|
نساؤنا والحلويات 00 وفرة قروش 00 وضخامة كروش !!
مشكلة نساؤنا هي إدمان الحلويات بشكل غير معقول
فكل محلات الحلويات ( زبائنها نساء ) ! ويشترين للأسف الحلويات بكميات كبيره جدا ! ففي الوقت الذي تجد رجلا يأخذ بكميات بسيطه , تجد المرأة تشتري صينيات متنوعه من الحلويات , بقلاوة , كنافه 00بسبوسه , ومنفوشه ! 000 الذي يشاهد هذه النساء يعتقد بأنهن يشترين هذه الكميات الهائله من الحلويات لحفل زواج مثلا 000 بينما هذه الكميات بالكاد لاتكفي واحده منهن فما أن تدخل بيتها حتى تأتي بدلال القهوة 00 ثم تتناول الحلويات بشراهه عجيبه !! 00 الذي دعاني لهذا الكلام هو الحرص على بعض الحريم المبتليات بحب ( الحلويات ) بشكل غير مقبول أبدا ! 00 فقد أصبح منظر بعض النساء مخيف 00 فالكروش كبيره جدا لدرجة أنك تتخيل أنها حامل ( بعشرة توائم ) !! 00 هذه الكروش المخيفة تجعل بعض الأزواج يفكرون بالتعدد 00 وهذاالأمر لاتقبله أي زوجه 00 00 كل ما نتمناه أن تتوقف النساء عن الحلويات المسؤله بالمقام الأول عن السمنه المفرطه 00 وتستبدلها بالخضار والفواكه 0 0 وبالتوفيق 0 |
المرأة بلا شحم يكسوا جسدها .. كالجدار بلا اسمنت ودهان وأجباس !!
ياحبي لقلبك .. ياعسل .. إذا بلغت الأربعين ستعرف كيف تتعامل مع الشحم والطراوة جيداً .. |
اقتباس:
حياك أخوي سراج أنا ماقلت تصير ( معصقله ) :g3: لكن مهب معقول كرشته متر قدام 00 غير معقول ! |
لا ..ولو يبقى للسمينة مميزات .. حتى لو صارت كرشته كبر المقرصه ..
عن أذنك سأذهب لاحتساء القهوة مع القليل من المرّيات والقدّاد.. فالأسرة بانتظاري |
لاوالله موكل الحريم كذا
انا مااحب اكثر من الحلويات ابد ابد قطعة حلا تكفين لاوبعد لازم تكون مع فنجان قهوه |
معليش ماشفت نسوان بهالنهم الي بتحكيه
قطعتين حلى وكفايه |
|
بصراحه من زمان ماشفت نساء كما وصفت { تراهـن أنقرضن } وصار فيه وعي وأهتمام وحرص لكن في حال وجود نساء { ما أنقرضن } هن الخاسرات والمفروض يقضب على ايديهن |
ماتزين الجلسه الا بهن لكن ياحبك للمبالغه اثرك مسرف ,,http://www.buraydh.com/forum/images/icons/icon4.gif اجل صينية حلى له لحاله...!!! ,,تصدق جان حموضه وحرقان من هرجك بس اجل دوك العلم عندنا مصريه تقول ليش انتم تاكلون حلى ولاتسمنون وحنا لو قطعة شيكولاته عجزنا نمشي وقالت ""واللهي انتوا حسافه على رقالتكواااا ""<<مااعجبوه السعوديين ...<<الله يلوم اللي يلومه ... http://www.buraydh.com/forum/images/icons/icon10.gif |
اقتباس:
ماشاء الله عليك هذا الصح و لمصلحتك وبالعافيه ياشعاع الكون |
اقتباس:
عشان مشاركاتك شويه أكيد ماشفتي :g3: أمزح 00 روحي لمحلات الحلويات راح تشوفين كرشه وراك تبيك توخرين هههه |
