إنبسطوا ياراعين السفر :: الزواج بنية الطلاق (((مباح)))!!!
 

الشيخ عيسى الغيث: الزواج بنية الطلاق مباح
الرياض - الوئام - مشعل التركي :
انطلق الشيخ عيسى الغيث قاضي المحكمة الجزائية في الرياض من أن "الزواج بنية الطلاق هو محل خلاف فقهي بين العلماء... لكونه مباحًا من حيث المبدأ، ولكن محل الخلاف في التطبيقات"، ليخلص إلى أن حكم زواج المسيار يتراوح بين الكراهة والتحريم بحسب الحالات.

وأكد الغيث أن هذا الزواج لا مانع شرعي منه من حيث الأصل، إذ هو مباح لذاته لاستيفائه للشروط والأركان، لكنه من الناحية التطبيقية مباح لذاته، وقد يكون محرماً لغيره بسبب الممارسات غير المشروعة المقرونة به.

وأوضح أنه يكون أحيانًا في حكم المكروه عندما تُكشف نية الطلاق للزوجة قبل عقد الزواج وليس بعده، وفي حكم المحرّم حينما تُكتم النية فتُخدع بها الزوجة وأهلها.

وقال في تفصيله لهذه المسألة إنه "من الناحية النظرية يختلف عن الحالات التطبيقية التي تختلف أحكامها باختلاف صورها"، ومثل لذلك بـ "ما نراه منتشرًا في فترة الصيف ولعدة مسمّيات كزواج المسفار، والزواج السياحي، ونحوهما"، مبينا أنهما "يشبهان زواج المتعة من وجه توقيته، ولو خالفه من وجه إمكانية دوامه، وترتب الأحكام عليه من نسب وإرث ونحوهما".

ونبه الغيث إلى العديد من المشاكل التي تنشأ عند عدم استيفاء الشروط والأركان، موضحا أن ذلك قد يجعل أصل العقد محرمًا، وقال إن لدى وزارة الخارجية، وجمعية أواصر المختصة برعاية أسر وأولاد السعوديين في الخارج الكثير من الحقائق المؤلمة للأسف الشديد.

وذكر الغيث أن مسألة تعدد الزوجات في الأصل مباح بنص القرآن، ولكن هناك من يحرم التعدد لا لذاته، وإنما لغيره من الأسباب، مبرزا أن "من لم يستطع الباءة والقدرة على الزواج والنفقة والرعاية والصيانة والتربية ونحو ذلك فإنه، أي التعدد، سيكون باباً إلى الظلم له ولزوجته وأولاده والمجتمع".((منقول))

هذا الزواج قد بت فيه كبار العلماء في العالم الإسلامي على حرمته فهو عبث بهيبة الزواج ومكانته وعبث بالمرأه حيث لن تجد الأمان مع هذا الزوج فقد تزوجها لهدف معين وهو تلبية لرغباته الجنسية والتمتع بجسدها يوم أو أسبوع أو شهر وبعدها يطلقها ويبحث عن غيرها .
هذه الفتوى خرجت تزامنا مع إستعدادات بعض الرجال للسفر بحجة التمشي والنقاهة في بلاد الطبيعه .
لايسعني إلا أن أقول (كل زوجه سافر زوجها تسافر معه ولاتتركه )

عاد وش أنت يآعيسى الغيث .؟

أصلآ خلآص مآعآد فيه مشايخ , ماعقب الكلبآنب والغامدي والعبيكآن شيء..

أي أخوي وهذآ هو الحااصل ..
الرجل -حتى لو كان عاقل وديّن- مآيترك لحآلة أبد,
ليس عدم ثقه فيه بقدر ماهو خوفآ وحفاظآ عليه..~!!


