|
بأي حق تحل لك الخمسة يامصرف الراجحي؟
طلبت كشف حساب من الراجحي لشهرين ولفت انتباهي انه يوجد خصم 5
ريال وهي عبارة رسوم اصدار بطاقة صراف آلي ولما سألت الموظف قال : اي عميل يقل حسابه عن 5000 ريال سوف يخصم 5 ريال و اذا قل عن 1000 ريال يخصم 2.5 . اذاً قد يخصم من حسابك 7.5 شهرياً أكد لي موظف بالراجحي بأن اكثر عملاء الراجحي هم من اصحاب الارصدة القليلة ( الذين سوف يخصم منهم 5 ريال أو 7.5 شهرياً) طلاب أو عمال وأن أكثر المشاكل و وجع الرأس من هؤلاء العملاء و عملاء ألـ VIP لا يلاقي المصرف منهم أي مشاكل و أراد المصرف تقليص ( طرد) العملاء أو الخصم من حسابهم * اذا كان عنده 9 ملايين عميل ويخصم من كل واحد 5 ريال 9000000 * 5 =45000000 ريال شهرياً |
حبيبي ارحم من غيره
حنا موظفين نعاني من بنوك غير الراجحي ملزمين فيها يسوون اشد من الرجحي بعدين تقول لقيت خصم5 ريال رسوم بطاقه انا مجبر على بنك سامبا وضاعت بطاقتي اكثر من مره او تاخذه الصرافه ويوخذ من حسابي 60 ريال |
اخي بهران
افيدك و الأعضاء عن نقطة لم اذكرها أي حساب ينزل عليه الراتب لا يخصم منه شي واذا كنت لم تأخذ قرض فبأمكانك تحويل الراتب لأي بنك ما فيه اجبار على شيء |
الشكوى لله
المشكله اننا نحط دراهمنا عندهم ولا والطامه الكبرا ان الدولة حفظها الله لم تفرض على اي بنك اي ضرائب نتيجة فتح اي فرع من الفروع فلماذ يفعل البنوك مثل هالأفعال |
كتبت عن هذا الوضع قبل يومين
وخرج علي المنمقون والمنتفعون يدافعون عن هالبنك الخايس |
الراجحي في ذمته الكثير من الحقوق للمسلمين اعانه الله على تسديدها قبل ان ياتي يوم لاينفع فيه مال ولا بنون !!
|
الله يعين بس
|
كل البنوك تاخد ادا قل رصيدك عن 5000 ريال
الاهلي 12.50 شهريا الرياض 68 ريال كل سته اشهر الهولندي 2.50 يعني تتكلم او تسكت ماخدين ماخدين |
الراجحي..................................
يالله لك الحمد لي سنتين منب اتعامل معه انا مع الفرنسي قسم بالله انه توب تعامل صح وحشيمه وناس تعزك ... وابشركم تراهم اسلموا قبل كم يوم............. |
اقتباس:
وحتى أذا كان الرصيد قليل لا ياخذ شئ ... |
والله حاله ياخي (تمسكن لين تمكن)
انتم نفذو الخطه الي اسمها معاقبة بنك الراجحي والله راح يرجع عن ذا القرار تقبلو مروري |
السلام عليكم ورحمة الله وبركاته
اخواني معليش على المداخله هذي طريقه تأدب بنك الرجحي وغيره وخلكم اوسع صدر منه بدأ بنك الراجحي بتطبيق رسوم قدرها 2.5 ريال على كل حساب يقل عن 1000 ريال ... وكذلك رسوم 5 ريال على بطاقة الصراف إذا كان الحساب أقل من 5000 ريال... وبناءً على ماسبق سياخذ الراجحي 7.5 من معظم عملاؤه .. إذا كنت من المتضررين فما عليك سوى القيام بالآتي وستجد أن مصرف الراجحي قد ألغى الرسوم على بطاقة الصراف مباشرة وعن كل العملاء.. كل يوم تطلع من