تدري عاد ... وش الغريب..؟ واحد من كل اربعة اشخاص فيهم مرض السكري .... والمرض في تزايد بشكل كبير ويخوف ... طبعا اكثر الأسباب وراثية وعادات الأكل الغير صحية .... ولو تشوف البنات من سن 14 فما فوق .... كلهن فقر دم الا من رحم ربي ..... |
اقتباس:
لاوالله منب قديم ( جديد ) 00:g3: يا أصاله من حق الجميع رجال ونساء ياكلون حلا عادي لكن ليس بكميات كبيره 0000 00 وبعدين إذا الموضه صياني حلويات ( بصراحه مانبي هالموضه ) ! 00 أنا بصراحه 00أحب من الحلويات ( حلاو بقر ) ( باونتي ) وبعض الحلويات 00 الجاهزه 00 وليست حلويات ( المخابز ) وعععع عموما بالعافيه أصاله واجتماع خير ان شاء الله 0 |
اقتباس:
ياليتك تروحين وتشوفين هالطلبيات المبالغ فيها بجد 000 وتشوفين هالكروش ( ماشاء الله ) تبارك الله 00 ولاحول ولاقوة إلا بالله 000 وبعضهن لابسات عبايات مخصره ( يعني شوفو كرشي ) وخرو عن :d1: أمونه يعطيك العافيه ويكثر من أمثالك 00 |
اقتباس:
ماقلنا شي القهوه يلزمها حلا أو تمر هذا طبيعي لكن كميات كبيره غلط ! 00 منب مسرف 00 أجل هالكروش منين جن من الهواء 00 أكيد من هالحلويات ! 00 المصريه اللي تقولك 00 تلقينه عجوز 00 ومع ذلك لو تبي تاكلك أنت وحلاك ماتقصر :g3:00 المصريات ماشاء الله عليهن 00 صحه ( ومدح ) بربعنا يعرفن ( يشحطن ) وربعنا وش تبين بس أمدحي واطلبي :g3: 000 فديكا 000 شكلك ماسمعتيه زين 00 شكله تقول أنتم ( خساره ) على رجالتكم 000 اللزيزين :19[1]: |
اقتباس:
و الله صادق 00 يالصيني 000 لكن اليوم اللي ينصح هالحريم يعتبرونك 000 حسود 00 وإلا معصقل 00 ومن هالكلام ! |
اقتباس:
اي لزازه بس يرحم والديك نفسن شينه وجلدن مروح ... http://www.buraydh.com/forum/images/icons/icon10.gif |
..........................
|
الله يرحم ام عبدالله كانت تقول كولن واستانسن مهب عجزين لايشلوننا اذا متنا...خخخ
عاد انا افضل الشوكلاته على الحلويات ومانذوقها الابالدوام ولا اذا طلعنا ..<<وش بقى يوم قسم الله وشفت الحريم عند محلات الحلويات رح شف مراكز العنايه بالجسم والرياضه... ماشاء الله عالم يخترشون...يعني الحريم تفتحن وتذهنن خبرك قديم... |
اقتباس:
الله يستر .... يسوونه بس ميخالف... لاجل عين تكرم مدينة .... |
بالعكس كلامك مب صحيح
البنات ذابحتن انفسهن بالرجيم وانت تقول كروش صح فيه نسبة سمنة وبعذرهن حمل وولادة بس عند الرجال اكثر هذا وهم دايم برا البيت وتمشي اجل لو مسنترين بالبيت وش يطلعون قسم مايمشون الا بكرسي متحرك |
اقتباس:
صدق عنده ذوق وتستاهل صينيه حلا |
اقتباس:
خخخخخخخ لا اتحمس ياويلي تبي اتزين وينبح صوتي علشان افهمه مجهده انا ياعمري واخرته تشري جاااهز ماش مابهن سنع مثلناااا ... <<موب تغث احد ابد :) |
