|
قبل الزواج.. مرةً أخــرى.!
قال تعالى : { وَأَنْكِحُوا الْأَيَامَى مِنْكُمْ وَالصَّالِحِينَ مِنْ عِبَادِكُمْ وَإِمَائِكُمْ إِنْ يَكُونُوا فُقَرَاءَ يُغْنِهِمُ اللَّهُ مِنْ فَضْلِهِ وَاللَّهُ وَاسِعٌ عَلِيمٌ { (32) سورة النــور وعن عبد الله بن مسعود -رضي الله تعالى عنه- قال: قال رسول الله صلى الله عليه وسلم: ( يا معشر الشباب من استطاع منكم الباءة فليتزوج؛ فإنه أغض للبصر وأحصن للفرج، ومن لم يستطع فعليه بالصوم فإنه له وجاء). متفق عليه. أعلم أن هذا الدين صالح لكل زمانٍ ومكان..وأعلم أن وعد الله ورسوله حق وهذا شيء مسلّم به لدى كل مسلم. ولكن عندما يتزوج الشاب ويمكث لثلاث سنوات وقد تزيد وهو في لهث وراء توفير لقمة العيش وهي ( أقصد السنة الأولى ) أفضل أيام حياته إذا لم يذق طعم هذه الأيام ولبا متطلباتها فستذهب حلاوتها ومتعتها. حتى أن بعضهم يشكوا عندما تطلب زوجته منه وجبةً من أحدى المطاعم.!! في هذا الوقت ومع تزايد الأسعار وركـض نسائنا خلف كل ما هو جديد.!! هل يستطيع الشاب صاحب الدخل البسيط أن يتزوج ؟ إذا كان راتب الشاب أقل من ( 4000 ) فلا أظنه يعيش مرتاحاً. فنساء هذا الزمن إذا ما كان اللبس و المكياج والعطور من إحدى الماركات فليس له مكان عندهن.! إذاً أنا غير مؤيدٍ لزواج هذا الشخص.! كما أنني ضد زواج شاب يصرف عليه والده...! لمــاذا ؟ الأول : لن يستطيع ان يوازن بين مصروف البيت والزوجة والإجار.وسوف يعيشان في شجار دائم. والثاني :مهما كان فنظرة له الزوجة له نظرةً دونيه ولن يكون له هيبة عندها. وإذا سقطت هيبة الزوج من زوجته فاكتب على الزوج السلام.فسوف تعصف به الرياح من كل مكان. صحيح أن المرأة تحب ذلك الرجل المطيع في كل شيء وتحب الرجل الطيب صاحب الرفق واللين ولكن في المقابل تريد زوجاً له هيبة وكلمة في بيته وعند أهله وبين أقربائه ومجتمعه. لا تقولون هذا الكلام مبالغ فيه.! فالزوجة تريد مصروفا شهريا لا يقل عن ١٠٠٠ريال فهي ليست ملامة فهل أحد منكم رأي عطرا جميلا ب ١٠٠ ريال!! أو ساعة جميلة ب ٣٠٠ !! قد يكون عطرها ب ٣٠٠ريال وساعتها ب٤٠٠ريال . إذا الآن صرفت ٧٠٠ بغرضين فقط. وأنا لا ألومها في هذا الزمن الذي لا تكاد تفرق فيه بين الغني والفقير. والنفقة عليها من أولويات حقوقها حتى لو كانت غنية. فلا يجوز للأب أو الزوج أن يأخذ من راتبها إلا بطيب نفسٍ منها وإن أبت فلها ذلك. وأنت عندما أخرجت هذه الفتاة من منزل والدها كنت على قدر من المسؤولية فقد اتبعت الرسول صلى الله عليه وسلم في قوله:( من استطاع.!). وحيث أنك تزوجت معنى أنك استطعت.! إذاً فقدر هذه المسؤولية ولب احتياجاتها وإلا فاتبعه في أمره الآخر حيث يقول: ( (فعليك بالصوم فإنه لك وجاء.!). حكـمة / الرجل الذي لا يغتفر للمرأة هفواتها الصغيرة.. لن يتمتع بفضائلها الكبيرة..! ( تقبل الله منا ومنكم صالح الأعمال.. وكـل عـام وأنتـم بخـير ). أترك لكم المتصفـح.. دمتـم بــود،،، فهـد الخميس 30/9/1431هـ |
أنا مع الفتاة التي تقول لن أتزوج بشاب غير موظف أو دخله بسيط. |
