|
مركز بركتين والتلاعب بالاسعار
السلام عليكم ورحمة الله وبركاته
ياناس قبل امس اشتريت حليب طفل بروجرس وكان سعره عن الصيدليات 23 ريال المهم مريت على بركتين وكنت متأخر قلت اخذ الحليب منهم تصدقون لقيت السعر عندهم 27.50 ريال الى الدرجه هذي وصل الاستغلال بهم ؟ والله قهر ولا حسيب ولا رقيب المهم خبرتهم انه غالي ومو هذا سعره قالو لي السعر من الاداره رميت الحليب وقلت من الان مقاطع لكم المهم من بكرا رحت وشريت الحليب بـــ 23 ريال شرايكم بزود 4 ريال ونصف ؟ اتمنى منكم اهل بريده عدم السكوت عليهم ومقاطعتهم |
ياحسافة الموقع عليهم ؟
|
اي والله حسافه على هالنصابين
ومسوين فيه افتتاح بعد |
يارجال اليوم كلن يسعر على كيفه
|
نوم العوافي ياحماية المستهلك !
|
والله حرام ياناس
تصدقون كنت ابي اخذ علبتين يوم شفت الزياده 9 ريال ماهي ريال او ريالين شي يقهر |
كثر الكلام على هذا السوق
لعله يتدارك امره قبل ان ينتشر خبر ويلحق بركب الفاشلين |
اقتباس:
لحق وانتهى اغديك تضربه بقرار اداري |
وزارة التجاره من قالهم شي قالوو عرض وطلب
|
الله يجيب السيل الحين تساوت حتى الصيدليات تلعب بالاسعار الحين تساوت معي عادي لوادخل والقى البيبسي بريالين والعجيب انة كل شي ارتفع الا الدخان على سعرة الاول حسبنا الله ونعم الوكيل
|
وين حماية المستهلك ..والهل هناك فروق بالاسعار بين التجار ......؟؟؟؟
|
قبل يومين ذهبت أشتري بعض الأغراض وكنت في طريقي من هناك فقلت في نفسي اشترى وارى السوق الجديد وبعد أن أخذت مايلزمني وصلت للمحاسبة وعندما أنتهى قال 84 ريال ناظرت الأغراض لم يكن لدي غير مناديل وسمبوسة ومطبق وبيرة فقط فأعتقدت ان المناديل لها سعر غير المعتاد فسألت الموظف عن السعر فقال 20 ريال فلفت نظري بالفاتورة على الجهاز أن هناك رقم 54 ريال فقلت له لماذا 54 ريال فقال سعر السمبوسة فصدمت منها 4 حبات بهذا السعر فسألته بكم الحبة فقال بـــ 18 ريال قلت ليه فيها شيء غريب لكي يكون هذا هو سعرها قلت الله يخلي لنا أسواق السلمان والأرياف قلت له أرجعها فطلب من الذي يرجع الطلب فقال لي أن هذه السمبوسة من المدينة والأدارة هي من وضعت الأسعار فقلت له أنتم موظفين مغلق على أفواهكم ولا تقدرون أن تتكلمون بشيء تأخذون الراتب فقط فسالت عن صاحب المشروع فقيل لي أنه العتيبي قلت شاطر بأن يحضر الأمير لأفتتاح المشروع وبعد ذلك يطلب منكم أنتم يا الموظفين أن تنفظون محافظ المستهلكين خرجت وأنا أتعظ من القهر بما يفعله هؤلاء أصحاب المشاريع التي نكون نحن ضحيتها |
إيـــــــــــــــــــه!!!!!!!!!!!!
ربنا يعيننا على المتلاعبين بالأسعار و مع اقتراب شهر رمضان المبارك00 المصيبة ستكبر في كل شيء الزيادة نار ، قبل يوم واحد اشتريت حفائظ للأطفال بـ48ريال و فيها50حفاظة فقط أول كانت بـ45ريال و فيها54حفاظة النتيجة (خفظت أعداد الحفائظ و ارتفع السعر) و حماية المستهلك تصفق للتجار و تدعي لهم00 اللهم أرخص أسعارنا00 ياحي يا يقيوم000 |
حتى هناك طريقه غبيه لكتابه الاسعار اذ تتم بملصق وكتابه يدويه
الله يعين على استغلالهم وجشعهم |
اغلب الموجود في اسواق بركتين فيه زيادة في السعر عن باقي المحلات
|
اقتباس:
انا انصدمت بالحليب وانت بالسمبوسة شكل المركز شعاره ..... استغلال دام اني جديد ............. المشكله الناس تشوف وتطنش |
اقتباس:
طيب وين المسؤليين يا ناس كلى كيفهم ذولا |
وزارة التجاره من قالهم شي قالوا عرض وطلب أجل حنا نقول مالكم لازمة سرحوا موظفيكم واقلبوها محلات تجارية وياليل مااااااااااااأطولك
|
فعلا بركتين اسعاااره غاليه نااار وتفرق عن اي محل ثاني
انا حاس ان هالمحل بيخسر وبيفلس تعرفون ليش لانه حتى الاعلان حقهم كذب كاتبين في الاعلانات انه اكبر سوبر ماركت بالمنطقه ههههههههه يعني كل هالمحلات الكبيره اختفت فجاه ههههههه كذب بس متطور اخر صرعه ثاني شي اعذروهم يمكن خسرو بالمبنى ويبون يطلعون المكاسب بسرررعه ههههههههههه فما يمنع تساعدونهم كخخخخ على فكره قبل ما نسى اشترو مقاضي رمضان من محلات السلمان عندهم تخفيضات تجنن ياتلحق او ماتلحق |
ارتفاع الأسعار والتلاعب بها هذا من ادارة الأسواق .
