|
هذا ماحصل في منتزه (( الحــضــاري ))
السلام عليكم ورحمه الله وبركاته . صــبــاحــ / مـــســاء الــخــيــر عــلــيــكــمــ احبائي كما انتم تعلمون نحن الان في وقت اجازه وعطله وفيها يكثر الذهاب الى اماكن الترفيه والمتنزهات , بالامس شاء الله وذهبت مع اهلي الى مركز اللملك خالد ( الحضاري ) بعد القهوة والجلوس ذهبنا لندخل خيمه التسوق الموجوده في المنتزه بينما كنت امشي مع والدتي طول الله بعمرها الى بثلاث فتيات بعتقادي في بدايه العقد الثاني من العمر امام محل لبيع الجلابيات ونحوه والعامل الموجود فيه من الجنسيه المصريه بينما كنت ماشي في طريقي قربت الى المحل وانا اسمع في أم أذني والله على ماقول شهيد بتلك الفتاه التي تقول (( اصير لك مصريه ياشيخ )) وهي تنظر الى البائع وهم ينصرفون من المحل , بائع المحل لم يظهر عليه الإبتسامه او الضحك وانا لااعلم هل هو سمعها ام لا , نظرت الى الفتاه بنظره الإستحقار والإستصغار من قيمتها والا هي تقول لي (( من زينك انت ووجهك )) انا سكت ونصرفت وقلت في نفسي لو كانت عاقل لم ترد علي بمثل هذا الكلام . اما مقصد البنت من هذه الكلام انا والله لااعلم ما قصدها ولاكن وصلت الى هذه الدرجه من قله الحياء وقله الإحترام والأدب !! لماذا نعيب الزمان والعيب فينا اين أرباب الاسر واولياء امورهن ام يسرحون ويمرحون ويكونو سبب في مثل هذه المواقف , الم يعلمو انهم مسؤلون امام الله عز وجل عن هذه الامانه العظيمه !! إن لم يوجد مثلاً لماذا لايكون معهن إمرائه رشيده تكون لهن حد عن هذه الإنحرفات او حتى طفل حتى لايخذن راحتهن بمثل هذا !! نحن نعتب على اصحاب المحلات وللأسف هن من يجبرنهم على التعدي عليهم ومتى تجد صاحب محل من الاجانب لايسمح لهم بمثل هذه الكلمات ويتقي الله في نفسه واهله فهم قله وسأل الله العظيم الستر على بنتنا وبنات المسلمين اجمعين . العذر منكم واسف على الإطاله . تحيتي |
[align=center]لاتستغرب ياكثر ماشفت زي هالاشكااال
لكن وين الاهل عنهن !![/align] |
بارك الله فيك ونفم بقولك ..., آمين
حقيقة مثل هذه المواقف والله إنها تدمي القلب وتشل العقل فعلاً كيف لفتاة مسلمة أن تصل بها الحال إلى ذلك الإنحطاط الأخلاقي والمجاهرة به فعلاً اتسع الخرق على الراقع والمسئولية تقع اولاً و أخيراً على ولاة أمر الفتيات و النساء عموماً لا حول ولا قوّة إلا بالله العلي العظيم اللهم اهدي فتيات المسلمين وشبابهم .... آمين تقوية مفهوم خلق المسلمه مع تقوية حقيقة الرقابه الذاتيه محفوفة ومُحاطة بدور ولاة الأمر ورقابتهم الشرعيه يتحقق مع كل تلك الخير العظيم للمجتمع بحول الله وقوته ........., تحياتي .,’ |
لاحول ولا قوة الا بالله
اسأل الله رب العرش العظيم ان يهدي شباب ونساء المسلمين |
لاحول ولا قوة الا بالله ..
