|
نظرة قاصره من البعض!!
[align=center]اتعجب لكثير من شبابنا هنا ومااعرف هل اغلب المناطق زيهم ام لا بمعنى اليوم ذابحين ذبايح ويجون بعد الاخير تحصل زحمه مو معقوله عند المطاعم ككل التي في بريده والله توقعت المطاعم تعطي فلوس على هالحال وبعدين وش الداعي لاكل الهمبورجر والروست وعندك ذبايح بالهبل الصراحه نظره قاصره من الشباب
الناس تفرح بالعيد وتاكل من ضحايها وهؤلاء واقفين عند ماكدونلدز وكنتاكي وغيره من المطاعم صراحه حز في نفسي ذلك المشهد وماقولكم انتم بهؤلاء الشباب الله يعافيهم ولى يبلانا النبي اللهم صلي عليه وسلم دعانا ناكل من الاضحيه وهولاء واقفين لي عند مطاعم الله يخلف بس[/align] |
هادي الطبع السلام عليكم ..............
شوف اخوي مع اني مااكلت من برى اليووم كله طبعا لان وراي احد بيزعل لو ماكلت من الضحيه بس ماشوف الناس الي مشترين من برى قاصرين يعني افرض انو هذيلي ماذبحوا اليوم,,,,او مثلا اكلو الصباح ومو مشتهين بالليل لحم بعد ,,,,او بختصار مايكلون لحم ... يعني كل بعقله راضي ,,,,,,,,,تقبل مروري حزام |
أهلا أخي ابو أحمد0
أتيت على استغرابي قبل قليل فقد دخلت على الاصدقاء ووجدتهم طالبين مندي من المطعم! المهم حصل بيننا نقاش طويل وخرجنا بأن الظروف لم تأتي كما يريدون لذلك اضطروا للمطعم0 تحياتي لك0 |
عاد تصدق مريت الساعه 12 وانا ميت جوع مريت هرفي واشوف العالم مسنتره قلت مالك سنع ..
التغيير مطلب ..يعني مهوب معقول عيد يعني لحم ×لحم شكراً لك |
طيب واللي خلقة الله ماياكل لحــــــــــــم .. الا تشكـــــــــــــن..!!
يعني الضحايا مهوب اكيد كل الناس تــــــا كل منهــــــــا :( :( :( :( |
قاصرة مرة وحدة ياابو أحمد...
فيه أحد مايطيق ريحة اللحم ولا طعمه...وش تبغاه يعمل.؟ مثلي ...عشاي من هرفي اليوم...من برا....لأني بصفة عامة اللحم ماأكله...أكرم الله النعمة... تحيتي لك |
أبو أحمد لاتستغرب شيء والوضع عادي جدآ وصح نحن في عيد الأضحى ولكن النفس وماتشتهي .. ومثل هؤلاء الشباب لم يتم تنسيق بينهم بالخروج للإستراحة أو البر والطبخ من ضحياهم وهناك فئةُ كبيرة من الشباب ليس لهم مأوى غير الشارع والتسكع به . لاتستغرب !! وليس جميع الشباب مثلك ومثلي . |
هلا أبو أحمد
والله ياأخي مانلومهم أنا يوم صارت الساعة 12 وبطني مولعتن لمبته (( مقطع )) وش اسوي رحت للكوخ وأنا أراود نفسي ولله الحمد صار زحمة وأنا عجااااااااااز قلت يارجل نم جوعا أبرك من المطاعم مع العلم أني مقاطعهن بس يالله ... نرجع للب الموضوع والمقصود منه نعم أنا أوافقك الرأي أن الأكل من المطاعم هو قصور بعينه لما فيها من قلة في النظافة وردئ في الصنف شكرا لك أبو أحمد |
