|
ارجووكم اوقفو المهازل في المتوسطه21 .. ضرب للطالبات بشكل مهين
السلام عليكم ورحمة الله وبركاته
بدايه احترت الى اين اوجه رسالتي فلا اعرف شخصا بعينه يعمل في ادارة التعليم او يستطيع ان يوصل صوت الصغيرات اليهم.. فاتخذت هذا المنتدى الرائع منبرا للحق .. عل وعسى ان يقراه المسؤلون او من يستطيعون ارسال هذا التقرير اليهم جعله الله في موازين حسناتهم فكل مافي هذا التقرير للاسف هو حقيقه مُره للاسف ولسوء الحظ فانا طالبة تطبيق في تلك المدرسه كثير هم من تكلمو عن سوء التعامل فيها لكن قلت (يابنت الحلال يمكن خيره ) رايت في المدرسه مالم اتوقع ولا 1% ان أراه ا وان يوجد في مدارسنا صحيح سمعت لكن لم اصدق ضرب للطالبات بكل اهانه وحقران صفع على الوجه – شد الشعر امام الطالبات والمشي بالطالبات ناهيكم عن الوقوف شبه طوال اليوم الدراسي والا الطالبات وجيههن للجدارن احدى الحصص دخلت عليهم بعد الساعه 10 واذا بطالبات يدخلن بيدهن كراسي -وين كراسيكم ؟ - ابلى من الحصه الاولى موقفنتا المدريره تحت !!! اليوم شاهدت الحوار امامي - ابلى الله يخليك تعبت وقوف بروح للفصل والله ماعاد اتاخر ثانيه <<< شكل البنوته برئ وصغيره ياقلبي - ايييش من متى واقفه ؟ - قبل شوي بس والله تعبانه بجلس قلت لك غصب عني تاخرت - لابعد لك لسان وتطولينه اقول عقاب لك توقفين حصه زياده - ابلللللى تكفييييييييييييييييييين - عناد حصتين متى اصبح التعليم عناد ؟ ادعو اداره تعليم البنات بزياره قصيره جدا للمدرسه لترى المهازل الموجوده كثيير جدا من الطالبات خارج الفصول والسبب قليلات ادب ! هل هكذا تعالج الامور مسكت احدى الحصص وكثير قالو عنه انه مزعج قابلت احدى المعلمات فكان الحوار -عندهم ؟ -ايوه - الله يعينك شوفي من قبل ماتدخلين فلانه وفلانه وفلانه واللي تحسين انهم يلعبون طلعيهم برا الفصل خليهم يوقفون قبل ماتبدا الحصه - عفوا كيف بطردهم وانا ولاحتى دخلت عليهم - تشوفين كيف تطلب مني اطرد بنات بر الفصل قبل ولاحتى اجرب تعاملهم وحتى لو جربته مستحيل اطرد أي طالبه برا الفصل لان الطرد اسوء وسيله للتربيه طيب طرتها وبعدين هل هذا حل؟ دخلت على الفصل ولاانكر خوفي الداخلي من (قلة ادبهم ) اللي تكلمو لي عنها سلمت فعلا كان بالبدايه ازعاج لكن الحمدلله سيطرت على الفصل وكان من اروع الفصول لان بكل سهوله لم ارفع صوتي عليهم كالمجنونه او اضربهم كالجلاده تعود لموقف اخر تكلمني عنه احدى طالبات التطبيق ايضا ارتفع صوت احدى الطالبات بالمشاركه والحماس واذا باحداهن تدخل وبكل عنف خاليه من الاحاسيس وتصارخ ولم تعطي لزميلتي الفرصه للكلام او معرفه السبب تشد شعر الطالبه بشكل عنيف جدا وتضربها واذا بالمدرسه تسجب الطالبه مع شعرها وترميها برا - خليك واقفه ياقليله الادب خرجت زميلتي برا الفصل واذا بالطالبه تقول ابلى عاااااااااااااااااااااااااااادي متعوديها ليتها على كذا وبس حتى الان لم نفهم مالقصد بـ ليتها على كذا ! احدى زميلاتي دخلت حصه انتظار وبدات بالحوار معهم وماطموحاتهم ونواياهم لعطلة الاسبوع احداهن قالت بالحرف الواحد ياي وناسه بنرتاح من ابلى ( الجلاده ) لنا اسبوع كانت تلك الحصه الخامسه سالتهم ايش احلامكم قالت اتمنى اغير المدرسه مليت تعبت بغيب يقول ابوي لا مافيه غياب سالتهم ليش تبين الغياب ؟ قالت تعبت مليت ابللللللللى ابلاتنا قليلات ادب ( ياربي تقولها بكل براءه ) تصدقين ابلا فلانه ضربت صديقاتي الحين صديقاتي من الحصه الاولى واقفات تحت وطول اليوم بلحالي بالله عليك ابلى وش فائده المدرسه ياااااارب اموت وارتاح قولي امين زميلتي حاولت لا بنات مايجوز تتمنون الموت الحياه حلوة وادعي ربك يسهل اموركم وموقف اخر رايته بنفسي مضحك وبنفس الوقت مؤسف دخلت احدى الايام الساعه 8 الا ربع واذا بي ارى طالبات وجيههن للاعمده !!!! اسالكم بالله هذا اسلوب تربيه مهما كان سبب العقاب تاخر صباحي هناك الف حل وحل منها معرفه السبب وعلاجه ان كان من الاهل يجب الاتصال بهم ان كان من الطالبه فهناك اسلوب اخر وكثره العقاب تسبب تبلد فعلا البنات متبلدات وممكن يكونون فعلا قليلات ادب وطبيعي بيكون كذا على التعامل اللي يلاقونه اسالكم بالله ماذا تريدون مستقبل هذه الطالبات ؟ واي اخلاق او طريق سيسلكن ؟ واخرى صغيره ملاك رايتها بنفسي شعرها مربوط بشباصه صغيره وبجانب الفصل اذا بالمعلمه تاتي اليها وتشد شعرها بشكل لايصدق وتهاوش عليها وتشد شعرها بقوة وتحرك راسها رايحه جايه بصراحه كان بيني وبينها مسافه منعتني من سماع الحوار لكن كفاني المنظر بان امسك راسي بدون شعور شي غريب المدرسه وعرفنا اسلوبها لكن اين امهات الطالبات ؟ لااخفيكم ان الطالبات وضعهن بالغالب مؤسف جدا سواء الحاله الماديه او الاجتماعيه واعتقد ان هذا سبب لسكوت الاهل وصبرهم عتابي على اولياء الامور اين هم عن بناتهم وكيف يسمحون لاحد ان يلمس شعره منهن ؟ عتابي على اداره التعليم وكيف لم تراقب المدارس عتابي على تلك العقول المتعلمه التي تحمل اسم معلمه وهي بالاصح جلاده المديره نفسها قالو عنها محترمه ومتعاونه تفائلت خيرا حوار بيني وبينها باقل من دقيقه عرفت منها معنى الذل وعدم الاحترام حمدت ربي انها ايام وبتعدي لكن تلك المناظر بمخيلتي لم و لن انساها الان عرفت قيمة كليتني التي طالما مللت من معاملها .. والحمدلله ماهون علي المواقف مشرفتي معلمه بنفس المدرسه لكن تتحلى بالاخلاق والادب حفظها الله وكثر الله من امثالها والله على مااقول شهيد ارجوكم انقذو الصغيرات او اللي يعرف ايميل او موقع اراسل فيه اداره التعليم يرسله لي لان الوضع مايسكت عليه وجزاكم الله خيرا |
مبالغاااااااااااااااات
و طالبة كلية مالها الا ايام بالمدرسة و راح تمشي مالها الحق بتقيم الادارة و المعلمات !! !! تقبلي مروري |
اقتباس:
مبالغات ! اتمنى وياليت فعلا انه مبالغات لكن للاسف هذا اللي يصير اذا كان مالي حق اقيم فلاداره التعليم الحق انها تراقب المدارس والفوضى اللي تصير داخلها |
بصراحه انا دخلت المدراس والبنات صايررررررررررررررررات قليلات ادب وعندهم جراءه باللسان الوحده كانها متخرجه من مرحله مصارعه الى مرحله طول لسان الى مرحله مراهقه الى مرحله كشخه ثم تتخرج والمعلمه تتكلم كانها تشحد ولاحد يرد عليها
