|
ودي أحتفل بأمي (بيوم الأم) لكن؟؟
سلااااام..
تدرون بعيد الأم أكيد ..لأن القنوات كلها ماقصرت لها وقت وهي تعلن وتخصص برامج لها المناسبه..والعالم يخترش حولنا عن الأم وعيد الأم محلات الحلويات والشكولاته والورود ووالكل إستغل هاالمناسبه للدعايه وشفط الدراهم :4_1_107[1واللي إستغربته قنواتنا الإسلاميه خاصه الخليجيه تحتفل بعيد الأم حتى صحافتنا أكيد لاحظتوا إعلانات المحلات التجاريه وخاصه محلات الذهب والمجوهرات .. عاد أنا قلت يمكن إنه صار حلال أوفيه فتوى أجازته.....مثل أعياد الميلاد.. الحمدلله أمهاتنا نحتفل فيهم كل يوم لكن حلو يكون فيه يوم خاص لكل أم تفرح فيه ويكون مميز .بالنسبه لها..ويكون إحتفال مو عيد ... ومن العام الماضي وأنا ودي أحتفل ب(ست الحبايب) بس أتردد وأخاف واللي يشجعني كل اللي حولي قريباتي وصديقاتي يحتفلون بأمهاتهم ..إلا أنا.:6[1]: سؤالي /إذا كان حراام ليش سمحوا للصحف والمحلات والقنوات بالدعايه له ..وكأنه أمر عادي؟؟ أ |
ياشيخه مافيها شي وسعي صدرك إنتي وإمك ترا الدنيا حلوه :)وإحتفلي زي ماتبين بس السنه الجايه إن شاء الله ،
|
العالمية اهديلها أغنية ست الحبايب وما عليك ,, ولا تنسين وانتي طالعه مري محلات الذهب واشتري لها خاتم بس لاتنسين التغليف أهم شي التغليف ,, اقتباس:
بإختصار ليس كل مايُنشر بالصحف والمحلات حلال شرعاً ,, تحيتي ,, |
سؤالي /إذا كان حراام ليش سمحوا للصحف والمحلات
والقنوات بالدعايه له ..وكأنه أمر عادي؟؟ نفس السؤال |
هلا بالعالميه .....
حناا ما ذبحنا الا كل يحرم ويحلل آحتفلي بوالدتك وفرفشي مع ست الحبايب بكراا يطلع لك احد يقول...... اسبوع الشجره حراام وآعتقد ان الشيخ سلمان العوده .. حفظه الله قد بين ذلك وبأيجاز.. وانا ااقول .. ست الحبايب ياحبيبه .....حبيبه 0 تحيتي 0 |
أمك أمامك كل يوم.
يكفي أن أن تحتفلي فيها اسبوعياً هذا غير السلوك اليومي. :) أعرف أن كلامي من الممكن أن يصنف على أنه مثالية ولكنك تستطيعين وهو سهل! الله يقدرنا على بر والدينا مع السلامة, |
هذا مثل سوال كثيرا من العمالة ياقلت الدخان حرام قال ليش السعوديه تدخله ويباع والا وش رأيك باعلانات المجلات والمسلسلات الهابطه حلال اكيد لا . لان من قام على الصحف اناس لاتعرف الحلال والحرام بل تعرف الريال والدينار . لكن عيدية اميمك قبلة على رجليها وهديها (ديرمان) >>هع هع متشكرا لك نصراويه |
اقتباس:
المشكله ضعنا في متاهات الفتاوي واحد يحلل والثاني يحرم...الله يعين بس.. |
طيب لو خصصنا يوم غير يومهم
لحفلة الأم ونسمية حفلة الام السنوية حلال ولا حرام وين الشيخ له السؤال |
اقتباس:
ماقصروا محلات الذهب مسوين تصاميم خاصه للأم وتغليفات بعد..(لاتشيل هم) حياك ربي |
اقتباس:
ننتظر الجواب.. |
اقتباس:
فقد قال الرسول صلى الله عليه وسلم " دع ما يريبك إلى ما لا يريبك" وقال عليه الصلاة والسلام اتقوا الشبهات، فمن اتقى الشبهات فقد استبرأ لدينه وعرضه" والله لو ابحلف كان اكثر هاللي يحتفلون عاقين لأمهاتهم .. احتفالي بأمي ان اطيعه وابر فيها .. |
اقتباس:
