|
بعذرهن لو كرهن شيء اسمه الزواج...!!!!!!
ياحووووول يالرجال..!!! كل ماشفت مسلسل خليجي .. اول شي اركز على اسم المؤلف... وكثير أراهن تصير المؤلفة انثى.. وليس رجل..!!! صراحة اللي يشوف الصورة التي ترسمها المسلسلات الخليجية للرجل يقول ان عندها هدف واحد انها تكره البنات بجنس الرجال..!!! الرجال المتزوجين... راعين خيانات.. وعلاقات في شقق واستراحات..!! الزين منهم.. معقد.. وشكاك.. ودايم يصارخ على زوجته..!! وكلهم مايعرفون بالرومانسية والكلام السنع.... هذا غير تصويرهم بحالات سكر.. وتعاطي مخدرات... !!!! صراحة بعذرها البنت اذا رفضت الزواج ... حتى لو تقدم لها احسن واحد اذا كانت تتربى على مثل هالتمثيليات التافهة.. والخايسة...!!! وبعذره اذا انتشر الجنس الرابع (علاقة المرأة مع المرأة) وبشكل مذهل لان المرأة من كثر ماتشوف فقدت الثقة بالرجل... في لقاء انها مع المرأة تاخذ راحتها..!! اعرف قريب لي بنته الحين عمرها 27 سنة والي تحتها عمرها 24 سنة وكلهن يرفضن الخطاب اللي دكتور والي مهندس والي رجل أعمال...!!! كلش متعقدين من الرجال... وهم ماتعرفوا عليهم .. بس من ثقافة المسلسلات لا... والحريم... الله يسلمهن اذا قعدن وحلت الجلسة... مالهن من السواليف إلا فلانة تطلقت.. وفلانة زوجها تزوج عليها.. وعلانة رجلها مايخليها تطلع.. ووووو.. ويبدو ان سوق الشاميات واللبانيات بيكون مزدهر اذا استمر هالحال |
[align=right]المسلسلات تحكي الواقع
رجال هالوقت مابهم العين المفتحه الا من رحم ربي [/align] |
المسلسلات الكويتيه اقولها ودايم اقولها فساد للعوائل !!
|
المسلسلات ماجت قصصها الا من واقع بغض النظر عن المؤلف انثى كانت ام ذكر
رجال هذا الوقت لايعتمد عليهم بشيئ .. عديمي المسؤولية .. لايحسبون للزوجاتهم اي حساب يعيشون بحرية وكأنهم في عالم لوحدهم بدون اي تدخل من الزوجة أو الأهل للأسف هذه المسلسلات كشفتهم وكشفت خبثهم ونذالتهم وتقصيرهم والمرأة اما ان تعيش بجحيم مع هذا الزوج أو تعيش عانس طول عمرها وبكلا الحالتين الجنة مثواها بإذن الله على صبرها وتحملها . |
صدقني المسلسلآت لآ تحكمنآ أو تؤثر فينآ لهالدرجه
لكن الوآقع مُخزيّ فعلآ , وهذآ مايؤثر فينآ . شبآب عاطلين أخلآقهم نتنه ويرون المرأه بنظره دونيّه وكأن المرأه لآ شيء .. الرومانسيه يجهلونها .. والأنآنيّه سيطرت عليهم . الواقع .,, الوآقع ياسيدي وليس المسلسلآت .. |
وهم صادقين ,, حنا متأثرين من الواقع اللي نشوفه والمسلسلات تحكي الواقع,, وش عليه نتشجع للعرس هواش وحاله,, إذا على الرومانسيه مانبي رومانسيه بس ليتهم مايخونون ولايضربون ولايسكرون,, وبنات قريبك موبس هن المتعقدات وأنا معهن تصدقون إن باقي لي سنتين وأتخرج وودي يمددون الدراسة بقسمي كم سنه حتى أتحجج بالدراسه,,, أبرفع حمله عانس ولازوجه متبهذله,, عودا حميدا أي شيء |
اذا هم فعلا بيتأثرون بالمسلسلات
ليه طيب مااتأثرو بالمسلسلات التركية ومافيها من رومانسية وحب وناسه وطلبو الزواج وأسرعو فيه !! وليه مااتأثرو بالمسلسلات السورية اللي فيها كلام حلو ؟ وليه ما اتأثرو برجولة شباب باب الحارة وغيرتهم على زوجاتهم واحترام زوجاتهم لهم ؟ ولاتقولون لي هذولا تمثيل .. لأن كل المسلسلات تمثيل بتمثيل لكنها واقعية بكل ماتحمل الكلمة من معنى . |
الله يهدي شباب السعوديه
عشان نعرف نعرس وحنا متطمنيين ههههههههه الوحده منا اذا قرب عرسه مسكت قلبه ويوفق الجميع لكل خير يارب |
تكرهه وحده واللي يحبن الالف
او نآسي زيآده عدد النسآء بالمنطقه ؟ مآفيش آختيآرات |
وش الدليل انه تحكي الواقع ؟
|
لا واقع ولا شي ..
