|
ياناس حبيت واحد .. والله واحد .. واثر المحبة صعيبة
ياناس حبيت واحد والله واحد ,, واثر المحبة صعيبة ,, وأثر المحبة تبكي عندما غنى احدهم هذه الاغنية الله اعلم ماذا كان يقصد بهذا - الواحد - هل هي فتاة او ولد !! الاكثر غرابة هي عندما فتحت قناة البي سي اللبنانية ليلة البارحة كان فيها لقاء سخيف عن الاجناس المثلية وهي تلك العلاقات الشاذة والداشرة بين الجنسين بين الذكر والذكر الفتاة والفتاة الاكثر غرابة هو وجود فتاة سعودية تحدثت عن تلك العلاقة بكل صفاقة وتبجح وسخافة << دائما مفشلاتنا الله يفشلهن تحدثت عن تلك العلاقات الشاذة وهي تبدي الفرحة وعدم التذمر بل انها ترى انها حالة استمتاع انتشرت هذه العلاقات المثلية بين البنات واصبحت تكوين نفسي لدى الكثير من تلك الشاذات المشكلة ان هذه الحالة اصبحت تنتشر في الجامعات والمدارس الثانوية المشاركات في البرنامج يتبجحن بانهن بحاجة الى عاطفة انثوية بعيدة عن الرجل الحاجز الذي ذكرته المشاركات هو عدم رغبة للرجل << مالت عليكن مير ذكر المشاركون في البرنامج ايضا ان هناك عوامل نفسية وتربوية وعوامل عاطفية فهل هذه العوامل التي يقولون عنها فعلية ؟ وهل لها واقع ؟ وهل هذه حجة للشذوذ؟ السمنسي كالعادة يتشرف بمشاركاتكم ومداخلاتكم دمتم بود |
الحمدلله على السلامة ياسمنسي وين الغيبة؟ موضوعك حقيقي ومنتشر بين كثير من البنات والعيال في المدارس وخاصة بنات الثانوي والجامعة المسالة تحتاج الى دراسات نفسية وإلى استشارات اجتماعية مشكور ياسمنسي والحمدلله على السلامة الساهر999 |
المشكلة يااخي بتلك القناة!!
فهي بزعمها تريد أن تتفرد بالجرأة !!؟ تباً لجرأة تأتي بهذا الشكل.... والمشكلة أنهم لايحلون المشكلة أم يناقشونها بأسلوب علمي!! بل يضعون المشكلة للدعاية لها.. ولإثارة من لديهم حس مضطرب!! (لا إلى هؤولا ولا إلى هؤولاء) !! ................. خارج النص: أقول يالسمنسي , يقولون أن قناة المجد سوف تناقش مشكلة الميل "للمثلية" في الجنس "شاب وشاب"!! ما رأيك؟؟ ............... |
اقتباس:
هلا بك يالساهر والله يقولون مطول الغيبات جاب الغنايم لكن القهر ان الغنايم طاحن من السيارة معليش خيرها غيرها يابعدي صدقت الامر منتشر وبشكل ينذر بالخطر للاسف ونحتاج مثل ماتفضلت الى دراسات واستشارات اجتماعية لايجاد حل لهذه المشكلة المشكلة اللي قهرتني والله يالساهر هي وجود بنت سعودية تمثل هذا الشذوذ في البرنامج يا اخي وصلت الصياعة حتى للبنات ؟ ياحيف على امهات القناصيع شرفتني يابعدي |
اقتباس:
اقتباس:
ساعي للحلم اهلا بك عضو جديد والله انك صادق بناتنا للاسف صارت تبي تتفرد بالظهور من خلال تصرفات عربجية وتصرفات خارجة عن الذوق والدين والاخلاق البنات صاعت ياعم خارج النص اتمنى يابعدي ان تطرح قناة المجد مثل تلك المواضيع واظهار ان هولاء الاشكال لايمثلون الا انفسهم ولايمثلون مجتمعاتهم وانهم محاصرون باسم الشذوذ شرفتني ياغالي |