مهما كان المعلمات مايضربون او يتكلمون عبث ولازم نقدر تعبهم تجاه البنات اللي والله يشيبووووووووووون الراس...... وانتي باختي صدقيني ماعاشرتي كثيييييييييييير او بالاصح ماشفتي الجانب المظلم منهم .. بس قاموا يتشكون رحمتيهم صدقيني لو دخلتي معك بروجكتر كان قاموا يصفقون ويقولون هلا بالطقاقه ..ولو كنتي بوسط الساحه ومعها اي علبه او حلى رمته انتقام على راسك ؟؟ هذي اشياء بعيوني شفتها وغير الكلام من حركات الاعجاب او الاستهزاء والضحك يعني بالعربي مو كل البنات مظلومات الى درجه انه في (مدارس بنات)حصل عراك بسلاسل حديديه سلالالامات وين حنا فيه حلبه مصارعه او مضاربه في الباااص وصراخ قدام السواق.... وين البنات ؟؟وين الانوثه والبراءه ؟؟ سامحيني نفسي اشجعك على رايك بس ماشفته خلالالاني اقولك رائي بصراحه ..... شـكــ وبارك الله فيك ـــرا لك ... لك مني أجمل تحية . |
أي كان السلوك من الطالبات
لايمكن ان يبرر الضرب وشد الشعر ثم اين المرشدة الطلابية..؟؟ اين الوكيلة والمديرة..؟؟؟؟؟ الف حل وحل قبل الضرب وشد الشعور والاهانة..؟؟؟؟؟؟ظ وبعيدا عن تصديق احد دون احد او ان التي تطبق تعاطفت بزيادة مهم ان تحقق ادارة التعليم بموضوعية وحيادية بالمسالة وبرأيي ان هذا هو اهم ادوار الادارة بعيدا عن الحفلات والمناسبات العابرة |
اختى اذا انتي ايام وشفتي مثل كذا اجل باقي السنه وش يصير ؟؟؟
والمفروض ان الامهات اواولياء الامور الي يرفعون لاداره التربيه والتعليم سؤال باي حي المدرسة؟؟؟ |
اقتباس:
|
هذي ثكنة عسكريه وليست مدرسة تربويه .., ؟
( إن ) وإن أدات شرط .., إن كان ماقلتيه صحيح فبحق الجزاء في حق المتسببه من معلمه أو مديره أو وكيله يجب أن يكون كبير و ينشر على جميع المدارس وحتى يستقيم المعوج ., وإن كنت أجد أن لأولياء الأمور الدور الأكبر و الأعظم .., فكيف يسمحون لبناتهم أن يُعمل بهن ذلك .., ؟! إلا إن كان ثمّة مانجهله ولم يتم نقله لنا ., ؟! تحياتي .,’ |
الاستاذه ,,,,,,,,وانتى طالبه تطبيق وتوك جديده علا المهنه يمكن فيه تجاوزت من الاداره بس ماتوصل لكذا وين حنا فى( غوانتنامو),,,,,,,,وين اولاياء الامور عن هالمهازل على حد قوللك
|
اقتباس:
فعلا احس بنات اليوم متغيرات بشكل وللاسف للاسوء من ناحيه قليلات ادب فهن فعلا قليلات ادب لكن فيه اساليب تربيه غير شد الشعر والتبلد وكثره الضرب تزيد قلة ادبهن يعني قلة الادب فيها فيها دام انهم يضربون اهلا فيك |
اقتباس:
فعلا اين الادراه واين القوانين يمنع ضرب الطلاب ويمنع طردهم ؟ ! لانريد كلام ورق نريد مراقبة على المدارس وتطبيق الطالبات فعلا فيهم قلة ادب لكن مهما كان ماتوصل لـ مد اليد ابدا |
اقتباس:
اهلا زيزو الحمدلله انها ايام وبتعدي ان شاء الله نفس استغرابي اين اولياء الامور لكن مارايته من سوء معيشه الطالبات جعلني افكر امكانية ان يكون هذا سبب يعني عجبك اهلا وسهلا ماعجبك بلاش المدرسه بحي اللابديه - المغتصبه |
حشا وين عايشين؟؟ أختي حتى لو كانت ظروفهم المادية سيئة هالشئ مايخليهم يرضون بالغلط !!!والضرب في المدارس له ضوابط وأكيد المشرفة الإدارية للمدرسة والإشراف التربوي عموما مايرضون بهالشئ يعني لو توصلين الخبر للإشراف بتنحل المشكلة أكيد.
