|
# قولوا بسم الله على غزال طب و قولوا بسم الله #
[align=center]:x17:
شاهدت مبزرة بيتنا يعبثون و يمرحون و يرقصون على صوتاً صاخباً تحت أنغام نانسي عفوا أقصد العنود:a1: http://www.buraydahvoice.com/vb/imag...s/smi2/3m2.gif و قولوا بسم الله على غزال طب و قولوا بسم الله و يا زين دله أبو العيون السود يا زين دله قولي هلا باللي زهب لبس الحرير امورد الخدين مردوع الشفاه تعالي تعالي و يا هلا حياتي يالله تعالي http://www.buraydahvoice.com/vb/imag...s/smi2/3m2.gif المهم سطرتهم كم رقصة ( سطرة ):f5: , و سكرت المسجل تحت تأثير الصراخ و الغضب من البزارين , و بعد تودد و حبة خشوم شغلته لهم من جديد و لكن بصوت واطئ و صاروا يرقصون على الصامت >>> صارت بيتنا كأنه مستشفى شهار.:c9: / / ثم جلست أتناقش مع الأهل عن الطق و عن مدى جدوى وجوده بالعروس , و هل من الممكن أن يكون زواج بلا طق ؟؟ فكانت الوالدة أول المعارضين , و قالت لولا زعل الناس كان ما طبيت و لا زواج فيه طق , لكن يا وليدي غصبن علينا نرضى به. أما الجذاعين فهم أتفقوا على أي عرس ما فيه طق مستحيل يحضرونه , عاد ترى هي واقفه عليهن :f5:, و أما البقية فقالوا وجوده كعدهم. / / و الشي بالشي يذكر أعرف قريب لنا له سنتين و هو حارم أهله من حضور العروس بسبب الطق , و يعتبرها من اللهو و مضيعة للوقت !! و كانوا لا يحضرون إلا الزواجات القريبة جدا جدا , و كانوا يتصلون على أقربائهم هل فيه طق و إلا لا , لأنه لو صار فيه ما راحوا !! عاد مرة راحوا لزواج على أنه ما فيه طق , و كانوا المعازيب جايبين الفرقة بدون علمهم, و لما عرف أخوهن أنه فيه طق على طول طلع أهله من العرس !! هه / / الغريب أن أكثر أنشودات الطق مؤخوذات من الأغاني و لكن عذر بعضهم أنه ما فيها موسيقى , و من ثم تجد المبزرة و الفتيات يرددن هذه الأغاني !! و الآن فيه الكثير من أشرطة الطق داخل فيها الموسيقى و تكون غير واضحه مع المؤثرات الصوتية , ناهيك عن بعضها فهو واضح وضوح الشمس وجود الموسيقى فيها. / / عفوا على عدم الترتيب فالموضوع أتى هكذا بدون تمحص و تدقيق , لكن هناك تساؤل بسيط و هو . . . هل الزواجات لن تكتمل إلا بوجود الطق ؟؟ أو بالأحرى هل ينفع زواج بدون طق ؟؟ شكرا لكم و دمتم بعطلة خالية من الطقطقة المحرمة. .[/align] |
[align=center]وأنا أقول ورا شعبنا معقد !
من تعقيداتكم الزايدة خلوهم يستانسون بلا عقد أشوف البزران والبنات من تعملكم كنه ماص ليمونه !!! اهلين[/align] |
[align=center]
اقتباس:
أخوي / أختي شعبنا قد لا يكون معقد بالمعنى الصحيح , لكن هو خوف و حذر زاد عن حده , و إن شاء الله يمصون برتقال و مانقايا , علشان ما يصيرون معقدين. هه شكرا لحضورك السريع[/align] |
أولا الزواج ساعة فرح...