اثنين من العيال اعرفهم مابطو معرسين وبصراحه انا احسد زوجاتهم عليهم .. الله يوفقهم .. |
اقتباس:
وش دخل المسلسلات هن يدرن انه تمثيلhttp://www.buraydh.com/forum/images/icons/icon10.gif بس قال يشوفن تعامل ابوهن مع امهن وتعامل اخونهن معهن لو كان زين كان تزوجن اليوم قبل بكرىhttp://www.buraydh.com/forum/images/icons/icon8.gif << حطين الحره بالتلفزيون الله اقوىhttp://www.buraydh.com/forum/images/icons/icon10.gif |
اقتباس:
هذا بلا ابوك ياعقاب...!!! ذكرتيني بالي راح لمصر لاول مرة بحياته واول مانزل من الطيارة.. واول بنت حلوة يشوفه على طووول لمه ويسأله : الاخت خنيثة...!!؟ - وعذار للفظ - لانه كان يشوف الافلام ومتوقع ان بنات مصر كلهن مثل الي يشوف بالافلام...!!! اي واقع الله يهديك..!!؟ مخدرات.. ومسكرات.. وبلاوي متلتة... وتقولين واقع..!!! اهم شيء ان شاء الله تكونين تداركتي نفسك واعرستي .. قبل مايؤثر عليك هالفكر..!؟ |
اقتباس:
حياك اخوي عاشق كلامك جاء على كلامي والله بس يفكنا منها ومن بلاويها.. |
اقتباس:
هلا بك عذبة ومن قال ان المسلسلات قصصهن واقعية..؟؟ المؤف والمخرج والمنتج يبون يكسبون دراهم ومايحصل لهم هالشي الا بكم دمعة.. على كم طراق.. على كم منظر حلو ومو كل رجال هالوقت مايعتمد عليهم... يمكن فيه منهم مثل ماقلتي بس قلة قليلة.... ولو على رايي انا.. كان قلت البنات هن الي مصيبة الحياة الزوجية لان تفكيرها محدود وخبرتها قليلة... وهمهما سوق ومطاعم... وعلى القصص الواقعية.. كثير اشوف مشاهد واقول كيف مايستحي المؤلف انه يستغبينها بهالطريقة.. ومادريت انه لاقين احد يصدقه وياخذ بكلامه..!!! |
اقتباس:
طيب يابنت الناس ومين تكونت هالنظرة..؟؟ ما ادري عنك متزوجة والا لا... لكن على الاقل من البنات الثانيات...؟ كيف حكمن على الرجال بدون معرفة..؟؟؟ وانا لايمكن اني انفي وجود الاشكال اللي ذكرتي بس خليني اكون متشائم.. واقول لايتجاوزون 30% والبقية فيهم خير كثير وصراااااحة تعبت عشان اقدر القى تعريف محدد للرومانسية عند المرأة... وكثير منهن ينظرن اليها هدايا.. وسفرات.. وطلعة برا البيت اكثر الايام...!!!! نعم الرجل يتحكم في توجيه حياته مع زوجته... لكن اين دورها هي...؟؟؟؟؟ ولو ابفتح موضوع الرومانسية كان نقلت لك شكاااااااااااااااااااااااوي كثيرة للشباب وبتبين فعلا مين الي ناقصه فيه الرومانسية...!!! |
اقتباس:
هلا سجى بصراحة .. ماهقيتها منك انتي..؟؟ اقرا لك في منتدى التنمية البشرية وباني عنك فكرة وش زينه وكلامك فيه رد على احب نفسي... لان الرجل لايمكن ان يخون من غير سبب... ولو لقا (رومانسية) واهتمام وحنان من زوجته... ماراح يلتفت لاي بنت بالعالم مسكين الشاب... يتزوج وهو راسم واقع خيااااااااااااااااالي لعش الزوجية.. وفجأة.. يلقى قدامه بنت تبي تطلع.. وتتسوق .. وتسافر... وخوالي مجتمعين وخواتي بيطلعون استراحة.... ,آآآآآآآآآآآآآآآآآخر اهتمامها..... بيتها وزوجها..!!!! بالله كيف تبين الرجال يتكيف مع هالوضع..؟؟ وعلى السكر والضرب ... تراه نادرة وشي محدود .. ولايمكن ان يقاس عليه او يعتبر موجود واسمحي لي ابصم بالعشرة... انك خريجة مسلسلات هابطة وهايفة.. وخربت مخك.. ويمكن تخرب مستقبلك.... قبل ماتكونين خريجة جامعة.... |
[align=right]قليلات ادب هالمسلسلات
اجل خربن البنات عليكم وخلنهن مايقبلن بكم مالهم حق بالعكس انتم رجال لا استراحات وخيانات ولا بلاوي من البيت للمسجد من المسجد للبيت[/align] |
اقتباس:
هلا بك مرة ثانية عذبة اولا فرق الثقافة ... والاهتمام ثانيا كم نسبة اللي يشوفون مسلسلات تركية.. وسورية..؟؟ السورية بس باب الحارة... وغيرها مافيش... وياليتهم يدمنون المسلسلات السورية.. ادمان .. على الاقل نسمع من يقول ابن عمي.. وتقبرني .. وغيرها من الكلمات الحلوة فالسوريات اكثر واجمل من يخضع للرجل .. ويعرف كيف يكسبه ولذا لم يتزوج سعودي سورية الا وكسبته... وحريمنا من زود الغباء... يقولون اكيد ساحرته...!!!! لانهم ببساطة مايعرفون شي اسمه السحر الحلال.. سحر الكلام.. والضحكة والدلال |
اقتباس:
آمين... وينجح كل بنات المسلمين... ويوظف شبابهم... لانه بدون وظايف... مافيه عرس...!!! وذكرتيني بخالتي... الله يذكره بالخير تقول يوم قالو لي اننا بنزوجك.. قعدت اصيح وابكي وسويتها مناحة مسوية اني مابي العرس.... بس في داخلي اتشقق فررررررح وميته اشوف رجلي.. وانا اقول... ليت فعلا كل بناتنا مثل ماقالت خالتي ... |
اقتباس:
تهقا اهوي مخضرم..؟؟ تتوقع كلام خالتي صح...؟؟ لكن مردهن لنا... يعني اهاليهن بلشين بهن من صغرهن مهب متحملينهن على طووووووووول |
اقتباس:
الدليل... أأأألوووووو له... |
اقتباس:
آمين... وكلامك يؤكد ان فيه شباااااااااااااااب كثر وش زينهم بس بناتنا متعباتهن المسلسلات.. واول من راح يتعب هن بعدين.. |
اقتباس:
هلا بك اختي من يقول انهن يدرن انه تمثيل وخوياتك فوق يقولن هو الواقع...!! ويعني الي تعامل ابوهم مع امهم وش زينه... تزوجن بناتهم...؟؟ |
ممم ..الحقيقة ماتوقعت يكون فعلا موجود هذا التفكير اللي قرأته في اغلب الردود...!!! لسبب :
أنه شخص بالغ وعلى عمر زواج فالمفترض يكون عنده استقلالية في افكاره ولا يتأثر فكره بسهولة-سواء كان من حديث النساء أو سيناريوهات المسلسلات-.. عن نفسي..متفااائلة جداً،وبغض النظر عن ماسوف يكون عليه الطرف الآخر،أنا أثق بقدراتي. صبايا...دعوة للتفاؤل،النماذج الحلوة مو شوي.(= أي شيء..تحيتي لك،وشكري . |
البلاء مو في المسلسلات
البلاء الاكبر في الي ينزلون مواضيع اربع وعشرين ساعه عن الخيانه وعن الشباب وسفراتهم برا والرجال وزواجهم من ثانيه كل هذا هو الي يأثررر ياليته وقفت على المسلسلات كان ارحم من نشوفه في منتديات وخاصه هاالمنتدى |