أختي عندي ملاحظة طبعا أنا مااعمم بس( أنا الاحظ ان الإعجاب والكلام الفاضي مايظهر بشكل واضح إلا أثناء فترة التربية العملية يعني فترة تطبيقكم ) واخيرا مشكورة على نقل الصورة والله ينفع بكتابتك ويجزاك خير |
[glow=ff0000]مين انتي حتىتقيمي احد انتي مجرد طالبة كلية فلا داعي للمبالغة اكيد انتي حاقدة لسبب ما[/glow]
|
السلام عليكم ورحمة الله وبركاته
حسبى الله ونعم الوكيل .. إلا الدرجة الاهانة ؟؟؟ هاذي مديرة المدرسة اكيد عندها واسطة واسطة ... |
اقتباس:
المتسببات اللاتي رائيتهن احتفظ باسمائهن لااعلم ان كان هناك غيرهن لم ارهن نطالب اداره التعليم وشئؤن الطلاب بالتدخل العاجل وزياره قصيره جدا لاحد المشرفات لوضع حد للمهزله شكرا لمرورك |
اقول يكثر الشكوي الى تجي من بعض المدارس
وتصير حبيست الادارج في المتابعة لن المدير العام بلش في نفسة والمساعد للشئون الادارية والمالية كذلك بلش في نفس يخف يوخر عقب التعديلة الجديد |
اقتباس:
اهلا الذاهبه الحمدلله اني طالبة تطبيق فتره وتعدي ولست احدى الطالبات لكن رغم انها فترة قصيره تعبت نفسيتي من بدات تطبيق هناك ومن حق ادارة التعليم معرفه ذلك لتوقف المهازل اللي تصير رغم ان العتب عليها لعدم المراقبه فللاسف اداره التعليم قوانين وقرارات باوراق يتم ختمها وتوقيعها و(يسكرون ) عليها بالادراج |
اقتباس:
يلا على يدك كيف بوصل الكلام هذا للاشراف ؟ كلي ثقه ان كل ماقلته صحيح وكل ذلك امامنا فمابالكم بما نجهله وكتابتي هنا ليس للعبث فلي هدف ذكرته بالموضوع اريد ايصال هذا للمسؤلين فـ ساعدوني اما بالنسبه للاعجاب والكلام الفاضي هذا قصه اخرى افكار تلعب بعقول الصغيرات لها اسبابها وعلاجها يكون باحدى المعلمات الناصحات تبع مصلى المدرسه <هكذا كانت مدرستي ومعلماتي في المتوسط حفظهن الله وكثر الله من امثالهن شكرا لك |
اقتباس:
على رسلك فماهذا الاندفاع انا طالبة تطبيق نعم وبكل فخر من حقي ومن حق الكل التكلم والتقييم ولعلمك قد طلبت احدى دكتوراتنا حفظها الله تقييم المدرسه التي نطبق فيها ووضع السلبيات والايجابيات والحلول ..... فانا أقيم بقدر ما نقلت الواقع - لمن أظن انهم بهم نفع - ومن ردك اتضحت لي شخصيتك مبالغه! اتمنى هذا فعلا .. اتمنى ان ماسطرته يدي يكون كتابات قصص خياليه او شي من هذا ولايكون واقع من واقعنا المرير ... شكرا لمرورك |
