|
عاجل
[align=center]وزير الماليه : زيادة المرتبات بدل غلاء المعيشه تراكميه بحيث السنه الاولى 5% والسنه الثانيه 10% والسنه الثالثه 15% والزياده اعتبارآ من غره محرم وتصرف بنهاية شهر صفر بأثر رجعي [/align]
|
نتـــــمنى للشعــــب أفضل حال بإذن الله ,,
كل الموده لكِ |
وزير المالية يقول الزيادة هي 15 %
في تصريح للوزير هذا المساء يقول أن الزيادة تراكمية بحيث أنها 5% هذه السنة و10 % السنة القادمة و 15 % السنة التي بعدها _
المصدر : جوال سبق |
من المستحيل أن تكون الخمسة تراكمية ياعزيزي....!!! لأنها جزء لايتجزأ........!!!!!!!!!!!!!!!!!!! |
نعم صحيح كلامك وقد صرح الوزير ..
يعني كلامي انا بعد صح وقد ذكرت ذلك في ردي على موضوع الفتى المسنسي قبل 3ساعات شكرا عاى الخبر .. |
طيب الزيااادة .....لكل الموااااضفين ... البنك ... والغرفه التجاريه؟؟؟؟؟
|
أختي ملكة الشوق نعم الزيادة على جميع موظفين الدولة وموظفين الغرفة التجاريه تابعة لوزارة التجارة وهي حكومية لذا تتبع لهم الزيادة .. أما البنوك مادري بس أعتقد لأ .. |
أساءة .. وأعتذار
[align=center]
تحيـــــــــــــــــــة وتقــــــــدير,,,,,,,,,,,, تناقلت وسائل الإعلام بشائر المكرمة الملكية بالزيادة في الرواتب ولكن الكل قابله باستياء وأستهجان الذي سبب صدمة لما كان يتوقعه من زيادة تتوافق مع الغلاء المعيشي الذي أكل الأخضر واليابس ولما أكتنزه لقابل الأيام والكل قابل هذا بالهجمة الشرسة على ملك الإنسانية وألف النكت والطرف على هذه المكرمة لتوضيح مدى أستهجانهم مما حصل وكل هذا بسبب التسرع في الحكم وسوءا في الفهم وفقد الثقة بملك الإنسانية وفي هذا اليوم خرج علينا وزير المالية " العساف" ووضح الملابسات وسوء الفهم من الجميع وقال أنها بطريقة تراكمية أي أن هذه السنة 5 % والسنة القادمة 5 % أخرى والثالثة 5 % يعني الناتج الكلي 15 % مكرمة من ملكنا ملك الأنسانية رجاء ً من الجميع وكل من أساء لملك الإنسانية أن يقدم أعتذارا وشكرا له فمن لا يشكر الناس لايشكر الله فأنتم أسأتم له في هذا المنتدى فقدموا أعتذاركم له في نفس المقام والمكان فهذه ساحة تستقبلكم فهلموا,,,,,, وتقبلوا حروفـــــــــــــــــــــــي,,,,,,,,,,,,,,,,[/align] |
بدون تعليق
|
طيب و العاطل الباطل يشكر ولي الامر ليش
|
محد رد عليك
لانهم مااقتنعو بصراحه وبدون مثاليه مايعتبرون هذي مكرمه يعتبرونه حق من حقوقهم كمواطنين نتيجة هالغلا الفاحش والمرعب افضل من انها تروح للبنان بدون وجه حق كننا خلفناهم ونسيناهم تبرعاتنا مغرقه العالم واحنا 5% يعني الفقير اللي راتبه 1500 الزياده بتكون 75 بالله هذي تسوى من يطريها؟؟؟ لونا نشحد ماعطانا هالخمسه تفشل العالم 80% حتى خيرهم غرق الوافدين وحنا 5 يانااااااس خمسه |
