|
ابي حل لولد اختي فشلنا يشتغل حداد .
ياحسرتي يابنات اخيتي بخوهن المراهق اللي عمره 20 سنه بدل مايصير مثل الشباب اللي بعمره جوال بلاك بيري صاير بيده منشار وصاروخ قص الحديد وشراب ايدين سود يحوم كبد الحمار وبدل مايكون له سكسوكه ووجه مبخر عند الحلاق التركي صاير وجه من لوح الشمس مجمار بمله وبدل مايلبس بنطال جنز ضيق بسبته ولا من غير سبته صاير يلبس فنيلة عامل سماويه كلها زيوت من تحت وسيعه تقول سروال افغاني وبدل مايركب كامري مظلله كلها دلع صاير يركب دتسن مكتوب عليها ورشة الاتقان للحداده وبدل مايتعشى همبرجر ولا بيتزا هك
من مطعم كودو ولا هرفي ولا البيك صاير ياكل رز من صخان غداء الظهر وبدل ماتلاقاه بالمدرجات ولا عند التلفزيون يتابع مباريات الهلال والنصر والرائد والتعاون بحماس ويسهر الين الساعه 2 نص الليل صاير ينام مثل الدجاجه الساعه 9 بليل (تخلف بتخلف) امس وسط سوق الحريم يلحم لوحه محل مع رفيقه البنقالي تقول غرنوق منثور عليه حليب بشاهي والشباب اللي بعمره (ماشاء الله عليهم ) رايحين جايين بالسوق متماسكين اليدين اخر كشخه عطر ونغمات جوال ولا احلى من اعمارهم عسى ربي يسمت عليهم . الصراحه مايلامن والله يلوم اللي يلوم خواته وعماته يوم يصفقن يد على يد ويغمضن اعيونهن ويقولن وفشيلتنا قدام الناس وزميلاتنا ومعلماتنا بالثانويه . كم نصحناه وقلنا له لا تصير بنقالي فشلتنا قدام الناس ويرد علينا بكل وقاحه البنقالي ارجل منكم وستين من اللي تفضلونهم علي مايساون العرق اللي ببرنيطة البنقالي ابي حل نعيده لرشده ونخليه يغدي ادمي يعيش يومه صح مثل غيره من الشباب . . |
اصبر شوي بس
يرجع ابو متعب بالسلامة ومتفااااااااءلين خير انها بتتحسن الأوضاع العمل مافيه عيب لكن أكبر دول مصدرة للبترول ويعمل أفرادها بالحدادة أشعر أنها ماتليق أبداً |
ابيه :/ حبيتوووه :( . . هذا والله اللي بيستطعم للعيشه مع الانثى العارفه ! بيجي الظهر مهدود ومكسور بيستطعم لكبسة الرز وفشقة القرعه :/ وبيشوف يديني حرير ومخمليه .. ولرفع عيونه وطاحت بعيوني تذكر شرر اللحام وحبني زود :) مايتنكف ولاهو فاضي لغنوه لشافني بدا يهلل ويسمي ويورد علي ويخاف علي من النسمه ! وبيتي مافيه خراب لمبه ولاسلم مكسور :( والاهم جسمه مشدود وحيله عامر :/ واذا بكيت بحجروه فكيت ملاحم حديده هه . . محجووووز ممنوع الاقتراب يالسحا / |
يشتغل حداد ..!!
ممكن مايلبس جينز ولا يحط سكسوكه ولا ييتعشى من ماك او بيتزا هت ويسوق السياره اللي يبي .. الحل ادعوا له بالهدايه ..وقولوا له فشلت اهلك :( بس مايشتغل حداد الحداده لها اهلها .. اذا كان هوايته يمارسها ببيت اهله بس مايفشل اهله ويشتغل هالشغله :( |
الشغل مهوب عيب واحسن شئ من كسب يده
فال عيب قال.......... |
كل ميسر لما خلق له ..والعمل الشريف عمره مافشل صاحبه .