وإشاعة الفرح والسرور في نفوس الصغار والكبار أمر مطلوب واستعمال الدف والغناء بدون آلات موسيقية أجازها عدد من العلماء وتجعل للحظة الفرح سعادة مختلفة |
[align=right]
والله يا أخوي كامو عرساً بلا طق وخبة.. جلسة بالبيت مع كتاب للمنفلوطي أحسن وأجملhttp://www.s77.com/3DSmile/21/Party-007.gif<-- لا وحدة تجي تقولي صلة رحم ومدري ايش,, !!! اللي بتوصل رحمها تروح تزور عمتها وخالتها في بيتهم.. مو بالقصر !! ,,, ودام الطق مافيه أورق ولا بيانو ليه لا... ؟؟ وهذا أفضل من جلسة على الطاولة وأكل من لحوم خلق الله,,, اللي لابسة موف .. واللي لابسة زيتوني :29_1_16[1 ... وتجميع من الذنوب مالله بها عليم !,, بالمناسبة اليوم دقت حرمة على آل الشيخ أنواع البراء فيها تسأله ما حكم الرقص ؟!!! شكل الحريم اللي فاهمات الدين غلط ملخبطات فيها,, مايدرون أن تحريم ما أحلل الله انتكاسة عقل !!! .. ذكرتني في مرة عمي يا اخوي كامو .. مرتن ملتزمة بشرع ربي لا يمين ولا يسار.. بس لاسمعت ريح طق.. أو إذا شغلنا استريو الاستراحة بنرقص ... ما تشوفها إلا جنب الستريو,,http://www.s77.com/3DSmile/21/Party-004.gif فديتها نشمية, تحب الوناسة.. هذي اللي ينطبق عليها المثل اللي يقول (الحي يحييك,, والميت يزيدك غبن! ) .. صدقني كثير أرحم الرجال .. ما ينبسطون بالعرس مثل فلة الحريم.. مرات اتمنى اني بدوية واحط بعرسي عرضة من الطراز الاصيل,, وفيها طلق من العيار الثقيل :b5: ,, بس لازم جنب القصر سيارة اسعاف :c7: رغم قله ذهابي للزواجات إلا القريبة جداً,, ورغم أني مو راعية رقص واجد.. إلا اني مستحيل اتنازل عن الطق بتاتاً بتاتاً.. تلاقيني اول المرتزات بالمنصة:a3: الله يوفق المسلمين ويسعدهم في افراحهم:x15: [align=center]http://www.s77.com/3DSmile/21/Party-002.gif[/align] [/align] |
اقتباس:
حضرت زواج العالم محزنه وكأ نهم متزاعلين ياكافي نكد بنكد مياسه كفت ووفت وحطت أيقونات ترقص مع عفت !! اهلين[/align] |
لاتعليق فلست مفتي
|
ليتها تقف عند الحريم ...وبس ألحين طلع علينا في القصور بعض الزواجات يروح نص الليل ورجالهم (خلوها...خلوها) نقطة تحول إلى التخلف...!! |
قولوا بسم الله ؟؟ ابيها كامله تبهذلت ابحث عنها ماحصلتها
احلى شي للرقص بصراحه زواج بدون طق زي العشاء بلا ملح يارب لا تواخذنا .. |
اقتباس:
[align=center]أي نقطة تحول تقصد ؟؟؟ من المتخلف ؟؟؟؟؟؟؟؟؟ الزوج أو الزوجة[/align] |
اقتباس:
بنظري ان الزواج اللي مافيه طق مو زواج كأنة عزى ,, يجلسون يسلمون ويتقهوون وياكلون ويطلعون ,, وبيدن هالعجز يقزن باللي رايح واللي جاي وتبلشن بالسلام عليهن ,, اما اذا كان فيه طق كلن يبلش بالرقص ويقل التطنز والحكي بالناس والمناظر ,, حتى مايصير فيه مجال حتى للسوالف والغيبة والنميمة لأن صوت الطقاقات عالي مرررررررة ,, مايشتغل بالحريم الا عيونهن بس وافاميهن مسكرات الا عن الأكل ,, عرس بدون طق لاأحد يعزمني عليه لأني مستحيل احضر ,, عطو بطاقتي وحدة ثانية ابرك ,, فوووتك بعافية ,, |
انا مع الاخت مياسه ,, ما قصرتي حبيبتي..
