|
منتجع الفساد بارك .. وليس العييري بارك ! .
ماذا يحدث في منتجع العييري بارك ؟ . والله ثم والله وأنا مسؤول أمام الله يوم القيامة يوم الجزاء والحساب .. شاهدت مالم أشاهده في حياتي قط .. شاهدت بأم عيني العجب العجاب .. شاهدت مهازل لايمكن وصفها والله يندى لها الجبين .. شاهدت مناظر لاتسر من كان لديه ذرة من الإيمان .. فتيات في عمر الزهور يتسكعن بأسواق المنتجع وداخل الملاهي وفي الممرات .. الغزل شغال على وذنه دون حسيب أورقيب ! . الهيئة نائمة ليس لها وجود وكأن الأمر لايعنيها بشىء ! . والحال ينسحب على رجال الأمن ( السيوكرتية ) لاحس ولا خبر . أقسم بالله العظيم بأنني شاهدت مناظر محزنة وفي نفس الوقت مخزية وهي عار على مجتمعنا المحافظ ! .يا الله أين أولياء أمور الفتيات لكي يشاهدوا بناتهم وقد خرجنا من العفة إلى العفن والعياذ بالله ! . نعم هم مسؤولين أمام الله عندما تركوا محارمهم للذئاب البشرية التي تتواجد بشكل يومي بمنتجع الفساد ! . سافرت لعدة دول خارجية والله لم أشاهد مثل هذه المهازل وهذه السخافات كما كان في العييري بارك ! . حتى في الرياض وجدة والمنطقة الشرقية وبقية المناطق الأخرى لم يمر علي مثل هذه المشاهد المؤسفة ! . أين العفة وأين المرؤة وأين الشهامة .. وقبل ذلك أين الدين ؟ . لماذا وصلنا إلى هذا الحال المزري الذي يندى له الجبين ؟ . بناتنا في خطر مالم نتدارك وضعنا الذي يسير في الاتجاه المعاكس . فتيات فاتنات ساحرات يظهرن أمام الشباب في أبهى حلة ! . والشباب ذاتهم لديهم قلة أدب ولم يجدوا بعد من يردعهم ويوقفهم عند حدهم ! . حتى أصحاب بعض المحلات أشكالهم مش ولا بد ! . ولكن ( من أمن العقوبة أساء الأدب ) . صاحب المنتجع قد يلام لعدم تفعيله لدور حراس الأمن تجاه مايحدث من ممارسات خاطئة بين الجنسين ! . أما رجال هيئة الأمر بالمعروف والنهي عن المنكر .. حقيقة لا أعرف لماذا توقف دورهم وهم يشاهدون مايحدث من مهازل تخل بالدين والعقيدة؟ . ولا حول ولا قوة إلا بالله العظيم .
رسالتي تلك موجهة لصاحب المنتجع وللهيئة لعلهم يفيقون من سباتهم العميق من أجل المحافظةعلى محارم المسلمين وردع كل من تسول له نفسه العبث بهذه المحارم . والله ولي التوفيق . |
صاحب المنتجع ليس له دخل تريده يلف الدنيا ويقول تسترو هذا من عمل الهيئة
لكن هذا اللي جنيناه من المسلسلات الهابطه والتقليد |
لحد الآن ماقلت لنا
وشو الشي اللي مو موجود في الرياض وجدة والشرقية ولا حتى في الدول الخارجية Exclusive حصرياً في العييري بارك بيس:) |
العييري بارك ...وياقلب لاتحزن
[align=center]كنت اليوم في منتجع العييري بارك
