|
نعومي جدة .. بدايه خير
’’ كما قامت محلات " نعومي " وهي إحدى المحلات التي أشتهرت ببيع الملابس والإحتياجات النسائية في تطبيق قرار سعودة " الكاشيرات " والبائعات حيث وقفت الوئام على عمل الفتيات في مجمع العرب بشمال جدة ، في خطوة لاقت استحسان الكثير من المتسوقين والمتسوقات ، واللاتي أكدن للوئام أنه قرار كن في انتظاره منذ فترة خصوصاً في محلات بيع المستلزمات النسائية. ’’ ولو إنها متأخره إلا إنه احلا خبر قريته ،، ياترى راح يستمر عمل الفتيات بسلام في هالمحلات على وجه الخصوص ويغطي جميع فروعها بالمملكه ويصبح عرض موديلات الانجري والاندر وير وخلافه من الأنثى للأنثى شكلاً ومضموناً ؟ دون تدخل الذكور واخص بالذكر الذكور الاجانب :( من القلب اتمنى هالشي بدون تعكير وتحجير غير مبرر ،، انتم مثلي تتمنون او تعارضون :( |
قرآر جميل جداً و لكن بقدر جماله له آلنصيب في البشاعه أيضاً !!
جماله يكمن في أن تكون البائعه للملآبس المخصصه للنساء إمراة مثل المشتريه و ذلك شي بديهي سوف يُعطي المشتريه شعور في آلراحه و أخذ الحريه في الإختياار .. أما بشآعته تكمن في وجود بآئعه ( إمرأة ) أمام حشد من البائعين ( الرجال ) .. أي لو أن آلمجمع بأكمله نساء فهذا أمر مستحسن و جميل جداً .. و لكن أرى على البائعه ( المرأة ) خطراً لوجودها بين الرجال .. إلا إذا كان المحل مُقفل و لا تدخله إلا النساء فهنا ستكون في مأمن .. و لكن لا أظن فأتوقع المحل ( وسط ) المجمع .. :( ع كلاً أرجع و أُكرر آلقرآر رآئع بقدر خطورته .. شكراً لك مودرن .. |
الله يبشرك بالخير عقبال مايطبقونه عندنا يهناهم الوحده تحمر وتصفر قبل تشري... تقل موب شينه الوظيفه..:ash: |
أتمنى تطبيقه بفروع بريدة
أنا من رايي مافيه أي سلبية خير ان شاء الله بتكون متوظفه بغابة ذئاب ان فسد واحد ولا اثنين ماراح يكون كل موظفين المجمع فاسدين يعني من ناحية الأمان عليها الأمان بأذن الله وترى فيه ناس محتاجه ياعالم وبنات ماتزوجن هن ماسكات المسؤولية وقفت بنفسي على نماذج من المتوظفات بسوق الوشاح صاحبة محل قررت تستغني عن موظفه عندها والله جايه أمها تحب رجلينها تقول ترى بيتنا على الله ثم هالألف اللي تاخذها راتب من هالمحل ياناس حسوا ترى مو بس الرجال يمسكون المسؤليات هالزمن الأطفال صار برقابهم لحم مسؤولين عنهم |
اقتباس:
يعني السعوديين اهون ؟؟ انا عن نفسي اشتري من هندي او لبناني ملابس داخليه ولا اشتري من سعودي عموما الخبر مفرح والعقبى لمحلاتنا النسائية المبتذلة من الشباب الكاشخين واللي يتميلحون بمكان اشد مايكون احراج للأنثى مودرن .. عودا حميدا .. وكل عام وانت بخير |
رحمك الله يا غازي ، الآن أدركوا ماكنت تنادي به
|
لالالا...!