والأنبياء من قبله عملوا بالحداده كنبينا داوود عليه السلام وإدريس عمل بالخياطه ونبينا الكريم عمل برعي الغنم . |
عمر الشغل ماصار عيب
الحمد لله ان يشتغل فيه ناس مالقت لاحداد ولا اي شغله . صنعة في اليد امان من الفقر . |
نسيت اقول لكم فيه شبه وحيد مع الشباب الكشخه اللي بعمره النظارات السود اللي يسمونهم شمسيه ويعلقونهم بالمخبات لاصاروا بصالات الموووووووول بس نظارته حجمهم اكبر شوي ومتمخشين ومايلبسهم الا وقت التلحيم وشيء احسن من شيء الحمدلله والشكر . |
رجااااااال ولد رجااااال
الله يرزقه الرزق الحلال الطيب الواسع المبارك على الاقل افضل من العماله الاجنبيه ... |
أنا لست ضد مبدأ العمل ولكن الحدادة والنجارة والجزاره هي من المهن الوضيعة في مجتمعنا واعتدنا على أن مزاوليها من العمالات المستقدمة ولكن إذا وصل الحال بأحد افراد هذا المجتمع على مزاولتها فهذا يعني الحاجة القصوى ولكن هل من مستمع من ولاة الأمر ؟؟ اشك في ذلك
|
ماهو عيب ولآ حآجة ..! |
العيب بالسرقة والشحاذة والنوم بالبيت والتسكع بالشوارع
وطلما ان العمل لايخالف الشرع و العرف فلا باس به |
اقتباس:
|
’
’ هذا هو الرجل الحقيقي....رجل بمعنى الكلمة حين يعمل العمل البسيط الحلال (الوضيع في نظر الناس) ولايهمه نظرات الناس ويبقى واثقا من نفسه مادام حلالا إن الشخص الذي يهتم بكلام الناس ونظراتهم في أموره الخاصة هو شخص لايثق في نفسه ولايحترمها إن المخزي والمخجل بالفعل حين نرى الشاب بلباس أجنبي وملامح عربية اصيلة يتسكع في الأسواق... بالفعل منظر يدعو للألم والحزن على شباب الأمة |
حياك اخ القلم
المشكُله ليست بالعمل الشكلي هنيآُ له بعمله الشريف الصافي الذي لاتشوبه شآئبه وبإذن الله سيكون رزقه على قد نيته الصافيه اقتباس:
المجتمع السعودي من القرون الاولى وتكويناته لم تكن الاعمآل كمآ يصورها البعض حاليآ من تصنيفات عاليه ووضيعه المقآم كل الاعمال واحده رعآيه الغنم او الحداده او التخريز او البناء او حتى التجاره وكلها بالفتره الحاليه انتقلت الى عنصريه وبدآت التصنيفات على حسب القبائل او العوائل وعلى قدر الضرر بالشماته الا اذا كان هنالك ناطحات سحاب بالدهناء والربع الخالي او منفوحه ! شكرآ لك . |
هذي مدحه http://www.buraidahal7urah.com/vb/im...com%20(37).gif هذا من طويلين الأشناب رجل حطه على يمناك [hr]#ccbebe[/hr] سبحان الله وبحمده .... عدد خلقه ... ورضا نفسه .... وزنة عرشه .... ومداد كلماته .... --------------------------------- أستغفر الله الذي لا اله الا هو الحي القيوم واتوب اليه أستغفر الله الذي لا اله الا هو الحي القيوم واتوب اليه أستغفر الله الذي لا اله الا هو الحي القيوم واتوب اليه |
اذبحوه هذا رجل طلع بغير وقته
لان رجال الوقت راعين غزل وتميلح وتضيع وقت بالنت والخرابيط هذا عار على اهله لانه مايشحد اهله فلوس ولايسرق مثل شباب الوقت هذا بلوى على ابوه لانه ينام بدري ولايطلب من ابوه مصروف تدري وش اللي قاهرني اللي قاهرني انه ماراح يحصل زوجه بسهوله لانه رجل حقيقي وبنات الوقت تبي رخمه |