هلا بك تركي والله كلامك صحيح هذا يحلل وهذا يحرم وحنا الضحيه..المفروض يتفقون على حكم واحد..حتى تصير الناس على بينه.. |
راعين هالقنوات اقالهم مناظرين للحلال والحرام اوقفت هي على عيد الام
بعدين هالعيد للعاصين اللي مايعرفون امهاتهم ابد وحاطين لهم هاليوم الحمدالله حنا كل يوم معيدين بمنا<<<تحمست وجاء ببالي سؤال ليش مافيه عيد الاب<<<اوجسي رحمة الاباء<<<تمزح استانسي بمميتس كل يوم ومثلا اذا طلعتي للسوق وهي مو معتس جيبيله هديه لو ديرمان على ماقال رمانس مايحتاج عيد وخربطه اشكـــــــــرك |
اقتباس:
صح كلامك لكن صعبه والله العالم يدهر ويحتفل.. وأمهاتنا قاعدات يتفرجن ..مسكينات..تلقاهن يقولن بأنفسهن وحنا وراى مايحتفلون فينا إعيالنا..:4_1_107[1 ..نحتفل لكن بعدهم بيوم مومشكله.. حياك ربي |
حنا مسلمين وماعندنا إلا عيدين عيد الفطر وعيد الأضحى
|
هو محرم يالغلا زية زي اعياد الميلاد
عارفة هم ليش يعملونة؟ لانهم بنظرتهم المحدودة يبرون امهم بهذا اليوم فقط للاسف سلامات الله لايجيب هالتفكير عندنا احنا كمسلمين نعايد امهاتنا طول عمرنا حتى بعد وفاتهم بالدعاء لهم والله لايفرق كل ام عن اولادها ويخلي هالاحضان الدافئة لنا ومهما باعدتنا الدنيا بتجمعنا تقبلي مروري يالغلاهذه لك:for12: وهذه لامك:for12: |
اقتباس:
سلمت يمينكـ جندوانا ؛ هذا ما بجعبتي ؛ العالمية أمكـ ما تبغاكـ تسوين لهآ عيدية كثر ما تبغاكـ تكونين تحت إيدينهآ تلبين طلباتها ..صح ؟ موفقه :for12: ؛ |
اقتباس:
فيه أمور واضح حكم الشرع فيها ولاجدال فيه لكن بعض الأمور إختلفت فيها الفتاوي متل أعياد الميلاد لبس عبايه الكتف..تشقير الحواجب..وأشياء كثيره وضعنافي دوامه الفتاوي.. وسكوت المشايخ عن الصحف والمحلات يدل على أن الأمر فيه إختلاف.. خخخخخ إمي ماتحط ديرمان تحط رووج وماركه بعد.. |
اقتباس:
شوفي ياعيني صح كلامك الحلال بين والحرام بين.. والمحرمات كنا نعرفها ..لكن مثل أعياد الميلاد وعيد الأم مشائخ جميع البلاد العربيه والإسلاميه متفقين على أنها حلال أما مشائخنا فهم مختلفين في الحكم..ولم يقروا بفتوى صريحه بتحليله أو تحريمه... اقتباس:
لكن عند العرب والمسلمين لا..ولوأفترضنا خلي هاليوم الباريزيد بره وأجره والعاق يمكن يرق قلبه ويهديه ربي للبر.. حياكـٍ ربي |
أمبارح بنت أختي عزمت أمه وأمي بمطعــم
إقاله مسويه فيها عيد الأم.. يوم صحيت من النوم وأثرهـ تهاوش هي وأمه<<هذي اللي من شوي نافختن ريشه وأمه مانطول رآآآسه.. أحتفلي بامتس وماعليتس من احد بس لاتسوين سوات هذي ^^^^:) |
[align=center]
عندنا ما فيه غير عيدين يآلغاليه .. ممكن أنك تسوين لها اشياء تغني عنه مثلاً تعزمينها بمكان مو أنك تحتفلين فيهاا بس بهالأشياء تكسبين رضاها و تفرحينها .. ممكن أنك بكل طلعه تخصصين مبلغ و تشترين لها أي شي يسعدها ~> هي على الفرحه خليها بهالأشياء أحسن لكن مسألة هالإحتفال و هالخرابيط ماهي للمسلمين .. ( ما أنزل الله بها من سلطان ) الله يخليها لكم ويطول بعمرها و يرزقها بركم ويرزقكم رضاها [/align] |
شوفي انا ماعصبت ولا حاجه