موضوع اعتقد قد طرح وانتهى ومايصلح سبحانه وتعالى كره لنا تواجدنا بالسوق لغير الحاجه فكيف للبيع! ربي وضع كل صانع وصنعته المراءه طبخ وتنظيف وتربية جيل والرجل الكد والكديد |
عذبة لعلك حاذفة السطر الثاني ، تراه كلام كبير وتشهير على غير بيّنه ! بالنسبة للموضوع فهو أمر يستحق الإحتفاء ومن يقول إنه بشع لأنه بين رجال فهذي نكته ! وهالحريم اللي يتسوقن وين راحن ؟! من المفترض إننا ماندور علث لمجرد أن تيار معين يرفض هالشي يعني بالعقل والمنطق وكل شي عيب الرجل يبيع في محلات زي هذي والعيب الأكبر من الرجل اللي يرفض إن هالمحلات تدار بعناصر نسائية ! سلملم |
اقتباس:
بالنسبه لقولك ( مآفي أي سلبية ) سأجاوبك و أُخبرك بسلبية واحدة فقط و يُكتفى بهاا .. :) فّ وجود إمرأة بين حشد من ( آلرجال ) ( الغـرباء ) هذا بحد ذاته أليس مشكله ؟ و نقطه سلبية ؟ فأولاً المكان سيكون ( إختلآط ) و ستكون البائعه المرأة بين رجال غرباء عنها , ولن يكون معها محرم !! ( إلا إذا كانت بتجيب أخوه يوقف له عند الباب فهذا حلو مره :) ) هذه النقطه السالبه الأولى .. أما الثانيه فهي خطورة وجود تلك البائعه بين حشد من الذئاب البشريه و أنا لا أُعمم و لكن هناك الكثير من النفوس الدنيئه إلا من رحم ربي .. :( فلنفترظ أن سيكون موعد العمل ( مساء ) من الساعه 4:00 م حتى الحادية عشر على الأقل إن لم تكن الى الثانية عشر صباحاً .. طيلة هذا الوقت و وجود إمرأة بين تلك الرجال الغرباء أليس بهذا خطراً عليها ؟ بل بالتأكيد سيكون هناك خطورةً عليها .. و النقطه الأخرى التي تقولين فيها ( بغابة ذئاب ) سأجاوبك و أقول نعم ؟ فهل أنتي تظمنين جميع البائعين و تظمنين نواياهم , بغض النظر عن وجود كثيراً من العمالات اللي ( الله بالخير ) و مشهوداً لهم بالخير كثيراً .. :) بالطبع سيكون أكثر من عماله فهو ( مجمع ) ليس محل أو محلين .. و الإنسان أصلاً يجري فيه الشيطان مجرى الدم .. و النقطه الثالثه ( ان فسد واحد ولا اثنين ماراح يكون كل موظفين المجمع فاسدين ) أولاً هل تظمنين الإثنان أو الواحد هذا ؟ بالطبع و بالتأكيد لا ( الخوف من هالواحد و الإثنين :( ) ثآنياً أنا لآ أُعمم و لكن بنفسك قلتيها ( ان فسد واحد ولا اثنين ) أي الخوف موجود سواءً واحد آو عشرون .. :) و بالنسبة للنقطة الرابعة و الأخيره .. و أنا قلتها في ردي السابق و لكن بصيغة أخرى .. أنتي تتكلمين عن سوق الوشاح ؟ و الكل يعلم أنه سوق نسائي ليس فيه رجال نهائياً .. :) أما الموضوع يتحدث عن محل نعومي في ( مجمع برج العرب ) .. :) شتان بين سوق الوشاح ( النسائي ) و بين مُجمع ( برج العرب ) .. أعتذر من صاحب الموضوع , و لكن الموضوع للنقاش و أردت أن أسدي برأيي .. :) |
[align=center]العرب جده من العام الماضي مسعودين بس بطريقة غير ملفته :)[/align][align=center]
لكن صراحة خبر غير سار لأسباب ..! منها ..، أن (المطقه )روسنا يالقصيميات :( تدخل الوحده بزوجها والا أخوها يتفرج وهي ممنوعة من هذه الوظيفة لأنها غير مقبولة لديهم ..!! غير ذلك أجزم أن الوضع لايمكن أن يمر بسلام وأبشر بالفساد وجدة أول من يبدأ به ثم يتدرج الأمر.,, والفساد المخيف يبدأ من ذكورنا ياإستاااز مودرن ..، < والله يالهندي حل وسط للمحلات الخاصة :) الله يعين ع الدنيا ..،[/align] |
اقتباس:
و هل إذا ذهبتي للسوق تذهبين من بداية الدوام إلى نهايته ؟ :) أرجو النظر أولاً لأبعاد القرار و من ثم الإنتقاد .. :) |
اقتباس:
اقتباس:
وجود رأي او وجهة نظر لا توافق رأيك . ليست تحجير اوتعكير! مثل ماهناك (تطرف ) حاد بفهم بعض(التشريعات) التي ليست ثوابت واخذها بمنظر (متشدد) هناك تطرف من نوع أخر وفي الجهه المقابله هناااااك.. وهم الذين يرفضون أي رأي يخالفهم!! أما مسألة نجاح (تأنيث) محلات معينه ... فمن البشاعه (الجزم) بنجاحها من عدمها فلنرى ماسوف تسفرى عنه (تجربه جده) وان كانت نسبه النجاح هناك كبيره وأخير / الحكم على الشيء جزء من تصوره.. ويجب عدم أخذ الامر بحساسيه بالغه من كلا المعسكرين المعارض والمؤيد |
اقتباس:
غريبه بعض الأفكــــــآر !!!! يعني الهنـــدي مو ذكر ,,, ما فيه غرائز عنده ,,, و ميول للأنثى !!!! يعني بس الغرائز و الشهوهـ ,,, عند اليمني و السعودي و المصري !!! ما فيه شئ أسمه حل وسط ... الذكر يضل ذكر ,,, من أي جنسية كــان ... لكن هي معتقدات عششت في رؤوس الكثير من النساء ... :) :) فيســـــــــــآت من هنـــــا الى آخر العـــــــآير .... .... بـ النسبة للموضوع أخي مودرن ,,, أنا أشوف بـ أنه مناسب جداً ... و راح يحل قضايا كثيره ... أهمهـــــا التحرشــــات ,,, و البطالة عند البنـــات ... و ياليت يكون التعميم على جميع محلات الملابس الخاصة و الداخليه النسائيه ,,, و بهذا يكون ... سمننا في مكبــــتنا ... شكراً لك .. ,, |
هذا القرار أو التجربة
مطبق تطبيق فعلي في مكة وجده..منذ سنوات في محلات نعومي خاصة..حسب مارأيت.. وأعتقد لو كانت الفكرة ناجحه أو حققت إقبالاً.. لما ترددت محلات نعومي في تطبيقها أيضاً في باقي فروعها..! تحيتي,,, |
أخيراااا
أحسن خبر سمعناه الله يرحمك ياااااا غازي القصيبي وبعض الناس بتعارض في البدايه مثله مثل أي شيء جديد,, وإن شاء الله بتنجح هالخطوة وتنتشر بجميع المدن,, وأتمنى إن أصحاب هالمحلات مايعجزون ببناتنا بالشروط,, والناس اللي تقول إختلاط إختلاط المستشفى أشد من إختلاط الأسواق ومع ذلك يتخرج كل سنه دفعات من بناتنا الممرضات والدكتورات ونتفخر فيهم,, يكفي إن العمل بالسوق راح يكون في تواجد المتسوقين,, كل الشكر,,, |
ايضا مطبق في الرياض له اكثر من 4 سنوات
نظام اشيد به ويقلل من نسبة الاحراج لدينا الى الصفر , |
فكــره حلوه وانا شفت المحل بمجمع العرب بس قليل من يدخله :(
واعتقد فيه مول بالرياض نفس الشي نعومي والبائعات نساء .. وفيه كذا مول بالمنطقه الغربيه .. يوجد محلات تبيع فيها النساء .. والمحلات الي بجواره يبيع فيها رجال .. طبعا لايدخل في المحل الا النساء لكن اشوف انها مكان غير آمن للنساء سوآ للبائعه او للمشتريه |
عقبال مانشوفه لوبالحسون..:)
|
المفروض من زمان والله خصوصا محلات االلانجري ..
عموما بدايه موفقه ويالييت يعمم عالكل .. وفكرة انه فيه رجل ايا كان هو رجل سعودي او غيره .. بس السعودي يسوينفسه فاهم بعض الاحيان .. |
اقتباس:
اللي هذا رأي وضوح اجل مانشره على البقيه ! ياعين حيي الزوج او الاخو بينتظرون برا لين تخلص الوحده شاريه اللي هي تبي لان المحل مكتوب عليه من برا ممنوع دخول الرجال ,, بعدين وين الفساد اذا المحل مايدخله رجل .. زي المحلات النسائيه اللي جوات مولات جده والشرقيه خطوه رائده وراقيه .. |
هلا بالأخت فلسفة جيل
اقتباس:
|
منور موردوون,,, لك وحشة,, اعتقد القرار فقط بجدة نفذ ولم ينجح نجاح كامل واثير اعلاميا بعد فشله,, واعتقد استحالة ينفذ ببريدة خصوصا وبالقصيم عموما واهل مكة ادرى بشعابها |
[align=center]لحظه ياقماااااعه :)..،