شكرآ عسووولي

تصدق الشلة بالاستراحه خمسه منهم معرسين ومن قروا الفتوى بالجريده وهم يخططون على القاهره يبي يزرقون ويعرسون عرفي بنية الطلاق .
بس ضحكت على واحد منهم قال لزوجته ان عنده دوره بجده من عمله لمدة عشرين يوم . وهي مصدقه .
والداهية ابو محمد قال لزوجته نبي نروح أنا وابوخالد لمكه لأن ابوخالد مريض ونفسيته تعبانه وبعد مكه ابطلع فيه للمدينه وبعدها عنده مراجعه مستشفى الملك فيصل التخصصي بالرياض . وزوجته مصدقه إن أبومحمد راعي فزعات وقلبه حنون.
أزواج جبناء وزوجات دلخات .

اخوي خن بط الظاهر فيه فرق بين دلخات وطيب النيه

http://www.u06p.com/up/upfiles/i2O35987.png

انبسطوا... استانسوا...<< لو كنت تصدق حبه لأطعته ..إن المحب لمن يحب مطيع..!!!
مدى حُبك لخالقك يكافيء مدى حسن وصحة اختيارك ...!

سبحانه ما عبدناه حق عبادته ..:(
:
:
لو سمحتم يكفي أرجوكم .... !!

لدينا عقول ولدينا قلوب يمكننا أن نستفتيها وكلٌ مسؤول عن اختياره فالفتاوى كثيرة و تستحدث إلى قيام الساعة أيُعقل أن نعطّل ما وهبنا إياه ربنا وننتظر أي فتوى توافق الهوى لنتلقفها وبكل بجاحة وجهل نلقي بالمسؤولية على عاتق مفتيها ...أنت تعلم وأنا كذلك أن الأصول واضحة ..فعلا يسوؤني ما أراه من مواضيع هدفها التشكيك والانقاص من علم الفتوى ...نحن يا رعاكم الله سنقف لنحاسب وحدنا وسنجازى وحدنا ....فاختر ما شئت وتحمل اختيارك وتذكر أنك مسؤول عنه لوحدك غداً....وتظل هيبة ذاك العلم مستمرة بعون الله إلى قيام الساعة ...

حسبي الله ونعم الوكيل على هيك رجال قهررر وربي :b1:
الله لاتبلانا يارب

طيب الحرمه ماتقدر تسويه
:4_1_6[1]:

المشكل أن هذا في نهاية المطاف قد يعود بنا خطوات واسعة للخلف دينياَ و دنيوياَ .

كلن على همه سرآآآ

لاتعليق
بس بقووووووووووووول الله يعين حريمكم بس

:23_28_100:23_28_100

تدرين ليش اكثرهم ماايبغى يأخذ زوجته معه في سفراته .
لأنه وببساطه يبغى يخلي السفره (سفري) يبغى يسهر بالمرقص حتى الصباح ويجي للشقه أو الفندق وهو سكران وشارب خمر لين طلع مع إذانه .
ويبغى كل يوم معه بنت .
بالعربي اغلبهم مخادع وكذاب يدعي إنه مستقيم لكن لما يسافر يخلي دينه وعاداته عند موظف الجوازات بالمطار أمانة لغاية لما يرجع .
اعرف طبيب نساء وولاده مصري يقول لي ياخن بط الوقت هذا كثر إلتهاب الأماكن الحساسه في المرأه السعوديه وتأخر الإنجاب للعديد من المتزوجات والسبب إن زوجها يسافر ويجامع مومسات قذرات وينقل المرض والجراثيم لزوجته المسكينه .
جريمه مابعدها جريمه وكثير من هالسلق الحفيانه نقلوا الإيدز لزوجاتهم .

^

هذى اللي يقهر ياشيخ .. حسبي الله ونعم الوكيل

والله لايشغلنا الا بطاعته

الله لايبلانا صدقني اخوي مايخادع الى نفسه يمتع نفسه دنيااا وغافل عن ماينتظره
الا من يرحم ربي او ان يتوب,,
اتعلم اخي الان الكثير من النساء لايغفلن مثل هذاا ويعلمن لكن تلزم الصمت والستر
واناااا بصراحه لااحترم مثل هذه النوعيه من النساء فهي تهدم حياتها بيدهاا

هههههههههه

اذا طلب يدتس , ابد لاتردينه



وش بيدها ؟

لكن القهر ان طاحت بواحد مايقدرها ..