وحقيقة ولاني اول مرة اطب الاماكن هذي ودخلت بواسطة حريم الاقارب يمكن لو حاولت الدخول لاستطعت بسهولة لكني احب النظام كنت اتوقع على سمعة العييري بارك ان يكون منتجع راقي لكني اقولها وبكل الم دخلت زريبة بهايم اجل الله القراء افضل مافيه تلك المسطحات الخضراء فقط بمجرد دخول سيارتك الصغيرة يشفطون منك عشرين ريال والسيارة الكبيرة اربعين ريال مع ان الفارق بشكل السيارة فقط وليس الحجم لان الحجم قريب من بعضه اخذنا مكان مستتر وجلسنا حقيقة كنت اظن اننا في بلد يحترم خاصية الاخرين ويحترم الدين والعادات لكن الحقيقة التي رأيتها ان شعبنا المبجل شعب سخيف والامن شغلته فقط حماية المنتجع لاتدخله سيارة مادفعت فلوس في اسواق المنتجع مغازل عيني عينك وشباب بايعها قسم بالله لو ابغازل ما اطلع الا مرقم عشر او عشرين بنت على الوضع اللي شفته بنات متشفقة للعيال باي ثمن وشباب متشفق للبنات باي وسيلة وش اللي حاصل ياجماعة؟ الله اعلم شكلهم يكثرون من الجمبري ونحن جالسون يمر بجانبنا القطار في اخر القاطرة تجلس النساء والبنات وحارس الامن في اخر القاطرة واقف على روسهن والبنات ترقص وربي وتتضحك معه وقسم بالله تقول داخل مرقص حقيقي بنات واقفه تهز الوسط ورقصني ياقدع وهز ياوز والحارس واقف يتضحك ومستانس والله احسن وظيفة مهب ملاقي احسن منها زباينه فيها رقاصات بعدها بقليل قسم بالله ان القطار مر بجنبنا مرة اخرى ومافيه بنات لقيت لحارس قاعد وضايق صدره ماعنده زباين يفتحون النفس اين دور الامن الحقيقي في حماية الاعراض ؟ اين هيئة الامر بالمعروف ؟ هل منعت من دخول المنتجع ؟ بخصوص خدمات المنتجع الخايسة والله مافيه الا الريحة المخيسة ودورات المياة الواضح فيها عدم الاهتمام وكلها الله يعزكم مسدودة احبتي : ماتقولون فيما رأيت ؟ بانتظار مشاركاتكم محبكم العجوز السمنسي[/align] |
اقول انك فليتها البارح يالعجوز
ما شاء الله عليك ماخليت شي ماشفته ليتك مصورلنا خل ننبسط معك :f5: بيس:) |
عجوز انبح صوتي وأنا أقول لك راجع عيادة صاحبنا فلديها الكثير !! ولكنك مصر على العناد !! على كل حال يقول زميلنا غفر الله له أن النساء مخلوق مولع بالإغراء والإغواء .. ولع بالمخالفة والعصيان .. ولاتنسى أن المد الصحوي الآن في طور تجديد الأدوات مما أدى لضعف وصول التنوير لعقول النساء وأشباه الرجال !! ننتظر أن يعود عهد الصحوة بقوة جامحة أفضل من السابق .. لكي تعجبنا حالتنا الإجتماعية والإقتصادية والسياسية والفكرية .. ربما لي عودة .. لكم أطيب المنى |
وش يقرب لك العجوز السمنسي ^_*
بعدين لاتكذب يوم حنا رايحيين مليان هيئه والبلا مو بالمنتجع نفسه البلا بهالبنات والعيال اللي اهلهم مايعرفون يربونهم وبصراحه الهيئه ماقصروا بسه لاحياة لمن تنادي بعدين اللي فيه من هذولاك اللي جايين من البر ^_^ هههههههههههه هم اللي حاسوا الدنيا ســي يــووو |
ههههههههههههههههههه