أي شيء
اقتباس:
|
والله مايصدق المسلسلات غير واحد حبيب >> ياليته يجي بس يهمز رجليني ههههه |
الحمدالله
كل معارفي ماعندهم خلاف هم وزوجاتهم حتى جيراننا هههه من تقصدون شكله عالم ثاني |
اقتباس:
احترمك لكن صدقني الاعلام اثر على البنات والشباب لكن اللي فهمت من كلامك انك متضايق من لغة التعميم الظالمة اللي خلت الشباب كلهم داشرين ؟! ماألومك التعميم ظلم لكن لو جينا لواقع الأسر الخليجية الثرية لقينا شبابهم وبناتهم ياستار مو بس شبابهم وبالمقابل ماأعتقد ان الاعلام بعد حسن صورة المرأة بالعكس الاعلام الا من رحم ربي صور المرأة انها ماخلقت الا من أجل الاغراء والمتعة فقط وتناسوا انها روحا وعقلا قبل ان تكون جسدا ! بالأخير العاقل هو اللي يوازن الأمور ولا يتأثر بكل ماهب ودب ربي يوفقك |
اقتباس:
|
طيب واللي من طلعت على الدنيا ماتناظر مسلسلات خليجيه؟؟ متعقده بعد؟؟ والوحده اذا جاء نصيبها تبي تتزوج عاد تبي العرس ولا ماتبي ==>> مير الاحسن للوحده تدرس وتعين من الله خير واذا خصل تتوظف وتشري له بيت وتضمن روحه وبعدها عاد تعرس |
والله مادمرنا إلا المسلسلات البايخة
الذي فيها إختلاط ومن كلا الجنسين والناس تركو المسلسلات المحافظة وذهبو إلى مشاهدة المسلسلات الهابطة |
المسلسلات تحكي الواقع ... سمعنا وشفنا ماحنا بحاجه للمسلسلااات قليل نشوف وحده مستانسه بحياته نكدو عليهن عساهم للمخلي:( . . اللي موب قد الزواج يقعد عند اهله اريح له واريح للتعيسه اللي بيطيح بتسبده:( |
مسلسلات تحكي واقع ؟؟؟ اي واقع ؟؟؟؟؟
طيب لاصارت السالفة على حالات شاذة ليش ماحكو بواقع علاقات بنات بسائقين ؟ او علاقات بنات مع بائعين محلات ملابس ؟ او علاقات بنات مع توصيل الطلبات للمطاعم ؟؟ والله عالم تمشي قلب المسلسلات تبي الهدم والي يديره ناس لهم هدف واحد وهو نشر الرذيلة مافيه علاج لمشاكل بطريقة سليمة كله تخيلات من عقول كتاب يحاكي واقعهم هم وليس المجتمع |
اقتباس:
خلآص خلو الرومانسيه علينآ .. بس نبيكم خلوقين مؤدبين محترمين .. تقدرون المرأه .نبيكم حنونييين ومتساعدين .. مانبي الأنانيه خلوكم متعاونين.,,,.؟؟؟؟؟؟؟؟؟؟؟؟؟؟ ارجوكم ارتقوا |
اقتباس:
تسلم على طرح هاالموضوع الي يدل على رقي تفكيرك وياليت اسهبت بطرح العلاج وملامسة لكثير من القصص التي نعيشها عشان الي جالس بين اربع حيطان يعرف أن هناك مآسي في البيوت لكثير من شبابنا وبناتنا ! بس خليني أزيدك من الشعر بيت وهو أنه ليس فقط المسلسلات الخليجية فيها تشويه للواقع بل غالبية العفن الفني سواء كان خليجي ولا غير خليجي ساقط وأفكاره يدس فيها السم بالعسل وربنا يستر على المسلمين رجال ونساء من فتن القنوات .. والله يهدي شباب وبنات المسلمين ولاننسى بعض الشيبان و العجائز المراهقين والمراهقات :f5: |