ومسألة اختلاف العلماء حنا مالنا إلا ماافتى فيه علماؤنا .. اجل شوفي العلماء عندهم افتو بكشف الوجه .. ليش حنا مانكشف !! تقبلي مروري ويارب يفوز بتاعك |
الأم هي عيد الحياة وديمومة عطرها
هي أنشودة المطر أين أنتِ أماه سأسجد بجفني على طيفك وأغفو حكم عيد الأم كحكم عيد الميلاد على إختلاف الفقهاء فيه فالذي يرجح حرمته له أدلته ورأيه والذي يجوز له أدلة ورأي وكل على خير ! |
الحمدلله احنا يوميا نحتفل أمهاتنا مو زي الغرب اللي حطو ذا العيد لأنهم عادي مايشوفون امهاتهم الا من السنه للسنه
|
اقتباس:
اقتباس:
من قال ؟؟ممكن في الغرب لكن في البلاد العربيه والإسلاميه ماأظن ...لأنهم يعرفون حق الأم ولأن الكل يحتفل صعب التعميم.. الحمدلله نعيد مع أمنا لكن من حقها تفرح زي أمهات العالم. صعبه الناس يدهرون ويحتفلون وهي مسكينه قاعده تتفرج عليهم<<< تخيلته ورحمته:6[1]: تشكراات لس |
اقتباس:
آسفه تخطيت ردك من غير قصد.. نفس كلامي ..يعني لوإحتفلنا بعدهم بيوم أويومين ونسميه إحتفال (الأم)عادي ؟؟؟ من الشيخ اللي تقصدين:4_1_107[1المنتدى ماشاء الله مليان مشايخ..حددي... حياك ربي |
العالمية إحتفلي بأمك كل سنه..
وكل شهر.. وكل اسبوع.. وكل يوم.. وكل ساعة!! بس لاتسمينه (عيد)؟؟؟ ولا تخصصين نفس اليوم يعني كل ماأخذتي ماخذتي سوي له حفله!! لأن الرسول لم يأمرنا إلا بعيدين .. والثالث يعتبر بدعه!! والبدعه هي ماكان يستطيع فعله الرسول صلى الله عليه وسلم والصحابه ولم يفعلوه!! لذلك نحن لانخالفهم!! والاشياء هذي أصلها من الكفار.. وكما قال أحد الاعضاء انهم يتركون آبائهم وامهاتهم إلا في هذا اليوم!! قال الرسول صلى الله عليه وسلم: خالفوا اليهود وقال: خالفو المجوس!! حبيت أوضح فقط.. والله وحده هو الهادي!! |
اقتباس:
طيب ..طيب..على رسلك أختاه أجل هاالناس اللي يحتفلون مو مسلمين؟؟؟ |
اقتباس:
شوفي عيني محرم ,,,,هاتي دليل على تحريمه المشايخ نفسهم مختلفين في الحكم...لاحظي حتى ردود الأعضاء بعضهم مؤيد والثاني معارض لوكان حراااام لأتفق جميع الأعضاء على رد واحد وقالوا لي حراام عليك ماتخافين من ربك وزي الكلام هذا لأن الحرام ماأحد يقترفه وفيه عصيان لرب العالمين... ومسأله إنه اللي يحتفلون بالعيدعلشان يبرون أمهم رديت عليه كذا مره... حياك ربي ومشكوره على الورد كلك ذوق.. |
ذكرتينا بهالعيد الله يعافيك اليوم رحت جبت لمي خيشة كراث قالت وشوله قلت عيدك اليووووووم >> هع هع |
اقتباس:
يحتفلون فيهم عيالهم واللي حولها مالهم إلا هالسالفه.. أكيد ودها ومن حقها بعد!!لكن ننتظر الحكم النهائي من مشائخنا الأفاضل.. مشكوره طموح على الحضور وعلى النصيحه ويجيء يوم إن شاء يحتفلون فيك عيالك إذكريني:a5: |
اقتباس:
هالشيء لابد منه في كل بيت:4_1_107[1وحده الله يهديها فيها طبع شين بلسانها الدعاوي وين فلان الله يأخذه..ياملا البلا طاعون..زي كذا .ويوم الأم أستغربوا عيالها ..يوم سألوها قالت علشان يوم الأم ...خخخخخ شموع نورتي والله |
اقتباس:
امممم الله يرحم امي صدقني لو هي عايشة كان محتفله فيها بس الله يرحمها :( عموما صورة التوقيع حلوووووووووة لبى قلبها *_^ |
يابنت الحلال مابقى بالعمر كثر مامضى بلاعيد بلاهم...