هل يستطيع الشاب صاحب الدخل البسيط أن يتزوج ؟
ايه يستطيع الزواج ليه لا ,, موو كل البنات بهالزمن نفس ماتقوول مارح ترضاء انها تعيش اهم شي عايشه بهناء وسعاده واحترام لايهم لاالبس والى الكشخه اهم شي شاب عنده وظيفه سوء كان دخلها عالي او عكسه ( تقبل الله منا ومنكم صالح الأعمال.. وكـل عـام وأنتـم بخـير ). آمين جزاكـ الله خير |
اقتباس:
اقتباس:
شهريا عطر .. يعني سنويا 12 ساعه سنويا 12 عطر .. على كذا لا زم ما يتزوج الا اللي راتبة 12 الف وأكثر .. زين نجد الحياة الزوجية أسهل بكثير لمن وفقه الله واقتنع بحجم قدرته على الحياة والتكاليف .. وصعبة لمن كان همهم مسايرة الاغنياء و المسرفين .. ---------------- |
ا عتقد ان المرأة الفاهمه الناضجه هي من تقدر حالة زوجها الماديه فهي تقول اتزوج فقير خير من زوج لائم او عاطل ،وكم فقير اغناه الله بعد زواجه . وجهة نظري ان 4000 او 3000 كافيه وزيادة عند حسن التدبير . متشكرلك زين نجد |
متطلبات كثيره + دخل بسيط = عوانس كثير
هذي هي حيآه المجتمع السعودي بالفتره الحآليه شكرآ جزيلأ |
السؤال يوجه للشباب ...!!؟؟
|
السخى بالنفس .. والله يااخ فهد لو كلن قال نفس كلامك كان ماحد تزوج .. الناس الطيبه تبي تعف نفسه وبس .. هو صدق حياة القرفده ( الفقر ) ماينطاق خصوصا بهالزمن .. لبسك مو حلو ماحنا معطينك وجه ... ( هذه عند الحريم واجد بس بالنسبه لي .. الوظيفه تهمني لو من القهر ورشه .. اهم شيء الواحد يخبر شيء آخر الشهر .. ( لا عاد ترى ماتوصل ورشه اما سالفة مااتزوج إلا واحد غني هذه كنت اقوله يومي ماافهم لكن عقب ماشفت اللي حولي .. تغيرت نظرتي اهم شيء يصير له دخل ومخلص بكالوريوس اعرف لك واحد يستلم شهريا 30000 وحرمته ماعمري من زواجه العام ماشفت عليها الجديد .. ماسك الفلوس مسكه مب طبيعيه وان بغت شيء قال هما لك راتب حق الكليه .. وكمان اعرف واحد نفس الحاله . هنا اقتنعت ان الغنى بالنفس .. وش ابي فيه لو كانت ماله مال قارون لكن بخيل .. اما اللي ابوه اللي يكد عليه لا والله صعبه ذي .. انا اقولك مثلا .. الواحد اللي يستلم 3 آلاف شهرياً لكن الأجار طايح عنه .. هذا قادر على تحمل المسؤوليه .. وقدرته هذه مبني على مساعدة الزوجه له وتقديره لحالته .. بهالزمن مو الرجال الغني اللي ينشرى .. الرجال العفيف الطيب الصالح هو اللي ينشرى .. الفلوس بكيفه تجى مع الزمن .. كل عام وانتم بخير |
اقتباس:
اعرف واحد راتبه 2300 وعنده 3عيال صغارين وعايش بقمة السعادة . هي على حسن جدولة الراتب |
اقتباس:
عن نفسي لا أستطيع أن أزف بنتي لهؤلاء.. أسعدني تواجدك،،، |
