|
كيف تستطيع الزواج من الثانية بوجود زوجتك الأولى وهى على قيد الحياة
كيف تستطيع الزواج من الثانية بوجود زوجتك الأولى وهى على قيد الحياة كثير من الشباب يرغبون في الزواج من الثانية أو ما يسمى بالتعدد ولكنهم يجهلون الطريقة التي يمكن أن تشجعهم على الإقدام على هذا الحدث الكبير في نظرهم ولكنه صغير عند من يجرأ على ذلك ولكنهم قله انتهوا بالجيل السابق وهم أبائنا وأجدادنا أما اليوم فنسمع من الشباب جعجعة ولا نرى طحناً و لسان حالهم يقول إذا رغبت في تعدد الزوجات فما عليك إلا إرضاء زوجتك الأولى كيف يكون ذلك ؟ أفيدونا ياأصحاب الخبرة |
اقتباس:
أجل مادهوركم يالرقاله إلا هالنظره, الله يشفيكم , |
أنــا ضد الرجــل لمــا يتــزوج وزوجتـــه على قيد الحيــــاة ....
وفيــه أســباب كثييييير تخــلي الزوج يتــزوج ,,,, إذا فيــه سبب مافي أي مشـــكله ,, أمــا أنه بس يبي يلــعب ويغــير جــو .. حامض على بوزه ,,,, ويا أنــا يا هـــي.. يعطيــكـ العافيـــه,,, |
الوقت وحده
وعساهم يقدرون عليها حريم الوقت مو زي حريم أول ,, |
انت متأكد ان المدام مادرت بالموضوع 000000000000000 تأكد زين
على قولة رحال وحده وعساك تسلم 0 تحياتي 0 |
[align=justify]بسم الله علينا ومن قالك اننا نبي ثنتين !! الله يهديك بس تبي تحرمنا من الكمبيوتر وتونا ما خلصنا اقساطه !! خلنا نخلص اقساطه وعقبه له الف حل وحل [/align] شكرا نايف |
روحوا الرجاجيل اللي عازين سوق التعدد شفهم بالموطأ ..الحين سير وانت تلفت!! |
أنآ مع رحآل ! |
السلام عليكم ورحمة الله وبركاته
ياخي مو لا زم تموت اقدمها امام الامر الواقع والي يصير يصير |
احنا مو معترضين على شرع الله ورسولة لكن في ذمتك لو بتسأل أي شخص معدد عن السبب اللي خلاه يعدد؟؟ شو بيقولك!! أكاد أجزم جزماً قاطعاً أن الأغلبية ماراح يجاوبونك انهم تزوجوا طاعة لأمر الله واقتداءً برسوله-صلى الله عليه وسلم- لكن تلبية لرغباتهم وشهواتهم .... |
واللة من الشقاء والتعب خلك على وحدة وابلع العويفية
|
يتردد الكثير من المتزوجين على الاقدام بالزواج من أخرى
لأسباب كثيره , وأظن ان من ابرزها الخوف من تشتت وضياع الأبناء فهم يتذكرون اباهم وكثرة مشاكله بين البيتين وبين اخوانهم واخواتهم من الأب ومشاكل زوجة الأب ,, ايضاً انتشار زواج المسيار وغيره من الزواجات أدى الى تقلص التعدد بطريقة الزواج الشرعي الكامل شكراً لطرحك |
لاترضيها ولا شي واتزوج مسيار وانبسط وحرمتك نايمة بالعسل ,,
ولا يلحقك لافتح بيت ولا نفقة ولا صرفية بالهبل .. ولا عيال يبلشونك ,, واذا ماعجبتك طلقها واتزوج وحدة ثانية ولامن شاف ولا من دري .. ويادار مادخلك شر ,, بعدين دامك تحب زوجتك وتدور رضاها اتحملها واصبر عليها ,, ولا تفكر بالزواج أبد ,, واذا انت ملزم على الزواج خللك حمش ولا يهمك رضى احد وطق الثانية وخلها امام لأمر الواقع ,, عطيتك حلّين ,, وانت ابوها وسمّها ,, فوووتك بعافية ,, |
عـــســـانا نقــــــوم بحـــق الأولـــــــــــى
|
