|
الزوجة الثانية هل هي نزوة ام حاجة
بسم الله الرحمن الرحيم
السلام عليكم ورحمة الله وبركاته الموضوع عن ظاهرة بدات اشاهدها تنتشر الزواج الرجل من الثانية طبعا حلل الشرع للرجل اربع من النساء لكن الذي اراه الان انة استغل هذا في اسواء ستغلال كثير من الرجال اصبح يتزوج من الثانية وبعد مدة قصيرة يمكن تكون شهر او سنة ثم يطلقها ربما يكون دافعة رغبة ونزوة او يكون على خلاف من زوجتة الاولى فيدفعة لزواج من الثانيةغيظ فقط او نوع من التجديد وعندما ينتهي خلاافة من زوجتة الاولى يعود له ويطلق الثانية او يشعر بملل ينتهي زواجة واصبح لدينا مطلقات كثر بسبب نزوة رجل او خلاافة مع زوجتة ماساة بصراحة هل اصبحت الزوجة الثانية نزوة فقط وليس حاجة نستمع الى ارائكم |
ليس لدي ماقول زياده على ماقلتي
فهناك من يريدها (مثل مايقلون يربي زوجته ) واذا رجعت عن خطاها تطلق الزوجه الثانيه وهناك من يريدها للتغير وهناك من يريدها لنفسه ولايريد منها الانجاب |
النزوة جايه جايه ..لكنه بالحلال أرحم من غيره .. |
اتوقع انها رغبة بالتغيير .. مثل اللابتوب والجوال والسيارة الحين لازم وقت يمل الواحد منه >> يقالي عطيت مثل الحين >> على كيفنا الأمثال حنا :)
|
الزوجه الثانيه يربي فيها زوجته الاولى ..
يتزوج ثانيه وبعدين يرجع للاولى <مايقدر يستغني عنه لانه متعود عليها .فالضحيه الثانيه ترجع مطلقه :( |
المشاركة الأصلية كتبت بواسطة ثامر الناصر http://www.buraydh.com/forum/tl4s-bo...s/viewpost.gif
http://www.buraydh.com/forum/clear.gif اتوقع انها رغبة بالتغيير .. مثل اللابتوب والجوال والسيارة الحين لازم وقت يمل الواحد منه >> يقالي عطيت مثل الحين >> على كيفنا الأمثال حنا :) ههههه مابقى الا تستشهد ببيت شعر .وتكمل |
أكيد نزوه ومرد الرجل يرجع لأم عياله الأولى لأنه بيمل بسرعه من الثانيه
وأغلب الرجال يتزوجون الثانيه تنبيه لزوجه الأولى بان هناك شيء ينقصه وأذاصحت المدام من الغفله الضربه صارت على راس الثانيه الله لايوفق كل رجل يتزوج ثانيه وبنيته الطلاق خافو الله بنات ماهيب لعبه بين أيدينكم |
مثل الجوال ؟؟؟ طيب عقبال ماتغير حريمكم جوالاتهن وتكسر الأول لأنه مافيه أحد يشتريه ويبي يطيح بحلقه خخخخخخ |
يعني تصير احياناً ...رجال مايدرون وش يبون بالضبط ...طايرتن بهم
|
تزوجت اثنين لفـرط جهلـي بما يشقى بـه زوج اثنتيـن فقلت أصير بينهـم خروفـا وأنعم بـين أكـرم نعجتيـن فصرت كنعجة تضحي وتمسي تداول بيـن أخبـث ذئبتيـن رضا هذي يهيج سخط هـذي فما أعرى من أحد السخطتين وألقى في المعيشة كل ضـر كذاك الضر بيـن الضرتيـن لهذي ليلـة ولتلـك أخـرى عتاب دائـم فـي الليلتيـن فإن أحببت أن تبقـى كريمـا من الخيرات مملوء اليديـن فعش عزبا وإن لم تستطعـه فضربا في عراض الجحفلين |
عند الشيبان اثبات فحوله ..
