|
قديمك نديمك<<لو الجديد أغناك>> دعوة للنقاش
السلام عليكم ورحمة الله وبركاته
أهــلاً وسهــلاً فيكــم جميعاً !!! :) بالطبع لكل واحد منا في حياته أشيائه الخاصة به,, قد تكون ( منزل * سياره * ملابس * أواني ) أو أي شي آخر !! ومع مرور الأيام تتحول هذه الأشياء من (قديم إلى جديد) من الملاحظ عند الأغلب تفضيل القديم على الجديد ربما يكون لهذا الشي أسباب عند أصحابها ؟؟ - برأيكم أنتم مالسبب ؟ - هل يوجد فيكم من له تجربه بين شي قديم وآخر جديد ومانتيجة ذلك ؟ *&^% صور من منزلنا بين القديم والجديد*&^% هذي الوالده الله يحفظه كنا في العام السابق بمنزل قديم وهذه السنه أنتقلنا لجديد وشي طبيعي قمنا بتغير جميع ماهو قديم من أثاث وأواني وصحون ألى أخرى جديده .. وش السالفه؟ قمنا أولاً بتغير الصحون القديمه ألى جديده لكن الوالده ماراق له الوضع ماتعشينا وتغدينا إلا بالصحون القديمه :( لدرجة أن أحد الصحون كان فيه شطب مع أحد جوانبه وسوى فينا هوايل! أحد أخواني جالس يأكل فيه أحد الأيام وكان يقول لنا ياناس أحس بشي يقبّصن من أيدي إذا جيت أزين اللقمه أنا أستهنت بكلامه ومالقّيت له بال :29_1_16[1 بالنهايه صار ضحيه للشطب الموجود بالصحن وسالت دمائه على الكبسه وصارت بدال الشطه وقام وتنكد ولاكمل أكله :e7: ومن ناحيه أخرى استبدلنا بلامات قديمه بجديده وبرضه الوالده ماراق له الوضع :rolleyes: لدرجة إن البلامات القديمه كحيانه ومليانه صدأ ولاأستفدنا شي من التجديد؟ :( لو الود بودي كان شلتهن ورميتهن بأقرب زباله(وأنتم بكرامه) لكن الأهم خاطر ورضاء الوالده :f6: سألناها عن سبب الإصرار والتلزيم على الصحون القديمه! قالت: الأكل عندي بالقديمه أطعم وأشهى من الجديده أما الأكل بالصحون الجديده لاطعم ولاريق وكني آكل قراطيس :( أترككم مع الصور القديمه والجديده للبلامات اللي ذكرت لكم. (البلام الجديد) <<<يالله من فضلك سعه وجمال ومنظر حلو :) http://www.wz63.com/up/uploads/18bf50375e.jpg (البلام القديم)<<< صغرمساحه وصدأ وبلاوي متلتله :29_1_8[1] http://www.wz63.com/up/uploads/734ce39c5b.jpg هنا لاحظوا الصدأ الفضيع على حافة البلام :( http://www.wz63.com/up/uploads/81f412d9b2.jpg أنتظر تعليقكم وتجاربكم :) |
كلامك رائع وينم عن أصالة معدن ,,,,ومبروك عليكم المدرسه الله يجعلها منزل مبارك.....شكرا أختي العزيزة
|
اقتباس:
الأروع مرورك أبو خالد382 بالنسبه لي ماأستلطفت الحال اللي حنا فيه طبيعة الإنسان يحب التجديد ألف شكررر للمرور ... |
التغيير والتجديد مهم في حياة الأنسان لبعض الأشياء وليس كلها لكسر حاجز الشعور بالملل المولد للضيق والنفور في بعض الأحيان ،، وهذا مجرب لي شخصياً في بعض الأشياء أقرب مثال عندي جهاز جوال جديد وخدماته ممتازه لكني مليت منه مؤخراً وقررت تغييره وفي هذه الفتره مسكه واحد من أخواني وغير لي خلفيه الجوال وعدلت عن الفكره ،، نفس الشيء تغيير لون المنزل وغرف النوم من صباغ الجدران وتغيير الأثاث طبعاً على حسب الماده بين فتره وفتره يطفئ الشعور بالملل ويولد شعور الأنشراح ،،، وشكراً للجميع ،، |