اقتباس:
يااااحبيل قلبه يكفي هالمرد واولهم ابوي لانطينابه عن العرس قال الرسول امر بالتعداد وحديث عن الرسول اللهم صلي وسلم عليه فيمامعناه لادج الواحد امره بالعرس مكيف ابوي عليه اتوقع ماحفظ غيره,,عاد ماقصرت قلت لابوي طول لحيتك اقتداء بالرسول موب جايدين لنا باللي تبون مقرود اللي ياخذ ثنتين بيستانس بالاول وبعد يطقه ندامه,, |
اقتباس:
فيه واحد اعرفه حلم ان زوجته متزوجه عليه بالحلم وماغير جاه تكاك بهالحلم ورفعة ضغط وغير وغير من هاللي يجي الحريم الله يكون بعونهن وحلف يمين يوم صحى من الحلم انه مايتزوج عليه مدامه حيه من شي شافه,, انتم ماتحسون بس بتعرسون وبس |
عندي طريقة مضمونة 100% وتقدر بعد اتسكنها معك فنفس البيت ولا من شاف ولا من دري واعرف واحد جربها بس ايدك على 500 ريال تكون صورة الملك عليها تلمع وابشر بسعدك..طبعا 500 ريال لزوم الاستشارة http://www.buraydh.com/forum/images/icons/icon10.gif |
اقتباس:
وبـ 500 ريال بس .. !!!! ترى طريقتك مغرية جدا ,, شوري عليك زوّد صفر وخلها 5000 ريال ,, راح تكسب ذهب ,, تعرف الرجال مشافيح زواج وراح يدفعون اللي تبيه مقابل زوجة ثانية وراحة بال مع اني اشك ان اي زواج ثاني على وجه الأرضي يكون فيه راحة بال ,, |
اقتباس:
ولو تخيرين زوجته بين الزواجين راح تفضل انه يتزوج زواج مسيار ويضل معاها دايما ,, بدون ماياخذ منها يوم وليلة لزوجته الثانية ,, ويفضي نفسه لعائلة كاملة غير عائلتها ,, فأنا نصحته نصيحة لوجه الله ,, وعقبال ماتعرف زوجته وتنومه بالحوش هه ,, |
[align=justify]
خطأ فادح أن تتزوج أمرأتـيــن ،،،،،،لأنك الضحيه بين الأثنـتـين [/align]ولكن إذا ما عزمت على التعدد، فعليك بالثلاث أو الأربع ،،لأنهم سينشغلون فيما بينهم وكل واحده ستجري وراك،،، مازال لدي تسائل أطرحه على قارعة الطريق: متى يأتي الزمن الذي فيه ، رجل يمشي وورائه أربعون إمرأه،،،،متى يأتي متى ؟؟متى ؟؟؟ |
اقتباس:
وإلا جواريه. لأ بيصير مسؤول منهم , بصراحه ياليت زمن السبي والغنائم يرجع على الأقل تخف حدة التوتر في شبابنا شوي من أثر القنوات ,والمجمعات, ويصير لكل واحد أربع حريم وخمس جواري , |
أنا ما عندي خبرهـ
لكن أبوي دائمآ يلعب بـ الخبرهـ وينفرد بـ المرمى من كثر ما يعرس ويطلق طلع ختم بـ أسمهـ .. مل من التواقيع على صكـ الطلاق إذا تبي رقمهـ أبشر من عيوني .. نعين ونعاون والأجر على اللهـ من حيث طريقتي أنا خذلكـ مقلاة حميها على النار لكـ ساعهـ لين تحمر وتصفر من الحرارهـ بعدين لزقها بوجهـ مرتكـ الأولى عشان يصير وجهـ تقل تفيخهـ منتفشهـ وقول : وجهـ مرتي فيهـ إعاقهـ هنا بالحال تعطى لـ أن خبركـ عارف الحريم كثر التراب بـ البيوت أشبههن بعيد الضحيهـ إذا صارت الشبوكـ مليانهـ غنمان والسبب شين شكل وشين أخلاق وشين نسب وهذا يخلي البيوت تنتظر بـ أحر من الجمر كل طارق يطرق لهم الباب عشان يشهقون وبـ الأخير يطلع هم بيتزا موصل لهم طلب لـ اني دائمآ على قوقل آرث أشاهد هذهـ البيوت من بعيد لبعيد وإذا طق الباب جنكـ كل البنات يركضن يتهاوشن على فتح الباب يحسبنهـ عريس الغفلهـ جاين يخطب مالت عليهن |