وعند الشباب تغيير ..! اشكرك |
ماتزوج الا انه شايف تقصير هذا الغالب
وسبب الثاني مجرد تغيير |
من اكثر الامور اللي نستغلها بأسم الدين تعدد الزوجات المصيبة لما يبرر تعدد زوجاته بتطبيق قول رسول الله صلى الله عليه وسلم (تزوجوا فإني مكاثر بكم الأمم) الحديث احد الاشخاص اعرفة شخصياً كل يوم لة زوجة سعوديات ياكثرهن واللي صامل منهن 2 اما الخانتين الباقيات كل يوم تحل فيها جنسيه وغالباً ماتكمل سنة الا وجنسية ثانية حاله مكانها بلاد الشام ومصر والعراق وصولاً لبلاد شنقيط مروراً بالمغرب العربي اخيراً تم الاستقرار ببلاد في اندونيسيا طبعاً اشي مسيار اشي مسفار اشي شرعي اشي عرفي وكله بنيّه بيّنه وهي نيّه الطلاق حتى لو لعب على نفسه وحاول يلعب علينا ،، |
لاتطلبين بخلفة
لاتطالبين بحقوق لاتطالبين بدخلة وخرجة ولو ماهو عاجبك الباب يفوت بعير شروط الزواج الثاني ...................؟؟ |
ههههههههههههههههههههه شر البليه مايضحك اذا انا غضبت من زوجتى وش ذنب الزوجه المسكينه اللى أبأدب فيها زوجتى الاول !!!!!!!!!1 وين أهل العقول
|
طيب .... حب الرجل عقلي .... يحب صفات معينة لذلك يحب في الأولى جمالها .... و في الثانية معسول كلامها .... وفي الثالثة حسن " ....... " <<< مشفرة وفي الرابعة لطيف افعالها .... فإن احب خامسة <<<< فهو مجرم واكتبي عليه السلام اما المرأة فـ حبها عاطفي , ان احبت صفة في زوجها احبته كله .... سي يو .... الموضوع عن الحب ولا الزواج .... ! :11[1]: |
نادر الشباب يتزوجون ثنتين...يمكن اول
وقت ابوي وجدي ...صح كانوا يتزوجون وحده... وثنتين ...وثلاث ... |
اهلاافيكم
واشكر كل اللي شارك لكن ياخواني بنات الناس مو لعبة او جهاز تغير وتبدل على كيفك لاجل نزوة واعتبر الزوجة الثانية مو تاديب للزوجة الاولى فقط حتى تاديب لزوج لانة كشف نفسة مو كفوا زوجة ثانية واعتبر من يفعل هذا ليس برجل |
يقول المثل الشعبي ( عساها بحملها تثور ) بمعنى .. الناقة الباركة تنهض بحملها بصعوبة ، فما بالك لو زدناها أحمالاً أخرى !
|
انتي بس دلينا على هاللي يوافقن تصير زوجه ثانية ويسهل الله
والله مهيب ظاهرة هالحين الوحدة تبي تصير مكوشة على الرجال والغريب عندبعض الحالات ان بعض الحريم معطيتن رجله ركبه واذا تزوج عليه زوجه ثانية تغيرت وصارت ماهنا ازين منه |
اصلا الزواج بنيه انه يطلقه اعتبره زنا صريييييح يعني بدل الخساير يدور له داشره بااحدى الديار ولا يلعب على خلق الله
|
اقتباس:
شفاحه فقط لاغير مايدري انه كم شهر ويمل منه مثل مامل من الاولى على قولته ,, عاد يالله ابلش بالثنتين :( |