بجد جلست اضحك ع كلامك شوف ياخوي اذا انت مربي بناتك صح ماراح يلتفتن لهالاشكال وبالنسبه انك رحت للرياض والشرقيه وبرى وماشفت شي تراها قويه وانا اختكـ ماله داعي النصب والكذب وتزويد الهرج الفاضي احنا بألف خير من اللي انت ذكرتهم لاتلعب ع نفسك وعلينا لاننا مطلعين عشي هذا دمتم,., |
[align=center]
اقتباس:
فري مان يابعدي مهم فليناها يبقى شعور بالالم ياقلبي من تلك المناظر هل هن بنات بريدة ؟ ام دخلاء على بريدة ؟ اما ماذا؟ هل فعلا مانسمعه صحيح ان تركيبة المجتمع البريداوي تخلخلت واصبحت تترنح بسبب تلك الافكار الدخيلة من الدخلاء؟ العجيب واللي يقهرني اكثر ان عائلة العييري من الاسر الكريمة التي لها باع طويل في الامر بالمعروف والنهي عن المنكر وصاحب المنتجع للاسف ابن لهذه الاسرة الكريمة لكن هداه الله اصبحت منتجعاته وباء وفساد على المجتمع واصبح الهم المادي مسيطرا عليه اكثر من اهتمامه باخلاقيات اهل البلد وخصوصياتهم[/align] |
وش يقرب لكـ جبل ساق ..! ^_*
بعدين مالي خلق اعيد الكلام رح اقراء ردي اللي بموضوع جبل ساق بس مدام انك شايفهم بعيونك ليش مارحت تبلغ الهيئه تراه فيه مركز عندهم والا جايزن لك الوضع هههههههههه ســي يــوو |
[align=center]أوكار الفساد والمفسدين هذي ولله الحمد ما قد رحت لها
لكن الشيء باين من عنوانه خذها مني نصيحه يا سمنسي وحط النقط على الحروف فيها أي شيء فيه الطرف نساء تأكد أنه مجمع لكل شيء من الفساد والقاذورات ! لي رجعه بكرا الظهر يا دب [/align] |
اقتباس:
|
[align=center]
اقتباس:
والله ياكبري لو يرجع عهد الرسول صلى الله عليه وسلم ماتعقل الحريم عن الاغواء لعنبوا ابليسهن قسم بالله تسدحت اشكال اغرائية واثارة تخلي الجدار يحف مهب عاد حنا يالشيبان نساء كاسيات عاريات وربي بالله عليك لو تشوف وحدة ترقص قدامك وش تسوي ؟ علشان كذا م الوم حارس الامن يوم يروقها دمت بحب[/align] |
سمنسي ياحوبي اول شي اصبح عليك وعلى جميع الاعضاء
حوبي في بريده مافي شي يستاهل يراح له يمكن مافيه الا الاستراحات وبعض الحدائق ك جلسه وترفيه المنتجعات والملاهي باالرياض وجده والشرقيه وغيرها تصدق ياحبي اخر مره دخلت ملاهي ببريده ملاهي الذياب ياالله اذكره قديمممممممممم مره معقوله مدينه كامله وتعتبر من اكبر مدن اللمملكه مافيها مدن ترفيهه وصالات تزلج ومسابح على مستوى يلا الظاهر ان بريده مافيها غير التمور عمو باالنسبه الغزل اصبر شوي يجيك واحد معو ولدو يشتكون باالهيئه عشان بنت تغازل ولدهم بس صبرك شوي صرنا بزمن لايؤتمن ياحبي . |
[align=center]
اقتباس:
يكفيني تشريفك يابعدي لو مارديت مع احترامي لجبل ساق ماشفت موضوعه ولو شفته ماكتبت لكن اغديك تشرفنا وترد بموضوعنا يابعدي دمت بحب[/align] |
الصراحه فيه كلام وصخ وقليل ادب ماله داعي يذكر هنا لكن من يسمع!!!!!