|
اقتباس:
آمين ..مشكوره عالنصيحه صدقيني راح يجي يوم ويصير عااااادي سنه سنتين بالكثير ..زي غيره من الأشياء اللي كانت محظوره وحرااام وصار الكل يسويها.. حياكٍ ربي منوره |
اقتباس:
واحد يحرم وبشده والثاني أجاز بشروط حياك ربي يالغلا [mark=#FFFF66]وأبشرك بتاعي فاز اليوم:a5:[/mark] |
اقتباس:
كلامك حلو وأعجبني .. لكن المشكله وش نمشي عليه مع اللي حرم أو اللي أجاز؟؟ حياك ربي |
[align=right]
حبيبتي العالمية .. أولًا .. أحييك و أهنئك و أثني عليك كل الخير في اهتمامك الراقي ( الأم ) .. ونعم الهم والله .. ثانيًا .. لم أقرأ الردود فاعذريني إن كانت وجهة نظري مكررة . ثالثًا .. مؤكد أنك لا تعتمدين في حياتك على ( أي فتوى ) من ( أي شيخ ) ، فهناك من حلل حرامًا وهناك من حرم حلالًا من أولئك الذين يدعون ( العلم ) ! نأتي لاحتفالك .. أصل عيد الأم هذا عند الدول الغربية لضعف العلاقات الاجتماعية فيما بينهم .. لذلك ببقايا ( إنسانية ) خصصوا لها ( يومًا ) يردون فيه جميل الحمل و الولادة و التعب والتربية والبذل والعطاء !! لكن الأجدر بنا كمسلمين أن نحتفل بها ( يوميًا ) ! فهي كنزنا الدنيوي بدعواتها المباركة ، وهي أوسط أبواب الجنة . نوعية الاحتفال .. صدقيني ( كل ) أم ، لا تريد هدايا و حلويات و أصناف الأطباق و أنواع العروض والبطاقات وما إلى ذلك مما نتفنن به .. بل تريد برًا صادقًا ، وردًا للجميل .. تريد تعاملًا راقيًا يوميًا .. تريد احتفاء بها ، وتفوقًا لأبنائها يشعرها بإنجازها وثمرة تربيتها ! لكنني أرانا نتفنن في الهدايا ( المادية ) ونهمل الجانب المعنوي الذي هو سر سعادة أو شقاء كل أم .. وأنا هنا لا أقلل من شأن الهدايا بل هي غاية في الجمال ، ولكن الأجمل هي المعاملة الراقية والطاعة العمياء ( الدائمة ) لهذه الأم العظيمة .. وكذلك تفوق الابن وتميزه وعلو شأنه في كل ما هو خير ، لأن ذلك هو ( أحلى هدية ) .. راقية جدًا أيتها العالمية .. دعواتي الصادقة لك و لأمك الطاهرة .. والله أسأل أن نرد و لو عشر العشر من إحسان والدينا لنا . [/align] |
اقتباس:
اللحين مو الغرب اللي يسوون بس كل دول العالم العربيه والإسلاميه حتى عندنا يسوون .موبس الغرب ,,يعني كل هالعالم مايشوفون أمهاتهم أو عاصين على قولتكم ..؟؟أستغرب كلامكم!! حياك ربي |
| الساعة الآن 03:56 pm. |
Powered by vBulletin® Version 3.8.8 Alpha 1
Copyright ©2000 - 2026, vBulletin Solutions, Inc. Trans by
موقع بريدة