بس بالفتره الاخيره صار شي من الجنون مو طق الا مصاخه وقلة حياء وعاد حريمنا من عجز و بنات لا حول ولا قوة يفشلن تلقاهن متجمعتن كنهن ما شافن عيشه بالله يا كافي اقول احيانا يمكن من الكبت والتحجير عليهن بكل مكان تلقا بالعائلة ولله الحمد الملتزمين عددهم اكثر من الفالتين لذا ينحرمون بجتماعتهم العائليه من الوانسه , مع انه اكثر ناس يطلعون حريم القصيم < بيطقونن اصبرو لا تستعجلون .. اقصد ان كثير هنا يجتمعون العوائل بستراحات ووناسه بس للاسف اجتماعهم تحتكر بالاكل وشجابت فلانه وشي قطة علان .. ولو فكرو يفتحون مسجل تلقى ياقف لهن واحد من العائله سكروووه لا اكسره على روسكن ,ولا يسوي زحمه وياخذ اهله ويطلع من الاستراحه .. ولو حتى البنيات يبي يفرفشن ويغيرن جو وبدن يطقن بطشت < يا قدمك .. المهم تلقى بعد يقفولهم مثل العظم بالبلعوم كن الرجال ماغير قاطين اذانيهم عند الحريم ما يغفلون حسبي الله على بليسهم وهم الرجال اقصد عندهم الوناسه كلها لعب كوره و مسبح وفله .. مكيفين ع الاخر < اللهم لا حسد عشان كذا اتوقع الزحمه اللي نشوفها في الزواجات اللي فيها طق , حتى الطقاقات يطفشن ويحطولك وحده معاها عصا تنظم المرور اقصد المنصه ,, ولا تجي وحده تقول خااااااااااااااااص يعني لا حد يرقص معي .. وعاد اللي يسمعونك خخخخ ولا والله مير ما يصدقون خبر < عناد المسألة الحقيقه ان زواجات عائلتي الروس الكبار ومعظم الصغار مايحبون الطق .. ملتزمين الله يثبتهم ويهدينا.. فعشان يسوون جو للزواج يجبون فرقه بس من نوع مختلف فيها مسابقات اسلاميه وترفيه للاطفال وجوائز واناشيد ومحاضرة وقصايد بمناسبة الزواج < صار مهرجان مب زواج. على العموم انا عن نفسي افضل الزواج اللي يكون فيه طق بدون صخب ولا موسيقه .. وشكرا |
ليته وقفت على الطق البلاء لاصار موسيقى وزفات ودخول الرجال لقاعه الحريم
مرتن حضرت ملكة وحدة من صديقاتي لو تشوف القاعه تقول روتانا تطرح أشرطتها من ردح الموسيقى . والعرس اللي مافيه طق كسسسل مررة الطق يلهي خلق الله من الشماته . |
كفت ووفت مياسه حبيبة قلبي ....
امـــــــــا زواج بدون طق !! ماأذكر أحد من اللي اعرفهم حط زواج بدون طق ...! بس الله يعينكم انتم يالرجال .. بس جالسين وقرق .. مايفرق بينكم وبين العزاء الا بلبس البشت ..! |
الموضوع يرقص خخخخخ
كفت ووفت مياسه حبيبة قلبي .... امـــــــــا زواج بدون طق !! ماأذكر أحد من اللي اعرفهم حط زواج بدون طق ...! بس الله يعينكم انتم يالرجال .. بس جالسين وقرق .. مايفرق بينكم وبين العزاء الا بلبس البشت ..! |
هلآ حبيبي كآمو ,,,