مصرى هندى بنقالي ....... الخ حقيقه انك احزنتني كثيرا .. اللهم استر عوراتنا وأمن روعاتنا . |
هذا مايسمى الاستهبال
بدايته استهبال وداخله رمي للحياء وامور اخرى تاتي بالتدرج |
على ماذكرت:
هنا العتب عالبنت التي لم يعرف الحياء طريق لها تجاه ذلك ، ولم يكن خلفها مربي لتعرف الخطوط الحمراء . . . في هذه الحالات لما يلام الشباب في كثير من المواقف المشابهة لذلك ؟ |
الحمد لله والشكر على النعمة
|
لاحول ولا قوة الا بالله ..
مصرى هندى بنقالي ....... الخ حقيقه انك احزنتني كثيرا .. اللهم استر عوراتنا وأمن روعاتنا |
مشكووور اخوي على هذا الموضوع
|
إذا قل ماء الوجه قل حياؤه *** ولا خير في وجه إذا قل ماؤه
حياءك فاحفظه عليك وإنما *** يدل على فعل الكريم حياؤه مصيبه والله ان يحصل ذلك والذي ما هو الا بداية النهايه وافتراس هذه الوقحه ومن هن على شاكلتها من قبل هذه العماله . |
الله يستر علينا وعليهن ..
هذي تلاقيه عند اهله مؤدبه واخلاق بس تبعد عنهم تطلع البنت على حقيقته الله يعافيهم ولا يبلانا عشان كذا الأهل يثقون يحسبونه من وراهم مثل قدامهم .. ومسويه فيها البنت الشجاعه قدام البنات اللي معه وشوفوا إني اعرف ارد ماتدري إنه تنزل من قدر نفسه .. هذا تصرفات بعضهن الله يستر علينا وعليهن ويهديهن .. |
السبب أولياء أمورهنا وخاصة الأم اللي تخلي بنتها تسرح وتمرح على كيفها . والله إن بعض البنات يقلن ويعمل أشياء يستحي منها الأولاد نسأل الله لهن الستر والعفاف والهداية .. |
للاسف في الماضي كنت استغرب مثل هذه القصص لاكن الان بات الامر عادي جدا
لاحول ولاقوة الا بالله |
اقتباس:
آآح هذي لو انت هايشة تسآن خبطتك بالشنطه ههه ..! http://www.buraydh.com/forum/images/icons/icon10.gif ووراك ماقلت له من زينتس انتي وعيونتس والله ان ماتطلعهن سنه و تصير توبته على ايدك ههه !!http://www.buraydh.com/forum/images/icons/icon10.gif البنية تتميلح .. لانه مع بنات من عمره ومستقوية عندهن ..!http://www.buraydh.com/forum/images/icons/icon11.gif .. ووالله ياهن يبي يطيعنك ..! تجيب معهن امرآه رشيد .. تسآن يقولن بحفل امهآت حنا نقعد بالبيت ابرك هع !! الله يهدي الجميع اغديه تقرى موضوعك وتحسّف..!:)http://www.buraydh.com/forum/images/icons/icon10.gif |
الله يهديهن
|
اجل لارحت للحضاري اطق الكرفته ههههههههههههههه
لاتفهمون غلط تراي باطق الكرفته عشان لاقالت اصير مصريه عشانك اغسله بالهرج اخليه ماتسوى شراب العائله متقطعات هذي مسويه قويه وتتميلح عند خوياته يقاله تستهبل |
لو اتروح الى اوربا وهم كفار
ما تلقى مثل الاشكال هذه ناس لو تبتل مايتطورون ابد ناس اخراص حياتهم |
لا تستغرب ... البنات كثير فيهن الأشكال ذولي ~~}
>> << |
والله مصيبة يصير كذ من بنات المسلمين
الله هم احفظن واحفظ بناتنا من كل سو |
[align=center]ما شفت شيء يا حبيلك
رح للنخيل أو العثيم وشف تميلح البنات مع البائعين الاجانب ---[/align] |
الله يهدينا ويهدي أبناء و بنات المسلمين ويصلح ذرياتنا .
|
سبحان الله !!