موضوع مميز ياعجوزنا
والله انهم يرفعون ضغطي هالاجناس مدري وشلون يتحملون انفسهم الله لايبلانا احس عندهم نقص وودهم يعوضونه بااي شي لا ويكذبون كذبه ويصدقونها بالذات البنات البوي مصدقات انفسهم انهم رجال خخخخخخ الله يخلف على ام جابتهم كثر من هالمواضيع عساهم يعقلون ههههههه دمت بخير ..؛؛؛ |
اقتباس:
وعليكم السلام ورحمة الله وبركاته موضوع في غاية الأهمية منتشراً كثيرأ في المدارس والجامعات أسأل الله أن يحفظنا جميعاً سأقول الحقية نعم هذه عوامل فعلية فقد يفقدون حنان والديهم وأخوتهم أو إنشغالهم عنهم فيجدون من يلمهم ويرمي لهم الكلام المعسول ويحقق لهم مطالبهم هذا الشخص طبيعي إنك بتحبه نعم هذا واقع وليس خيالي أنا أرى الفتيات بأم عيني يتبادلون الهدايا وهذه تضم الأخرى بالساعات لو أنها وجدت ذلك عند أهلها وأخوتها لما تطرقت إلى هذا الأمر المذموم شكراً لك أستاذي عجوز مدري أيش ذذ طرح رائع جزاك الله خير :) |
اقتباس:
اقتباس:
التميز يانوفة هو وجودك وتشريفك متصفحي ياستي عاد هادي الله وهادي حكمته خلق لنا اشكل واجناس متعددة في العقليات والتفكير بعضهم اشتى لنفسه الاهانه والذل والخضوع للشذوذ من اجل رغبات شيطانية ارتضاها لنفسه مثل ماتفضلتي قسم بالله ما ادري وشلون بتحملون انفسهم ويطيقون ارواحهم على الحركات الله يعافيهم ولايبلانا << يتخيل روحه خكري هههه عيت تجي ودي اسألك يانوفة هل تجدين هذه الاشكال بازدياد ؟ وهل تشوفين ان الاسباب اللي ذكروها مقنعة لإتخاذهم طريق الشذوذ؟ تشكرات ياستي على التشريف واللي يوفق الجميع |
مراحب سي سمنسي
كيفك ان شاء الله بخير وشسمه ايه شفت البرنامج اللي تقول وحامت تسبدي اما الجزائريه نبي نخطبه لك خخ االله يستر هذا اسمه مخالفه للفطره الحيوانات ماعملة هيك يعني الحيوان اعقل منهم . |
الله يستر يالشايب من شفت موضوعك وانا خايفه على نفسي << ياااي
من اسبوع مبلشتني وحده بالايميل تقول احبك ,, اقولها من انتي تقول انا اعرفك بس انتي ماتعرفيني ,, تتوقع انها تحبني حب شين :( بس انا افكر اجرب الحب معها واشوف وش يكون واجي اقولكم ,, عشان يكون الموضوع موثق بحالات (ياناس حبيت لي واحد ) طبعا لاتعدو كونها تجريبيه فقط لفترة زميه الين يتقفل الموضوع كالعاده ,, اسبوع وارد لكم الخبر ,, واللي مستعجل على الأخبار يوم بيوم اتواصل معه بالرسايل الخاصه عشان يعرف نعمة الحب الفطري ,, يارب يارب يارب لاتعاقبنا بما فعل السفهاء منا ,, الحمد لله على سلامتك يالشايب ,, رجعتك بالأيام الي يعيش فيها المنتدى حالة خمول مو طبيعي ,, لعله يتحرك برجعتك وبإنتهاء الإمتحانات بعد كم يوم ,, فوووتك بعافية ,, |
الحمد لله على العقل اجل تبي حنان
|
اهلين خيو..