مرور من دون تعليق ع الموضوع دمتم.,. |
وه بس على العييري باارك
أتذكر مرة جينا للقصيم وعزمنا خالي فيها جلسنا وتقهوينا وبعدين قلت لأخووي ودي أتمشى مع البنات المهم راح معنا أخووي وصلنا للسوق وحنا نمشي أخووي غطي عيونك شفي وشلون يناظرون ماتستحين غريب هو بالشرقيه عادي بس هنا مدري ليه يقول لي أخووي شوفي بنات بريدة ليش يسون كذا مير ماش ماني بخاطب منهن << تراه مهوب كلهن قلت له أصلاُ المنتجع جامع خلق الله ومير أخووي ماش ماجازله الوضع خصوصاً عند الألعاب بغى يعطي وحدة كف عبدة وتغازل له وجه بعد قال أخوي خلاص نبي نمشي ماعجبة الوووضع... صدق العييري شي غريب مير الشارع هاذاك اللي فيه السووق أشبهه باأسواق الراشد عادي عيني عينك المغازل ولا يهمهم شي..... ســــــــــلامي |
[align=center]
اقتباس:
والله مالك الا الحسرة والقهر الا اذا تبي تترزق من الشباصات تراهن والمات مايبن شي بس قط الرقم تبي تلاقي الف وحدة تاخذه متشفقات ما ادري وش بهن على الشفاحة بانتظارك بكره الظهر ان شاء الله ياحبي[/align] |
اقتباس:
يعني اذا ناقصك شي رح هناك ياناس اتقوا الله شفت شي يعارض الشرع بلغ عنه مو تجي هنا وتقول شفت من الفساد مالله به عليم هناك من تسول له نفسه وينتظر من هذي الآخبار ليكسبها بصالحه ومن ذهب هناك بناء على كلامك أنت المسؤول عن مايفعله تحياتي |
هذا الوضع مو جديد
أول مارحت للعييري بارك كان العام وكان بنفس الوضع اللي وصفته واشد .. مع اني اشوف جيوب الهيئة تمرمر لكن الظاهر انها ديكور .. أما من ناحية الخدمات حدث ولا حرج مدري وين الفلوس اللي يسحبونها من الناس على الاقل يتعاقدون مع شركة نظافة تتكفل بنظافة المنتجع ودورات المياه .. تقبل مروري ,, |
والله اول مره اسمع في بريده الشي هذا
بريده وصلت لهذا الحد ان الله وانا اليه راجعون اكثر مدينه متقيده بالشرع الاسلام 100% في المملكه اهل بريده اذكر قبل 16 سنه وانا عند الاشاره والاشاره حمراء ولعت زقاره ما دريت الى البواري والازعاج وقطعو الاشاره وانا ما ادري وش السالفه ؟؟ ظميت سيارة الاسعاف ورانا ويفتحون لها الخط !!! واسأل واحد من الشباب ؟ وقام يضحك ؟ قلت وشفيك قال لانك ولعت زقاره ووزعلانين وقطعو الاشاره ؟؟؟؟ والان تقول العييري ؟؟ مدام هاذي في بريده فكيف في باقي المدن فياقلبي لاتحزن |
للاسف الوضع في العييري بارك
من سيئ للأسوء .. اللوم ليس على صاحب المنتجع بل اللوم كل اللوم على الأهل .. لماذا يتركون بناتهم يتسكعن بلا حسيب أو رقيب .. مراهقات ومراهقين ماذا تنتظرون منهم اذا وجدو اجواء المعاكسات والإختلاط مهيئة لهم ؟؟ جزاك الله خيراً على هذه اللفتة .. نتمنى بأن يصل ندائك للمسئولين وأن يؤخذ بعين الاعتبار .. |
من يلوم الهيئة يلوم نفسه قبل
الأمر بالمعروف والنهي عن المنكر ليس مقتصر على رجال الهيئة فقط (كنتم خير أمة أخرجت للناس تأمرون بالمعروف وتنهون عن المنكر) قال أمة ولم يقل هيئة تدري ليش فينا الخيرية من بين الأمم لأننا نحمل شعار الأمر بالمعروف والنهي عن المنكر (ولتكن منكم أمة يدعون الى الخير ويأمرون بالمعروف وينهون عن المنكر وأولئك هم المفلحون) من يعتقد ان النهي عن المنكر خاص بالهيئة فليصحح معتقده |