يآهي قديمه ذآلآغنيه :D آذكر لمآ كآنت آلممملكه آلعربيه آلسعوديه مطروحه للآكتتآب آلعآم كآن في زوآج آختي نوره وغنوهآ في زفتهآ :D دآشرآت طقآقآت زمآن تحصلهآ تغني وتطآلع في آلعروسه ’’ بعدين معقوله يكون فيه زوآج مآفيه طقطقه وونآسه ..؟؟!!! آكيد لآ طبعآ ’’’..,,, ..... في آلصيفيه آللي فآتت حضرت زوآج في بريده آلمهم وآحنآ جآلسين قآم شخص ملتزم وجلس يلقي محآضرة وشوي ويتكلم عن آلموت ومدري شنو ,,!!!! بصرآحه خربطت مدري آنآ كنت دآش في عزآء آو زوآج !!!!! آي مو مشكله آنصح وقول آللي عندك بس في مكآن غير ذآلمكآن ,, آلليله فرح وآلنآس مبسوطين وآنت جآلس تلقي محآضره ..!!! ,,,,,,,,, بصرآحه آلزوآج آللي مآفيه طقطقه وونآسة مو زوآج .. آيه نسيت ذآلنقطه ,, اقتباس:
مآسمعت آلآنشوده آللي لحنهآ بوصآلح سرى ليله :D آورفوآر ,, |
[align=center]
اقتباس:
لكن لايهم.. ألم ترَ زواجات ابناء البادية وطريقة الردية التي يمارسونها حتى قبيل صلاة الفجر (خلوها... خلوها) ومناقز وشيل وحط طول الليل ثم تلقاهم سرى من بكرا عند المشايخ يقرون عليهم...!!! ومدح وثناء في قبيلتهم ومسبة للقبائل الأخرى الذي أوجد العصبية القبلية وأثارت النعرات بينهم...!! فهمت يا حبيبي...!! [/align] |
[align=center]
اقتباس:
و بالتأكيد أخي أن المباح هو الدف فقط , لكن في الأونة الأخيرة شاهدنا دخول الموسيقى في الطق و عند الناس هذا ما يسمى طق إسلامي , قد يكون طق بوذي. هه شكرا لك و شرفني مرورك.[/align] |
مياسة كفت ووفت ..الزواج من دون طق كأنه عزاء ..
كسلللللللللللللللللللل ..ولا يشتغلن هالحريم حش بخلق الله ..ما أصدق انه العشاء يخلص علشان أقول لأمي يالله بسررررررعة خلينا نرجع .. مع اني ماأحب الرقص بين الناس بس يكفي اني أتفرج وأستانس .. واللي مايبي الطق اللي كلماته مأخوذه من الأغاني ففيه فرق طق اسلامية مثل ماقالت الزين نجدي .. |
[align=center]
اقتباس:
لكن الآن ما يزين العرس إلا بوجود الطق , و بصراحة ما أقدر أتخيل زواج بدون طق , أعتقد مثل ما قالوا الشباب سيكون الزواج شبيه بالعزاء , أو سيكون مليئ بالحش بخلق الله , وراه هذي لبسه كذا , و هذي وراه قاصة شعره >>> عموما حتى لو فيه طق هذه الأمور لن تختفي و ستأتي بعد الزواج:4[1]: المهم خليك على المنفلوطي , و تراقصي على انغام كلماته , لكن أنتبهي للحشرات , فرب (حشرة) ضارة نافعه. :) شكرا لك , و من دواعي سروري وجودك.[/align] |
[align=center]
اقتباس:
عموما وجودك كله بركه , و لا تبتعد فقد تنحرم من الرقص و الطقطقه. :) شوووكرررن[/align] |
كامو ..من اللي قال أول مافيه طق ..