اللي يقول كذا قله ويعدون بالاصابع
وعندهم مرض اسمه (يبس الراس) او انه هو الصح والباقي خطأ يعني بالعقل اركب مازدا 88 ولا بي ام 2005 ؟ اختار المازدا واقول انه اونس وتحس انك راكب سياره دعــــــــــــــدعه اللي يقول كذا تراه يلعب على روحه قبل لايلعب عليكم << كل هذا للاشياء المحسوسه والماديه ونستثني من ذلك العادات والتقاليد ... الخ |
اقتباس:
نعم التجديد مطلوب كما تفضلتي لكن يوجد من هو لايلقي لذلك أية اهتمام ألف شكررر للمرور |
اقتباس:
لاياتوتي من يسوي كذا ليس بمريض <<<خافت على الوالده هذا يكون عنده حنين للماضي أنا ودي أقول أن البلامات القديمه التي قمت بوضعها في الموضوع لها ذكريات روعه بالنسبه للوالده لأنها هديه غاليه من شخص غالي وهذا اللي سبب إنجذابها لها بالرغم من قدمها . أما السياره القديمه والجديده حدث ولا حرج(عندي صور كلاميه عن أحدأخواني بخصوص السيارة القديمه والجديده وسأقوم في طرحها) توتي ألف شكررر للمرور |
أختي الفاضلة مع ان التجديد في هذه الأمور أصبح شبه ضروري إلا أننا جبلنا على الحنين إلى كل ماهو قديم من أيام وذكريات وأشياء خاصة لك تحيتي وبالتوفيق للجميع |
من صور الحنين للماضي بخصوص السياره راح أحكي لكم هذا الموقف ..
أحد أخواني الله يصلحه ويخليه معاه سياره من أيام ثالث متوسط والآن هو في أوائل المرحله الجامعيه (سياره كسره دردعانه ,,مصدّمه مع كل جهه) وطول وقته متنفر منها وصياح ونياح وبلاوي ماتتخيلونه وهو وإياها 4 سنوات على هذا الحال الشهر الماضي تيسرت الحال(الحمدلله) وكافأه الوالد بسياره كامري 2008 (تبارك الله ماشاءالله) تتوقعون وش ردة فعله مع السياره الجديده؟ لاأخفي عليكم أنه طاير وهايم من الفرحه لدرجة إنه ماينام لاليل ولانهار مقابلها بالحوش :) صار يقول أذا جيت أدخل البيت وشف سيارتي القديمه أناظره وأتحسر لدرجة إنه كتب فيها قصيده إذا حصلت عليه راح أكتبه لكم :) |
بنت البدائع
موضوع رائع .., بالنسبه لوجهة نظري بالقديم و الجديد .., أن لكل واحد منهما مجال يتفوق فيه على الأخر .., أما الأواني المنزليه فكلما تم تجديدها بين فتره و أخرى فهو أفضل عندي . ويوجد بعض الأشياء قديمها أفضل من جديدها .., اقتباس:
تحياتي .,’ |
[align=center]
http://filaty.com/i/710/f3dd562.h---11.gif عزيزتي بنت البدائع الموضوع نفسي أكثر من أي شي آخر فنحن لا نحب الشي لوحده أو لذاته فقط ولكن لما عشناه معه أو فيه أو أو أي أننا نربط المادي بالمعنوي ليشكل لنا شيئا واحدا يراه الآخرون ماديا مجردا والدليل على ذلك أنك تكره ملابس معينة أو مكان معين أو أو لأنه يربطك بذكرى سيئة ، فهل للملابس أو المكان أو الزمن دخل ؟؟ اتضحت لك الصورة ؟؟ الحب لا يؤمن بالشكليات بقدر ما يؤمن بالمضامين ،،، ولكن هذا لا يعني أننا لا نحب الأجمل أو الأجد اقتباس:
وخ بس أظيع أنا عند الرومانسية :36_3_3[1] http://filaty.com/i/710/f3dd562.hh----2.gif [/align] |
اقتباس:
هلاا أخوي بريداوي 9 أوافقك الرأي بما تفضلت بأنه يوجد اشياء قديمها أفضل من جديدها وهذا عن تجربه لي شخصياً أما تجديد الأواني أعتقد أنه أساسي هذا غير طبيعه المرأه لحبها بتجديد الأواني من فتره لأخرى <<< ياليتهم يعدون الوالده ونرتاح من الصدأ يبدو لي العباره هنا مقلوبه فأنتِ تقصدين تتحول من (جديده إلى قديمه) ..,؟! أقصد عكس ماذكرت أخوي (تتحول من قديمه لجديده)<<لخبطت فكري :) أخوي بريداوي 9 شاكررره لك المرور |
بنت البدائع
القديم له طابع خاص عند كثيرا من الناس فعندما ينتقل شخص من منزل الى منزل اخر حديث وبعد فتره مثل يمر به الطريق علي بيته القدين تحث له حالة انشراح في صدره لانه تذكر الماضي وربطة بالحاضر. وقديمراو يسبح به خيال لاشياء كان قد نسيها من قبل |
اقتباس:
الحنين للماضي شي غريزي بالنفس كما تفضلت شاكرررره لك المرور |
اقتباس:
هلاااااااا وغلاااااااااا بست الكل هامه الصوره واضحه عندي أختي وكل ماهو موجود لدينا بالطبع له صلات نفسيه مختلفه بأنفسنا شرفتيني أختي هامه وألف شكررر للمرور |
المشكلة ليست في التقاليد ...
انما بعضها لايستحق العودة اليها... ولابد من التطوير...وهذا هو الغالب.... اما بعض الاشياء القديمة تكون وسع الصدر فيها...للتسلية فقط.. شكرا لموضوعك المميز يامميزة.... |
اقتباس:
سبقتني بكلامك عن (البيت القديم والجديد) معليش تحملوني لكثرة ضرب الأمثله من واقعي. بخصوص البيت القديم والجديد<<< وياقلب لاتحزن عشنا في بيت قديم قرابة10سنوات لعبنا وضحكنا ودرسنا وذكريااااااات حلوة لاتنسى لكنـ ماهو مؤسف؟ البيت قديم قديم قديم ولاتطاق العيشه فيه (لكن الظروف تُجبر) الأهل أنواع التضجر والصخب من أثاث وأركان البيت كل كلامنا -متى نغيّر البيت:( -وه ملينا من القرف:( -الناس في تطور وحنا لا:( -جتنا حاله نفسيه من كرهنا للبيت:( -مافيه قريب لنا إلا عرف معاناتنا مع البيت القديم:( -البعض يتمهزأ يقول <أبوكم مدرس وساكنين بهذا البيت :( وأشياء اخرى لاتصدق بالنهايه؟؟؟ أنفرجت من رب العالمين بفله راقيه كبيره فخمه وأثاث منظم وحلو لــكــن؟؟؟؟ الحنين للماضي لعب فينا دوره اللي يقول أنا من سكنتنا بهذا البيت مانب طبيعي ومتضايق :( واللي يقول بيت يكتم ويضيق الصدر :( واللي يقول مايمدينا نرجع للبيت القديم :( -واللي يقول أحس أني ألى الآن ماأستقريت بمكاني :( قسماً حاله ماتتصورونه عندي خاطره من أحد أخواتي بخصوص البيت القديم راح أنزله لكم هنا <<شكلكم بتقولون هذولاء عيال خالد الفيصل على هالشعر والقصايد :) |
أختي بنت البدائع
أعتقد موضوع التمسك بالأشياء القديمة موجود عند بعض كبار السن تقريبا... بالرغم من وجود هذه العادة عند القلة القليلة من الناس ممن هم قد يعانون من حبهم للروتين وتمسكهم بالنمطية ولكن الغالبية العظمى نفسه تتوق لكل ماهو جديد تحيتي لك إنسانة غيــــــــــــــــر |
اقتباس:
نعم أوافقك الرأي بما ذكرت اما بعض الاشياء القديمة تكون وسع الصدر فيها...للتسلية فقط.. هذا مصير سيارة أخوي القديمه اللي ذكرتها بأحد ردودي السابقه أصبحت سيارته القديمه للتسليه وسعة الصدر والبر والكشتات أخوي منصور شاكررره لك المرور |
جبت لكم الخاطره اللي قالتها أختي بخصوص البيت القديم :)
