|
"":":"" عـيني { في } عينكـ "":":""
آلسسَلآإمْ علَيْكُم ورَحمَة آلله وبَرَكـَآإتُه ..!! http://www.alrealclub.com/vb/Rmclub/smilies/icon26.gif هذا موضوع ليس بالجديد سبق وان طرح ولكن اعدنا طرحه عشان ننشط الاعضاء في هذا القسم وحبيت ننعش الجو في القسم بهالفكره وان شاء الله تعجبكـم ونشوف تفاعلكــم فيه ::: المـــــهم ::: فكــرهـ الموضوع سهلهـ بختــار عضوين والباقين يكتفوووون بالمشاهده والدور بعد فتره عليهم وبتكوون البدايه من العضوين بالتعريف عن انفسهم بعدين العضو الأول رقم (1) يسأل العضو الثاني(2) بما لايقل عن 7 اسئله اي سؤال متنوعه وما تكون محرجه يكون احسن ومن حق العضو رقم (1) طلب اي صورهـ من النت من العضو رقم (2) بشرط ماتكون تعجيزيهـ بس ماتكون من تصويره الا اذا هو حب انه تكون من عندهـ<<اختياري :a3: ويتم تفنيذهاا واذا اعتذر يذكر السبب لي <<<<<< http://www.buraydh.com/forum/images/..._7v%5B1%5D.gifبالله هع واذا خلص من اسئلته يعطي العضو رقم (2) خبر وبعدين يصير العضو رقم (2) هو اللي يسأل العضو رقم (1) اسئله مختلفه + طلبات + ....الخ وراح تكون المده للعضوين بالكثير نصف ساعه واذا خلصت المده يتم اختيار عضوين جدد من قبل العضو رقم (1) والعضو رقم (2) ويتم ارسال رساله خاصه لهم ان شاء الله وضحت الفكرهـ:) ملاحظهـ - الأعتذار ممنوع.:a4: - الأولويه للعضوين المتواجدين باستمرار السبب في هالملاحظه مايتوقف الموضوع والرأي للعضوين وشكرا لكـــــم |
موووضوع رروعه صديق الملك ..
يعطيك العافيه ع هيك مواضيع جميله .. بإنتظار العضوين والمحاوره بينهم |
الله عليك يا نايف موضوع روعه خاصه انه نصف ساعه بس ههههههههههههههههههههه الله يجزاك الجنه امين فونتاستك |
وش دعوا الردود 2 والمشاهدات 20
شكلهم مذرقين ترا الموضوع كله بكبرة عبارة عن تحاور بين 2 بطابع قد يكون فوكاهي وممتع |
أول ماشفت الموضوع تذكرت رزة ومسرعة أذكر جابن العيد بالموضوع الأول ياحبيلهن ههه:f5:
شيكرن صديق الملك >> ماتقلد |
أالله يعافيكن ياشهد وياأم البعارين ويالنخلة
نورتو الموضوع بصراحه شيكرن لكن |
يمكن تكون الفكرة ماوضحت<<يسلك لنفسه
الموهيم اببدأ أنا مع يبي يحط عينه بعيني لمدة نصف ساعه أو أقل |
^
أوك أنا ابدا معك توكل.. |
[gdwl] في المواجهه سبيعيه هيبة + صديق الملك [/gdwl] |
في البداية
معاكم الفخم صديق الملك أحد اعضاء المنتدى الفخم طالب انتساب وموظف بنفس الوقت العمر 26 او بآواخر الخمس وعشرين احب المنتدى وخاصه قسم الاستراحة لك المجال يالنخلة لتعريف عن نفسك لحين سدح السؤال الاول |
ننتظركم بحماس و شغلنا ساعة التوقيف |
السلام عليكم..