صديقي فهد .. كلامك يحمل الكثير من الصحة .. لكن دخولك في التفاصيل الدقيقه شيء لا يخدم فكرة الموضوع .. لذا نجد البعض بدأ يحلل الأمثلة فقط .. وترك الفكرة الرئيسية للموضوع .. وهي القدرة المالية للزوج وهذا الغلاء الفاحش الذي يفتكنا في جيوبنا كل يوم .. أنا أتفق معك تماماً .. وتحليلك لـ كلام النبي صلى الله عليه وآله وسلم تحليل منطقي .. فالرسول ربطه بالقدرة والإستطاعه .. وإيضاً ذكرت نقطة جميلة أن الفتاة في بيت أهلها مكرمة ومدللـه .. فيجب توفير إحتياجاتها .. وأحب أن أحيي كلامك عن هيبه الرجل عند المرأة .. وهذا شيء بدأ أبناء جيلنا يتركونه وراء أظهرهم بسبب حب الماده .. لكن مع أتفاقي معك .. الا أننا يجب أن نقول هذا كلام عام .. كلام مطاطي .. لا ينطبق على كل شخص .. لذا الأفضل أن يكون التوجيه .. أن يبحث الشاب عن فتاة لم تتعود على لبس الجديد والماركات وفتاة تقتنع باليسير .. قد تقول إيضا كلامي غير منطقي .. هل سيقضي الشاب وقته في البحث والتقصي ..! وأنا أقول لو فهم الشاب من حديثك أن يحجم عن الزواج ..! بسبب التكاليف .. إيضا سيكون هذا كلام غير منطقي .. لذا المنطق شيء كبير يسعنا جميعاً ويسع فهمنا للأمور وقدرتنا على التكيف مع وضعنا .. قد يكون كلامي غير مفهوم ..! ومن لم يفهمه .. أقرأ مقال صديقي فهد وردي بـ تمعن .. وأن شاء الله سيكون الرد مفهوم لديك .. أعتذر صديقي عن الإطاله .. |
قبل كم شهر .. جت وحده من زميلاتي تبي رايي .. تقدم له واحد راتبه 3 آلاف .. لكن الآجار طايح عنه .. وكانت متردده مرررررره . قلت عندي لك راي اسمه راشد ..
وافقي .. لكن هي كانت متردده لانه كانت تحلم بواحد مخلص بكالوريوس وموظف براتب طيب وعائله تدخل براسه .. وكل من تقدم له ردته منشان هالشروط اللي قضى عمره وهي تنتظر .. قلت وافقي مادام الآجار طايح .............< ياخي الاجار هم وغرابيط وانواع الشفط للفلوس وانتي الحين المفروض تغاضين لان العمر يمشي .. يعني معك ضمان لو رديتيه بيجيك ولد الفلان والعلنتان .. واللي راتب وبيت ملك .. وش يدريك يمكن يجيك شايب كبر جدك وإلا مسيار .. انا قلتله رايي واول مره اكون واثقه من رايي .. خصوصا هي عمره 27 واللي تقدم اكبر منه بسنه .. قلت له اهم شيء اشرطي انك توظفين ومايوقف بوجه وظيفتك ابد واشرطي دراستك ماتوقفين عنه لز بغيتي .. وبعدين حاولي فيه انه يكمل بكالوريوس .. والراتب اللي يطلع له .. واربيه يعني لو تصرفتوا بالفلوس صح راح تلبسين احلا واكشخ لبس .. بس بعض الناس مايدبر للفلوس .. وكلمة حق تنقال ( صراحه بعض الحريم ظالمات الرجال بضرب الفلوس .. ) يعني انا اعتبر اللي تشتري كل شهر عطر بـ 100 وساعه 300 وزي كذا حرمة ظالمه زوجه خصوصا إذا كان دخل الزوج محدود .. كذا كأنك تقول ان البنت طلعت من بيت ابوها منشان هالساعه والعطر .. البنت طلعت من بيت ابوها تبي تعف نفسه .. عندي قناعه انه الرجل مايرد منشان هالقرشين .. إذا كان مايعيبه إلا الدخل .. |
مرحبا,,
صدقني اخوي متى ما لقت البنت الشاب المحترم صاحب الخلق و الدين اللي يتحمل المسؤليه و يعرف الحقوق والواجبات راح تتنازل عن كثيييير من الامور الكماليه,, اللي يخلي البنت تتشرط هو انها ما تلاقي الرجل بـ المعنى الحقيقي فـ تلاقيها تتشرط تطبيقا للمقوله اللي يجي منو احسن منو ,, يعطيك العافيه وكل عام و الجميع بـ خير ,, |
اذا كان المرتب شامل الاجار فلا اقل من اربعة الاف .. هكذا بدا لي ..