يــــــــــاربي مابغى احد يتكلم عن المدرسه هذي
انا ماافكر بالضرب لاني سمعت عنه كثييير بالمدسه هذي وتقريبا صار عادي تفكيري وين الاباء ؟؟؟؟؟؟؟؟ يعني عادي عندهم (الـ ) بناتهم تضرب مانبغى كلام وبس وين ادارة التعليم عن اداره المدرسه شكرا لك الاستاذه لطرح هذا النقاش <<< اصبري احس ربي مرسلك لهم :) توصلين صوتهم لإشراف البنات جعله الله في موازين حسناتك |
اقتباس:
وانتي مين انتي حتى تتكلمي بهالأسلوب .. :36_1_1[1].. لا تكونين تبعهم |
بغض النظر عن الكلامـ إذا هو صدق أم كذب أم مبالغهـ
فإذا كان هذا الأمر حقا في مدارسنا فلا عجب في الجيل الحالي فأتوقع مايفعلونه الآن نوعا من الإفراج عن ما في نفوسهم ..( فإني أكرهـ وبشده الضربـ وبأي سبب كان) فإذا الرسول أمر بالضرب للصلاة ولم يقصد الضرب الإهانه والذل كما رأيت من كتابة الأستاذة فهناكـ ضرب تأديبي وشتان بينهما .. فأتمنى من المسؤلين التحقق من الموضوع وأتمنى أيضا أن يكون من خلف ستار حتى تنكشف الحقائق .. شكرا الأستاذة على هذه الطرح وأتمنى ان تكوني أستاذة جديرة في المستقبل .. موفقهـ بإذن الله ... لك مني أجمل تحية . |
شكرا لك على هذا الاحساس المبكر بالمسؤؤليه 00 وفعلا يجب على كل فرد منا اذا رأى سلبيه او خطأ ان يقوم بتعديله باي وسيله يمتلكها ولكن الاولى ان تعالج هذه المواضيع بعيدا عن العلن 00 لان هذا الامر يجعل من الشكاوى الكيديه امر وارد -- بغض النظر عن موضوعك--
اما بالنسبه للقسوه فهذا شئ للاسف نجد انه موجود وانا معك في البحث عن وسيله معينه سواء مع الاشراف التربوي او اداره التوجيه والارشاد او التوعيه الاسلاميه00 او اي جهه تملك القرار وتعمل على تنفيذه 000 وواضح ان شريحه من المجتمع بحاجه الى دورات في فن التعامل والاحتواء والتغيير 00 وغيرها حتى نتجنب الوقوع بمثل هذا التصرفات الخاطئه وصدقوني مهما بلغت فضاضه الطالبه وقلة ادبها يمكن احتوائها بالحنان والتعامل الحسن وهذا امر امرنا به ديننا الحنيف فالرسول صلى الله عليه وسلم يقول 000 ما كان اللين في شيئ الا زانه 0 وقد عاش انس تحت كنفه عشر سنين وهو غلام يخدم الرسول فلم يكن الرسول يعنفه قط والله تعالى يقول (ادفع بالتي هي احسن) فرفقا بالقوارير 000 رفقا بزهراتنا اليانعه لماذا نربيهن على الشده |
احمدي ربتس العيال اردى .