خالاتي يقولن يوم عرس خالي الكبير جايبين 14 طقاقة ..<<<منسمين ..يبون يرزحون طول الوقت .. وكل ماقعدنا نسولف عن الطق مابين اه حلال ولا حرام يقولن طول عمرنا يوم حنا صغارين والعالم لااااااااااازم يحطون طق بعروسهم ....والعشاء يصير نواشف <<<هذولا ايقالهم الكشخه ..أما اللي يحطون مفاطيح مادلتهم الكشخه .. |
[align=center]
اقتباس:
بالنسبة لما ذكر فأعتقد أنهم هم بالأصل متخلفين و ينقصهم الكثير لكي يلحقوا بالركب !! و تخلفهم مبني على أشياء كثيره غير الرقص , فالرقص الذي يتحفونا فيه قد يكون أجدى مما يحصل في زواجاتنا !! تخيل كل عروسنا ندخل نسلم , ثم نروح لصالة الطعام و ندك بطوننا بالرز و نغسل و نمسك الباب , أقعد بالأستراحه أصرف لي. هه شكرا لوجودك , و شفى الله والدتك و أطال في عمرها .[/align] |
[align=center]
اقتباس:
فهي تقول كانت الزواجات تقام العصر , و لا يكون فيه طق , و إن كان فيه فهو يجيبون كم طشت و يطقن فيه , >>> أتخيل أمي معها طشت أزرق هه شكرا لك [/align] |
[align=center]
اقتباس:
شكرا لك , و منورة المتصفح.[/align] |
/ / ألاحظ بعض الزواجات , يضعون بديل عن الطق , سواء كانت محاضرة , أو برنامج معين يعني ترفيهي على الخفيف , بإعتقادكم هل هذا سيكون مجدي ؟؟ / / |
اقتباس:
انا لاعلم لماذا كل الكره الذي في قلبك وغالبية كلامك عن ابناء قبائل هذه الجزيرة العربيه هل هو حقـد ؟ هل هو نقص بذاتك واصلك؟ اما ماذا ؟ زواجات ابناء الباديـه فيها من اللهو والفرح كما هو موجود عند ذوويك بالداخل ويكون بعلمك مثل هذه الاموور حكام هذه البلاد هم من يؤيدونه ويدعمونه ولاعزاء للحاقدين[/align] |
وه حتى الطق والله يا انكم شعب متخلف
|
كنت في السابق أيام توي ألبس الشماغ وبحكم أن أغلب تصرفاتنا تُعاب أو تحرم بسبب عادة اجتماعية ليس إلا المهم كنت ذيك الأيام صاحبكم ممن يقف عند بوابة القصر ونسمع الطق والرقص ونحمر ونصفر نقول للبواب قلهن حرام بلفظة شديدة وعيون غاضبة أو طف الكهرب!!!! وإذا حصلنا دخله بالقصر تحصلنا مسنترين بالمنصة لأن أجسامنا صغيرة ونندس بين الحريم لين نصير قدام الي ترقص وكأنهنن أمام عيناي بكامل وصفهن ولبسهن وتمايلهن الآن، فحذاري من الأطفال لاتقولن صغارين تراهم ما ينسون >>> قهر صرت كبير كل هالقرق ألي تو على شان أبين إننا مع الخير يا شقراء حرام حلال بدون سبب أو دليل العادات الاجتماعية في كثير من الأحيان هي من تحرم وتحلل الطق والرقص ألي خالي من آلات اللهو الموسيقية والأغاني الصاخبة الماجنة والألبسة العارية عادي من أفتى أنها حرام ومن له الحق بمنع النساء من الفرح وإظهاره إذاً الفيصل بيني وبين من يعارضني أو تعارضني مسألة 1+1=2 هل رقص النساء فيما بينهن حرام ؟؟؟؟ هل الدف حرام ؟؟؟؟ |
الاخ كامو اهلين
النساء مع احترامي لهن اذا اجتمعن في مكان واحد يجب عليك ان تشغلهن بأي شي وان لايتفرغن للحديث مع احد حتى لايكون للغيبه والنميمه طريق . وشوفي هذي وش لابسه وذي وشلون تسريحة شعرة و...و........الخ وبعدين اياخي خلو حريمنا يتحركن شوي وينابطن تراء يقولون الرقص رياضة تحياتي لك |