اقتباس:
هذا الكلام |
احد الزملاء رد على ما تطرق له من استهجان برد جميل قال هذي مو زيادة كما يظنها البعض
هذا بدل يعني ثلاث سنوات وينقطع او يستمر الزيادة قد تكون قادمة او انها اصلاً لم تدرج في المجلس ولعل الانتظار وترقب القادم سوف يوضح كثير من الملابسات تحياتي |
أجل أعتذري نيابه عن الكل هنا لملك الأنسانيه كما تسمينه هنا خلاص يا ساره ما صار فيه إنسانيه بهذا الوقت صارنا في أحد أوحال أفريقيا بوجود الكائنات المفرتسه مو ملوك إنسانية على قولتك .................... دمتي وحمدآ لله على سلامتك بايوووووووووووووووووووووووو |
اقتباس:
(( ياأيها الذين أمنوا انفقوا من طيبات ما كسبتم ومما اخرجنا لكم من الارض ولا تيمموا الخبيث منه تنفقون ولستم بأخذيه الا ان تغمضوا فيه واعلموا ان الله غني حميد )) |
[align=center]
●ҳ̸Ҳ̸ҳ● مرآحب ,,, آولآ ,,, آنآ لآ نآقة لي ولآ جمل في هذه آلزيآده .. لآني موآطن سعودي وليس لي حق آلوظيفه في بلدي ... فإمآ آن آنحرف آو آبحث عن وظيفة لي خآرج البلآد آو آجلس في البيت تمآمآ مثل آمي ,, :( فآلحق : للـــــــــــــــــــــــوآســــــــطــــــــ ــه في آلمرتبه آلآولى ,, للآجنبـــــــــــــــــــــــــــــــــــــــ ـــي في آلمرتبه آلثآنيه ,, عمومآ آنآ كرهت الوظيفه و مآلي خآطر فيهآ ,, :( وآنآ آقسمت بآلله آلعظيم لوآلدي آن آتت لي وظيفه في بلدي لدى آلحكومه لن آشغلهآ ,, آمآ إذآ كآنت شركة فلآ بآس بهآ هنا ,, وآفضل وآوؤيد آلآعمآل آلحره على آلوظيفه .,, آنآ عآرف ردي السآبق كله خآطم في موضوعك لآكن تحمليني ,, آليوم جتني رسآله من صديق لي في البحرين ,, كآن نصهآ : (( هلآ حبيبي فآرس كيفك ,, آنآ عآرف أنو آنت سمعت نكت كثيره عن الزيآده للموظفين وعآرف أنو أنت مالك نصيب فيهآ ,, لآكن بقولك آخر نوكته تدآولت عندنا بس رجآءً وتكفى لآ ترسل لي تقول بآيخه :D ( يقولك مآلفرق بين زيآدة الموآطن السعودي وبين آلبيره !!...؟؟ كلهآ 5 %) :b3:.. )) طيب يآ آخت سآره قولي لي شنو آرد على رسآلته ..؟؟:( 5% شنو تسوي للي رآتبه 2000 آو 3000 آو حتى 4000 ,,,!!!!!!!!!! الله كريم يابنت الآجوآد ,,, يفرجهآ رب آلعآلمين ,, آورفوآر ,,, ●ҳ̸Ҳ̸ҳ● [/align] |
وانت كاتبة الموضوع احس انك انت ايضا لم تقتنعي..... ؟
انا اعتبرها حقوق سابقه للشعب وليست مكرمه.. انما كيف تعلن هكذا للعلن لاننا نخجل ان يسمع بها الخليجيون...وغيرهم.. تحياتي ليكـ... |
اقتباس:
أسير,,,حياك الله بتعرف إن شغل الشركة أتعب من شغل الحكومة,,,والراتب أقلّ قسم يمصون دمك ويشفطون حيلك بالشغل والراتب 200 أو 1500 لاتوهق عمرك,,,أخوي يشتغل بشركة وقسم بالله تعب مايتعبه أحد,,,ورابته (يكح) بعد,, وماقصر اسمعه يطريّ بيتركهم,,,ويشتغل برا البلد,,, سين سؤال خارج الموضوع ماعليش(انت تقول بآخر كلامك,,,,(آورفوآر ,,,) وش معناها؟ <<فارت(ن) لي مخيخي الأيمن:f5: سارة الحمد لله ع السلامة وين الناس,,, وبصراحة أن ماأسأت له عشان أعتذر<<<بكل براءة,,, والله يزيد الرواتب ويرخص الأسعار<<<من قلب طالعة تحيتي |
اقتباس:
●ҳ̸Ҳ̸ҳ● مرحبآ خيتو وحيدة ,,, آلله يحييك ويبقيك خيتو آنآ عآرف آنو شغل الشركآت متعب ومجهد مره ,, وآنآ قد آشتغلت في آكثر من شركه في البلد وخارج البلد وجربت التعب بس يآبنت الحلآل شسوي حكم القوي .. وعالعموم روآتب آلشركآت تختلف فيه من يعطيك رآتب مقنع وفيه من يعطيك 1000 او 1500طبعآ مستحيل آشتغل برآتب كذآ لآنو مآيسوي شي ,, قولي لآخوك يتوكل على الله ويروح يدور رزقه ,, وإذآ عالغربه عآدي رآح يتعود آنآ آشتغلت برى البلد تقريبآ سنتين وتأقلمت مع الوضع بالعكس مبسوط بس ذالحين رديت ,, ورآح آرجع مره ثآنيه بس عندي دوره آنتضرهآ تخلص ,, آمآ عن سؤآلك ,, :) فمعنآهآ ( إلى آللقآء ) في الفرنسي .. :) وآي كلمة تفر مخك قوليها ورآح آجآوبك ,, :) آورفوآر ,, aurevoir ●ҳ̸Ҳ̸ҳ● [/align] |
طيب و العاطل الباطل يشكر ولي الامر ليش
|
ايه دنيا والله بدى السعوديين الي فايض ميزانيتهم 400 مليار يشتغلون برى البلد
الامر الثاني يا اخوان ترى الي يعمل بالف وخمس وينكرف كرف يسمحلي اقوله انه مغفل لانه لو يتكس طلع ضعف المبلغ ياخي شوفو الاجانب الي يسرحهم كفيلهم اقلهم يدخل ثلاثة الاف واكثر ثالثا واخير تراكم بريداويه اصل وفصل ومرجله وش قصة تشاو وبردون وارفوار !!!!!!!!!!!!!!!!!!!!!!!!!!! اخشوشنو فان النعم لاتدوم |
اقتباس:
اسير,,,,,حلو مجربها يعني,,,, طيب ليه حكم القوي؟ لو مايجيك من شغل الحكومة ع الأقل (الإجازات) لاإظطريت وبغيت إجازة مو تجلس شهر تطلبها ومتى تجيك الموافقة عليها,,,, لا وبعد سالفة الراتب(تكحُّ كحاّ) من قلّها أسير,,,الراتب المقنع كم بالله,,؟2000 وإذا خربوها 2500 ؟ عموماً أنتم أبخص مني بشغلكم لكن حبيت أبدي تجربة أخويا وتعبه مع هالعمل وهو ماهمته الغربة يدور رزقه ماباليد حليه,,,بس حنا هامتنا غربته,,,الله يحفظه,, ويرزقكم ويرزق المسلمين أجمعين,,,, أهاااا كلمة فرنسية,,,<<<وأخيراً عرفت كم مرة ودها تسأل ومستحية ,,, شكراً لك تحيتي[/align] |