غير كذا .. بنت الناس المتربية همها انها تعيش بسلام مع زوجها وعمر المادة ماكانت حجر عثرة امام سعادتها خصوصا وان المسألة مسألة وقت وتحصل الوظيفة المنقوشة على قولتهم .. طبعا هنا اتكلم عن الجامعي .. اذا حصل توافق بين الزوجين فلا بد ان يكون هناك تقتير في بعض الجوانب .. فلا ارى داعيا للكماليات .. فشراء ساعة شهريا او كل شهرين او حتى ثلاثة يعتبر ترفا مقرفا .. فالاولويات ثم الاولويات .. هنا ربما سنصل لمرحلة استقرار يعود نفعها بالايجاب على هذه العائلة الكريمة .. وكله بعد توفيق الله من حسن التدبير . |
اقتباس:
|
اقتباس:
نعم ارضى ان نكون اقل من اختي وزوجها ... ونحمد الله اننا احسن وافضل من غيرنا بكثير .. مقارنتك ان تكون هي كغيرها هي المسايره و البحث عن المظاهر .. انا راتبي اول سنتين من زواجي لا يصل لــ 2000 ريال والحمد لله ما شية اموري بلامنغصات .. لكن لو رفعت راسي لاختي وزوجها القاضي .. واختى الاخرى وزوجها التاجر .. لجلست حتى الان اعزب ... لا لشيء سوى انني ابحث عن مظاهر خادعه .. جربت سنتين وراتبي 2000 وجربت سنتين وراتبي فوق الــ 7000 ولم اجد انني اختلف عن السابق .... سوى انني اكثرت من البحث عن الكماليات .. اقتباس:
لكن من تبحث عن العفاف والاستقرار قد تختلف قناعتها .. فلم تعد الحياة مظاهر ومجارات للأخرين فذلك الغناء والمال فضل الله اختص به البعض وحرم منه البعض .. |
اقتباس:
والله لو استوعب كل زوج هالحكمة وعمل فيها كان البيوت بخير :( اشكرك على موضوعك الواقعي والعقلاني اخ فهد،، |
اقتباس:
|
اقتباس:
|
اقتباس:
|
اقتباس:
نحن نريد أن نفيد ونستفيد.. دمت بود،،، |
الف شكر ..
السؤال يوجه الى الشباب!! |
اقتباس:
أسعدني مشاركتك دمت بود،،، |
صراحة لا أتفق معك ..
