|
يآ ( الخلف ) هل يعقل أربع نقاط تفتيش في دوآر واحد ؟!
السلام عليكم ورحمة الله وبركاته عجيب ماتفعله بشباب بريدة يامدير المرور هل هو استقواء على شباب بريدة ام استهزاء ام حقد ام نظآم !!! عجبت امس وتكرر اليوم من وضع اربع نقاط تفتيش بعد دوار القيروان حيث اذا اردت المسار الشرقي هناك نقطة اذا اردت المسار الجنوبي نقطة تفتيش إذا اردت المسار الشمالي نقطة إذا اردت المسار الغربي نقطة وكل نقطة لاتبعد عن الاخرى 200 متر فمن يدخل الدوار لايخرج إلا بقسيمة وهناك وجود ظابط في وسط الدوار .. والقسايم كأنه توزع اوراق توعوية فأستغربت من سياراة المرور السري وسيارة الظابط عدم تشغيل الانوار كما سموها عندما نشغل النور الصغير فالمرور السري مكتفي بالنور الصغير مع الكشافات والظابط مكتفي بالنور الصغير فقط :i121 وحدث ولاحرج من الاستهزاء والفوضوية اللي تحدث في شارع النهضه من افراد المرور .. فاللهم سلم سلم أنا أجزم ان تخرج احصائية أكثر من 90% من شباب (بريدة) لديهم مخالفة مرورية واغلبها ظلم ومكررهـ واعتقد ان الحل القادم هو http://www7.0zz0.com/2009/07/03/13/368165862.jpg أخيراً ليس لدينا إلى الدعاء على من ظلم وإلى الله المشتكى ( حــاميها حراميها يالخلف ) آسف على الاطالة ولكن هذهـ الحقيقة ويجب ان تقال :eek5 تحياتي ya2ode |
يقولون امشي عدل يحتار عدوك فيك ,,
بعدين وش ذا التجمعات .. !! ووش جالسين يسوون .. !! |
أنا أقدر وأحترم جهود رجال المرور وأرى أن أربع نقاط تفتيش في ذلك الطريق تعتبر قليلة عطفاً على وضع الطريق ومرتاديه أخي لو كنت ساكنا على جانبي الطريق لماقلت ماقلت لولا نقاط التفتيش التي تحتج عليها لرأيت الهوايل من تفحيط وتجمع وتباهي الأمانة ماقصرت بفتح طرق جديدة وتجميلها بالنخيل والإنارة الجذابة ووضعت الشلالات والمسطحات الخضراء لبهجتنا ولكن تعال شوف الشباب في الليل وحاول يوم أن تعبر ذلك الطرق بعد الفجر وأنتظر حتى خروج الشمس وذهاب هؤلاء الشباب لبيوتهم ماذا ستجد؟ قمامة متراكمة كنت اتمنى لو انه بالإضافة إلى مخالفة المخالفين من رواد الطريق أن يتم تحرير مخالفات على الجالسين على النجيل الأخضر عندما يرمون مخلفاتهم على الأرض لذا أرى أن نقاط التفتيش جيدة وتحتاج إلى تكثيف أكثر وإضافة مخالفات على الجالسين لإنعدام النظافة تحياتي للجميع |
احسن خلهم يطلعون برا للدائري مثلا صدق قلة حياء جالسين بأماكن مااحد يجلس فيها القرد وهو القرد مايرتاح بالجلسه بس حق الفضول (الشرافه) والسيارات مسببه زحمة ماله داعي . هايلكس وجيب ربع الله لا يكثرهم مشغلين خلق الله وين اهلهم عنهم _ يطلع من البيت ويروح لفلان ويروح للحلاق (التركي) ويليص وجهه ويروح يشحن باحد المطاعم ويجي يدور ويشغل خلق الله هذي حياتهم
|
اقتباس:
تعرف أخي نجم بأن هناك مشكلة أخرى إكتشفتها اليوم في الساعة السادسة صباحاً ينتهي دوام فرقة المرور التي ناوبت في الليل وتشاهدهم يذهبون للتسليم جميعهم فيخلو الشارع من أي رقابة مرورية بعدها يأتي دور الدبابات التي تصم الأذان من صوتها لتعبر ذلك الطريق ذهاباً وإياباً لتستعرض أمام من تبقى من الشباب كنت اتمنى لو أن يتم إبقاء بعض أفراد المرور إلى مابعد الساعة الثامنة حت يمتنع من بنفسه شيء من فعله أشكرك أخي نجم على مرورك الراقي |
[align=center]مشكله إذا اجتمع جهل سوء تخطيط مع سوء تنفيذ[/align]
|
اقتباس:
يحسب وجود الشباب فيه غلط بالشارع بكل مدن المملكه تدور عادي بس لا تخطي الا ببريده ما أدري ليش أنا ما يقهرن الا اذا سار قدامي أجنبي ويمشيه بدون ما يشوف اقامته أو رخصته وأنا أجزم أن السياره ما به استماره أو منتهيه وأنا يوقفن ويشغلن .. شكرا على الموضوع .. |
