|
ياليت واحد من الخبوب يفهمنا ؟
مرحباً بالجميع أمر أثار إستغرابي من أهل الخبوب عجز العقل معرفة حقيقتهم!!! سمعنى كثرة المتشددين فيه حتى أن وصل الحال بنفرة الإرهاب منه وحريمهم ورجالهم بعيدهم وقريبهم حيسي ديسي بشكل لا يٌوصف هل يعني هذه تعتبر برائه ام يعني تعتبر برائه ؟ |
مافهمت ! |
ممكن ترجمه ؟
|
إن رد خمسة أعضاء مافهموا يمكن اعيد بعد وش درآن يمكن البلاء فيكم من الحميس <<<< كلهم بيدخلون بالنكات الثانيه يعني صدقني
|
اقتباس:
ياليت توضحين اختنا الكريمه مالمقصود |
حيسي ديسي
تحتمل امر خطير يطعن في اخلاقيتهم |
بعيدآ عن المسميات لاكان حال القرى او الهجر الي تتخلل فيها مزارع وحياه بسيطه وفلاحه وامور شبهه بدآئيه للحياه
تكون فيها سلوكيات غريبه واحيانا حماقه وغباء وانحراف والانحراف ناجم من اختلاط البيآئات والاجناس بالاطباع ( بمجرد الاصتدام بالتطور المدني ) حيسي ديسي !!!! وكيف نفره الارهاب !! امتصاص الاطباع وتخليدها بالذاكره مايدخل ب اطار البرائه واتوقع هذا الي صاير وكانه موروث شعبي للفلاحه بشكل عام !! واذا بنشوف ونقيس جميع طبقات المجتمع مافيه احد بيكون صاحي بنظره عاقل او اجنبي عن البلد ! كلن فيه حفه |
الموضوع واضح ... قصدها ... الخبوب فيهم تشدد لدرجة الوصول للأرهاب ... وبنفس الوقت ... العوائل فيهم تقارب أكثر وإختلاط أكثر ... ويجلسون سوا ويسلّمون على بعض عادي خاصة بالعيد لأنها لاحظتها بذا الوقت ... مو مثلنا ما فيه أمل تسلّم على قريباتك .... كذآ أنا فهمت ... صح علي ؟؟؟ |
الخبوب كأي مجتمع فلماذا الأنتقائيه ؟
|
اقتباس:
|
الخبوب هم اللي يقولون (مسيد) يعني مسجد؟ اذا هم فتراي احوبهم واحب لهجتهم :) وياحيي ترا الارهاب ماخلا احد خبوب او غيرهم ! |
اقتباس:
مما لاحظته هذا الصباح وتوبه غير هالنوبه في الخبوب أبو الجيران عادي عادي يسلم على أم الجيران وكأنه اخته او اشد لاااااااا وريض يسأل عن ضيوفه يبي يعايدهن والحمو يدخل اقصى قعر بيت اخيه ويدخل المطبخ على زوجة أخيه والعلثه يدور باغات بس ماقهرن إلا تعبي أبحث عن لبس العيد وانا حتى النقاب لم يرفع وكأني انا وخواتي مراوح قعاديات نتلفت على البيبان لإخذ الحيطه والحذر ماصدقنا على الله ان خرجنا وين الأدب الإسلامي وين الحياء |
اقتباس:
ما فيه جواب لسؤالك .... لأن الخبوب بلاد المتنآقضآت ... هي كذآ بشهآدة التآريخ ..! |
اقتباس:
|
اقتباس:
اللهم كف عني شر أعين الأنس وشر اعين الجن |
حسبي الله على الصحافة الصفراء اللي صورت لكم أن أهل الخبوب إرهابيين ومتخلفين .
الإرهاب ليس له مكان حتى المدن الكبرى يوجد فيها إرهابيين ..لكن الصحافة الصفراء لها هدف من تشويه صورة أهل الأرياف والخبوب لغرض في نفس يعقوب . أهل الخبوب فيهم البراءة والطهارة التي لم تتلوث بالمدنية القذرة والملعونه والتي نتذوق ويلات تلك المدنية الزائفة حتى هذه اللحظة . حمقى من يعتقدون هذا ولاعزاء للمغفلين . |
من هم الخبوب ديرة ولا اسم لعائلة ولا وش هم ؟! .
|
اقتباس:
|
اقتباس:
بالعكس عازف أهل الخبوب هم الي يستغربون السلام على القريبات ويحطون لك سين وجيم فيها . |
اقتباس:
|
اقتباس:
|
ايه هالحين فهمت ...اذكر ابوي الله يرحمه وحريم جيرانا الميانه على الاخر لان المجتمع بسيط والقلوب نقيه وطاهره وهذا هو حال القرى والبلدات الصغيره حتى الان .
|
اقتباس:
|
اقتباس:
مو شغل زوله بس اوفى معلومات |
هالسلم هو سلم الأجواد وأهل بريده كافه ..