عودا حميدا.. والله وانا اختك انهن نصابات..لا نقصهن عاطفه ولا شيئ.. لكن قلة ادب ..وتقليد اعمى..الله لا يبلانا يبون الشهره ولفت الانتباه بأقصر طريق.. الله لا يواخذنا بسببهن.. يعطيك العافيه.. |
السمنسي موجود الحمد لله على السلامه
من قلب الحدث محدثتكم شهد ياكثرهن عندنا بالثانويه يع عليهن من بنات قسم اشكال تسد النفس امراض نفسيه تمشي والملاحظ انتشارهم بشكل غريب ... عن اذنكم بقى ساعه على الاختبار دعواتكم .... |
ما قهرني ... وهبلبي.. وفقع مرارتي حتى اني اصابني بحالة هستريا ,, إلا انهم يجاهرون ..!!!!!!!!!!!!<<- لين بيروت مدري ألومهم ,, أو ألوم اصحاب البرنامج ...؟ اوكيك البرنامج منيح.. يكشف للجهلة,, لعل وعسى ينتبهون لعيالهم ويربونهم عدل ,, لكن كان قابلوا معهم خلف الستار .. ما يصير هيك مترززين علناً قدام الناس ... تقول يقابلون مع غاندي او مع سبكتكين ...! او مكتشفين علاج لمرضى السكري ,, آآآآآآآآآآآآآآآآخ بس ودي افقع عيون هناء السعودية .. اللي من سمعت كلامها هالمريضة ما شفت الهناء خلت سمعة المرأة السعودية بالارض تقول احنا محرومين من الرجال ,, حرمت عليها العافية,, تقل مخلوقين للارتباط... مع رجل مع مرة مع بقرة !!! يا بنت الذينا اعرسي.. او تبينها بالبغاء ياللي ما تخافين الله اعجبتني اللي اتصلت ونفضت شراعها .. بس ماش ليت معي بطاقة شحن قسم اني لأطلع عليها من السماعة واقطع شوشتها من القهر وإلا عاد اللبناني كرم الله العيشة .. ما اقول إلا سبحانه الصبور.. اللي متحمله وصابرعليه يمشي فوق ارضه.. قرف × قرف اجل يقول انا مش مخلوق للدين .. انا مخلوق للحياة .. حيتن تلفك الليلة قبل صلاة الفجر.. قادر يا كريم لا ويتصلون بعد من الرياض وقطر.. مسوين انجاز.. ما يدرون ان وراهم عذاب أليم ,, منتكسين عن الفطرة .. هداهم الله.. او اهلكهم جميعاً * حفظنا الله من هذا الفيروس.. وابنائنا واحبابنا وكل المسلمين ,, اعذرني يا السمنسي موش عارفة اكتب باسلوب زين <<- حمقة وملحوقة ,, منحيلي منب اواطن التلفزيون والبرامج اللي تكرهك بالحياة.. لكني ملقوفة ذاك اليوم.. وش اسويبي ,, السلام عليكم ,, |
اقتباس:
المهم نجي حق الموضوع شفت الحلقة عادي زيي زي الملايين اللي شافوا جتني ماما وشافت طراطيش من الحلقه ماجاز لها الووضع قالت غيريه غيرته وطرت عالتلفزيون الثاني وللللل اثري امي بعد مارحت شاافته وجتني معصبه مووت .. اخذت لي كم دعووة يحبهن قلبكم >>هئ يارب ماهي ساعة استجابه المهم وانا اتفرج مادري ليه الجو بالاستديو والعالم اللي يحكوا مسووين الوضع عادي وكلامهم : انهم ناموا مع اللي يحبون وصلوا لي الووضع انه فري وطبيعي >>هي خلئت ربنا بعد يووم استووعبت الوضع وشدة فضاعة اللي اسمع يممه كيف قدروا يوصلون لنآ جريمة زي ذي بهالشكل السلس حسبي عليهم .. كيف بااوصل اللي في بالي يعني حنا محافظين وحسينا هالاحساس ولو >>للحظه اجل وشلوون الدشير واللي فيهم بلا مشكووورين وحمد لله على السلااااامه |
مازالت تيارات القهر تتوالد ,,
^^^ دموسة .. فضحتين عن أبلا سمنسي .. بيقول هذي متغبية وراء الطاولة:a7:.. هذي مرة عموو جنبي .. تقول أول أيام ما كنت أدرّس وفيه هالحركات .. يعني معلمات <<- انتبه للنقطة هذي ,, تقول مرة طحت بهن بغرفة المعلمات .. وانا طالعة للبيت .. لا وبملابس (مشفر) بعد .. قاتل الله مربيات الجيل بمثل هذه العقول<<- ان كان بووووه عقول ترا مرت عمي تقاعدت الحين <<-- انتبه هالكلام له 25 سنة!! ^^^^^^^^ تم هذا الرد بعد قراءة رد شهد ,, |
[align=center]سمنسي تصدق البارح بالأستراحه سألن واحد يقول وين سمنسي مفقود !!!