أكرم الله النعمه ! كلش أكله ألا اللحم ! الله يخلي لنا هالدجاج ! وأنتم يا حبكم للأكل ما خليتوا شيء ما لفيتوه بهالبطن ! صايرين طواحين والله يعين هالمعده وربي أني راحمها ! خفوا شوي ! وربي فشلتونا يا أرجال بهالكروش اللي ناطه والله العظيم صرنا طنزه لهالحريم .. كل ما طق عود بعود قالن لنا أستغفر الله صرتوا أنتم الحوامل مهب حنا ! بايوووووووووووووووووووو |
هادي . رأيت ذلك وكلي دهشة . لكن هنا تظهر عقليتنا الإستهلاكية بصورة صارخه . لكم أطيب المنى |
أخي حزام الأمان 90% من المواطنين يذبحون ضحايا والقله من لايجد أضحيه لكي يذبحها وليس معاهم فلوس وبعدين عشيات وغديات كها من الضحايا
وبذات اول ايام العيد أقصد |
أخي عبدالله30 قد يكون مثلما قلت ولكن على جميع المطاعم لاأعتقد ذلك لا وزحمه بعد
|
ابوشهد يابعد قلبي انت جوعان
ماأختلفنا ان التغيير مطلوب بس اليوم الأول غير له شمه أذا أكلت من الضحيه |
شموع قصدك تفرث باللحم ولاكن قله وقصدي من كلامي الشباب لانهم واقفين بسرا عند المطاعم
أشكر مرورك وتعليقك |
وحيده قلت لك قله من لايطيقون المطاعم وقد قلت لشموع قصدي بذلك الشباب وكل السراوات مايطيقون اللحم لاأعتقد ذلك
أشكر مرورك وتعليقك |
أخي الحصان الأسود انظم معك بأن الشباب مالهم غير الشارع بس اول ايام العيد اكيد فيه مناسبات لاتخلو من ذلك صح وأتعجب لما رأيته حقيقه
|
اخي ابوأميره يابعد قلبي جوعان انت بعد مثل ابوشهد بس زين ماسويت
أذن تنظم معي بصوتك |
الحمدلله ماكل لا المشوى فقط من للحم
وغيرة نو وي ومستحيل |
الله يهديك ياهادي ,, بتله اكل اللحم ؟ حلا هو ؟ المستشفيات مليانه من هالخلق اللي جايهم تلبك بالمعدة من اللحم اللي لفوه بهالعيد ,, يحسبونهم اذا صارو بالعيد ميخالف ياكلون لحم عشاء وغداء وفطور ,, اشوى اني مانب خاروف بين يدينكم يـ هالسعوديين ,, من حين الاجسام زينه وجاكم عيد اللحم عاد كملت ,, الله يصبر زوجاتكم عليكم ,, هالشباب اللي انت تقول تلقاهم انواع الرشاقه اكلو شوي لحمه والباقي تنويع ,, ياربيه انا بعيد الأضحى والله اني اكره اللحمه ياربي لك الحمد ,, لأنها تتكرر ولو تطري الدجاجه قالو اص اص عيب لايسمعونك الناس تقول دجاج بعيد الاضحى ,, وخير ياطير ,, انا طيب باكل شابورة بعيد الأضحى عناد لكم حالفه مايطب افمي ,, يالله فووتـّـك بعافية ,, |
أخي عبدالله العطيشان ياحبيلك بعد ماتأكل لحم انتبه ترى الأنفلونزا بس على الطيور مو على الخرفان السمنه تدري من وين جت من الأكل والأنبطار بمعنى ينجطل ولى يمشي علشان يتهضم الأكل
للمعلوميه ماهن أشين من الزيوت يسمنن |
أخي الكبري صدقت العقليات الله يخلف بس
|
يتيمه أشوا ماصرتي مثل وحيده
أشكر مرورك وتعليقك |
أختي علشانك بس
وأذا ماحسيتي بطعم العيد بألأكل من اللحم وش خانه العيد أشكر مرورك وتعليقك |
مرحباً أبو أحمد !!