ولكم كلكم ., شخصياً ماأحب أروح للزواجات أصلاً لإنهن تقليديات ومليت منهن ماتغيرن من عمري 5 سنوات ., ولو قدّر وحضرت زواج يعز علي فرقصي أمام حريم الناس أعتبره إحتقار لنفسي وإهانة ., أوكي أجيب لهن طق وهن يرقصن لين الفجر التعب على رجليهن أما أنا فأعتذر ولربما إكتفيت بالضحك عليهن :p ليس كرهاً للرقص بل كنت في أيام الصبا من عشاقه لكن مابعد الأربعين عمر ورقصي حالاً سيجعل مني ((فتاة مخفة مرتزة بكل منصة)) طبعاً لامانع من الإرتزاز فوق المنصة لكن أبقى على السايلنت هكذا أفضل ., ووقوفي فقط مجاملة للمخفات معي :D وإن كنت أتحفظ على رقص بناتنا رحم حال اللي مايعرف يرقص وبازع ., عاد ياللي بشوف ناس محترفه ., عموماً ماعندي إشكالية في مشاهدة الرقاصات السعوديات :b3: بل لاأحب حضور زواج جامد لكن أفضل التقيّد بالضوابط الأخلاقية في كل مكان ., والله مهزلة الهز بجد مهزلة ., يعني رب العالمين حاط عقل وقدره في رأسي وأروح أدوس عليه وأهز قدام هالمخاليق التعبانه ., إن صرت رقاصه نحتون وإن صرت كمخه بالرقص تشمتوا وصرت علك إستيف لهم لاأبوهم لاأبو اللي جمعهم هالمقرد ., مؤيدة للدف لأني أعتبره أساسي لتحريك الحضور سمعياً - مع مراعاة الألفاظ لإن فيه أغاني سخيفة وبقوة وهذي ممنوعه - وبنفس الوقت أفضل بإن تلزم كل آنسة مكانها المخصص كذا إيتكيت وأرتب للمكان ., وبما أني الراعية لزوجات قريباتي الخاصات صايرة رادار تباً ., إي أغنية سخيفة يوقف الشوط بالكامل وأحوس على نانسي وهيفاء رقصهن :p ., بصراحة نشأت بين أخوان يكرهون الطقطقة حتى النخاع ., وحالهم كحالك واقفين بحلقي أيام الصبا واللحين بحلوق بنات خواتي وإخواني ., مافيه إشكالية بالدف لديهم بل المشكلة لايطلع للرجال ولاترقصن عيب ., وقبل كل زواج حرج وطبعاً سمعاً وطاعة فكسر كلمة المربين قلةٌ في المروءة ., زبدة الكلام لله في خلقه شؤون ,,,,, والله يوفق المعاريس في هالصيف حطوا طق وإلا ماحطوا هذا ليس من شأننا ., أهذب تاهيه’ المهم وقبل المغادرة حبيت أطرح حكم الرقص في الوسط النسائي (( لكي لايفتي من ليس لديه علم ولعل إللي فاهمين الدين غلط يفهمونه صح علشان مايقولون حرمنا ما أحلل الله :p )) الفتوى للشيخ إبن عثيمين رحمه الله . فضيلة الشيخ حفظكم الله ، بعض الأخَوات تسأل عن حكم الرقص إجمالاً وتفصيلاً ، خاصةً فيما يتعلق بالرقص في الوسط النسائي ، والمبتذَل منه وغير المبتذَل وهل يليق بالمسلمة مثل هذا الأمر؟. الجواب: الرقص مكروهٌ في الأصل ؛ ولكن إذا كان على الطريقة الغربية ، أو كان تقليداً للكافرات صارَ حراماً لقولِ النبي صلى الله عليه وسلم: "مَن تشبَّهَ بقومٍ فهو منهم" ، مع أَنَّهُ أحياناً تحصل بِهِ الفتنة ، قد تكونُ الراقصة امرأة رشيقة جميلة شابة فتفتن النساء ، فحتَّى إن كانت في وسط النساء حصل من النساء أفعالٌ تدل على أنَّهُنَّ افتُتِنَّ بِهَا ، وما كان سبباً للفتنةِ فإنه ينهى عنه . وفتوى آخرى له يقول فيها :: السؤال: هل يجوز الرقص والطرب للنساء؟ الجواب: الرقص مكروه، وكنت في الأول أتساهل فيه، لكن سئلت عدة أسئلة عن حوادث تقع في حال رقص المرأة فرأيت أن أمنع منه، لأن بعض الفتيات تكون رشيقة وجميلة وخفيفة ورقصها يفتن فتفتتن النساء بذلك، حتى إنه بلغني أن بعض النساء إذا حصل مثل هذا تقوم وتقبل المرأة التي ترقص وربما تضمها إلى صدرها ويحصل بهذا فتنة، ولهذا كنت أخيراً أقول: إنه ممنوع. والله أعلم، وسبحانك اللهم وبحمدك، نشهد أن لا إله إلا أنت، نستغفرك ونتوب إليك. وسأل فضيلة الشيخ صالح الفوزان عن حكم الرقص فقال: اذا كان الرقص بلباس عاري وعلى الطريقة المعاصرة فلا يجوز وسأل الشيخ خالد المصلح ., http://www.almosleh.com/publish/article_894.shtml ^^ الكلام المختصر مفيد :p ., ولايفوتكم إستدل بحديث رائع ., [fot1]أهذب تاهيه’[/fot1] |
اقتباس:
|
السلام عليكم ورحمه الله وبركاته
انا طقاقه وشفت الموضوع وسجلت لرد اشوف الاخوات الكرمات بدن يتميلحن انا اعرف ارقص وانا حب الرقص وانا ما ارقص بس اجلس اضحك على اللى يرقصون لانهم مايعرفون بس انا اللى اعرف ترى الموضوع يتكلم (على التايد ) مو طلب تسجيل راقصات ووالعجوز اللى بالصفحه الثانيه اشوفها تستهتر بالطقاقات وتقول فوووووووووق هام السحب حنا عندنا القدره اننى نغنى جميع الاغانى (مصري **لبنانى**خليجي)مع فرقه عيون المها الكل راضي ونتقنن فنون الدبكه واقاع المصري والحمد لله من وراء هالشغاله اندخل دراهم مو مثلكم نصكم فقد عقله بعدالاسهم حنا نغنى ونطق والبنات اشكال والوان يرقص ونتفرج وبالليله نكسب 1000ريال من غير العشاء اللى على حسابهم الزواج بدون طق مو زواج عزاء واى بنت تهز هز خفيف يسمى رقص وبالعكس البنت اللى ترقص هى اللى يطلق عليها انثى ولاتقطعون رزقنا بمواضيعكم اللى مثل ووجهيكم ترانى مقبلينن على افراح خلو فتاويكم بالدراسه[/font][/color][/size][/align] |
وعليكم السلام ياكامو:
أولاً أنت مغيّر إسمك؟<<<هو أنت سيبويه وإلا يورّالي؟ بصراحة الطربنقه والطقطقة تطف لي....بس مانب من هواة الرقص أبد الأبدات....يعجبني ماأقول لا..بس ماحب أرقص وماأظبطه بالحيل حتى بزواج إختي العالم تسحبني تسحيب للمنصّة تبين ارقص...طبعاً بنات قرايبي..بس أرفض وبالغصب هزّيت كم هزّة وطلعت! مالي خلق أرقص...بس احب أتفرّج على الرقص....والطق والخرشة... زفّات وخرابيط ياهي مادخلت مزاجي! أحسّهم يلعبون على ارواحهم....وكلّه إسراف وتبذير....كلك بكلك..<<<عجزت تقتنع بهن... طيّب لاصار بوه زفّة وحركات عشان يقولون الناس ياسلام زواج الفلاني كشخه وحركة ووووالخ<<الحمد لله أصحاب العقول في راحة وعلى قولة إمي نركض على عرس العرب<<<هههه بصراحة مرة يقولون الطق حلال ومرة حرام ....وبصراحة هو يلهي خلق الله عن السب والتشليق بلحوم خلق الله عاد من كثر زواجاتنا كلهن بهن طق<<<أتطنّز تراي مجتمعنا بعضهم يمقت الطق والخرابيط تحيّة |
كامو
نزّل المقطع هنا الله يخليك....قديمة مررررررررة بس رهيبة... ترى من جد أبيها |
اقتباس:
لا ادري ما اذا اسمي هذا الكلام انت وصاحبك الطاحونة ... تتهمونهم بالعصبية والعنصرية .. وانتم أكثر شعب يمارسها ويتصف بها .. لا بد ان تظهرو حقدكم وكرهكم وتنقصكم لأهل البادية وهذا اعتبره والله اعلم شعور بالنقص .. وعلى العموم ما يفعلونه في زواجاتهم من ( خلوها خلوها ) فهذا موروث قبلي يتفاخر بفعله كل قبلي فلا يجوز لغير القبليين ان يسخرو منهم .. |