لاتصير انت اللي معي بالأستراحه وتلعب علي ! حمدلله على سلامتك ونرجع للموضوع اقتباس:
الدعوى ضايعه ياسمنسي والله يستر بس ![/align] |
اقتباس:
ع قولة عاشق (طووط) قصير ودرءا للموضوع وعن قوولة اني ماسوولفت بموضوع العجوز موضوع رايع يصلمو ومن هالكلام الرخيص والله صاير الصيمنصي مثل القناة المذكوورة مع حفظ المقامات نسبه ونتابعه |
[align=center]حمدلله على سلامتك ياسنمسي
ايه خابرك ماطالع البرامج لكن شكلك بهالغيبه متجوز وينقالك تبي تعلم العروسه انك رومنسي ايه هين يومين وتنقلب عليها وتوريها نجوم الظهر بالقائله.. يقال ان مالكم امان يارجال!! الامان بس بالعلاقات الشاذه! هذا قول على قول من بعض النساء!!.. الشذوذ هو موضه انتشرت بسبب عدم وجود الرقيب والتوجيه فمن المفترض إن تقام محاضرات بالمدارس والجامعات لانها موقع التجمع لهذه الظاهر السيئه كذلك المتابعة المستمره ومعاقبة الصارمه. لكن الظاهر ان المسؤلين يعتقدون انها ظاهر شخصية وحرية!! يعني بعد ايام نصير مثل امريكاء وحليفتها لبنان الخايسه ببرامجها المدمره للشعوب الاسلامية.. شكرًا لك[/align] |
عجوز سمنسي الإعجاب بين البنات في المدارس والكليات منتشر كثيراً لكن الشذوذ الجنسي بين البنات ولله الحمد نسبته قليله ! ولاأنكر وجوده أبداً لأني رأيت بأم عيني حالة شذوذ في الكلية وتمنيت اني لم أراها يقال ان سبب ذلك الأهل ربّوا بنتهم على كره الرجل وكل جنس ذكوري لحد مانشأت البنت على هذا الشيء وصارت لاتحب ولاتثق الا ببنت مثلها! اذن اساس المُشكلة من الأهل ومن تربيتهم الخاطئة لها خوفاً عليها |
اعوذ بالله المشكله اكثر الشذوذ الجنسي عند الاولاد
عندنا ببريده> وش بريده القصيم كلهتنسيم ياخي اما اني ابعشقل يواحد يبيله رجال |
اقتباس:
يالبى ياانتي حنا معترفين ان هالمشكله فيه بس الغلط على طريقة مناقشه الموضوع مع الاعتذار لصاحب الموضوع |
اقتباس:
دموس:) للأسف مافهمت قصدك ,, ممكن توضحين؟ |
اقتباس:
معليش لكن انا مثلك ياتلميذة ودي اعرف وش اللي مش عاجب الاخت ديماسة هل هو طرح الموضوع للنقاش ؟ او فكرة الموضوع ؟ ام ماذا ؟ تحيتي |
يا حليلك ياالسمنسي
ياحليلكم يالاعضاء كّأنكم من الّمريخ ولآمن مجتّمع منّغلق غير مصّدق بالي حاّصل حُوله نستّغرب الوَضَع هّذا والا شّفنا الآسبّاب العشرات بل المئّات االمؤديَة له للَمثال لا الحّصر المّجَتمع والبّيئة المدرّسة النّت رواّيات الجّوال :) قّنوات صّديقات كوفَيرات وكّم من البّلاوي تعَلمتها البنَات منّهن لا كّثرهن الله فلإنترنّت مثلاً تشّوف فيّه البَنت عبر كمَبيوترها الخّاص في غرفتّها كل ما تّشاء فتَخيل إذا وقعّت بمواقع الشّذوذ والشّاذات السّحاقيات وّش تبي تّصير ؟؟ :e5: طّالَبة علم ولا شيَخه ؟؟ والله حّاله , بعض النّاس يحّطون اّلنار عّند البَنزين ويَقولون ليَش الحّريق ؟؟ |