يشتغل اللي يبغى بس اذا جاء للبيت يتنظف ويتعطر ومايتعامل مع زوجته مثل مايتعامل مع شغلته ( الضرب والحراره والسواد والجفاف ..) ويستاهل تقدم له البنت هديه .. ومن قال ان الشغل عيب ؟؟ |
الحمد لله والشكر
بدل ماتقولين الله يوفقه ويرزقه تقولين ابي حل وفشلنا ولد اختي عمر الشغل الشريف وهواية الشخص الذي يتمناه مافي اي فشيله او عيب ايآ كان |
اقتباس:
لو سمحت حبيت اوضح لك مو كل البنات ..بس غصب نوافق مايجينا الا رخوم مع احترامي للاخلاق ..|| بالعكس اشوف انه رجال ونعم فيه ماطيق اللي يتميلح ويحب يسولف مع الحريم ..!! لو يجي واحد مثله اوافق رجال وستين رجال وينهم اللي مثله الله يكثر من امثاله ويصلح شبابنا .. والله ماتميلح عندكم بس بطلع اللي بقلبي وبعلمكم انه فيه بنات تبي النوع النادر والمميز وعلى سنع مثل رجال زمان |
لازم اجلس معه واشوف حالته الصحيه والنفسيه >> الاخ استشاري نفسي
|
هذا الرجووووووله
اتوقع انتم اللي تفشلونه مو هو اللي يفشلكم الله لايهينك وصله سلامي |
مافيها شي اذا كان يكسب المفروض الكل يشجعه مو تتفشلون منه هذا لو اخوي ولا زوجي احطه فوق راسي لانه يكسب بتعبه هذا الولد ماينخاف عليه وانسان متحمل مسؤولية جاد الله يوفقه مو مثل شباب هاليومين من يصير عمره 13قال ابي سيارة ويفحط فيها واهله يبتلشون بمخالفاته ومصروفه وفي النهاية لا شهادة ولاصنعه يكسب فيها ويكبر وهو معتمد على الماما والبابا في كل شي |
نعم الرجـــــــــــــــــــــــــــل اهني المجتمع السعودي كاآآآآآآفه بوجود مثل هذا الشخص (في هذا الزمن) الله يسعده بالدنيا والاخره بجد أعجبني |
صادز انت ..؟؟!! احسبك بالاخير بتقول هذا الرجل الله يكثر من امثاله..!! ولايهمنك امه وخواته خلهن يطاطن الى العيد وش نفع هالعيال هم وشوشهم تقل بني الوحده ماتشتهي تشوفهم تسنه حدا خواته ,,, الله لايكثر هالجنس عاد ديني ولا لاشفت الواحد صاره ثوبه صر يع ,,,, :( |
تشش عز الله انه مايعجبكم العجب
وش تبون عن تسذا وش زينه واثق ويشتغغل ماهمه احد <- مب مثل بعض العيال تشرط وتتحكوي بالعكس ازين شئ الواحد يكسب من شغل ايده<<=يصير للفلوس طعمم واعتقد ماسوى شئ حرام وعيب حتى يفشل اهله يعطيك العافيه |
المفروض هو اللي يتبرأ من خواته وعماته , لو هو مدير في أحد البنوك الربوية كان الوحدة تفتخر قدام
زميلاتها والسبب المظاهر والكف عن الجوهر والمعدن الأصيل ونعم الرجل وبس |
العمل الشريف يابعدى زين
اقول جعلك الجنه ووالديك قل امين |
بالعكس برافو عليه
كفو والله لو عندي بنت زوجتها له هديه ياليته اخوي والله افتخر فيه قدام الناس اجل نصر وهلال وبلاك بيري ؟ اتمنى منك توصل ردودنا له بكل امانه |
نعم رجل يفخر به لكن ماعلاقة المقارنة الخاطئة مع غيره من الشباب ممن يتابع المباريات ويسهر الليل ويأكل من ارقى المطاعم ويلبس من أغلى الماركات إذا كان هؤلاء قد أنعم الله عليهم وعلى ذويهم هل سيلطب منهم أن يكونوا حدادين ونجارين حتى يكونوا رجال !!!!!! |
ماعمري شفت شاب سعودي اشتغل مثل هالشغلات وطوّلت المسأله
إلا لازم واكيد بيكون صاحب هالورشه بيوم من الأيام وبيكون فقط عليه الإشراف والعيب والله بالمواصفات اللي ذكرت/يها بالشباب الثانين وهالولد هذا سجلوه بإذن الله من الرجال اللي ماينخاف عليهم :) |
اوه نايس !!!