هناك رجال رواتبهم 10 الالاف و12 الف وبالحسر والغرابيل يحط بيد زوجته 500 ريال بالشهر لها ولعيالها ! بااعتقاده انه عندما يوفر الاكل والشرب والمسكن انتهت صلاحيته كممول !! واغلب مصروفها من أهلها بالنسبة للبس والاجتياجات الثانوية واعرف اخر راتبه 3000 ريال وزوجته تعيش ملكة ماشالله ........ فكرتك اوصلتها بشكل خاطئ ..الزوجة اذا احبت زوجها فلن تسقط هيبته لمجرد انه يمر بضائقة مادية .. وليست كل الزوجات متطلبة ... واذا اصبحت الزوجة موظفة فااعتقد ان امورهم ستكون بإذن الله على أفضل حال |
اقتباس:
انا سارفض بلا تفكير ..انا لااختار الرفض فقط لاجلي ..لان والحمدلله يعني البنت جايه من بيت اهلها اكله وشاربه وشايف خير ولامانع ان تفكر بالكماليات حتى بعد الزواج لكن احيانا يكون الاطفال هم الضحيه بعدين ممكن تقولين لي بدري بس هذي سنة الحياة .. وبالنسبة للصبايا اقدر اقولك انهم يختلفون وممكن بعيديكون الكثير منهم مايفكر بالجانب المادي اطلاقا ..ومن ترضى وتقبل الواجب عليها ان تتحمل .. وانا رديت وقلت السؤال يوجه للشباب لان الواحد الحين المفروض مايتقدم لبنت الا وهو مالي ايده ومقتدر الحيياة ماهي يوم او يومين ويمشيها له ابوه بمصروف .. يعني حتى الشاب من حقه ان يفكر بنفسه اولا قبل ان ياتي بزوجه تقاسمه راتبه وربما ينحرم من الكماليات التي في السابق اعتاد عليهاا .. الا اللي ناوي نيه يبي ياخذ موظفه وتشاركه بالمصاريف ..بس حتى الموظفه مثلها مثل غيرهااا . الف شكر لك ... |
والله الفلوس مآتهمني قد مآيكون بالرجل الحب الصادق لزوجته والحنان ويحسسهآ إنه معها بكل شي تحتآجه ويعوضهآ عن اللي مآيقدر يجيبه لها
يعني وش الفايده لآصآر غني وعنده خير لآكن مشآعره بآرده مآتحس معآه بالأمآن :/ الفلوس مو كل شي لو أعيش آنا ويآه بخيمه ومتقبلين بعض ونحب بعض ازين من إننا بقصر والمشآعر جآفه بيننآ :( صح !!؟؟؟ ومآاعتقد ان فيه وحده بعقلها بتشري كل شهر سآعه عطر ممكن أمآ سآعه احس صعبه شوي بعدين إذا الرجل حسسها بحبه لها المفروض هي تسآعده مآتكون ضده ولآتطلب اشيآء فوق مقدوره :/ |
أتوقع اللي راتبه 2000 يمشي ان شاء الله هي على الحكمة والسنع فيه بنات واجد مايهمهن كم هو راتب الزوج بقدر مايهمهن أخلاقه ودينه بعد ماشافن اللي رواتبهم قوية مازادت ولا نقصت بسعادتهم واذا على الأسعار كمثال شركة نكتار العالمية اسعار عطورات الجسم على 60 والعطورات الباقية موب غالية قوة بعد القصد انه فيه اشياء حلوة ومو غالية عموما هي على تقديرالظروف والقناعة وعدم تقليد الاخرين بالتوفيق |
[align=center]المشاهد حاليا ان من راتبه اقل من 4000 هو المبسوط تجده في الحدائق والملاهي والمطاعم وطالع للبر كل خميس مع اولاده 000
وبعدين من قال ان المرأة تحتاج كل شهر 1000 ريال غير صحيح الا مع الحريم التي لاتقدر زوجها هل كل شهر سوف تشتري لبس وعطورات هذا غير صحيح ابدا 00 المرأة تريد ان تعطيها لما تحتاج فعلا هي لشيء معين 00 اما الرجل المغلوب على امره سوف يكون هذا الشهر 1000 وبعدها 1500 وهكذا حتى تجهز على راتبه كله 00000 وعندي نصيحة خاصه لحبيباتي وبريداوياتي ( لاتتزوجين من يعمل بسلك التعليم بخييييييييل ) وشكرا لك رئيسة الوزراء[/align] |