مدري الخلل عندي والا عندكم < أكيد عندي :( ردي أعلاهـ على أساس أنها تبيع مثلها مثل الرجال بمحل مفتوح ..! أما اذا على المحلات المغلقه فـ لها سنوات في الشرقية وفي جده وطبق في الرياض وألغي بسرعه اذا هيك أكيد أنا مؤيده وتعجبني جداً الفكرة ..والى الأمام :) ، مع أني وقفت لدقائق أمام الباب في ( الدمام ) أحاول الدخول لم أتجرأ لأني بصريح العبارة خوافه ..!:) لكن بشكل عام خبر حلو < غيرت رأيه [/align] |
[align=center]استاذ موردن خبرنا هل المقصود محلات مفتوحه كما فهمت في البدايه ؟[/align][align=center]
أم في مكان يمنع دخول الرجال فيه ..!< حتى ما تطلع إشاعه :)[/align] |
اذا على المحلات المخصصه للنساء فقط .. فهو موجود بعنيزه ومسموح فيه .. وما في نظام يمنع هالشيء مثله مثل ترخيص المشاغل .. أما ما يريدونه من بائعات في محلات مفتوحه وزملاء عمل .. فجزاء الله كل من وقف أمام إقراره حتى ولو اسميتموه متشددا ومتحجرا ... مع ان هالمحلات على قول وضوح بتخلي بعض الرجال ما يقصرون في صحبة زوجاتهم والبر بهن:29_1_16[1 |
اقتباس:
اهلين فلسفه زي ماجاء بالخبر ان الكاشير والعاملات بالمحل كلهم بنات يعني مافيه مجال للعمل او الاختلاط بشكل مباشر او غير مباشر مع الرجال وزي ماتفضلت الاخت فتحيه ماتفرق عن وجودها للتسوق ،، ولو اخذنا بقولتك العمل بهالشكل خطير اعتقد انه مو اخطر واقبح من عرض الرجل لملابس المرأه الداخليه وسؤالها عن المقاسات وخلافه ،، شكرا لك اقتباس:
عقبالك :) |
اقتباس:
وانا اتمنى معك :) وعقبال مانشوف بالبلد لا عاطلين ولا عاطلات شكرا لك |
اقتباس:
اممم بصراحه انا انسان اغلي غلي ويحترق قلبي لاشفت بنت ديرتي قدام الاجنبي ويستعرض لها ملابسها الداخليه سميها غيره جنون مادري وش هي بالضبط :( والسعودي عندي اهون ميه مره معليش لانكون ظالمين للشباب اللي بالمولات والله مساكين ويدورون الرزق يعني بالله محصّل مكان افضل وتاركه وجاي للمول دايما مع الاسف نشكك بأخلاقياتهم وتصرفاتهم وهذا فوق الضغوط الاجتماعية اللي عليهم وفوق نظرات الترقب والتصيد عليهم ! والله كثير منهم ولد قلبك بتعامله المؤدب ولو صارت واستوت اول من بيوقف مع بنت الديرة هو مو الاجنبي تواجدك عذب ياعذبه اشكرك عالترحيب ،، |
اهلا مودرن تذكرت تلك المنادية ( نسيت اسمها ) بلقاء خاص .. التي نادت بتخصيص هذه المحلات للبائعات ... مراعاة خجلها من البائع حين تسوقها .. و لا ادري عن اي خجل تتحدث و هي تشير الى بعض مناطق جسدها اثناء حديثها عند وصف تلك الملابس الخاصة ..!!!!!! -- لا اصدق .. ان كُل تنادي الى تأنيث تلك المحلات .. منعًا لللإحراج من البائع .. فلا ارى حرج عند التسوق و آخذ حاجتي ثم الحساب دون نقاش او سؤال .. لإن لو كان مانعهن هو الحياء ، لردَّهم من التسوق حتى لبضاعة ليست خاصة ، لإن الرجل يبقى رجل .. يرأى ويسمع كما بقية رجال المحلات الخاصة .. ، أود معرفة رأي تلك الساذجة التي مدَّت يدها للبائع ، ليمسح على يدها ( الكولنيسر ) مع ضحكات "التميلح " بوجه البائع .. < كرهت راعيات البراقع بعدها . هل تؤيد ام تُعارض ! اقتباس:
لم اشاهد ما شاهدته .. اين ؟ |
اقتباس:
اقتباس:
اهلين وضوح انا اتكلم عن المحلات المفتوحة زيها زي اي محل بأي مول :) تجزمين بالفساد ؟ طب ليه ؟؟ يعني فيه تجارب سابقه شبيهه وعطتنا نتيجه سلبيه تخلينا نجزم بفساد هالتجربه ؟ والله يعين ذكوركم عليكم :( |
خطوة ايجابية جداً
لكن للأسف لم تلقى استحسان المتسوقين لا أدري أين الخلل ؟! عندنا في جدة مطبقة الفكرة منذ أكثر من أربع سنين وهي محلات مغلقة للنساء فقط.. يمنع منعاً باتاً دخول الرجال |
زخات مطر
اقتباس:
|
[align=center]طيب ياموردن لنكن واقعيين ..!