اقتباس:
اللهم اصلح شبابنا وارزقنا واياهم شكر نعمك |
اقتباس:
كلام صواب بارك الله في فكرك وقلمك وعقلك |
اقتباس:
كلام صحيح ياذيب ملاحقينك ملاحقينك حتى لو ماتجمعو بالنهضه زين يوقفك لو تتدور ويعطيك قسيمه على طفاية حريق يقول وينه<<> يعني وراك وراك مهما رحت مهما جيت ياشاب البريداوي ولله يستر يرجال ماندري وين نرو ح الصز ههههههههههههههههههههههههههههههههه |
هل فيكم رجل رشيد ؟
من المفترض نبحث الاسباب و الحلول .. نبحث عن العلاج و الدواء .. نبحث عن كيفية الاستفادة من هؤلاء الشباب .. المشكلة اذا كان انتم الي تسمون انفسكم عقلاء هذا هو منطقكم !! ملاحظة : كثير من الضباط و الافراد اذا خلص شغله ركب السيارة الخاصة و صار من الشباب دوران و تضيع وقت .. إذا التفتيش و القوة ليست حل أبحث عن حل اخر .. |
[align=center]ياخي قسم بالله كلامك صحيح 100%
ياجماعة اطلعوا شوفو عنيزة وباقي المحافظات أو إذا ارتم اطلعوا للرياض وشوف (أستعراض __ دوارن ) ومافية تفتيش أو قسايم !!!! طيب لا تلومونهم إذا فحطوا أو اردى من كذا .... اللحين هم جالسين موقفين سياراتهم لا ضيقو ولا حاجة أو يدورون المرور وش خسرانه ؟؟ وعلى فكرة تراني أنا امر كل يوم من هناك لان المنزل يجبرني المرور من هناك ولاكن قسم بالله لم اقف ولم اجلس ابداً ولاكن لم أرى مضايقه من الشباب ولا اي حاجة .[/align] |
[align=center]في داخل البلد الله يقوي المرور على حقين الدوران والتفحيط ..
المفروض يخصص للشباب مكان امن بعيد عن البيوت والناس يقضون اوقات فراغهم ..[/align] |
موقف حقيقي يشهد الله عليه
كانت منتهيه الرخصه ووقفني عشان آخذ قسيمه وكان معي واحد من الزملاء ( بدوي ) قال له البدوي يافلان هذا من جماعتنا لعلك تفكّه من القسيمه قال لا هذا ماهو من الجماعه ( هذا حضري ) |
قسم بالله مادري وين نروح له .. الحين انا لازم امر من عند التفتيش لا جيت ابروح لم البيت .. يعني معقوله كل ماأمر ابي اخذ مخالفــه َ!! .. :ash: :a1: :14[1]:
لا قعدنا ندور مخالفه .. دوران .. ولاوقفنا اجي لم السياره القى مخالفه .. ع قزازة الموتر .. مخالفه برضو !!.. :12[1]: وش السالفــه .. يعني عطونا حــل ؛ هايلوكس جيب مخالفه .. يمر قدامي .. موتر غير ذولي ع طول يمشي دون اي شي .. ولا حتىآ يطلب اوراقه .. ابي حل اشلون اروح لم البيت دون مأأخذ مخآلفــه .. !! :D << بلش .. الله والعآلم تبي تصفىىآ رجليه .. او سيكـل .. والا دباب بطـه :D والله مشكلــه !!..:36_1_4[1] :11[1]: مشكور اخوي ع موضوعك كنت ابي اسبقك ع هذ1 الموضوع .. !! لكن انت سبقتن ووفيت وكفيت وماقصرت .. لك كل الشكر والتقدير .. |
اقتباس:
|
يعقل ايضا صار الشباب الفراغ هناك ماعندهم شي
|
[align=center]استغرب الكلام الي اقراه طيب ليش مايصير معنا مثل مايصير معاكم ليش نمر ولا حد عمره قال حتى اوراقك بس اتوقع اغلب الاخوان الي يكتبون عن المرور هم اما مظلل او مشمع او بدون انواع الا النور الصغير او انه دوران في نفس المكان ولا يبي احد يقوله شي وبعدين ماحد راح يحس بمعاناة سكان الحي الا الي ساكن فيه لو الله يقوي المرور على كل واحد مايمشي صح ويترك عنه خرابيط البزران [/align]
|
اقتباس:
هل تتتوقع انك لو محل هذا الشاب هل تذهب الى هناك لا لكن هناك يوجد كل شي ثيل مزوع وبجانبه مطاعم عده الى اين يذهبون هؤلاء الشباب انا مره مريت من هناك فرائية شباب جالسين ات اليهم المرور وحجز سيارتهم ماشعورك لو انت مكانه |
اقتباس:
هل تسألني أنا ماذا أفعل لو كنت مكانه؟ أولا أنا ما أجلس في تلك الأمكان فأنا وقتي أثمن من تضييعه في لعب الورق والنميمية ومراقبة الرايح والجاي ثانياً لو مررت من هناك لن يوقفني شرطي مرور أو يسألني عن أوراق.. هل تعرف ماهو السبب؟ لأنني لست موضع شبهة ولا أبرز المخالفة كما يفعلها بعض الشباب (تضليل، تجمع في سيارات، موسيقى عالية....الخ) فكل هذا شبهة ومدعاه للمسائلة ثالثاً النجيل المزروع لم يوضع في طريق النهضة لكي يجلس عليه ويتجمع فيه الشباب هو وضع في الأساس لتجميل الشارع وإعطائه طبيعة وجمال رابعاً لماذا هذا الإستهتار بأرواحنا؟ أليست السيارات العابرة قريبة من مكان الجلوس؟ هل إستبعدتم أن يحدث حادث لاسمح الله في أن تهجم سيارة على الجالسين خامساً أليس الأفضل للشباب أن يبحثوا عن عمل ليكتسبوا الخبرات العملية اللازمة للمستقبل بدل السهر وتضييع الأوقات؟ أليس كثير من هؤلاء الشباب هم نفسهم الذين يشتكون ويذمون وزير العمل وأصحاب أوعية التشغيل في تجاهلهم أو عدم تشغيلهم؟ لن تأتيك الوظيفة والخبرة من السهر والنوم في النهار.... أكرر أن الأمانة تحاول تجميل الشوارع بالنخيل والنجيل ولكن أصبحت تلك الشوارع مشوهة بتجمعات شبابية تعمهم الفوضى بدون أدنى إحترام لحق الطريق وحق ساكني الحي |
اقتباس:
|
اقتباس:
اوافقك الراي |
التفتيش ماله أي داعي
ادا شاف العسكري مخالفه على اي واحد يوقفه وشوله تفتيش ماغير زحمات |
اقتباس:
|
اقتباس:
|
عندما يتضح لأحدكم ما يدور برأس هذا المدير بعد تعيينه أبلغوني ...
حاولت أفهم التصرفات والحركات عجزت .. لاجديد سوى إهمال الحركة ومتابعة الشباب .. ويظل السؤال : هل هذه التصرفات بجميع المحافظات أم في بريدة فقط ؟ كان الله في عون الجميع .. |
اقتباس:
سبحان الله يا أخي لاتذلف لأي مكان نم في الليل وأصحى الصباح دورلك شغل وأشتغل وإلا قم بعمل تطوعي في أحد لجان المهرجان أو في دار الأيتام أو في دار التربية أو غيرها أستفد من وقتك بدل هالتسدح والتبطح بهالشوارع كنكم قطاوة يا أخي الحياة ماهي كلها طلعات وتمشي أصلاً طريق النهضة مافضى طول السنة مو في العطلة بس عشان نقول مساكين خلوهم يستانسون في عطلتهم أنتم معطلين على طول لا دراسة ولاشغل عموماً سو اللي تبيه لأني عارف بأن ما أقوله يمكن سمعته من أبوك أو من أحد غيري لكن حاول على الأقل أن تبر بوالديك وتصل رحمك في هذه الإجازة تحياتي لك |
بريداوي جنــتل .. تراه الدنيا ساعه وساعه .. وانا اخوك ..
لا تحسب الدنيا كله شغل وشغل وشغل .. لازم الواحد .. يتبسط مع اخوياوه .. بغض النظر شارع النهضه و الجلوس فيه ..!! لا حتى لو ندور بالشماس بلبتنآ المرور .. فيه احكام في بريده .. غير عن كل المناطق وانا اخوك .. لا تصير معقد انت .. لك تحيآآتي ؛ |
السلام عليكم اتوقع ان تواجد دورية او دوريتين مرور سري لمراقبة الطريق ومتابعة المفحطين او من يكثرون من الدوران والاكتفاء بنقطة تفتيش واحدة كان اولى . بعدين ترى الشباب الجالسين على جنبات الطريق مايلامون الطريق منور ومزروع ثيل وبعيد ين عن الاسواق التجارية التى تزدحم بالمتسوقين من العوائل وعن الحدائق الخاصة بالعوائل وعن داخل المدينه شي جيد. الاقتراح ان الامانه تنشىء ساحات مزروعه ومنوره مع وضع كشكات بوفيهات على جنبات الدائري من الناحية الشرقية والغربية تكون خاصة للشباب متنفس لهم اسوة بباقي مدن المملكة الاخرى . حفظ الله الجميع من كل مكروه . |
اقتباس:
|
| الساعة الآن 01:51 am. |
Powered by vBulletin® Version 3.8.8 Alpha 1
Copyright ©2000 - 2026, vBulletin Solutions, Inc. Trans by
موقع بريدة