ويستمر مسلسل الاصرار على غلق افواه الفتيات ؟؟؟ انت وش محرق رزك خلها تقول اللي تبي مادامها ماسوت شي غلط ! والله ما الومها وش قالت حتى لك انت !!! دع الخلق للخالق ... |
هذا الحين صار شي عادي ..؟؟
لاحول ولاقوة الا بالله |
ليتها على هالشي
أنا كد سمعت أشد وحده مع حضرمي يالله الستر بالدنيا والآخره أتمنى تدخل وتقرا هالموضوع وتشوف وش قالوا عنها الناس |
لاحول ولاقوة الا بالله العلي العضيم
الهم استر عوراتنا وأمن روعاتنا |
اقتباس:
اللحين كل اللي قالته البنت وتقولين ماقالت شي غلط اذا صار اسلوبك زي كذا فحبيت اعلمك ترااه غلط بغلط بعدين البنت جمالها بحيائها xxxxxxxxxxxx |
اتريدون الرد كما سبق أعلاه .. أم الصراحه والشفافيه ..
انا من رواد الحضاري وهو متنفسي الوحيد مع اولادي وبناتي يعني مرابطين 3 مرات بالاسبوع عشان نغير جو ونبعد عن الحر شوي وبالتالي تجدني ازور الحضاري بأستمرار ومن مشاهداتي : 1) بنات يلبسن عبايات غيرشكل الى حد انه امس الثلاثاء كان فيه بنت لابسه عبايه ووراء ظهرها من تحت حاطتن فيونكة كبيرة اسفل الظهر وسووا الهيئة معها مشكلة كبيرة أنتهت بخير. 2) بنات يتماسكن الايدي ويتخمخمن مع بعض قدامنا يالرجال ولابسات بناطيل والعباية مفتوحه من تحت وشف يااشكال وضحك. 3) بنات 3 أو أربع اذا وازنن الحريم اللي قاعدات يبحرن بعيونهن من فوق لتحت وهمن خذ ياضحك وحصل بين مصريات وبينهن مشاكل وسب ( xxxxxxxxxxxxxxxx) والهيئه بس تراكض وراهن . 4) في الخيمة حدث ولاحرج من المدافف والمزاحم والحركات اللي مال امهن داعي وخاصة مع العيال الصغارين ابو طعش سنه . أقولها بالفم المليان وسيزعل البعض مني لكن هذه هي الحقيقة : ( معظم البناتxxxxxxxxxxxxxxxxxxxxx ) وهذا مشاهد كثيرا جدا .... ولا أنزه بنات الحاضره ولكنهن قلة جدا . لو أحد قال لي كل هالمشاهد مانقلته هنا ولكن هذا ماأراه ... والله على ماأقول شهيد ... وبالتالي فالضبط والحزم عليهن امر مطلوب جدا وخاصة من حارسات أمن شديدات كالتي في قصور الافراح .. رعاكمم الله وحفظ بناتنا من كل مكروه ....... |
اقتباس:
واذا مو عاجبك بإمكانك تعدي مشاركتي ماتقرأها ,,, نعم البنت ماصلحت شي غلط مجرد انها تمزح ...انتم تبون المرأة تسكت والكلام لكم يا الرجال !! والدليل عمر القرش يطلب مني الصمت طبعا كلامك مردود عليك والمنتدى مفتوح للجميع ! |
اقتباس:
واحدن ماتعرفه ولا يقربله وشلون تبينه تمزح معه ! |
في الماضي الشاب يطارد الفتاة وفي الحاضر أنعكس ذلك ..!!