وه يالبانا .. ويالبا الحلا اللي يصنع علشان عيوننا تدري اني مااتغدا كرمال صلبخة الكاكاو حقت الصبح بحجم كتاب لاتحزن :) اذا مافكيت قصديرة الكاكاو بنفسي وقضمتها مع فنجال قهوه الفجر عزالله مااصبحت ولا اصبحوا اللي معي بالدوام ! وصلابيخ الكاكاو هداياي المفضله وياملغ اللي تهدين ورد ياملغاااه :( حتى استحي امشي فيه مو زي الكاكاو يالله من فضلك .. تدري ليه حنا كذا ؟ لسان الانثى زي لسان البيبي يعني يميل للمذاقات الحاده زي الحلو المالح والحامض مو زي لسان التمساح متعود على زفارة السمك وسط البحيره وبتله هاج كشرته لين المويه ذوبت الاحساس الفطري !! والحلا حق العزايم لو الحريم يوفرن على على انفسهن الكلايف ويفكننا من المطرسه والتملغس وياما لطخ لبسي شي من ذيك الصواني اللي تذرف دبق ! مامثل التشويكلت وتمر سكري مكنوز فاخر ويقدم معها طحينه < تشهوى ام القتاتيل |
اقتباس:
ياحليلك تعرف القداد زينا اجل بك عروق شماليه ؟ ابوي اذا اكل حلا يقول تسبدي مسرجه :) يعني شابتن سراج ومولعه :) |
يارجال من حظ راعي المحل
اي شي به بيع للحريم كسبان راعي المحل الله يرزقهم انشالله والحريم التاليات اغلبهن نحاف مادري وراه واغلبهن بهن فقر دم من الخرابيط اللي هن ياكلن |
ههه
طيب وليه خايف على الرجال من التعدد وبعدين من قالك ان الحلويات تجيب الكرش ؟ ترى مايجب الكرش الا المندى اللي تطفحه انت وربعك بالاستراحه وبدل ماتخاف على الحريم من تعدد ازواجهم خف على نفسك وربعك من خلع نسائكم لكم من اشكالكم اللي يدخل عليكم بالاستراحه وانتم متبطحين يقول x x x x x x x لاشكل ولا جسم ولا اسلوب ولا حتى احترام للمراهـ اجل يتزوج الرجل عشان زوجته له كرش ؟ الكرش من وين جاء ؟ مو من الحمل منه والانجاب له ؟؟؟ قال حلويات وبقلاوهـ !! وبعدين اذا رحت تشتري لك حلويات غض البصر مو تطب لك بكياس هالحريم الحمد لله والشكر |
ثلثين النساء السعوديات مصابات بالسمنةhttp://www.moheet.com/image/57/225-300/577955.jpgالسمنة تؤدي للكثير من الأمراض
محيط : كشفت مها الفرا استشارية طب الأسرة والمجتمع السعودي أن نسبة السيدات السعوديات المصابات بالسمنة تقدر بنحو 66%، أي ما يقدر بثلثي السعوديات . يابن الحلال على قولة المثل (عنز وطاحت بعبس) .ماغير بلع ونوم وتبطح وصارت الوحده تقل (دبابه روسيه). خذها مني : مافيه وسط ..ياتلقاها زي اللي بالصوره أو تلقاها عصلى مصلى عروق ايدينه ناطتن تقل حبال ولعبتن فيها البلهارسيا لعب . توعية مافيش ماغير جادعاتن روسهن هرس وبلع . |
اقتباس:
تعرفين التريك ياوخيتي ؟ |
اقتباس:
ايه ابو السراج تسيف مااعرفه ! انا اللي والله متتركه تسبدي ومسرجه من عسولي وردوه ! |
اقتباس:
حرااام بس قاعدين لنا ...بكيفنا نأكل شوكلاته ولا مانأكل نسمن ولاننحف ..أنتم شكوا شوفوا حالكم أول بعدين عيبوا فينا...أرحمونا ياالرشيقين .............................................. |
نصراوي ..