معاكم النخلة سبيعية متخرجة وعاطلة العمر أسأل أمي وأعلمكم >> تشفير:f5: \ |
الســؤال الأول||
بماأنك مشرفة مرموقه بهالقسم أشياء في بالك ودك تتعدل بهالقسم خاصة وبالمنتدى عامه بمعنى آخر لو وليتي زمام المنتدى بدال جلوي صرتي وشن الاشياء حابه تعدليها ؟؟ |
اجـابة السؤال الأول||
\ أشياء كثيرة ودي أغيرها بالقسم اولاً بالقسم لو بيدي منعت مواضيع الألعاب ومنعت المواضيع المنقولة و الأهم وماراح يحصل غيرت بعض اخلاق الأعضاء وشلت الحسد وقلة الأدب بالألفاظ و الردود و النوايا الخبيثة..:) \ بالمنتدى عموماً مافي شي محدد ببالي حالياً :) |
اقتباس:
رد احترافي انتظر سؤالك |
سؤالي الأول||
\ سبق وعملت بالأشـراف وكنت من خيرة المشرفين وش الفروق اللي لاحظته قبل وبعد ولو طلب منك العودة للأشراف توافق..؟ مع ذكر السبب..؟ سواء الأجابة بنعم أو لا :) |
اقتباس:
جوابي صزز اني كنت بالاشراف بس الصراحة بوه ناس سبقون ومن أفضل المشرفين وانا كنت خرابيط عندهم الفرق الصراحه انه زمان كان هناك تنظيم افضل من كذا صدق ان القوانين الحين افضل بس احس قبل مااكون مشرف كان القسم افضل بكثير من ناحيه الحماس والمواضيع والاعضاء ولا قصور باللي الحين بس هذا اللي شفته ولاحظته إذا طلب مني العودة للآشراف ابقول لآ لآنه صراحه تربط الواحد ولابد التواجد الدائم ومراقبة الردود والااعضاء ووو الاشراف أحس انه تجربه لمرة واحده فقط ولايمكن تكررها مع اني قضيت أجمل الايام برفقة المشرف الغايب السابق عطر الليل والبقية |
السؤال الثاني||
موقف محرج مررتي به بالمنتدى وخارج اسوار المنتدى؟؟ |
^
كل عضو له عصر ذهبي بالقسم ويحس انه مامر أفضل منه يعني الحين راح تلاقي بعض الأعضاء الجدد يمكن يستغربون جوابك لأن القسم بالنسبة لهم من أفضل الأقسام وماودهم يطلعون منه..:) \ الله يذكرهم بالخير مشرفينا السابقين \ |
موضوع فخم يالصديق بصراحه ..
بس شكله ممنوع المقاطعه .. يالله بانتظار الفضايح ذذ عطونا وش عندكم زود !! |
متاابعه لزمــلائي خلونا نشوف وش عندهم
|
اجابة السؤال الثاني||
\ موقف محرج بالمنتدى أذكر موقف لكن مو ذاك الأحراج بس اني فشلت شوي وقته هه أول مامسكت الأشراف قبل 7 شهور تقريباً وصلتني رسالة بالخاص من عضوة كبيرة لها مكانتها بالمنتدى تنتقد فيه شغلي بالأشراف وتحط علي , وأنا ذاك الوقت بالبداية وتعرفون تكون هناك طفة يعني شغلي تمام التمام واستغربت تهجمه , رديت عليها باسلوب محترم وكنت ماسكة نفسي ع الأخر ولا ودي انط به هه مادريت الا يوم قالتلي كنت أمزح معك بس حبيت أشوف ردة فعلك خابرتك عصبية :f5: \ \ برا المنتدى ياكثرهم بس يمكن اقواهم احراج وسبق وذكرته هنا.. مره كانت ثلاجتنا خربانه وأبوي بدل مايوديها جاب عامل يصلحها بالبيت أنا مادريت انه خربانه اصلاً ولا دريت انه فيه عامل عنده يصلحها رحت للمستودع عشان اخذ غرض من الثلاجة >> أذكر كان كاتشب مانسيته للحين هه وأمشي وانا ساهية مانتبهت الا اللي باللي فاتح الثلاجة ويحبرش به انا مادققت فيه زين ع بالي أخوي فكني الله ولا قسم كنت بضربه مع ظهره يقالي بفآجأه هه الحمد لله اني انتبهت باللحظة الأخيرة وحطيت رجلي ماردني الا باب السطح من الفشيلة:f5: ^ قصة حياته هه |
هههههههههههه