اقتباس:
خخخ تعالي ياحيي كودني ارد على كل واحد شووفي ياحيي ترينا ندري عن اللي يصير عندنا بس المعضلة والطامه وووشلون يناقش البرنامج هالقضية انتي يكفيك السعوووديه كيف كانت تتكلم // مع الاعتذار للكهل |
اقتباس:
يااربيه انا اقصد مالك مكتبي كيف يناقش الموووضووع مو العجووز يعني فاكهته المفضله هالاشياء يعطي الموضوع ايا كان جنسي اوشعووذه يخلي الضيووف يتكلمون ساعتين واذا دق شيخ قال دقيقتين يافديلتو الشيخ بس التعبير خاني اصلا من ردي الاووول واضح ويوم اقوول مع الاعتذار لصاحب الموضوع يعنني مسوويه ذووق اني ارد على الاعضاااء فقط عساكم فهمتووني |
حب جنس مثالي لله أفضل الحب ويعتبر حب ناجح لللأبد
لكن دوافعنا شريره بقل ديننا تحياتي لك |
بالنسبه لي اشوفها ظاهره اشبعت نقاش وتحليل :)
فالاسباب والمبررات الجميع يعلمها ،، لكن انا ابي اعرف لحد متى وانتم متوهقين بقوله بنت سعوديه :p خير ياطير ؟؟ ثم ماذا ؟؟ ادشر اناثي بمصر بالاجازات هن السعوديات ! على سبيل المثال يعني لا الحصر :) والوضع هنا بالسعوديه من قوم حبيب .. بس من تحت لتحت ياذا السعوديات اللي ماخذين فيهم مقلب :) مشكور حبيبي سمنسي |
قنوات لبنان ما تصدر لنا الا هذه البرامج الوقحه ويسمون ما يفعلون هؤلاء الاشخاص حرية شخصيه اى حرية شخصيه هذه انه فجور والعياذ بالله مع العلم ان هؤلاء الاشخاص موجودين عندنا ولكنهم متخفون اللهم اصلح شبابنا وبناتنا
|
[align=right]حمدا لله على سلامتك ...[/align][align=right]
هذه البرنامج المقزز جعلني أياما لا أطيق نفسي هذا البرنامج تجاوز اللامعقول بزيادة ..!! نجد بنات في الخارج يطلبن المعانقة المثلية رغم تواجد الاختلاط في مجتمعهم الذي يهيء الصداقة بين الذكور والأناث .. مما يلغي في مجتمعي أن تواجد هذه العينات لعدم الأختلاط مع الجنس الآخر . الحمد لله على العافية .. الله يعافيهم ولا يبلانا [/align] |
تداعيات الموضـة الزائفة,, قد تجرفهن إلى الهاوية ..
قد تنحصر الأسباب جميعها في انعدام المراقبة سواء كانت ذاتية أم أهلية .. وجفاف قاحل في التعامل السوي ..! وقد تكون لا لشيء إلاّ لمجرد لفت انتباه أجوف .. يتعبه تنازلات خُلقية هائلة .. الفاضل: عجوز .. ما الذي يقلق عندما تتحدث بهذا الشكل العلني ..؟ ربما ظاهرياً ننزعج ونجد أنها قمة في دناءة الخلق والتوسع المفرط في نزع الحياء.. لكن أجد أنها تُلفت انتباهنا لأشياء قد نغفل عنها ..! أشكــرك .. تهاني.. |
[align=left]مآوقفت يآوخيي.؛[/align]
|
مشكله عافان الله واياكم منها..