يقولون الحلالالا والشوكلاته يعطو نظارة للبشرة عشان كذاا طايحات الحريم فيه وفاهمين النظرية بالغلط <, تراا صززز منب اتطنز هع هع |
اقتباس:
|
اقتباس:
وانت الصادتز نستعين فيه بعد الله على مواجهة مغاثكم وكميات الكسافه اللي نشوفها منكم ! همن ربي يرحم ضعفنا ويزين بشرتنا ! |
ههههههههههههههههههههه يعني الحين الرجال مالهم كروش
كروشهم مترين اوب متر قدااام والله إني تحوم تسسبدي لاطلعت لمكان عام دب وله كرشه ولابس جنز << بررب اطرشش |
تسمع بأن المرأه اذا أكلت حلو راح تحلو << ماتدري ان الحلو للحلوين مثل السوريات ماتدري المسكينه اذا تصير شينه وسمنه كمان الله يرحم حالهن بس |
[align=center]انا بالنسبه لي مقاطع الحلويات والشوكلت لأنه مضار اكثر من نفعه بوجود سكريات
وطبعي حساس أكره السمنه وبلاويها (( يعني دايت على طول))<< محد سألك لكن السوالف والغيبه والنميمه بالنسبه للنساء هو السبب في تناولها بأستمرار فكل مالقو الحريم وحده تستحق الحش وحلوه وجسمها حلو يتناولن كميه كبير منه حتى تحلو الجلسه على فكره يا أخينا الحلويات شغل قديم لكن مادري هو عندكم لسى تاكلون حلويات ولا لا الحين تشيز كيك و تشكوليت كوكيز بطلو حلاوة البقر تراه قديمه خخخ[/align] |
** الحريم .. كروشهن من الحلا .؟. والله معلومه جديده .والرجال كروشهم متهدله ومترهله من الذبايح لكن جاب الله لرجالنا الثياب اللي ماتظهر بعض الكروش على طبيعتها وهذه رحمه من الله بنا وإلا كان نحس بخيبة امل ونضرب عن الزواج والحريم اللي تشوفونهم كروش مو كلهن كرشه فاضيه يعني فيهبعضهن بهن بيبي .. الكارثه قبل فتره شفت واحد يمشيء هو وزوجته مدري الجنين في بطن الرجل لكبر كرشته وإلا في بطن المرأة صراحه موضوعك جامد اوي .. لكن ليتك مو جهه للرجال والنساء .. يعني مو انتم بس يالرجال ترفضون الكرش حتى حنا يالحريم ترى الكرشه على الرجل تجيب لنا الغامت والتكاك والإشمئزاز والقرف .. مثل ماانتم تبون حريم بدون كروش حنا كذلك نبي رجال يتركون عنهم المفاطيح والرز والشفاحه بالأكل مشان ماتطلع هالكرشة .. اللي لو يشوفه الكافر كان تشهّد من كبره . الواحد لاشاف مفطح نسى اسمه واللي خلفوه .. الله يبعد عنا وعنكم الكروش .. |
اقتباس:
حيي ياجندوانا انتي الحين خليتيهم ذوو الكروش الفخمه ! لو كروشهم من المفاطيح انا ماعندي مانع وقابله فيها لان شحومهم اجتمعن على علمن غانم :) المشكله يكرشون من رز الكاتم وبنات المذن وشلقة قرعه! يعني كرش فقر ودجه ! |
كل ماهوسيئ تنعت به "نون النسوه" فقط ؟؟
انصفوا لو مره يارجال المنتدى!!!أوع الاقل لا تعمموا.. لاغنى لكم عن النساء بكل احوالهن اليس كذلك ..يارشيقي المنتدى؟؟ |
| الساعة الآن 08:07 pm. |
Powered by vBulletin® Version 3.8.8 Alpha 1
Copyright ©2000 - 2025, vBulletin Solutions, Inc. Trans by
موقع بريدة