عذرآ يابيت الصبرعذرآ عذرآ يابيتنا فما عدت لنا كم ليلةقضيناها سويا بين أسطح أوغرف أو فناء كم أنت رائع يابيت الكرامةوالإباء قدتحملت منا الشتم والنكرا قمنانسبك ونرمي عليك اللؤم ولو أنك تنطق لطرتنا عشرسنين مضت لم نرى منك تجاهلآ أوضجرآ ودعناك يابيت الصبر ونحن نعتصر ألما أتظن فرحتنا بالجديد تنسينا العشرا عشرالسنين مرها والحلوا ولوكان بيدي قبلتك حجرآ حجرآ ولكني خشيت منهم الكلام واللؤما ولوتكلموا عذرتهم في كلامهم لأنهم لم يعرفوا لك قدرآ يابيتنا لاتخشى نسياناً أبدا ستظل صورتك في ذهني ضمن الصورا عذراً يابيت الصبر عذراً :e7::e7::e7: |
اقتباس:
هلاااااااابك أختي إنسانه غير بالفعل كبار السن تعلقهم بالقديم بشكل ملحوظ من ملابس وأواني وغيره من الأشياء الخاصه بهم ياأنتي ذكرتيني بشايب أعرفه لوتشوفين كيف عايش تبصمين 100% إنك عايشه زمان الأولين كل شي قديم في قديم أختي أنسانه غير أنا شاكرررره لك المرور |
يسعد مسائك بنت البدائع:)
من جهة نظري اني لااحن للقديم على اي حال:( حتى يوم كنا نبي نرحل من بيتنا الاول كانت الوالده الله يخليه لعين تغليها تقول اي شي بالمطبخ امانه ترمونه :( المشكله مانستخدمه اللحين بس مجرد زياده وزحمه وحوسه بالمطبخ :( اتوقع هذا شي بالنفس على مااظن 00 |
أتوقع الحريم الكبار نفس الطبائع يحبون القديم.....
إلا أمي أستغرب منها بعض الاوقات أنا اللي أرفض ترمي أشياء مو قديمه مره... |
بنت البدائع
الحنيين الى الماضي شي جميل له ذكريات لاتنسى عبق الماضي له رائحة مميزه كرائحة بيتنا الطين أيام المطر .. ورائحة الحناء ممزوجة بسدر سلام... |
ما اجمل ذكرياتنا السابقة .. وما أحلى مرها ...
|
اقتباس:
اكيد هذا شي بالنفس وإلا وش نقول غير كذا .. نصيحتي: خلي المواعين القديمه بدولاب خاص <<< ماتعرف تحن من شان مايخربون الديكور عذاري أنا شاكررره لك المرور |
فيه اشياء مانستغني عنها مهما كانت قديمه بس على حسب الاشخاص ناس يحبون التغيير بكل شي بين فتره وفتره وفيه ناس مايحبون يغيرون باي شي وعلى قولة هامه حاجه نفسيه المكان او المقتنيات ترتبط بالذكرى مش في حب الانسان لاقتنائها
|
اقتباس:
بالفعل كبار السن هم من يفضلون القديم عن غيرة من الجديد خصوصاً العجز إذا تمسكن بشي هنك أطلقيه من يده نجديه أنا شاكررره لك المرور |
أعتقد أن النفس البشريه تميل وبصوره أكبر لكل ماهو جديد ..
تعشق التجديد .. وتتناسى القديم كثيراً .. قد يكون هناكـ من يهتم بكل ماهو قديم .. ولكن .. أعتقد الغالبيه العظمى يفضلون الجديد عن غيره .. أشكر لكي روعة الطرح .. بنت البدائع كل الود |
اقتباس:
بالفعل الحنين للماضي رمز للأصاله ولالنا غنا عنه ياسلام بيت طين ومطر<<< قمة الروعه فيما ذكرت من ذكريات .. جيت البيوت اللي بوسطه تربيت ,,, بيت قديم مأسسينه من الطين.. .. بأطراف ذاك البيت بالفكر سجيت ,,, قمت أتذكر مامضالي من سنين..:) أخوي أنا شاكرررره لك المرور |
يازين الغرشة بعد خاصة اذا فيها لبينة انا ما ادري وش شايفين بالصحون الجديدة اللي من ثقلها يبي لها افغاني يشيلها |
هاذي أمي الله يعافيك ..صحون مصدية ولا تبي تجدعهن ..