فتاة وشاب من دون عقل والناتج يريدون أفراغ مالديهم ..!! في وقتنا الحاضر أبنائنا وبناتنا بحاجة لتوعية مستمر خصوصاً في سن المراهقه ...!! |
مالقن من يربيهن
|
اشوى اني منب انت
والله ياهي تحطم بنت اللذينا :f5: قسم بالله لوهي صايرةٍ لي لا اسكت ولا اعلم احد هههههههه بيس:) |
اقتباس:
يعني من جد مثل هالموقف مفروض الواحد يستحي يقوله لكن المشكله عندنا اللي يحسون دايما ان البنات غلط وهم صح طيب البنت قلة ادبها وين المشكله مو اخر ولا اول وحده تقل ادبها انا ماني معاها وشايفه انها قليلة ادب بس شايفه انه مالها داعي الواحد يكبرها ويسوي منها سالفه هذي البنت تلاقيها لو مزحت مع اخوها والا ابوها قال تأدبي يابنت والا قال بلا خبال وهزئها رجالنا ماهم باخلاق الرسول ولا يمزحون مع محارمهم واذا بنت صغيرة عقل وجاهله ومراهقه مندفعه تغلط مثلها مثل غيرها ومزحت واستهبلت قدام الاجنبي يصير كل اللوم عليها والله ان البنات انفجروا من العقد اللي مفروضه عليهم ومعروف كثر الضغط يولد الانفجار اتمنى اللي نزل هالموضوع يسئل نفسه كم مره ضحك مع خواته ومزح معاهم وكم مره صارخ بوجيههم وهزئهم على شيء تافه |
لا حول ولا قوة الا بالله
|
اشكر جميع من عطر متصفحي برائيه الهادف او مداخلته البنائه كلمه الشكر قليله بحقكم فانتم نور وعقل موضوعي هذا وأحيي فيكم غيرتكم على دينكم وبنات المسلمين وأسال الله ان يجيب دعواتكم انه سميع مجيب لكم مني جزيل معاني الاحترام والتقدير ودمتم بحفظ الله ورعايته . |
اقتباس:
اولاً رحم الله والدك واسكنه فسيح جناته اللهم امين , نظرت الى اميلك الموجود في توقعيك ثم نظرت الى ترحمك على والدك !! العذر منك عزيزي فأنت لم تحصل على الاستنتاج المقصود في الموضوع !! انا لو لم اجد الثقه في نفسي ثم في حسن خَلقي لام اتجرأ قول هذا الكلام ودع في عقلك (( واثق الخطوة يمشي ملكً )) أسال الله العظيم كما احسن خَلقي انا يحسن خُلُقي . |
اقتباس:
ياسبحان الله انتي تقولي المفروض تستحي تقول الكلام لماذا استحي وانا احاول تذكير كل راع عن رعيته من أب من أم من أخت او غيره , والبحث في ايجاد الحلول مع الاعضاء ( الغيورين على بنات المسلمين ) بدياتها ربما تكون استهبال على كلامك فهل تضمنين لي ان جميع البدايات لن يكون لها نهائيات مؤلمه !, انتي تقولي الرسول وهل الرسول صلى الله عليه وسلم يرضى على مثل ماقلت تلك الفتاه للبائع !! اذا كان الكلام هذا لايستاهل وسهل قوله فماهو الذي يستاهل في مخيلتك !!؟ اما من ناحيه كم مره ضحكت وكم مره فرحتهم اتوقع الانسان الناجح لايحسب العدد وانا اعتذر عن الاجابه لان الرقم لايحضرني للأسف !! لااقول إلا< ربنا لأتؤاخذنا بما فعل السفهاء منا >. |
شفتو وانتم تقولن البنات عقلات ولا طارت عليكم قلتو شباب والله يا الشباب انهم بهم خير
بس انتم ظالمينهم قسم بالله والله يستر على الجميع |
اقتباس:
لم نظلم أحد جميعهم فيهم الخير والبركه عزيزي, وهذه الحاله لاتمثل جميع البنات . شكراً لك . |
| الساعة الآن 08:01 am. |
Powered by vBulletin® Version 3.8.8 Alpha 1
Copyright ©2000 - 2025, vBulletin Solutions, Inc. Trans by
موقع بريدة