وعجوز>>اذا بنت اتصلت وايدت ذالك فلا تعم بنات المجتمع كاكل فتعرف ان السعوديه منطقه كبيره ومتعدده التقاليد والعادات فالبنت ما تعم بنات السعوديه كلهم ((الشر يعم والخير يخص)) ولاننكر ان هناك اعجااب بين البنات وبين الشباب بالمدارس والجامعات ولكن لاتصل الى الشذوذ الا بفئه قليله وعسا الله يهدي الجميع,, امنيتي بمشاركتك القادمه موضوع يخص الشباب.. |
اقتباس:
الكريمة فتاة نادرة سلام معطر برضى الرحمن ياسيدتي وهل غفلة الاهل عن البنت او الولد تؤدي بهم الى هذا الشذوذ ؟ كثيرون هم من غاب والديهم ولم تجنح بهم انفسهم الى تلك الرذيلة لاباس ربما نحب او نعجب لكن ان يصل الامر الى الرغبة في ممارسة نوع من الحنان كما يسمونه او نوع من الممارسة الجنسية معهم فهذا هو الامر الذي لايطاق ربما لايلام من وقع في ممارسة جنسية مع جنس غير مماثل له لكن كيف تستسيغ النفس ممارسة كهذه مع جنسه ؟ عاد ماوقفت الا عجوز ذي ؟ ياكثرها الخبايا عند العجوز سلمت اناملك وشرفتي متصفحي |
اقتباس:
اقتباس:
هلا وغلا بك ياقلبي اجل وش اسمه ؟ اسمه غليفص بن فليعص وش اللي وشسمه انت وصقعتك؟ ايه ماعلينا نجي للمهم اجل حامت تسبدك ؟ والله ما اظن شكلك خاقها على الجزائرية العجوز ام شظاف تصدق عاد اني انا اللي حامت تسبدي وفوق هذا رحمتها عندي احساس ان ما احد من البنات معطيها وجه من يبيها ياويلي عجوز وشينة وكربة والقهر انها ياحبة عيني قاصة كاريه يقالها طالعة وااااو الله يعافيهم ولايبلانا حريم واستهبلت !! وش ترجي ؟ شرفت ياقلبي |
اقتباس:
اقتباس:
ههههههههههه الله يسعد الطلة ياعلشانك انتبهي يابعدي من الاشكال ترى عيونهن زايغة وناوية فيك نية قشرا اجل تحبك وهي ماتعرف ولاشكلك ؟ وشلون تجي ذي ؟ شكلها صايعة بنت الصايعة انتبهي تجربين تراك تروحين وطي وش تجربين ؟ ضم وخم وحنية ؟ يالهووووووووي ياخراشي يامصيبي عاد تراكم مابكم ملح اذا جربتوا على طول تستانسون الله يسلمك ياعلشانك ويرضى عليك ويحميك ويصونك من شر الاشرار وكيد الفجار دمتي بخير |
[align=center]الين اليوم : دريتا والا مادريتا ؟
يقولون حاطين البنات حملة على الشباب ياتصيرون سمنسيين والا منسيين هههه من زينكم نصير رومنسيين ؟ اصلا من شافكم من وين تجيه الرومنسية << حامضة علينا[/align] |
فعلا هذا اللي حاصل في بعض الجامعات والمدارس..
واذكر قبل كم سنه بالكلية كنا انا وزميلاتي جالسين بالطاولة وكانت طاولتنا بمكان استراتيجي!!يعني تشوف اي شي يصير بدورة المياه لان المرايا تكون عاكسة..ومره وحنا جالسين لفت انتباهنا بنتين بدورة المياه قاعدات يسون حركات....!! والله تخجل..!!اضطرينا انا وزميلاتي اننا نصد وبعضهن هجن ماتحملن^_^ وغيرهن كثيرررر وخاصة في المدارس..تقول اختي تعالي شوفيهن اخر يوم من الاختبارات اذا جن يتوادعن هوايل!! ما اقول الا الله يهديهم .. ويعافينا مما ابتلاهم به,, شكري وتقديري,,أخوي عجوز سمنسي,, |
عودا حميدا مؤبدا عجوزنا الفاضل :) ,, بالنسبه للموضوع من فين نبتدي ومن فين ننتهي!! امراض العصر مازالت تنخر في مجتمعاتنا لا تلومهم عجوزنا هؤلاء اجساد بشريه بعقول بهيميه اعزكم الله ,, ,, الله الهادي ,, ,, اممم وبعدين نفسي افهم هادي البرامج المقرفه كيف تشاهدوها << ماتعرف شي اسمو تلفجن :) موضوعكـ لاتعليق لدي عليه اكتر من ذلكـ تقديري الكبير لشخصكـ الكريم تحيتي |
| الساعة الآن 06:57 am. |
Powered by vBulletin® Version 3.8.8 Alpha 1
Copyright ©2000 - 2026, vBulletin Solutions, Inc. Trans by
موقع بريدة