سارة عبدالعزيز الحمدلله على السلامة والله ياست الكل هذي لعبة لترقيع ماء الوجه كانوا قاصدينها 5% فقط ويوم شافوا الرسائل بالجوال واستهجان الناس راحوا يرقعونها وبدل مايكحلونها اعموها اجل نسبة 15% الخايسة صارت بالتقسيط ؟ ياشيخة وربي عيب عيب عيب في اكبر دولة تفطية واكبر فائض في تاريخها يكون الاستغفال للشعب بدرجة غبية ايضا الى الدرجة صرنا مغفلين او مستغفلين ؟ اصلا لو عطونا نسبة 15% كاملة ماتنفع لانها لاتوازي نسبة الارتفاع الحاصل الدولة دخلها من النفط عالي ومخزو الاحتياط والفائض لم تمر به السعودية منذ نشأتها فلماذا التقتير علينا والتنقيط بمنة وتصلف وزير المالية يستغبينا ويضحك على الدقون؟ 15% تقسيط ؟ ياوزير المالية استح على نفسك وك تبن لاعمرك تطلع من انهيار سوق الاسهم وهو كل يوم طالع يستثور علينا بكلمات سخيفة واليوم جاي يتميلح يبي يرقعها مالت على دولة وزرائها بالمحسوبية هذا وزير وربي ما احطه محاسب في بقالة |
اقتباس:
●ҳ̸Ҳ̸ҳ● حكم القوي ,,...؟؟ لآن آلنفس طآبت هني مآتبي كثرة أذلآل ,, وعمومآ هي طآيبه من زمآن مضى ,, يعني هي خآربه خآربه ,, :) بس كنت آطآلع خآطر آلوآلده وفي الآخير رضت في الآمر الوآقع,, :) وآلشركآت عندهآ إجآزات مثلهآ مثل آلحكوميه ويمكن افضل وفيه بعد إظطرآريآت ,, ومنو قآل أنو تجلس شهر تطلبهآ عشآن تجيني آلموآفقه مو صحيح ,, وإذآ مآكآن فيه رصيد عندي طلبت إجآزه برآتب ,, وغير كذا خيتو وحيده ,, أنآ أفضل نظآم آلشركآت على الحكومه من نآحية المسآوآة بين الموظفين وعدم هضم تعب الموظف ...<< هذي مو موجوده في الحكوميه .. آلدورآت وآلآنتدآبآت للموظف آلكفؤ من خلآل عمله وليس من خلآل الوآسطه << هذي مو موجوده في الحكوميه .. آلرجل آلمنآسب في آلمكآن آلمنآسب ...<< هذي مو موجوده في الحكوميه .. آلشركآت تسوي لك تآمين صحي لآفضل آلمستشفيآت وهذي أهم ميزه وخآصه للمتزوجين ...<< هذي مو موجوده في الحكوميه .. هذول آهم آلآسبآب لتفضيلي آلشركآت على الحكوميه ,, آنآ كنت آشتغل برآتب 5600 بس كآن شغلي من 6 ص إلى 4 م أو من 6 م إلى 3 ص ,, على حسب رغبتي ,, وهذآ غير الآوفر تآيم يجيك آلرآتب تقريبآ دبل ,, :) آللي تقولين عنهم ذول شركآت صغيره ومآيستآهل من يتعب نفسه فيهآ تدرين ليه لآنو مآيبغون موظفين سعوديين آسآسآ ,, يو آند ستآند ,, :) آمين يآرب ويآك ,, ليه مستحيه كآن سآلتي عآدي لآحرج في آلسؤآل ,, :D آلعفو خيتو ,, :) \\\\\\\\\\\ خيو آبي آلآسلآم عآدي يآ آبوي مآفيهآ شي آذآ غيرنآ آو حرآم .... عآلآقل نكسب فتيت لغه غير لغتنا,, :) بردون معنآهآ آسف ..!!! وبعدين هي لفظهآ بغدون وليست بردون :D \\\\\\\\\\\\ آورفوآر ,, ●ҳ̸Ҳ̸ҳ● [/align] |
اقتباس:
كل شي الا بو متعب الغالي انت طاير بالعجه ولا تدري وش السالفه حبيبي شوف لو مايجيك منه الا الاجازات احمد ربك انه زود الراتب غيرنا والله مايزود صفر بالميه الا عاد شي انا ماأعرفه صدق انك ماتستاهل من يكد عليك بعدين حبيبي تذكر ال15% اللي والله انك ماكنت تحلم به لا انت والا غيرك ومره ثانيه اقولك لاتسب تاج راسي بو متعب الله يخليه لنا ويطول بعمره ان شاء الله... |