وياكثر اللي نفس الحال ,, الله يستر وييسر عليهم

ههههههه شوفوآ يآحريم ..
شفتوآ هالرجآل اللي إقآلهم أذكيآء ترآهم دلوخ ’ وأنتن أدلخ منهم أن لعبوآ عليكم هالدلووووخ..

وجحآدته إن دلت ع شيء تدل ع خوفة وجبنه من المخلوق الضعيف [المرأه]..

وخوذن هالنصيحه اللي أمي معلمتن إيآه ..
تقولي الرجل من أول يوم يملك عليك حتى وهو يكلمك وقبل ماتدخلين عشّ الزوجيه .. ألعني مخبآة لعن ..بس بأسلوب بما أنكم لسى ف بدآية المشوآر ..>>ومايحتاج أعلمكن كيف بأسلوب..يعني الله الله بذآك وذآك والتدلع والتغنج/ وأنت تجنن وعيونك يذوبن ولسآنك حلو وأنت موووت.. وهيك يعني هع هع

وبعدين لآتزوجتوآ , خلي كل همّه الوحيد شلون يدبر فلوس عشآن تعيشون عيشة هنيّة.. طبعآ بالبدآيه بيصير طآفّ وبعد 5 سنوآت بالكثير بتروح الطفّه عااااد خليه يعمر بيت الزوجيه, حتى لو هو فقير, خليه ع الحديده قرآبة العشر سنوآت يجمع به لبيت وبعدين ألعن خيّر خيّرة بالتأثيث خليه كلمآ يجمع قرشين يحطه كنب ولآ مدخل ولأ أي حاجه ..
وبعدين يجمع عشآن يشري سيآرة ..
وبعدين يجمع عشآن يزوّج عيآله .. وبعدين يجمع عشآن يعالج نفسة ..
بعدين يمووووت .. والله يررررحمه



يعني مافي مجآل انه يسااافر ويسويّ سوآته ومن وين له الدرآهمّ وأنآ زآنقته اربع وعشرين ساعه
تقول امي/ الرجل مايصلح يصير معه قروش / الرجل لآأغتنى يدّور له ع مرة ثآنيه .



وسلآمتكم/

اخي بيدهاا الكثيررررر عندما ترى الزوجه خيانة زوجهاا وعدم تقديره لهاا
وليس هناك مايصبرهاا عليه
لماذا تجبر نفسهاا على العيشه مع مثل هذاا الرجل
هناك الكثير من يقدرهاا وليس هوو الوحيد الرجل الموجود بالحياه,,

وش بيده.؟
عادي تتركة , وربي يرزقه باللي يستحقهآ فعلآ ..
طالمآ هو لمم يقدرهآ , لمآ أنهي حيآتي معه ,
أتركة مع أختيآرة ..
وارحل أنآ لمن يختآرنيّ....


تحيتي لكم يآ أسويآئنآ,
فالآن لم يعد فرق بيننآ وبينكم ,

ورب البيت إني ارحم البنيات اللي باليها ربي زي هالنوعية من هالجحلط .
تلقينه عايش مع زوجته طول السنه وعقله مع هالخربانات وبعضهم اشوفه معنا بالإستراحه قايل لحبيبته اللي بالقاهره واللي بالمغرب لاتتصلن علي إلا الساعه (تسع) بالليل لأنه موجود بالإستراحه وماتسمعين غير ضحكه معهن واذا اتصلت عليه هالطاهره العفيفه اللي هي زوجته إنقلب وجهه وضاق صدره .
العذر والسموحه ياعسولي
كرهت العرس بسببهم .