|
السلام عليكم ورحمة الله وبركاته
أنا طالبة تطبيق موجوده حاليا في المدرسه ولم أسمع أو أشاهد أي شي من هذا الكلام بل العكس حيث إن مديره المدرسه قمه بتعامل والاسلوب مع الجميع مع الحزم والشده في الامور التي تحتاج إلى ذلك {إتــــــــــقي الله} حيث إننا قد طردنا من مدرسه وهي قد استقبلتنا بصدر رحـــــــــــــــــــــــــــــــــب |
اقتباس:
لا أستغرب أن أسمع مثل تلك التصرفات من بعض المعلمات واللواتي نزعت الرحمة من قلوبهن .فما تتلقاه تلك المعلمه من صفعات وإهانات من زوجها في المنزل تقوم بإفراغه على طالباتها في المدرسه . لابد من زيارة المدرسه وعمل تحقيق موسع مع جميع العاملات ومع جميع الطالبات لكي تتضح الحقيقة ومعاقبة من تجاوز ت النظام . |
اقتباس:
والكثير الكثير خلف اسوار تلك المدرسه الواسطه مهما كانت لو كان عندها واسطه كيف اصبح لديها قلب بهذه القسوه ؟ |
اقتباس:
لكن نريد حل لها نريد من يوصل هذه الاصوات للاداره شكرا لمرورك |
اقتباس:
الحمدلله تكلمنا :) سمعت قبل كثير تكلمون لكن كلام بلا هدف لكن بعد مارأيت الواقع امامي لااستطيع الصبر والصمت |
اقتباس:
اهلا المحبه لكم نتمنى فعلا ذلك من الاشراف وادارة التعليم مراقبة المدارس فـ الوضع مخجل حقاً |
اقتباس:
كلامك رائع جداً كثر الله من امثالك السلبيات التي رايتها لااستطيع كتمانها والاحساس المبكر لايريده (البعض) فانا هنا اقولها وبكل صراحه رضي البعض ام ابو الحق حق واكررها نطالب التدخل من الاداره والاشراف لااريد ان يكون موضوعي مجرد كلام ومناقشات فالتعامل والاسلوب وحتى العقاب له (حدود) |
اقتباس:
حتى العيال اسلوب التعامل والتاديب له طرق اخرى بالاول كانو (يسطعوننا ) ونجزع ونرفض السكوت الان يشدون الشعر غريب هذا الوضع |
اقتباس:
عفوا ًاشك بذلك تقوى الله هو من جعلني اكتب هذا التقرير وامانتي واحساسي بالمسؤلية دفعتني لذلك |
اقتباس:
ذكرت في تقريري الحقيقه التي يريد (البعض ) تجاهلها او كتمانها والبعض الاخر يسمع و(يعدي ) انا هنا لااستطيع التجاهل او الكتمان فمجرد ذهابي لها هذه المده القصيره تغيرت نفسيتي للاسوء وانا هناك (معززه مكرمه) لكن لااستطيع او اتحمل ان ارى صغيره تضرب امامي او ان تهان فما بالك بمن تضرب ؟ ! تدرون يعني ايش البنت تضرب ؟! لاانكر ايضا تعامل بعض المعلمات الطيبات ومنهن مشرفتي قمه بالاخلاق والاحترام الفتى العصري اتمنى ذلك فعلا من اداره التعليم زياره وتحقيق والاهم نظهر بنتائج فوقتها سيرون ان اداره المدرسه تحتاج لسياسه جديده |
أسمحيلي يأختي كلامك مبالغ فيه ,,
مو معقولة المديرة والمعلمة والمرشده وغيرها ... كلهم نفس الأسلوب بالقوه والشده.. ومو معقولة مافي ولا ولي أمر ماراح وأشتكى .. وإنتي سمعتي من جهة واحدة وهي الطالبة وماسمعتي من جهة المعلمه .. وبعدين على حسب علمي الضرب ممنوع مع إني أتمنى يكون مسموح لأنهن أردى من العيال , وماأقولك الكلام إلا إني مجربه قلة أدبهن ,أختي إنتي طالبة تطبيق مايحق لك تحكمين على هالأمر مثلك مثل معلمه مقابلتهن سنة كاملة .. أتمنى إنك تقبلين وجهة نظري بصدر رحب ,, |
اقتباس:
لاالومك بقول مبالغه فانا نفسي لم اصدق ماسمعته حتى شاهدته بنفسي لذلك نطالب من الاشراف زيارة وتحقيق بالوضع لتقف على الاوضاع بنفسها الضرب ممنوع بالورق وليس بالافعال اردى من العيال بسبب التبلد المزروع بداخلهن يحق لي ويحق للجميع التكلم وابداء الاراء هل كوني طالبة تطبيق يعني ان اصم اذاني واعمي عيني واغلق فمي عن الحقيقه عذرا فانا لااعرف ذلك وانكر الحقيقه والواقع فانا الان طالبة تطبيق وباذن الله معلمه مستقبلا شكرا لمرورك العطر |
[align=center]للأسف جميع الشكاوي تطرح من قبل طرف واحد فقط ،،، وبالتالي حكم القارئ هنا بدون جدوى ..!!