اوما موقف العامل احمدي ربك مادبجتيه ولا كان رحتي وطي من قبل الوالد والعامل الصزز انه موقف محرج |
هههههههههههاي
نقشوآ عن ماضيكم وخباياكم يارعآآكم الله ذذ |
صادق أنت..! أبوي الى يومك هذا مادري اني مدرعمه عند العامل ماعلمته ههه \ السؤال نفسه :) |
موضوع حدددددةة روعآإآإ
تشكرآآت ويديك العافيه صديق>http://www.buraydh.com/forum/images/icons/icon10.gif |
موقف محرج بالمنتدى
مرة وببداياتي للآشراف ومن زود الطفاقه ابحذف موضوع مكرر حذفت موضوع آخر لعضو ثاني ونقلته للمحذوفات مادريت إلا برساله من عطر الله يذكره بالخير يهاوشن يقول هيه انت وش زينت الصراحه ضاع وجههي ورحت للعضو وتعذرت منه وقلت ارجع ونزل موضوعك مرتن ثانيه ومن هالهرج وبعدها صرت اتوخى الحذر برا المنتدى مره من المرارير كنت نايم ولادريت أن خواتي عازمات عندهن البنات بالعادة يقولن لنا ان بيجي كذا وكذا المهم أنا نزلت من غرفتي وحتى من الشر اللي بي ماغسلت وعيوني بهن غمص والحال حال لأني طالبن منهن يقومنن عندي مشوار مهم ولا قومون ويجيكم صديق الملك مدرعم للغرفة وبصوت عالي وراكم ماقومتون وانتبه ولا اللي يخترشن بالغرفه واو واو واهج من البيت حتى ماغيرت قميصي من الفشيله |
اقتباس:
ياشين هالمواقف قمة بالأحراج |
السؤال الثالث||
يسمونك النخله وانا اذكر دايم ينادونك بهاللقب بس ماادري وش قصته من هو العضو\ة اللي اطلق هاللقب وليش؟؟ |
اجابة السؤال الثالث||
\ اللقب هذا جاء بعد مانزلت موضوع فيه مدح عن المرأه السعودية وانه مثل النخلة شامخة.. ومن بعده و الأعضاء ماسكينه علي ذاك الوقت :) \\ سؤالي.. شي تمنيته وتحقق..؟ وإذا ممكن كيف حققته..؟ وشي تتمناه وجالس تسعى له..؟ |
السؤال الرابع ابطرحه مع الثالث واني كذلك لحد مااجي من الصلاه
طلب ابي صورة فطور على مزاجك؟؟ |
اجابة السؤال الثالث
كنت اتمنى اني آخذ بالوالده عمرة برمضان وكل سنه مايحصل وتقولي ياوليدي متى المهم قبل سنتين حقق الله الأمنيه والحمد لله اعتمرت انا والوالدة وحجيت بعد بهذيك السنه جالس اسعى له موضوع مستقبلي الارتباط (الزواج) وبإذن الله يتحقق بالقريب العاجل |
^
الله يخليلك أميمتك ويطول بعمره على طاعته يارب والله يوفقك وييسر أمورك ويكتبلك الخير :) \ الطلب فطور على مزاجي ماحصلت صورة تصلح بس يمكن هذي اقربهم.. http://t3.gstatic.com/images?q=tbn:A...S8Mqy-gjaQ&t=1 |
سؤالين جميع..:)
\ صفة فيك تحبه والعكس..؟ \ طلب صورة لمكان يعجبك أو ترتاح فيه..؟ |
صفه بي احبه احس اني مستمع جيد يعني أي أحد يبي يفضفض يجي على طول لمي
صورة لمكان احب اجلس فيه اصورة بعد شوي وانزله |
سؤالين جميع
5\لو تضايقتي وانقهرتي او حسيتي بالضيق وش تزينين؟؟ الله لايجيب الضيقه والكدر 6\لو قالوا لك هذا جواز سفر مع تذاكر واقامه لمده شهر اي بلد تحبين تسافرين له وليش؟؟ |
مآشآء الله موضوع فونتاستك :c9:
الله يعطيك العآفيه ياصديق الملك وبدآيه رآئعه معكم متآبعين ومستمتعين الله يعطيكم العآفيه |
|
يعافيكم ربي لكل من آشــأد بالموضوع
مروركم وطلت ردودكم اسعدتني حياكم الباري |
موضوع خطير
يعطيك العافية صديق الملك |
| الساعة الآن 10:46 pm. |
Powered by vBulletin® Version 3.8.8 Alpha 1
Copyright ©2000 - 2026, vBulletin Solutions, Inc. Trans by
موقع بريدة