البيت رح لصراف بشرط يكون غير صراف الراجحي وسو أي عملية .. مثل اطلب كشف رصيد مع طباعة الايصال... اذا طبعت الايصال بيدفع الراجحي للبنك الآخر 4 ريال مقابل هذه الخدمة... لو اجتمعوا عملاء الراجحي ونفذوا كل يوم مثل هذه العملية سيدفع الراجحي مقابل كل عميل = 4×355 = 1420 ريال سنوياً مقابل إنه يأخذ من العميل 60 ريال فقط ... وتأكدوا إن الراجحي بيرسل لكل عميل موظف يحب راسه ويقول ترانا آسفين ما عاد ناخذ رسوم عليكم... رسالة أخيرة: اذا كنت لا تريد تطبيق هذه الخطة عليك بالعافية خصم 5 ريال في راس كل شهر ... التوقيع : رئيس كتيبة تأديب بنك الراجحي |
وسع صدرك كلها خمس تريل |
مشكلة يالراجحي والله مشكلة ... أنا أوريهم ... والله لاأنقل حسابي منهم
عزيزي : مااستعجل سجلني بكشوفات الكتيبه بس الله الله بمنصب طيب .. لاتخلي النخيل ولا الحسون يتريق علي ..:d4: |
اخوي العثيم مول ولا يهمك نائب الرئيس بس رخص الاسعار والا خليناك من ظمن المقاطعه حقة الراجحي
|
كل البنوك تخصم من الرصيد إذا ماكنت محول الراتب عليهم
الراجحي حسب ما سمعت بأنه يخصم اقل من البنوك الثانية على فكرة البنك مجبر على هذا الاجراء فهذه تعليمات مؤسسة النقد بيس:) |
اقول مافيه أفضل من بنك الأهلي أتمنى ان تتعاملوا معاه وراح تشوفن الفارق
|
خذ من الشعر زود بيت ..
فتحت مباشر الراجحي .. حصلت مخصوم علي 145 ريال.. طبعا.. انا حولت حسابي إلى بنك آخر وكان عندي بطاقة فيزا الراجحي.. لكن قبل إخلاء طرفي من قبل الراحجي قمت بالآتي: 1- سددت جميع الإلتزامات المطلوبه مني. 2- سددت إلتزامات بطاقة الفيزا. 3- بعد إيقاف بطاقة الفزا وسحبها مني، تم إيداع مبلغ كامل البطاقة كتأمين لمدة 40 يوماً. وبعد هذا كله .. وبعد إنتها مدة التأمين على البطاقة رجعت لي السيولة المحجوزة مسبقاً، ثم بعد أكثر من ثلاثة أشهر من إخلاء طرفي ، افاجئ بخصم المبلغ .. المذكور أعلاه.. وبالاتصال على الهاتف المخرطي .. قصدي المصرفي.. تم الافادة بأن المبلغ هذ الذي خصم خاص ببطاقة الفيزا..!!!!!! يا الله عاد رقع .. وش تقول.. لا .. ويقول الموظف هذي مديونيه على البطاقه .. لعن ابو شيطانك .. البطاقة صار له اكثر من ثلاثة اشهر مسحوبه ومسدد اللي عليها .. تقول مديونيه ..!! لكن .. المصفي قدام .. (أحصاه الله ونسوه) |
ماأستعجل
الله يصلحك ويثيبك ويزوجك البنت الصالحه المزيونه .. صدقني ماتلقى مثل أسعارنا :) حياك الله تعال وخذ لك جولــة عندنا ورح لغيرنا وشوف السعر >> بدت الحمله هع هع هع |
الراجحي واشكاله ياكلون اموال الناس بالباطل غرهم شكله
عليك باحد البنوك الاجنبية مثل البريطاني (ساب) الفرنسي الهولندي |
اقتباس:
عليكم بهذه الطريقة تأديباً لهذا البنك المتخلف .. سبحان الله !!! يكون رصيدك مليون ويستغله ويكسب من ورائه وبعد أن تحيط بك الضروف يتخاذل وينكر معروفك .. أي خدمة وأي أمانة وأي جميل من هذا البنك ؟ دعوا حساباتكم واستعملوا صرافات الآخرين ببطاقات هذا البنك السارق .. أنشروا الطريقة لمن عرفتم ومن لم تعرفوا .. شكرا لك أخي على التذكير ..[/align] |
اقتباس:
هذا البنك يجب أن يطلق عليه ( صقير البنوك ) .. أسوء بنك عرفته بل ربما أسوء بنك عرفه التاريخ .. لاتحصل على كشف حساب إلا بمقابل .. غريبة دراهمك عندهم ويبخلون عليك بورقة لا تساوي قرش واحد .. لكن إذا عرفت أساسه وموقع إدارته زالت غرابتك ... اللهم لك الحمد .. [/align] |
اقتباس:
حلوه أسلموا رهيبه العبارة وعن مشاكل البنوك .. كل البنوك فيهم مشاكل مو الراجحي بي والراجحي أقلهم مشاكل وعن سحب الفلوس هذا طبيعي أنا عندي حساب بساب ( البريطاني) ويأخذون رسوم شهرية ولو ندور ونفحط بالبنوك مانلقا مثل الراجحي بكثر فروعهم وصرافاتهم ومميزاتهم |
اقتباس:
من غير صراف الراجحي توقف بطاقتك هذا الكلام للي ماتنزل رواتبهم في الراجحي |
جشع وطمع البنوك الله يعينا
|
أفضل بنك هو بنك البلاد إسلامي وبنك محترم وراقي ينقصه بعض الخدمات لاكن يبقا أفضل بنك في السعودية
|
مالقى احد يأدبه مصرف الراجحي !!!!!!!
وين مؤسسة النقد ... والله حاله |
يا اخوان خافوا الله قاعدين تسوون دعايات لبنوك اجنبية وربوية
كل البنوك من عمر جدي وهي تخصم رسوم على الحسابات الا الرجحي لم يعمل بهذه الطريقه الا مؤخرا ليش يوم بدا يسوي زي غيره وباقل الاسعار زعلتوا ومدحتوا من كان على ذلك من يوم ان فتح انا كنت اسمع الضجه الاعلامية والسب على الراجحي يوم رحت لساب علشان الاقساط شفت الوضع اردى وردى تخيلوا راتب رمضان يحجزون المبلغ واقعد الاحقهم يفكون الحجز عن باقي راتبي بعد حجز الاقساط الله اعلم يقع هذا الخطاء من الرجحي كان يقولون صهيوني لكن الي اشوفه ان الناس مع الخير ياشقراء قالوا الراجحي شين قلنا شين وبعدين اتوقع ان الرجحي عمل ذلك لانه شاف انه يخسر كثير من العملاء متدني الارصده ويسوون زحمه وووو وهذا اجراء عادي وما زالت رسومه اقل من غيره والاغرب ان الناس شذب بالرجحي اليل والنهار وهم مايبون الا هو!!!!!!!!!!! |
سامبا وبس
ماياخذون رسوم ولاهم يحزنون |
الصارم أنت أدخل كل البنوك وتعرف أن الراجحي من البنوك السيئة وفيه غيره
لاكن أفضل شي في البنوك بنك البلاد بنك أسلامي خدمة وحشمة ومافيه كلام فاضي رسوم وخرابيط وفخم تراجع للبنك تخلص شغلك بسرعة الراجحي لو تروح يبيلك ساعة ماطلعت منه |
وجدت مخصوم من حسابي مبلغ رسوم بطاقة إصدار
الله يعين |
المشكلة بعد ماربطووووونا مع رقابنا.. بهالديون...!!!!!
يعني مافيه فكه منهم.... مانقدر تروح لغيرهم...!!!!!!!!! |
| الساعة الآن 12:29 am. |
Powered by vBulletin® Version 3.8.8 Alpha 1
Copyright ©2000 - 2025, vBulletin Solutions, Inc. Trans by
موقع بريدة