اقتباس:
ماقول إلا الشرهه على المراقب الي سمح للموضوع .[/align] |
(ولتكن منكم أمة يدعون الى الخير ويأمرون بالمعروف وينهون عن المنكر وأولئك هم المفلحون)
|
اقتباس:
|
تقبل مرووووووووووووووووري
|
خلصتو من الحضاري بديتو بالعييري بارك
والله انكم فاضين ماوراكم غير مراقب خلق الله !! . . |
لا تلوم الهيئة ما لها دخل
بل اللوم على الأهل اللي ما ربوا عيالهم وبناتهم وهذا اللس نجنيه من الغرب ومن التقليد ومن المسلسلات الهابطة والأفلام والمجلات |
[align=center]
اقتباس:
يبعدي وش يسوون الناس الجودمن الموجود يبون يتنفهون لكن وش يسوون اذا صارت هذي احوال المنتجعات ناس طافة بالحضارة ماتدري من وين تبدأ بالسياحة تدري عاد ؟ والله على كلامك العوائل المحجترمة ماسنفع معها الا تستاجر استراحة خاصة فيهم لا منتجع بلا هم شرفتني يابعد قلبي[/align] |
[align=center]
اقتباس:
ليتك والله حددتي الكلام الوصخ واللي فيه ثلة ادب علشان نتفاعل معه وينه بالله ؟ ما اشوف كلام وصخ على قولتك الا اذا تقصدين بالموضوع كلام وصخ فياليت تنبهيننا علشان نزود عليه شوي بعد شكل لك نسبة من المنتجع وتبين تقلبين الموضوع لصالحك الله يصلحك روحي كملي تغسيل للمواعين وخلك في بيتكم استر لك ولاتتحارشين مع الرجاجيل [/align] |
[align=right]الوضع سيء جدا في العييري بارك ..
لكن لا ننكر أن هناك منتجعات آخرى في مدن المملكه يحدث فيها ما يحدث في العييري بارك .. الفساد ليس محصورا في العييري بارك فقط ..!! أنا عن نفسي : شاهدت ما يحدث في العييري بارك .. وأعتبره هين عند غيره .. دمت بخير ..[/align] |
[align=center]
اقتباس:
الله يرجك يالشرقاوية ايه انتي متمدنة وكاشخة علينا جاية من الشرقية مين قدك ؟ والله المنتجع وبعد مداولات مع البعض اكتشفت ان اكثر اللي يجونه مو من اصل البلد وطافين بالحضارة شلف يحسبون الحضارة فول مدمس المشكلة ان هولاء اخذوا من الحضارة اسواء مافيها للاسف وتركوا القيم النبيلة التي عرفناها عنهم ايه اللي تتنقب عندنا مانحترمها علشان كذا اخوك صادق يوم يقول غطي عيونك الله يستر عليك وعلى كل بنات المسلمين ويحفظكم من كل شر [/align] |
اقتباس:
لا تكون نظرك للناس أنهم (ملائكه)أو (مطهرون) .. خطاء .. الناس كلهم(او غالبيتهم) كذا .. مع الأسف .. ناس ما عندها مثقال ذره من الحياء .. الله المستعان .. تحيتي لكَ |
تحيه طيبه وبعد اخواني العييري بارك مثله مثل السوق والحضاري