بصراحة لم أرى في حياتي وزير بهذا ( مشفــر )
هم أعلنوا 5% لمدة ثلاث سنوات يعني في نهاية الثلاث سنوات يكون البدل 15% وفي الآخير يأتي الوزير ويعقد مؤتمر صحفي ليقول ويوضح للشعب أن البدل تراكمي يصبح 15% بعد ثلاث سنوات هل الشعب غبي لهذه الدرجة فعلاً يا سعادة الوزير وفسـر الماء بعد جهد جهيد بالماء |
وراه كل البنات طبن على هذا الموضوع
مثل النمل على الحلاااااااااااااا ؟؟؟؟؟؟؟؟؟؟؟؟؟؟؟؟؟ |
ساره عبدالعزيز بااااااااااااااقي باسمك الأخير آل سعـ...... وشلونك وشلون الأهل الحمد لله أنا طيب ^ ^ ^ أكشششن عااااااش المليك عاااااش الوطن ستوووووب خلص المشهد . |
[align=center]هههههههههههههههههههه
اقول روحي ترفعي بغيرنا ياساره مير الحمدلله على السلامه ووين هالقطعه نقول مبروك ويتربى بعزتس والا مبروك وبالرفاه والبنين مير هالزياده قسم انه فشيله وليتهم مازادو ولا دفعو نص قيمة الرز والحليب من نزل خبر دفع نص قيمة الرز وحليب الاطفال ارتفعن 40% يعني حول النص وين تبيننا نعتذر؟ اصلا حنا مااسأنا وخوذي هالبيتين مير ترا قريحتي جياشه مني لابــو متـعب ســلام وتحيــات && يقولـهـا رجـل ظــروفـة شـديـدة صرنا شماته حتى لبعض الدويلات && وخسمه بدون الصفر لا لا تزيدة امـا تجـمـل مثـل "شيخ الامـارات" && ولا خـذ الخـمـسـه عساها فقيـدة وسلامتكم[/align] |
ذكرني بالجامعة اجل تراكمية توقعت 50 % صفت على 15% لك الحمد والشكر ياربي شكلهم بينهم وبين الصفر عداوة احد يتوسط بينهم من أهل الحل والعقد.....!!
|
ياجماعة الزيادة بتكون حلوة
بشرط تتطبيق البنود المذكورة |
صح لسانك
يسلمو |
ليته اكلن تبن الله يكرمكم وماطلع بس طلع وفشلنا صرنا ملطشه يبي يعدله وحاسه |
شكرا ابومتعب ونريد المزيد.
|
من جد طفارى هذا الي حاسنا ينقطون بافامنا تنقيط ونطير من الفرحه وغيرنا ياخذون فوق حقهم وماكان جاهم شي صرنا شماته وانتم فرحين بهالخمسه؟ |
[align=center]كانوا قاصدينها 5% فقط ويوم شافوا الرسائل بالجوال واستهجان الناس راحوا يرقعونها وبدل مايكحلونها اعموها00[/align]
[align=center]لا كن انا اقول اللهم قرب لمليكنا البطانه الصالحه الذين يخافون الله امين [/align] |
شكرا للجميع على المرور واثراء الموضوع بما فيه الكفاية وأتأسف عن الردود لانقطاعي وتقبلـــــــــوا حروفــــــــــــــــــــــــــــي,,,,, |
| الساعة الآن 04:02 am. |
Powered by vBulletin® Version 3.8.8 Alpha 1
Copyright ©2000 - 2025, vBulletin Solutions, Inc. Trans by
موقع بريدة