فرقة عيون المها وش عندك :D إيه أضحك بس ماقلت أعرف هه هذا اللي ماطار طيره أعلمك أني أعرف وإلا ماأعرف !! ألبسي نظاراتك وأقري ردي زين أنا قلت أحب الرقص أيام الطفولة يوم أنا بيبي مهب هالعمر ., ومالي علاقة باللي كتبن حنا نرقص لأنهن مخفات ويتميلحن قدام هالرجال عليك بهن يالشيخة أدبغيهن ., للمعلومية جربت كل الفرق ماشفت مثل فرقة أم سجى يجنن وأنفسهن روعه ., ^^ لاتزعلين على نفسها جنت براقش والحق بقوله :D والفتاوى بنكتبه بالدراسة وبالعطلة وإذا ماأعجبك الموضوع أطلعي عنه ., لاتخافين إذا واثقة من حلال لقمة عيشك وراك خايفه من الفتاوى ؟! على العموم باقي فتاوى بطرحها أصبري بس ., حلوه بتعزلين الدين عن الحياة علشان طيرانك ., المهم تراي جاريتك مع أني أدري أنك كلاكة مو فرقه أنتِ وحده داخله تستهبلين بس أنا كلاً أعطيه على قد عقله ., يالله سلملم يالغلا بروح للسوق ., أهذب تاهيه’ |
الأخت فرقة عيون المها مرحبا فيك بيننا , و تو ما نور المنتدى , ودي أجيب فرقة ترحب فيك. هه عموما أختي أنا كاتب الموضوع و لم أتطرق لكن أنتن يا معشر الطقاقات , و حتى أغلب الردود لم تكن تمسكن بسوء. عموما الكل يعبر عن رأيه و هو حر بذالك ما دام أنه لم يخل بشروط المنتدى , و أنتِ يا أختي لك حرية الرد عليهم و مناقشتهم بذالك. و بما أنك تشتغلين بهذه الفرقة فلا تبتعدي كثيرا , فوجودك هو بحد ذاته يثري الموضوع , و يزيده إثارة و طقطقتن. :) و بالنسبة للمقاطع فأتوقع أن المشرفين لن يخالفوا تنزيلك لبعض المقاطع , لكن الأهم ألا يكون فيها موسيقى. طبعا هذا رأيي أنا , و بالنسبة لي سوف أنزل مقطع ( قولوا بسم الله ) , لكن للأسف لا أعرف كيفية تنزيل مقطع صوت , لكن سأحاول قدر المستطاع. شكرا لكِ و دمتِ دائما بود |
[align=center]
اقتباس:
معقولة يقرن حضور الزواج بوجود الطق !! و بالنسبة للطق يخلي الحريم ما يحشن و لا يتطنزن , فهذا شي جيد و طلعنا بفائدة عظيمه. :) بس مثل ما قلت قبل , راح يكتمل الحش و التطنز بإتصالات آخر الليل , و كل وحدة راح تخر ما عنده !! شكرا لك و دمتِ بود[/align] |
[align=center]
اقتباس:
يا أوخيتي ما خليتي شي لنا , جبتي الداء و الدواء و الوصفة الطبية و كل شي. و أنا معك أكثر اللي ينهبلن هن بنات المطاوعة المتشددين , يا كافي كأنهن ما شافن عرس , و مثل ما قلتي هذا نتاج الكبت و التحجير عليهن. أعرف وحدة ما بدأت بالرقص إلا بسن الـ30 , و ذلك بعد ما تغير زوجها و خف من الحدة اللي كان فيها , حتى أن كل الحريم مستغربين يوم قامت ترقص , و لما سألوها قالت: و أخيرا إنفك الحصار , لأنه كان محلفها ما ترقص !! و بالنسبة للرجال فعساك ما تدخلين زواجاتهم , أنواع الطفش , ما غير كل شوي يعدلون الشخصية على بالهم الوليد بن طلال :) , و من ثم يدكون بطونهم بالرز و كل واحد يقبض الباب و من ثم يدق على أهله إذا خلصتوا دقوا علي. هه شكرا لك و لإثرائك الموضوع.[/align] |
| الساعة الآن 04:38 pm. |
Powered by vBulletin® Version 3.8.8 Alpha 1
Copyright ©2000 - 2025, vBulletin Solutions, Inc. Trans by
موقع بريدة