لأن الثقه موجوده واحترام الحموله كان غير عن هلحين الله يخلف ! يوم كنا مراهقين كنا نلعب الكيرم والورقه .. مع مرت الاخو ومرت العم .. مهوب عاد السلام وما السلام .. الله يخلف .. الحين عساك تشوف زوله .. ما دري البلا بالرجال أو منهن الوحده تقل شايفة وحش ماغير تراكض لا سمعت حس الرجل هي وعباته الله يرحم الحال ! لكن إن كان هذا سلم أهل الخبوب إلى الحين .. ياليتني خبوبي ... وبالنسبه للأرهاب .. نسمع به ولا نشوفه !الله يستر علينا وعلى ذرارينا |
اقتباس:
ياحيي كل ماتشاملت عن بريده ( اي اتجهت شمالاً )< ترجمه خاصه لمواليد فرانكفورت تلقاهم جميع هم وحريم اخوانهم وبعضهم بنات العم والخال .. يقعدون ويسولفون على وضح النقا ويتقهون ووشلونتس ياام فلان ووش اخبارك ياأبو فلان ومزوح بريئه و قلوب طاهره ولاهم يم امورن شينه ! والنساء متغطيات والرجال مدنقين :)< كنايه عن سلامة النيه ! |
اقتباس:
|
اقتباس:
|
اقتباس:
أما إذا كان قصدك شمال بريده .. فهم ضاعوا بين الحوا والبسباس .. |
اقتباس:
وشم شمال بريده ؟ ترا قصدي من كبري حايل وورا .. |
اقتباس:
|
اقتباس:
هل يعني ردك أيضاً يناسب هذا الحديث |
اقتباس:
اذا كنت فهمت بشكل غير صحيح فهموني لانو الكلام اللي قاعدين تقولونه موب سهل |
لاشك في تحذير الشرع من هذه الامور ..لكن كلامك تجاوز هذا الشيء ليدخل في امور أخرى وكأن من يدخل على النساء (بحسن نيه) قد مارس الرذيله واستغنى عن الزواج !!!
اقتباس:
|
اقتباس:
والدليل ردك أعلاه وتكفيني بإنك مقتنع مما طرحته بقولك ( لا شك ) بعد أن إتهمت فكري وضني السئ وما يلجم لساني عن إستكمال الحديث معك قولك (استعصى علي الفهم من جديد ) إحترامي |
حيسي ديسي كيف؟؟ وهي متغطيه؟؟ مآ أظن وحدة من أهل الخبوب تفتش وتتميلح آو تتعطر آوتتمكيج قبل مآتمر على رجآلهم.. |
اقتباس:
ماهي من البشر عندما تريدين أن تفتحي بابا على نفسك فيجب أن تتأكدي من انك قــدّ هذا الباب أو لاتفتحيه أصلا أهل الخبوب ياصغيرتي وأقول ياصغيرتي لأن حروفك صغيرة ويدل على صغر عقلك حتى وان كنت من قواعد من النساء فالحروف تبقى لديك صغيرة أقول أهل الخبوب لن تهتزّ بهم شعرة من منتقصيهم أو من يحاول المساس بهم وبكرامتهم بل هم مرقا صعب يصعب على مثلك الوصول له , واذا كنت تبحثين عن شهرة خلف انتقاصهم فلا أظنك ستتشرفين بالحصول عليها وابحثي عن مكان آخر ولا أظنك ايضا ستجدين لأن بدايتك لاتبشر بخير . عنوانك وكلماتك لم يفهمها أحد وأنت من وسط المدينة وهذا دليل واضح على أن التخلف لديك بلغ مبلغه وعجزت حتى على قول العبارات بسلالة ولغة سليمة !!! أتمنى لك شفاء عاجل |
هههههه ياحبيلنا بعد
امي اول ماتزوجت كانت ساكنه بالخبوب ههههع بس نكته تعشى هي وعمي بصحن واحد ويدخلون اصدقاء ابوي ويتقهوون بالبيت حتى لو ابوي مسافر ~> يعني جايي جايينن مايعوقنا شئ منول بأعياد الضحيه يضحون هم والجيران جميع فتسبع هي وابو الجيران ~> فرري الدعوى حياتهم منول نكته كل شئ عادي حتى الغيره مقطوعه من ارجالهم~> اولهم ابوي كان ابو الجيران يقول لابوي والله ان حصة ال ..... مملوحه بس لو عليه شعر~> يعني امي ( يحسب ماله شعر همااه تلبس باروكه( زينه بس) ~> الجهل واصل حده خخخ) المشكله ابوي تحسبينه يعصب عليه ولاشئ عادي يضحك معه بس سراحه وناسه وزياده كان باص اختي حق المدرسه يوصل اخواني للمدرسه مع اختي~> خليطي الدعوى . . . بس انا اللي استغربه من الرجال وش لون كذا مايغارون على حريمهم ولا شئ!!! |
كلامك صحيح ,,ولا يعرفه ألا من خالطهم أنا لم اعرفهم ألا هالسنه!!!
|
بالعربــي تكــفى
|
| الساعة الآن 11:13 am. |
Powered by vBulletin® Version 3.8.8 Alpha 1
Copyright ©2000 - 2026, vBulletin Solutions, Inc. Trans by
موقع بريدة