جميع المسلسات الخليجيه والغير خليجيه كلها خراب وكذب في كذب
وأستغرب من الناس الي بتابع وتتأثر بأي موقف يحصل داخل المسلسل شي عجيب |
اقتباس:
وتقرالي بقسم التنمية البشرية!!!! أصلا مالي ولامشاركة بهالقسم كل مشاركاتي بالمجلس وماعمري دخلت هالقسم والغريب إن مافيه عضوة هنا إسمها سجى والله يأنا بأنهبل من هالكلام... اقتباس:
وسبب الخيانه إن الزوج إذاكان صاحب علاقات قبل الزواج راح يستمر بعلاقاته بعد الزواج خلاااص تعود على هالشيء ومومعقولة يا أي شيء إن كل الأزواج الخائنين مالقوا إهتمام من الزوجه أساسا لو مالقوا إهتمام من زوجاتهم تزوجوا مرة ثانية ماراح يصبرون,,, اقتباس:
كنا نحلم بزوج مثااااااااااالي روماااااااااااانسي حاااااااااااااااااااالم وتكوين أسرة مثاليه أفرادها ناجحون,, بس فجأأأأأأأأأأة إنصدمنا بوااااااااااااقع مختلف أشوف تعامل محارمي مع زوجاتهم جااااااااف ويكلمها بشينه نفس أروح لقريباتي وأتفاجئ بكلامهم عن حياتهم الزوجية وأزواجهم تقولي يجحدون أقولك يكفي مكالمتها لزوجها شوي يتهاوشون أروح للجامعه صديقاتي المتزوجات نادمات ع اليوم اللي تزوجن فيه, أسأل اللي توها متزوجه تقول تعب ومسؤوليه يازين حياتي قبل,, أدخل النت وأقرأ المصايب!! أشوف تجالرب المتزوجين ماشفتهم يمدحون الزواج الكل يسب مع جهه وأنت منهم وإلانسيت موضوعك عن المسيار المتزوج يمدح العزوبيه والمتزوجه نفس الشيء وإسأل أي عزوبي قل له ليه ماتتزوج؟بيقولك ربعي المتزوجين بالإستراحه يقولون مابالزواج إلا جب كذا ,ودني لكذا أسأل مجرب ولاتسأل طبيب وحنا سألنا المجربين والمجربات وماشفنا أي تشجيع بإختصار سبب عزوف الشباب والفتيات تجارب غيرهم والمسلسلات مالها أي علاقه, وماراح نكون أحسن من غيرنا,,, اقتباس:
اقتباس:
أقسم بالذي رفع السماء بالعمد إني ماااااااااا أتابع مسلسلات أصلا وأنا أقسمت لك لإن فكرتك إن البنات متأثرات بالمسلسلات ماأعتقد إنه صحيح أنت تتكلم عن بنات بسن زواج ناضجات فكريا مومعقول بهالعمر تتأثر بمسلسل سبب تعقيد البنات من الزوج تجارب اللي حولهن وبالنسبه للمسلسلات الخليجية أصلا البنات مااااايتابعن مسلسلات خليجية يتابعن أفلام كوريه ومسلسلات تركيه لوهن بيتأثرن من مسلسل كان تأثرن بالأتراك وتزوجن ’’’’’’’’’’عذرا ع الإطالة""""" وننتظر الجواب منهي سجى اللي بأول ردك!!!!!!![/color][/font][/size] |
اقتباس:
واهنيك ياغاليه اللي قدرتي تمنعين نفسك عن المسلسلات .. الله يثبتك ويهدين الموضوع راجعين له لاني الحين انا دايسه البنزين ومشغوله .. بس احب اقرأ ردو الدربيه سجى .. |
| الساعة الآن 08:46 am. |
Powered by vBulletin® Version 3.8.8 Alpha 1
Copyright ©2000 - 2026, vBulletin Solutions, Inc. Trans by
موقع بريدة