مثلا واحد مركب خواته او بناته واللبس اخر شياكه والنقاب يا الله من فضلك والكحل واصل فوقي الاذن اللهم لاشماته والسمراء مبيضه اللي يطلع مع العين من النقاب والطيب يطير النخاشيش من قوة الريحه تجيب البس رافع عصعصه من مسافة كيلو ولا يسأل ولا يقول ليش كل هذا انتم رايحين لمكان عام مو لعزومه وكلها نساء تصدقون ان بعض الحريم عند الاشاره انه قوية عين انك انت تصد عنه وهي مبحلقه وفيه حريم محترمات وبنات يا الله من فضلك لمنهن اقبلن عليك تستحي وتلف قبل ما ياصلن من الحشمه وتاصل المكان اللي انت تبيه وانت تدعيلهن با لستر اخواني لما ذا نحط اللوم على المسئولين عن الاماكن ولا نلوم انفسنا اخواني كل ولد وله اب وام واخت لو وضح له انه ( كلما زدت زاد السقاء ) وهل يرضا لخواته كان يصحى وبعضهم ميت قلبه ما ينفع له إلا مسح معالم وجهه قدام من يتميلح قدامهن واما المحلات و السوق فلو كل اهل بريده يتعاونون مع من يأتي من خارج بريده انهم ما يدخلون محل في السوق فيه اجانب سواء يمنيه او هنود او اي جنسيه اخرى اقل من من عمره خمسون سنه يا اخوان في السوق قنابل موقته من اللاجانب اعمارهم اعمار مراهقين من الثمانيه عشر الى الثلاثين سنه وبسواق حريم وين حنا فيه وهذه مسئولية من انه تصدر قرار بعدم تواجد من هو اقل من الخمسين ومن يخالف يعاقب بقفل محله شهر مثلما عمل با لخياطين في السابق نريد ناس تعرف عواقب الامور ويبقى المحافظه على الاخلاق سواء بحضور الاهل او بغيابهم والدعاء بالصلاح وتقبلوا مروري |
اقتباس:
|
السلام عليكم ورحمة الله وبركاته
اقتباس:
وعلى ماذكر في قديما أقول (( قال وش علمك اه كذبه قال من كبره )) أتمنى أنك اذا أردت تدعيم موضوعك لتكسب تضامن القراء أن لا تقفز قفزات جباره من أجل الغير وأذا اردت اثبات وجهة نظرك اذكر مايصدقه الناس اقتباس:
وخطأ رواد المنتجع أن أشكالهم مش ولا بد على حد تعبيرك أي أنك تحكم على الظاهر ليس على أحداث (( أحسن الظن أخي ولا تقذف الناس بما ليس بهم )) لا أنسى الأخ العجوز فتعقيبه اقتصر على صاحب المشروع وكأنه حاقدا على نجاحه وما النجاح الا من توفيق الله أخي ماحدث في منتجع العييري ان فرضت جدلا بأنه حقيقه فهو لا يلحق صاحب المشرووع ولا مرتاديه وانما هم زمره مخطئه بحق نفسها وبحق الغير فلا داعي هذا التهجم والكمات البذيئه التي تتبجح بها واعلموا بأن ماتكتبوه شاهدا لكم وعليكم يوم لا ينفع مال ولا بنون |
بحمدالله الموسم الفائت كتبت موضوعا عن بارك العييري الله لايبارك براعيه
وذكرت كل مايحدث به من اختلاط وسفور ومعاكسات واشياء يندى لها الجبين وذكرت لكم حركة قطع الكهرب !! ويعلم الله انني ذهبت مرة وانتهت ولن تتكرر ومن المؤسف ان الحال بقي كما هو ؟ قولو للعييري مبروك فقد افسدت بنات وشباب المسلمين !! حسبي الله عليك 0 ب |
شكل المكان اللي تتكلمون عنه اغلب رواده من الطبقه الكادحه والقرويه واللي ماشافوا نعمه...! |
خاصة لمهند شاد اوغلو
الأخ \الذي رمز بأسمة مهند شاد يا ليتك كنت اعقل من هذا واكبر .إلى هذا الحد وصلت العقلية عند شبابنا .إذا شبابنا وصلو لهذا الحد لمهند وغيرة إذن لا تقول ليش البنات تغازل . وانا اعتب عتاب الأخوة على المشرفين الأعزاء كيف يقبلون بهذا الأسم ، ومنتدانا منتدى بريدة غني عن هذة الأشكال.
أخيراً تقبلو تحياتي |
| الساعة الآن 05:38 am. |
Powered by vBulletin® Version 3.8.8 Alpha 1
Copyright ©2000 - 2025, vBulletin Solutions, Inc. Trans by
موقع بريدة