والمسئول عن ضبطها طبعا هي وزارة التجارة وحماية المستهلك . ولكن عندما قال الموظف ان الأسعار من الأدارة بصراحة معة حق لانة مجرد موظف سعودي (كاشير ) يعني يحاسب للناس ويعطونة (1500ريال ) هذا اذا ما نقصت من النقص اللي يجية والخصومات يعني يصفي لة 1200 ريال ولا تنسى ان اللي فوقة مصرين يعني يستانسون اذا شافوا على السعودي شي او حتى فتح فمة يضحك . وتبغاة يغير بالأسعار وينزل ويرفع ( ما تدخل العقل ) وبعدين ما كثر الله الا الأسواق بها لديرة صفت على بركتين . |
والله قهر لا حسيب ولا رقيب ولاهو بس مركز بركتين والتلاعب بالاسعار أكثر من محل لاكن وين الرقيب
|
لا ليس اسمه مركز بركتين الله لا يجيب له البركة لصاحب المشروع
ويجعل ما يدخل جيبه لظى في فمه لأنه يأكل الحرام عيني عينك لازم يكون اسمه مركز خراب ودين |
ههههههههههههههههههههههههههه
والله انكم فلة !! عااد هذا حق واحد من كبار الناس المعروف عنه بالالتزام والصلاح !! الله يخلف بس !! على فكرة الإدارة مصرية !! يعني المصاريا لهم المحل |
لاحول ولا قوة الى بالله والله المفترض مايترك يلعب بالاسعار
|
[SIZE="5"]يقولون العود من أول ركزه
مركز بركتين فاشل من أول مافتح والسبب أنه أثناء الافتتاح أعلن عن تخفيضات لم يسبق لها مثيل وأحد الأصدقاء زارهم وتفاجأ بأسعارهم اثناء التخفيض فقال لي بلهجته لا يهمونك ولا يطب عليهم اسعارهم نار . لا يهمونك اليوم تضحك شفاتهم وبكرى تبكي عيونهم[/SIZE] |
ليس بركتين لحاله بال معه وبصفه المخازن الكبرى وبعد جيان اكبر أسواق بنصب واحتيال لكن المشكه ماهي فيني وفيك المشكلة بوزارة التجارة سوال إلى وزارة التجارة هال تعرفون بهاذ الموضوع وما ردكم يأهل التجارة
|
بركتين نصابين |
اقتباس:
ما توصل للدعاء عليهم يا همس الحزن يمكن صاحبه على قولتهم مايدري والمصاريا هم اللي لاعبين بالقش |
اشكر الجميع على المرور والتفاعل
اتمنى ان نجد تفاعلا من المسؤليين ان شاء الله |
امممم والله الضاهر ان بركتين واقع في مأزق زيه زي المخازن الكبرى
مشاريع فاشله على المدى القصير ... !! |
الحمدلله اني ماطبيته كنت نويه اروح بس الحين ما فيه امل ام بنسبه للمخازن والله بيعه مره حلو واحس فيه بركه ام جيان الله لا يوريك على النصب وارجع اقول كل هذا الي يصير لنا من ذنوبنا ياربي لاتفضحنا بذنوبنا واستر علينا انك ارحم الرحمين 000 |
في رد عاجل لبركتين حول ما أثير ...
أولاً نتقبل النقد الهادف الذي نسعى من خلاله لتطوير الاسواق ونحب أن نوضح الاتي بالنسبة للاسعار فان الشركات هي من تحدد الاسعار نظراً للارتفاع العام للمواد الغذائية على مستوى المملكة وكم من البضائع أوقفنا شراءها نظراً لارتفاع أسعارها ومنها بعض اسعار الحليب اما وجود أسعار أقل منا في بعض الاسواق فنحب أن نوضح انه قد يكون لديهم كمية لم تصرف في المستودعات تم شراءها بالسعر القديم لذا فهي تباع بسعر اقل من الاخرون اما موضوع رواتب العاملين فنحن نتحدى على مستوى المملكة ان يعطى الموظف راتباً اكثر منا حتى في الشركات المماثلة . وللمعلومية نحن نعمل على هامش ربح بسيط من البيع من أجل التخفيف على المواطنين ومن أجل كسب الثقة علية احببنا التوضيح للجميع حول ما نشر والله الموفق أدارة بركتين |
| الساعة الآن 02:23 am. |
Powered by vBulletin® Version 3.8.8 Alpha 1
Copyright ©2000 - 2026, vBulletin Solutions, Inc. Trans by
موقع بريدة