تجدون الرد عليها في طيات ردودي آنفاً الله ولي ووليكم وولي من تولاه وحده سبحانه |
اضيف نقطه اغلب المحلات في الدور الثاني هي فرووع لمحلات السوق الداخلي الفرق فقط في السعر
|
والبائع يمني // اطقع ماركه وأخس موجودعلى الأرض
|
يا أخيتي ... نصيحة لله لا لا لا تذهبي للسوق ( اي كان ) إلا مع رجال يحميك بعد الله من جشع الباعه وشرور اصحاب المحلات |
ليالي الشوق
نايف الصغير جواد اشكر تكرمكم بالرد اختي ليالي الشوق : ذهابي لمحلات الطابق الثاني كان اختصار للوقت وهي خطأمني لن يتكرر باذن الله اخي جواد : نصيحتك لها صدى مدوي في قلب المنصوح جزاك الله خير |
| الساعة الآن 03:51 pm. |
Powered by vBulletin® Version 3.8.8 Alpha 1
Copyright ©2000 - 2025, vBulletin Solutions, Inc. Trans by
موقع بريدة