اقتباس:
بعذرهـ واللهـ يوم يعرس تدرين ليش ؟ لـ أنكـ بنت مرتهـ الأولى .. يعني بنت أمتس وفيهـ مثل بنقالي يقول (( أقلب الجرهـ على فمها تطلع البنت لـ أمها )) وعشان كذا حرام عليهـ حرم لو ما يعرس مرة ثانيهـ لو ما أعرس على أمكـ أنا بزوجهـ جدتي مزنهـ اللي بـ القبر ! قولي آمين عسى زوجكـ هذا إذا أحد قبل فيكـ أحد أنهـ يعدد عليكـ لين تقولين العيد الليلهـ |
^^
اللهـ يكفينا شرّكـ ...!! |
[align=center]وراك انت خايف من الزوجه الأولى هههههههههه
وين قيادتك بالرجوله,,, تزوج بس ولاتهمك كلها شهر وكل شي يرجع لوضعه كما كان,,, أنت أجزم بس وتوكل على الله ,,,,, ويبي يروح الخوف منك مع الايام أستغل الفرصه الشرع محلل لك أربع وكل شي جائز بين ايدينك وتمتع ماضر ابائنا واجدادنا تزوجو وعايشين ,,,, مادري متى تدارون للناس وزوجاتكم وهو حلال ,,,,, [/align] |
اقتباس:
هذا أنتم أفكاركم وحدهـ ......يوم نويتـ تقهرها تبغى تشّوهـ وجهها !!! * * وبدأ مسلسل السب والتحقير للنساء ....وينكـ يايوسف ..!!! شف سبب نظرتي ..! تفننوا ياشلة صحصح ..وحولوا الموضوع كالمعتاد ! |
اقتباس:
|
الحمد لله الشر برى وبعيد
يازين الفقر زيناه الراتب يالله يوصل لنهاية الشهر ( اللهم لك الحمد ) |
اقتباس:
|
شكلك ناوي تدفن من البنات الي بالمنتدى لا تخاف انا معك قلبا وقالبا بس تراني ماتزوجت يعني مادري عن شي
|
اقتباس:
اولا ابوي ماتزوج بس اول مايطريه انطبه اكرهه بالحريم وبعدين ليه مايبين احد ابوي شاكيلك مابعد خط شنبه جاي يتفلسف عليناااا ايوالله رجال قالو فيه ارجال امحق,, |
اقتباس:
رزلي اسمك هنيا اشوف وش نسبك اذا انت رجال اقل شي يكون فيه اخلاااااق انت لا اخلاق ولاخلق الله لايبلانااا,وهالشينات مردك لهن الله يعظم اجره عليك, |
اقتباس:
لماذا ينتظر الزوج وفاة زوجتة لكي يتزوج عليها ؟ فلة الحق با التعدد وهى على قيد الحياة.وليس شرطاً أن يكون فيها عيباً لكي يتزوج من ثانية .بالعكس له فوائد ومنها قلة العنوسة وحل مشاكل المطلقات ومن تترمل وهى صغيرة لكن بشرط يكون عادل بينهن قال تعالى ( وإن خفتم ألا تقسطوا في اليتامى فأنكحوا ما طاب لكم من النساء مثنى وثلاث ورباع فأن خفتم ألا تعدلوا فواحدة أو ما ملكت أيمانكم ذلك أدنى ألا تعولوا ) النساء : 3 , وبا النسبة لرضى الزوجة الاولى حاول معها با اللين ويعرف كل زوج كيف يتعامل مع زوجتة ويقنعها تحياتي دمعة حب |
السلام عليكم ورحمة الله وبركاته اخوي نايف صالح متى يحق للرجال التعدد وانا منهم؟ الاجابه باختصار اولا :اذا عملنا ( نسخ ) لمخيلة وعقلية الاخت ( دمعة حب ) ولصقناه في عقول نسائنا ثانيا: احب اوضح لجميع الاعضاء رجالا ونساء انه ليس بالضروره ان يكون الدافع وراء التعدد هو الدافع (الجنسي ) كما يظن البعض. يتضح هذا جليا عندما تقراء الردود اللتي ترى انه بمجرد ان يكون لديك (انثى) في البيت فانت لست بحاجة الى التعدد (عسانا نقوم بوحده ) ليه شايلها على ظهرك !!!!!!! الرجال يا جماعة الخير طلب المساعده في طريقه سلميه يعدد من خلالها ما سألكم يعدد والا لا ( صار لي اكثر من شهرين ما لقيت اللي يفهمني كأني اكتب قصيده باللغة الصينيه ! هناك اسباب تدفع الرجل نحو التعدد وهي اسباب عائليه لا يمكن الافصاح عنها حتى وان كانت محبة له ولابنائه وتقوم بواجباتها وهو يبادلها نفس الشعور ومن هذه الاسباب ما يلي: # انعدام العاطفه او الاسلوب العاطفي بين الزوجين # # اعتقاد بعض النساء ان لم يكن اغلبهن بأن الزوج قد اصبح ملكا خاصا لها تعامله بالطريقة اللتي تناسبها ( بنقالي ماهو على الكفاله ) # # صرف جل اهتمامها على نفسها متجاهلة الزوج وكأنه بدون احساس او مشاعر # # اعتقاد اكثرهن ان بامكانها اثارة غريزة الرجل كونها انثى # # اهمالها لمظهرها العام وعدم التجديد # # عدم مراعاتها لحالته النفسيه والظغوط اللتي يمر بها لان التعدد من وجهة نظري ما هو الا الهروب لما هو افضل # # ادعاؤها الكمال في كل وقت وان اي تقصير سببه المباشر والغير مباشر هو الزوج (حتى لو يكون عندها تعسر بالولادة )!!!!! # # جهل الكثير من النساء باساليب اغراء الزوج وعندما (تطق تسبده ويقولها ) قالت استحي !!! وهي قبل خمس دقايق ما فيه كلمه شينه او تجريح الا قالته له # اخيرا يا اخوي نايف اذا قسم لك نصيب بهالاجازه لا تنسى تعزمني لاني ان شاء الله اتزوج بعدك بشهر ( لين اشوف فعل الله فيك هههههه) يمكن اغير رأيي تقبلوا تحياتي وتقديري |
اقتباس:
|
[align=center]حفريات ههههههههههه
اول مره اضحك من قلبي واخيرا اكتشفت سر عشقي للحفريات تقبلي تحياتي ولا تدعين تراها ساعة استجابه الله يسامحك [/align] |
اقتباس:
مو مثل بنات هاالجيل انا مااقول شي بس اصبر معه بعد هي طاقه تسبده منك بس مابيده شي,, والموت حق على كل مسلم زوجتك تبي تصيح له كم يوم مو مشكله ولا انه تنغث طول عمره لاوالله موتك ارحم له,, اليوم قايله لبوي عساي اسمع بخبر موتك ولا اسمع بعرسك,, ضحك وقال لا والله بر |
اقتباس:
ما شاء الله باره بابوك قوه ..من الخبله اللي تتمنى وفاة ابوها على زواجه من ثانيه ...لو أنك قايله موت زوجي ولا زواجه قلت يمكن ..هذي فعايل الغيره بـــــــــــس عاد تتمنين وفاة أبوك علشان أمر ربي محلله له .. اللحين أنا أشيل وأحط على البنت اللي دعت على ابوها قبل وفاتها بسبة امتناعه من تزويجها بالكفء فهو مهما كان أبــــوها ولا يجوز له تدعي عليه .. وش انتي اللي تتمنين موت ابوك ولا زواجه .. أستغفر الله ..اتمنى ما يأصل كرهنا للتعدد لدرجة الآعتراض على شرع الله |
للتوضيح ابوها يعني زوجها عند بعضا من اهل القصيم وفي الحجاز عموما |
اقتباس:
لتوضيح توضيحكـ / تقصد ( أبونا )<< يعني ابو الاولاد وسيد البيت.. وليس ابوها ..!! [/align] |
| الساعة الآن 05:30 am. |
Powered by vBulletin® Version 3.8.8 Alpha 1
Copyright ©2000 - 2025, vBulletin Solutions, Inc. Trans by
موقع بريدة