بالتأكيد سأقف في صف بناتنا إن صح ما نقلته ،،، قلبتي علي مواجع ايام المتوسطه !!! آسفاه على جيل هذه الايام .. تحياتي[/align] |
بسم الله الرحمن الرحيم..
أشكر لكـ طرحكـ للمشكلهـ... بذمتكمـ..طالبه متأخرهـ عن الحصه الأولى 10 دقايق ..وش عقابه.؟؟ >>المفروض تكتب تعهد و الادارهـ يتصلون على ولي الأمر لمعرفة ظروف التأخير..صح.؟؟وخلاص .. لكـن للأسف الأمر يختلف تماما في المتوسطه الواحد والعشرون.. حيث ان الطالبه يتم توقيفها (كل وحده تمسكـ له عمود بالساحه) من الحصهـ الأولى الى الحصه الخامسه.>>> !!!!!!!!!!!!!!!!!!!!!!!!!! ومره مريت عندهم وهم موقفين ..قالوا :أستاذه جوعانين.. بصراحه مابيدي حيلهـ >>بس السؤال معقوله موقفين ولا أفطروا بعد..>>أحتاج أجابه هنا.؟؟؟؟؟!!!!!! وأنتم أدرى ان البنات بهالسن (فترة بلوغ) ومايصلح طول الوقت وااااااقفه >>أكيد فاهميني.. و بدال ماتفوته الحصهـ الاولى تفوته كل الحصص وهي موجوده بالمدرسهـ.>>!!!!!!!! مع التهزيئ من المديره وبعده المساعده وتكتب تعهد ... أنا مدرسهـ (بالثانوي) وأشوف الطالبات مع طالبات الكليه(المطبقات) على مايرام فيه بعض الحركات البسيطه التي تكاد لاتذكر حيث أصبحت شي أساسي في عملية التعليم لاتخلوا منها أي مدرسه .. حتى سألت 3 من طالبات الكليه يقولن نعاملهم بالزين وبالأسلوب الحسن (والتشييخ)>>يعني انتي ماشاء الله عليكـ ممتازه ..صوتكـ حلووو.عندكـ مهاره و فــ(ـن) ونمدحهم يمشون معنا لكن مع التهزيئ لا بالعكس تتمادى زيادهـ البنت. ومن هالكلام اللي حتى الكبارين الفاهمين العاقلين يأثر فيهم فما بالكم بطالبات مفتاحها بهالسن بسيـــطـ ....>>أعذب التحايا لكــ(ـن) طالبات الكليه وتمنياتي لكن بمستقبل مشرق لينعكس ذلكـ على بناتنا. تمنياتي لكــ(ـي) بالرقي ياالمتوسطه الواحد والعشرون.. تمنياتي لكم بالتوفيق ياطالبات المتوسطه ال21 أعذب التحايا هي لشخصكـ(ـأستاذة المستقبل) على طرح المشكلهـ عزيزتي.. شكــرا بحجم حاجتنا الماسهـ لحل هذه المشكله. ودي وأحترامـــ(ــي) تقبلوا رأيي..فالصراحه هنا لحل مشكلهـ.. تحيتي للقراء..كفووو و بنت رجـــال.. |
اقتباس:
ما نبي تعليم لبناتنا كان الدعوى كذا |
| الساعة الآن 01:16 am. |
Powered by vBulletin® Version 3.8.8 Alpha 1
Copyright ©2000 - 2026, vBulletin Solutions, Inc. Trans by
موقع بريدة