اقتباس:
والله اذا كان العزوبي صرفيته تقارب ال2000 كيف بيفتح بيت اللي هذا راتبه.! الا اذا كان جالس بيته لا يروح ولا يجي هذا شيء ثاني.!! أقدر لك تفاعلك مع ما أطرحه.. |
اقتباس:
تشرفتك بك أخاً عزيزاً فقد أضفت على المقال اطروحةً رائعة بقدر روعتك واسلوبك أجمل تحية،،، |
لن نكـــــــــون أصدق من قول النبي صلى الـــــــله عليه وسلم ((من أتــــاكم من ترضون دينــــه وخلقه فزوجــــــوه )) يعنــــــــي أهم شيء الدين والأخلاق في آآآآن واحد ثم الوظيفه وليس مهمـــــا قدر الراتب ولكن يكون نوعا ماااا يساعد في حمـــل تكاليف الحياة الباهضه في وقتـــــــــــنا الحالي... |
لو الكل فكر مثل تفكيرك محد تزوج
البنات الان يبون يتزوجون لو براتب 3000 وفيه فعلا اللي عقلها صغير وماديه وهذي حتى لو راتب زوجها 10000 ارهقته بالسفرات والديون واهم شي التفاهم لكن للاسف الان طغت الفلوس على عقول البشر ومات الضمير وصارت الطموحات بهيميه أنانيه هدفها عقد الماس والا سفرهـ لدول خلابه أما رضى زوجها والسعي لتربية اولادها على الصلاح فهو أخر من تفكر به و تلاقيها تشكي وتجحد حتى لو زوجها مو مقصر والا ليش اكثر اهل النار النساء الا لانهن كفارات للعشير والله يعينه العشير انا اعرف شخص الان عمره ولده 8 سنوات ومازال يسدد مخلفات ليلة العمر على ماقالو تجمعت عليه الديون واللي بلغت الان فوق 200000الف وكم مره يدخل السجن والان وقف الخلفه عشان مايقدر يصرف على اولاده مع ان راتبه 7000 مسكين لان زوجته المصون تبيها ليله عن الف ليله وهذا مانتج عن قوة الهياط |
اقتباس:
|
عاشق ترا اللي اخذو رجال عشان دينهم كثاااااااااااااااااااار
وانا اقولك ترا الوظيفه ماتهم اذا جاء رجال كفؤ وراتبه قليل اهم شي الدين والاخلاق الطيبه |
اشكر الاخ زين نجد ، على طرحه للموضوع ، وفتح باب النقاش ..
بالنسبة لي ، وهي قناعه تخصني وحدي .. لو جا لاختي ، شاب ، راتبه ٢٠٠٠ ، لكن يأمل شي مثل ينتظر التخرج أو التعيين ، ما عندي مانع وراح اقنع اختي بالموافقة ، طبعاً بشرط يكون رجال ينشرى . لكن ، لو كان عمله حكومي ، وراتبه فوق ٣٥٠٠ ، ورجال ينشرى بصراحة ، ابصير محايد . لكن ، لو جا شاب ، عمله بالقطاع الخاص ، ويستلم ٣٥٠٠ ، ولو كان رجال ينشرى ، ابشور على اختي بالرفض . بالنسبة لي ، انا علي باب زواج ، ولسا ما خلصت البكالاريوس ، بس بنهايته ، والسكن متوفر ، وما ترددت لحظة بسبب الماده . وكل عام وانتم بخير ... |
اقتباس:
هذا كلام فقط؟! والواقع يخالف ما تقولين.. وأنا أتحث عن شيء أسمعه كثيراً.. دمت بود،،، |
اقتباس:
|
اقتباس:
أنا لست مستعداً أن أرى زوجتي أقل من أخواتها أو صديقاتها أو غيرها من الناس. أنا أريدها مثلهم أو أحسن.. أقدر لك تواجدك،،، |
اقتباس:
تقدري لمشاركتك واصافتك.. وهذه قناعاتك ولكل ٍ وجهة نظر.. تدمت بود،،،، |
امور الحياة صعبه لاكن ربي يوفق كل ضعيف ويعينه |
| الساعة الآن 09:44 am. |
Powered by vBulletin® Version 3.8.8 Alpha 1
Copyright ©2000 - 2025, vBulletin Solutions, Inc. Trans by
موقع بريدة