هذا طموح جدا اهنيكم فيه ^_^ طيب كيف اطلبه لبيتي حابة اعمل مخزن ومحتاجة حداد ^_^ ايش اسم محله ؟ تراني جادة ^_^ |
بالعكس رجال ونص
والله يوفقه ويسعده ةيفتح له طريق الخير |
مشكورين لمداخلاتكم والسبعة انعام فيكم وفي فكركم النيير والحقيقه كبرتوا بعيني السالفة صحيحة وانا اللي شجعته ودعمته بالصدام الامامي الين عدا نفود الثمامه وخواته وعماته لا تضايقن ولا شيء ولو تضايقت وحده سويت لها خروج نهائي مع اي رخمه محتاج عروسه وببلاش من غير مهر ههههههههههه بالعكس يتشرفن فيه وانا يوم اكتب بشوف ردودكم ونظرتكم على الهواء مباشره المؤيد والمعارض
طبعا انا سويت مقارنه في تصرفات يومه شكلا ومضمونا وبين تصرفات يوم شباب الفلس والرخامه والميوعه والنت والنوم للاسف اقولها باشباب بلادي ريوسوا ريوسوا والله يخلف عليكم اله العالمين الا من رحم ربي وهم قليلون . |
الامريكيه ... الشاب ماهوب من اهل بريده وكفوووووو فيك يابنت ابوك وفيتي وكفيتي بالتشجيع
لشباب شربوا من سطول المراجل الين فالوا بسسسسسسسسس |
عاشق بريده .. جميلة جدا مداخلتك ولها جرس موسيقي مقلوب وصدقت ياكثر البنات اللي يبن الرخوم وعايشات نشوة الاعجاب فيهم وهم يشكلون ارقام احاديه في دنيا الاعجاب وعلى الكوبه. لكن لا تنس انه تم حجزه من احدى البدويات وبالتحديد بنت من عرب الشيخ مناور ههههههههههههه |
اقتباس:
اها الحين عرفت السر برجولته :c7: |
ونه خفيه .. العادات ذي اندثرت وسط عالم اليوم ولو شفتي هالحين اكبر الحمايل يعملون نجارين
فهذه منجرة العايله الفلانيه وهذي مصنع العايله الفلانية للحدادة صحيح مايشتغالون بيديهم وليسوا كفوا يشتغلون بيديهم حدهم ياكلون حموله جايه وحموله رايحه لكن هم اهل التجارة وتحمل اسمهم برخصة البلديه وعلى كذا يصيرون حدادين ونجارين وجزارين وخياطين . هههههههههههههههههههههههه ومثلهم صوالين الحلاقه والحلاقه ماتنبلع ابد شوفي كم من عوايل وحمايل فاتحينها باسمهم صحيح مااشتغلوا لكن الشغله باسمهم ولا فرق . |
[align=center][tabletext="width:70%;"][cell="filter:;"][align=right]* مرحبا ...
اقتباس:
أن يبحث أبن أختك ذاك الرجل النادر عن حل حتى يعيدكم أنتم الى رشدكم شخصياً .. أجد أن المهن الحرفيه فيها أبدااااع عندما يكون محترفها مبدعاً وأصنفها كــ فن من الفنون أيضاً ( حداده نجاره وغيرها .... الخ ) أستعجب من هذا المجتمع المتناقض , فإذا كان الشخص مثلاً يصمم تلك الأشياء الرائعه التي لها علاقة بالحداده والنجاره .. يحترم ويعتبر صاحب مهنه راقيه على أعتبار أنه ( مصمم ) وعندما يمسك المنشار واللحام لينفذ ما خطه على الورق أو كان حبيس خياله .. ( يقرف ) المجتمع منه .. ! * أنه رجل بمعنى الكلمة لم ينتظر دوره في الطابور حتى يجلس على كرسي دوار ويدار ..! وأنما أستقل بذاته ثم أن هذه المهنه اليوم تطعمه لقمة العيش وغداً قد تسقيه الشهد ( إن شاء الله ) وما أكثر الأمثله على ذلك .. أنظر حول نفسك وسوف تجد من كانت بداياتهم مثل أبن أختك ومع الوقت صار يدير مصنعه الخاص أو ورشته [/align][/cell][/tabletext][/align] [align=center][tabletext="width:70%;"][cell="filter:;"][align=left]تحياتي لــ أبن أختك ولك *[/align][/cell][/tabletext][/align] |
اقتباس:
لكن انصدمت انك ترى انها مشكلة وانا اقول انت المشكلة واشكالك بدل ما تحرص على مساعدته على العمل تثبط ............... الانبياء اكلو من عمل ايديهم وهذه هي الرجولة ووالله ان رده بالصميم ووالله ان بنقالي يعمل ويأكل من عرقه خير من شاب يشحذ من اهله ويزعج خلق الله . متى هذه العقليات المنحطه تزول عنا ...................... العمل شرف وصنعة باليد امان من الفقر . |
| الساعة الآن 06:37 am. |
Powered by vBulletin® Version 3.8.8 Alpha 1
Copyright ©2000 - 2025, vBulletin Solutions, Inc. Trans by
موقع بريدة