بصراحه وأتكلم عن نفسي . كثير تحصل معانا كذا بيوم العيد ونتعشى من برى ماقد مر عيد أضحى وأكلت لحم بيوم العيد..بالإجتماع الليلي مع الأهل ماأدخل العشاء أدخل على الحلى والقهوة :36_3_3[1] أذا رجعت للبيت أقرب ساندوتش مع أي مشروب ولاتسني بعيد ضحيهـ ! ولاأنسى : حتى الغداء مافيش :) اليوم الثاني ممكن |
وااله ماذبحنا الا التحضر
الناس المتحضرة تاخذاكل من المطاعم بسبب قلة الوقت وحنا ناخذة بسبب الفسقة انامعكم ان الانسان يحب ان يهتم في صحتة ويبتعد عن التسمم والامراض هذا كلة يتحقق في الاكل المنزلي لا يختلف اثنان على أن أكل البيت افضل بكثير من أكل المطعم فااكل البيت معد من اجواد أنواع الخام لحم بلدي دجاج من النوع الجيد بخلاف أكل المطعم المعد من ارخص أنواع الخام أسوئها دجاج قد قاربت صلاحيته على الانتهاء لحم لا يعلم مصدره واستغرب من اللي يقول مااكل اللحم طيب مولازم تاكل لحم كل دجاج بس دجاج انت من اشتراه ومن اجود الانواع والمشرف على تحظيرة يد نظيفة وفي الاخير نحن مثل الدجاجة اللتي تريد ان تقلد مش الغراب وفي الاخير اضاعت مشيتها ومشيت الغراب وصدق الرسول الكريم فيما معنى حديثة ( لو دخلو جحر ضب لدخلتموه) |
اقتباس:
اختي بنت البدائع وين اجل طعم العيد بدون لحم اشكر مرورك وتعليقك |
اقتباس:
عقليات احمد ربك اخي طائر اليمامه |
اقتباس:
الف شكر لك |
شكرا لمرورك مره أخرى وتعليقك
|
اخى العزيز ممكن فى هذا الوقت لايوجد عندهم طبخ
|
طخيطخ كيف ماعندهم طبخ يعني ماعندهم اهل يطبخون لهم كل شخص وله أهل صح
|
كل عام وانتم بخير
شكراااا اخي ( هادي الطبع) انا اوافق راي(حزام الامان) وأعرف ناس ماتحب اللحم بشكل عـــــــــــــام . وشكراااا المـــــــــــــــدير |
انا من هؤلاء الذين ياكلون بالماطعم بالعيد, هل اكون قاصر ياهذا.. ؟ ؟
انا حر مالم اضر بغيري ياخ العرب...ومادخلك انت تنظر للمطاعم وتراقب الناس وهم يأكلووون !! يعني لازم افطر لحم واتغدى لحم واتعشى لحم!!!!؟ تحياتي ليكـ |
تصدق هادي اول يوم غداءنا لحم ..والعشاء طلبنا من مطعم ..
لأن معدتنا امتلت من اللحم .. عاد امي تقول اللحم موجود وانتم تطلبون من المطاعم هههههههه بس تصدق .. التغيرر حلووو يكفي الحميسه والغدااء لحم ... |
أخي المدير قله يكرهون اللحم ولاكن الفرحه بعيد الضحيه علشان يضحي ويأكل من الأضحيه
|
1 مرفق
[align=center]اخوي هادي الطبع بعد التحية .. وكل عام وانتم بخيررر
ياخي الامر عادي ليت الموضوع مطاعم فقط .. شيء يفرح لكن لا يحصل اللي في بالي وبالك . لدى الشباب وليته الامر مقصور على ملاهي ومطاعم وامكان ترفيه مقبولة اجتماعياً . عموما تقبل تحيتي وهذا الاهداء دمت بوددد محب الحقيقة[/align] |
يمكن ياخافون من النقرس
|
اقتباس:
يااخي العزيز انا ماقلت قاصر قلت نظره وهي تفرق وبعدين الناس اول يوم لابد ان يفرحوا به ويحسوا بطعم عيد الاضحيه من اكلهم للاضاحي اول يوم يفضل انك تفطر وتغدى وتعشى لان له لذه خاصه عزيزي ماقلت انت عبد انا اقول نظرتهم وانت غالي واخ عزيز على قلبي ترى لاتفكر قلت هالكلام كره بهم لاوالله |
اقتباس:
اشكر مرورك وتعليقك |
اقتباس:
صحيح الامر عادي ولكن مثل ماقلت اول يوم يفرح به الواحد على الاقل محب الحقيقه شكرا عالتوقيع |
| الساعة الآن 07:24 pm. |
Powered by vBulletin® Version 3.8.8 Alpha 1
Copyright ©2000 - 2026, vBulletin Solutions, Inc. Trans by
موقع بريدة