أذكر مرة جايبين لنا فناجين قهوة اللي تجيك شفافةومزخرفه مع الحوايف ..والله عيت تقهوى منهن إلا يوم جبنا لها الفناجين العادية .. وأكلها المفضل مرقوق أو مطازيز أو جريش ..وغيرها من الاكلات القديمة وبصراحة أنا من الناس اللي يحب القديم بس مو للدرجة اللي تصير بأمي .. يعني أحب أحتفظ بأشيائي القديمة مثل شهاداتي ودروعي وبعض دفاتري .. لكن أني أجمع قراشيع بحجة حبي للقديم هاذي ما تجوز لي . |
[align=center]
الأصيلة ... بنت البدايع .. حقيقة ... القديم له شمة .. ورنة .. أشوف نفسي آلف بعض أغراضي القديمة وأحزن لو فقدتها وانا شباب لسة عمري 55 سنة يعني منب مثل عجوز سمنسي ... أقدر .. أحللها .. واقول : ربما لأنه يعكس الماضي .. ومايعلق بالذاكرة من الماضي .. غير أحلى الأيام - رحمة الله بالخلق تنسيان المصايب - أحب الجديد .. وآلف القديم .[/align] |
ياحبيلك انتي وموضوعك
بس للااسف انا اكره شي اسمه تراث او شي قديم لو مزين جديد بس على شكل قديم مااطيقه والحمد الله امي هي اللي دور الجديد والسفر الحلوه |
[align=center]عن نفسي أقدّس حاجاتي القديمة وأشعربالأسف حيال ضياعها !
أعشق بيتنا القديم وأحرص كثيراً على النظرإلى جدرانه في كل مرّة يقودني الطريق للمرور بجانبه .. لأشيائي القديمة طعمها الخاص وإن تعددت نكهاته فبالرغم من مرارة بعضها إلا أني أجد الكثير منها لذيذ ! سلامي لوالدتك وصحونها :)[/align] |
كثيراً مانحن للقديم ونشتاق له ونفتقده أياً كان
وأكثر شيء الأماكن.. الرغبه بالجديد والتجديد هي الغالبه الإحتفاظ بمثل هذه الأشياء القديمه طبيعي لكن أن يزداد فهذا أمر مزعج.. المشكله صحونكم ماشاء الله أصليه يعني الله يعينكم على الخدوش :) تحيتي,,, |
اقتباس:
بالفعل الماضي يعتبر من أجمل الذكريات ومهما عانينا من قسوتها وصعوبتها إلا أنها ستضل صوره جميله في الذاكره أخوي القرار الإداري انا شاكره لك المرور |
اقتباس:
صحيح فيه أشياء مها صارت قديمه إلا أننا مانستغني عنها أضرب مثل: أعواد الكبيريت عند إشعال فرن الغاز أناأستغرب أشوف أغلب الناس مازالوا يستخدمونه بالمنازل بالرغم من أنه أصبح له بديل (الزند) و(الإزرار الكهربائي الموجود في الفرن نفسه) أختي شكولاته أنا شاكره لك المرور |
اقتباس:
أخوي أحلى غرام صحيح ماذكرت أن النفس تميل للتجديد وتناسي القديم وهذا شي جميل لكنـ إذا كان متمسك بالقديم وهو لم يعد مألوف كما كان في زم القدم هنا المشكله أخوي أحلى غرام أنا شاكره لك المرور |
اقتباس:
على طاري الغرشه تظل مميزة بشكله وألوانه خصوصاً اللون الأحمر وياحلو شكله إذا صارت تحفه موضوعه على رف في ملحق أو مطبخ مضرب حي لآنيه قديمه وأصيله لكن عيبه: إن كل من بغى يشرب غطس خشته فيها :) أخوي عجوز سمنسي أنا شاكره لك المرور |
| الساعة الآن 01:20 pm. |
Powered by vBulletin® Version 3.8.8 Alpha 1
Copyright ©2000 - 2026, vBulletin Solutions, Inc. Trans by
موقع بريدة