عيالها لو كان عندها عيال

واظن غير هيك , تقدر تسوي الكثير


ياختي ابغض الحلال عند الله الطلاق

يتزوج الواحد اربع ولا يتزوج ويطلق ماهي لعبه الدعوى : (


خخخخخخخخخخخخخخخ

الله يعين بس

الصراحه قعدت اضحك ع النصيحه


مثل ماقلت للاخت اللي قبلك

ولا البعض منهن ماتدري ,, اللهم انها تكون عندها حسن نيه وضاعت بسبتها

واشياء كثيره , وماتوقع تدري عن هالشي وتسكت ولا تسوي شي وقتها

طبعا كلامي اذا كانت ماتدري , الا اذا عندها عيال اشوفها صعبه عليها وراح تشوف حل غير الطلاق .

شي يقـــهر الصـــراحه .. كلامك كله من الوقـــع الله يـــفطسهم ..
ياعمري يزوجاتهم الله يعوضهم انشاء الله ...
ايه صــدق من كثـــر المشــاكل والمصــايب كرهونــا الزواج حسبي الله عليهم ..
تقبلا مروري الثاني ...^_^

حسبي الله عليهم مشكله والله يااخوي ويلمون الحريم الحين
والله اني انصح اي مرأه تواجه مثل هاالنوعيه ياانها تعقله واذا انه
فعلا شاريهااا يكون رجل بيت وعاقل ويقدر واذا غير هذاا مع الف سلامه
والله اي رجل ارى مزاجه مووو مزاج رايق ومحترم مع اهله وراعي سفريات كثيره
اغسل يدي منه يعني مثل هاالاشكال واضحين بهاالزمن ,,

عزيزي..
مع احترامي لجميع من يقرأ عباراتي
قذر من ينظر للمرأه نظره جنس فقط!!!
وهل السفر ومتعته مقصوره على المرأه والجنس؟؟؟
ارتقوا وتثقفوا وتصفحوا واعلمو (فوائد الاسفار) غير الجنس

يقول الإمام الشافعي في فوائد السفر :
تغرب عن الأوطان في طلب العلى --- وسافر ففي الأسفار خمس فوائـد
تفريـج هـم، واكتسـاب معيشـةٍ، -- وعلـمٍ، وآدابٍ، وصحبـة مـاجـد (ماقال ماجنا)

تخيلت ربعنا وهم محملين اشناطهم كتب ورايحين يطلبون العلم .
اكتساب معيشه مستحيل لأنهم رايحين يبذرون فلوسهم يمين وشمال .
وعلم قاضين منها .وآداب ..خالصين منها ... وصحبة ماجد ..قليل منهم يصاحب ماجد .لأن الطيور على اشكالها تقع .
والله لو تشوفونهم بشارع الهرم بالقاهره إن تكرهون عيشتكم ..رجال عليهم الشرهه يمشي على جنب وسكران ومنتهي ومعه وحدة لاعبتن عليه وتقوده مثل الكلب ولاعبتن بحسبته لعب .

اختي عزيزتي انتي تتحدثين عن شعب لايريد سوى ان يشبع رغباته,,
من يبحث عن العلم قله قله قله ,,

الله المستعان الدوله الوحيده التي تطبق الشرعيه الاسلاميه انظر اين يتواجدون
رجالهاا وماذا يبحثون عنه يبحثون عن ماينقصهم في بلدهم,,

قلتهاا مثل الكلب مسكين وربي مسكين كلااااب يمشون بلااا عقول ,,

شنو ذنب المبــــزره يتشتتون ويتعذبون عشـــان خطــاء اهلهم ...
حرااااااااااام عليهم عمرهم ماعشوا ...
هذا سبب التفكك الاسري والتضيع الشـــعب بسبب الاتهور وعدم
اخذ الاموار برويه ....^_^

احلى خبرية
اقلها بنشم هواء نظيف

يابنت الحلال مهوب رايح الا اللي مهوب حسافه
لا تعصبين الدنيا ماتستاهل
وبعدين خل عياله يدعون عليه ولا يبرون به