لو فتح المجال لنا في هذا الوقت هل ستقبل أن تتوظف فيها زوجتك أو أختك أو ابنة عمك مثلاً بصراحة وبعيداً عن أنك مُتقبل للفكرة :)! مثل ماتغلي نحن نغلي إذا وقفتوا تتفرجون عليها في انشغالنا بالبضاعه :( إذا هذا الخبر معناها يمنع دخول المَحرم إلى الأسواق حتى لايكون هناك غليان مطلقاً ..، أبشر بالفساد العظيم والمكسب الوفير لصاحب المحل :)[/align] |
لالالالا مايصلح
. لان وشش يبي يضمن ان الرجال مايدخلون مع حريمهم او بناتهم او .... الخ . وبعدين مايحتاج اتكلم عن شفاحت السسعوديين |
اقتباس:
سبحان الله أنا أجزم إن 95 % من المعارضين عارضوا فقط لأن المطاوعه رافضين .. أجل مافرقنا عن الشيعه شي التفكير مغلق حتى إشعار آخر .. يا أخي عاشق بالله مافيك غيرة على بنات ديرتك الوحدة تدخل ويوقف رجل جنبها ويقول أتوقع هذي مقاسك ! عاد معاي محرم أو مو معاي مايفرق شخصيا أغراضي الخاصة لو يحصل لي ما أحد يلمسها غيري ما أقول لا مب عاد رجال غريب يكفي إنه بيطرقها قبل لايحطها بالكيس ... ! ياخي رجل بمحل تدخل عليه مئات البنات يوميا أعظم خطر من امرأه تعمل في محل مايدخله غير النساء حتى لو كان مفتوح بحيث يقدرون الماره يشوفون وش يصير بالداخل .. فكر شوي بالمتسوقات تراهن يستحقن الخوف عليهن مثل ماتخافون على هالعاملة اللي ماعليها خطر لأنه عمرنا ماشفنا سوق فاضي من الناس ! احتمت تسبدي على هالصبح و صارت الطقة بك أخوي عاشق :( سلملم |
اقتباس:
خبرج عتيج انا توني بالأندلس قبل اسبوعين .. ماشفت الا رقالة .. :) و بنعومي كمان .. |
اقتباس:
امم قلت لك اخر مره قبل 3 سنوات :) لان الاسواق عندنا بالرياض مابقى الا تفتح لها فروع ببيتنا http://www.buraydh.com/forum/images/icons/icon10.gif |
[align=center]
اقتباس:
وضوحه ،، هو للحين فيه رجال تمشي مع حريمها بالأسواق ؟ طيب ما راعي البصبصة حيشوف كمان المتسوقات ! اذا نفذوا هالقرارا بجميع الأسواق ، رح ننادي ايضا بأغلاق الإسواق عن الرجال احترام لخصوصية المرأة .. :) و هيك رح نفسد خطط اللي روسهم مليانة خباثة .. ووضوحه تكبر الوسادة ، دام انتهى شغل البصبصة :) . ____ [/align] اقتباس:
:) اي و انت الصادقة ، لو بيدهم ..فتحوا بالسماء مولات .. |
اقتباس:
اهلين احمد اعتقد يا احمدالاعتراض لأجل الاعتراض ووجهات النظر والاراء الغير مبرره ماهي الا تعكير وتحجير في حال التكفل بتوفير الاجواء المناسبه والتعامل الفوري مع المستجدات بإذن الله ستحقق تجربة جدة بتأنيث محلات الملابس الداخليه النسائيه نتيجه رائعه تواجدك ثري دايما ابو حميد حياك الله دائما وابدا ،، |
مداخلة ...
. . . :) قرار جميل , وينم عن تطور ميتافيزيقي , جيد تخطو نحوه , البلد , عقبال المجمعات كلها , لكي لا نرى رقعة وجه هنديٍ كان أو لبناني حسن الوجه أو يماني حلو اللسان .. فقط سنرى كشابيراً كما قال الأول ,,, شينات النفس , متعنطزات , السليقة *** لم أستطع تحديد وجة نظري تماماً , لأنني أشتري المذكورات أعلاه وأنا منخشة بين امي وأختي وحين تحاسب الماما أكون في السيارة أتراعد من هول المطلع :) . . |
| الساعة الآن 10:44 am. |
Powered by vBulletin® Version 3.8.8 Alpha 1
Copyright ©2000 - 2025, vBulletin Solutions, Inc. Trans by
موقع بريدة