كل رجل تزوج زوجه ثانيه له اسبابه ..ليه حاصرينها حضراتكم جميعا لـ سبب فقط واحد وهو انه رجل لعاب او انه يؤدب الاوله ...وتمدحوا في الاوله وانها ام عياله وانها مهما كان هو لها وهي له ..!!! مجرد يتزوج زوجه ثانيه بعد هي ام عياله الثانيه ..؟؟ عيالها اللي تجيب من عياله ..؟ ومين هو شريك حياتها وزوجها ؟ الرجل مو ملك لزوجته الاولى ابدا اذا له عنده ثنتين...متى تتفتحوا يا هالفئه اللي هذي نظرتها للزوجه الاولى اللي لها ضرة ..؟ والرجل المعدد اللي هذا اعتقاده وشغله فهو رجل متخلف فاشل ومصيبة على راس هاللي موافقة عليه وراضية يكون شريك حياتها وولي امرها وابو عيالها اللي مالها في الدنيا بعد الله غيره . وهو له مره قبلها . / |
88 8 تحدوها البشر كلامك جميل جدا الله يهدي بعض الرجال خربوا على الباقين |
ليس صحيح ان من تزوج ثانيه قصده ياْدب الزوجه القديمه وليس صحيح ان مقصده التغيير،،الرجل بطبعه يحب ان يكون محور الاهتمام والرعايه من قبل المرأه من جميع نواحي حياته،واذا احس بأي نقص او همال من قبل زوجته اغلبهم لا يحتمل فيبادر بالبحث عن ثانيه، فمنهم من يكتب له التوفيق فيستمر ومنهم العكس،، ومنهم من يندم على زواجه الاول وسنينه التي ضاعت بعدما يتوفق في زواجه الثاني،،والامثله كثيره في مجتمعنا الذي يكثر فيه التعدد بشكل ملفت للنظر،،حيث نجد الاغلبيه منهم ترك الاولى وتوجه للأستقرار مع الثانيه ،،او انه يقضي معظم وقته عندها اما من يتزوج بنية الطلاق فهذا لم نسمع به الا في المسفار وكل واحد يتحمل ذنبه |
الحب الاول تجربه والثاني اكتشاف والثالث والرابع هبال ؟
|
على حسب يعني يختلفون باختلاف الليل والنهار
منهم المحتاج مثلي هههه . ومنهم العاب مثل واحد مابي اذكر اسمه . واحد للطرب والونسة وكم شهر مسرحه . و الاسباب تطول وتعرض بس ذكرنا هذا باختصار فلا نحكم بحكم مطلق تشكراتي لك عساك ماتصيرين ثانية تسانك ماصرتي |
الا الزوجة الثانية’’’’’’’’’’’:)
ياربي عاد من هالرجاجييل مايملي عيونهم الا كيس سمنت وجع حبو زوجاتكم وحدة’’’وخلو معكم قنااااااااااااااعة |
اقتباس:
حاجات مصيبة والنتيجة مصيبة اكبرشكرا لك اقتباس:
في اضرار الطلاق على المراة شكرا اقتباس:
والذي ينظر لها كذالك فهو ليس له اانسانية بل جاهل واقرب للحيوان للاسف شكرا لك اقتباس:
شكرا لك اقتباس:
وبعد ما يحس بالمسولية كبرت علية طلقها شكرا اقتباس:
اية فية ناس الحريم بنظرهم الة وجوال الله يخلف اقتباس:
لا الحياة بنظرهم لعب واستمتع وجدد وغير وتونس انانية مشاعر وبس اقتباس:
شكرا على القصيدة رايك لاهنت |
اقتباس:
المهم مهما كانت الرغبة لا يكون مصيرة الطلاق شكرا اقتباس:
|
اقتباس:
ويمكن عندة عيال هو مو بداي عنهم الله يصلح الحال بس شكر اقتباس:
اجحاف بس لعتب على اللي توافق شكرا |
اقتباس:
نفس تعجبي !!! العقول امام النزوة في اجازة |
والله الغالب فسق يمال الصلاح
وهذا الواقع تلقى واحد مرته ماتجيب عيال راح يجرب واذا حملت طلقه الثانيه والثاني بينهم خلاف ويقاله ابيربيه والثالث فشخرة قدام ربعه وخر عنه قده وقدود والرابع من كثر مايحنون ربعه فوق راسه قال نجرب وماله واذا ماعجبن هوينه نطلق والسلام وبالاخير المراة هي المظلومة لكن ربي مايضيع حق احد يمهل ولايهمل سبحانه والحساب قدام.. |
اقتباس:
شكل الزواج عند الرجل انواع واشكل واختار وبدل الموضوع عن حب الرجل لنفسة شكرا اقتباس:
المهم انو اللي مو كفوا زوجة ثانية لايوهق عمرة ويظلم بنات الناس واحدة افضل له ويحمد الله ويشكرة على النعمة شكرالك اقتباس:
ياليتهم يفهموا هولاء ان المثل ينطبق عليهم قبل ما يتزوجوا عساهم بواجباتهم يوفون شكرا لك اقتباس:
اقتباس:
الله يوفق الجميع شكرا اقتباس:
الزواج بنية لطلاق افتا فية الشيوخ انو حرام اما داشرات لا مو الكل البعض تزوج بنات ناس محترمات ودين وخلق لم يسبق لهن الزواج ووثقوا فية لكن لم يكن كفوا ومحل للثقة شكرلك اقتباس:
مايدوا اصلا وش هو يريد بس يعرف يقول طالق وانتهت البلشة شكرا لك اقتباس:
تحدوها البشر اختى للي تزوج وهو صادق في زواجة وليس مجرد نزوة وتنتهي بطلاق او لااجل تاديب زوجتة هذا مو موضوعنا يا اختى احنا نتكلم عن اللي تزوج من ثانية بسبب تاديب زوجتة الاولى او نزوة وحب التجديد بعدها يطلقهااااااا هذا الموضوع فقط شكرا لك |
اقتباس:
باسم الثغر حددنا نقطة الموضوع مو الكل اللي تزوج ثانية كانت نيتة طيبة او كانت خبيتة لكن قصدنا الاخير في الموضوع والصراحة اصبحت الزوجة الثانية مجازفة شكرا لك اقتباس:
يكفني حنانك بل يوجد من يريد الزوجة الثانية لتاديب زوجتة الاولى ويوجد من يريدها للتجديد والتغيير فقط بعدها يطلقها انا ماجبت شيء مو موجود في المجتمع يمكن مو حولك واتمنى ان يكون ليس هذة ظاهرة او حتى انها موجودة لو حالة واحدة شكرا لك |
اقتباس:
قصدك الزواج الحين صار الاول اكتشاف وتجربة والثانية هبال وجريمة شكرا لك اقتباس:
طبعا يختلفوا اختلااف الليل والنهار لكن اصبح المحتاج نادر واللعابين كثر وانت شهدت على بعضهم لا تتفاول علي اخي يارب اكون الاولى والاخيرة كتبت الموضوع لعيون بنات صغيرات اصبحن مطلقات بسبب زواجهن كزوجة ثانية من الغير كفوا شكر لك الله يوفقك مع ام ميار |
اقتباس:
ربي حلل لهم اربع لكن هم احتاروا هل يتزوجواوبتحملوا المسولية او يكتفوا بواحدة فوجدوا الحل انهم يتزوجوا وبعد مدة بطلقوا لله يهدي الجميع شكر لك اقتباس:
صحيح هذا هو للي حاصل والحساب قدام اشكرك هوارة |
يمكن مارتاح مع زوجته وما يبي يطلقها اما رحمة بها
أو عشان العيال أو يتوهم انه صايبته عين ويبي يجرب..هههه |
.
ضربتين بالراس توجع اتوقع والاغلب يكون غير مرتاح مع الاولى لكن اللي يقدر وعنده استطاعه يعدل بينهم وقدره ماديه ياخذه الثانيه |
اقتباس:
دراهمهم تخلي ابو الضعيفة تضيع مراجه اذا فيه رجولة . والله مايقهرني غير للي يبيع بنيته من اجل دريهمات يلعب بهن . الله يسامحك ويهديك انا احرص منك على نفسك هههه انا مادري وش انت من امرأة ودعيت لك بالتوفيق وتمنيت الاتكوني ثانية وهالحين اقول الله يجعلك الاولى والاخيرة >>خلاص لاتصيحين ههههه ربي يسعدك ويوفقك |
| الساعة الآن 11:49 pm. |
Powered by vBulletin® Version 3.8.8 Alpha 1
Copyright ©2000 - 2025, vBulletin Solutions, Inc. Trans by
موقع بريدة