|
زواجاتنا شختك بختك ؟
بسم الله الرحمن الرحيم http://www.alriyadh.com/2007/11/05/img/062154.jpg أثناء تجاذب الحديث في إحدى المناسبات ، قال أحد الحاضرين : زواجنا نحن السعوديين شختك بختك ! فهل حقا تتسبب الطبيعة المحافظة لمجتمعنا في جعل زواجاتنا ( شختك بختك ) ؟ حيث لا يختار الشريك شريكه عن معرفة و اختبار ، بل يكون اختيار الشريك قائما على الحظ ، و كما يحدده الأهل و الظروف . |
وهو صادز انت وحظك ... :) |
مرحبا الرامي
00 من تزوج بطريقة شختك بختك عليه أن يلوم نفسه لأنه له الحق في الرؤية والاختيار 00 أما من يختارون له اهله فالكتاب واضح من عنوانه وهذا عنوانه التبعية ولن يعنيه أن ما معه تناسبه أو لاتناسبه المهم انها تناسب الماما لك ودي |
اول شي لو انا بمحله ياسمعته تشخر سحبت المفتاح بشويش وقصيت عليه ههههه
ثانيا اعتقد مافيه شاااااب الا يبي ياخذ زوجته بمحض ارادته . ثالث شي الرجاااال له الف حل يغير او يجدد بس الحريمه الضعيفه وش تسوي هووهوو زين اوشين . شكرا الرامي |
السلام عليكم
ياعزيزي حتى البنت تاخذ الرجل شختك بختك ,, ومصيبة البنت أعظم من مصيبة الرجل لان المصايب الي تجي من الرجل أعظم ومنها ( تدخين , شيشة ,مخدرات , علاقات غير شرعية , ترك صلاة , عصبي و يمد يدة على أتفه الاسباب , شكاك .. معليش تعبت مالي خلق أكمل) لكن الرجال الغالب أهم شيء عندهم (الجمال) اغلبهم يتشكى ويقول مالي حض بها الدنيا ويكبر الموضوع ويطول سالفة وبالنهاية يطلع عيبها الوحيد هو أن شكلها ما اعجبة وابو الشباب نسى شكله هو بعد يعني البنت اكثر خسارة من الرجل عشان كذا المشكلة في ثقافة المجتمع ونظرتة "المحدودة" للزواج مو في طريقة الزواج |
اذا البنت واهلها يسألون عنك انت واهلك اسألوا عنها
|
اقتباس:
الكل هنا يتزوج شختك بختك الا حالات شاذه ,,, ولاشافه شوفه شرعيه واعجبته طيب وش يضمن له الباقي ..؟؟ كلن وحظه يايحطه بالسماء والا يلبط به بالارض ... :) |
صحيح هذا ماأعتدنا عليه
بحكم العاداآآآت والتقاليد وقبل ذلك { الدين } بما أننا لانختلط بالطرف الثاني الا بعد الزوآآج كل هذا يكون بمحض النصيب والتوفيق من الله سبحاانه يعطيك العافيه |
آجل وشتبغون قبلها تعارف وصداقة وطلعات وخرجات مثل الأجانب يقعد طوال عمره وهو يقلب ويغير في
النسوان تقول محطات تلفزيون وبعدين هذا الشرع قدم لكم حل (بالرؤية الشرعيه) ولا عمركم تحلمون به وإلا على الأخلاق حتى زملاء العمل وانت تقابله كل يوم ماتعرف طبعه الحقيقي إلا بظروف معينه. |
طبعا غير صحيح فالشائع بزواجاتنا ليست ع ماذكر
خصوصا في وقتنا الحالي فالغالبية العظمى من المجتمع إن لم يكن كله بدأ يستوعب ضرورة (الرؤية الشرعية) والتي تحمل نصف إمكانية نجاح وتوفيق الزواج من حيث الاختيار فلم يسنها الحبيب صلوات ربي عليه عبثا بل أنه سمح للخاطب أن يكرر مرات الرؤية حتى يرى مايحبه والحديث عن حكمة الرؤية الشرعية يطول جدا هذا من غير أن الخاطب في الغالب لا يقدم إلا بعدما يسأل عن المخطوبة وذويها وكلن واحتياجه في المطلب فيكون الإقدام بعد السؤال والبحث الحثيث لذا فالزواج لدينا ولله الحمد غالبا قائما ع حسن دراية وترتيب والبعض للأسف يرى أنه من الأفضل أن يتم التعارف بين المخطوبين قبل الدخول والزواج وهذا في الحقيقة أمرا غير جيد وفاشل من وجهة نظري لأن المخطوبين في مثل هذه الفترة سيقدمان كل حسنة وصفة إيجابيه يتصفان بها ويحملانها ولا يمكن أن يرى أحدهما سلبية الآخر فينبني في خلدهما أنها كاملان وما أن يتزوجا وتبدأ القشور بالتساقط وتظهر السلبيات حتى تكون الكارثة والصدمة العكسية العنيفة بينما لو تزوجا وكلاهما يجهل الاخر تجدهما أكثر تقبلا للسلبيات وأكثر سعادة بالإيجابيات والتي قد تساعد تلقائيا ع دمح السلبيات لأنهما أصلا لم يكونا قد رسما شيئا معينا عن بعضهما وهكذا يبدأ الاندماج وحالة السكنى |
انا قتاله بنت الطنايا اقر واعترف اني افضل العنوسه والتدحوس بأحضانها على الزواج بطريقة الشختك بختك ابآخذ المتنيل على عينوه لأقرب مستشفى واسويله اشعه مقطعيه لكامل جسده الأشهب اشيك اخاف بايع طحاله او راهن قلبه منحين قلوبهم قنيزه يالله تدفق نقطتين حب الطفه حق اول ايام العرس http://www.buraydh.com/forum/images/icons/icon10.gif بعدها نبي نروح لمطوع المدينه يتأكدلي من عدد الشياطين اللي براسه اخاف انهن شويات ابي براسه سطعش شيطان ازرق مشتهيه ترويض وغثا وسهر ليول وصوايح ونوايح وبعدها اباصل مراكز الشرطه والهيئه واقول تعرفون هالوجهhttp://www.buraydh.com/forum/images/icons/icon10.gif بعدين ابسويله الاختبار الاكبر ابستاجر استراحه واحطبها مغربيه وسوريه وصينيه واربع اندونيسيات وابراقبه واشوف وش يسوي وبعدها اشوف اذا ابيه او لا ..! |
طبعآآ كل زوجتناا زي كيذاا
يعني حظك نصيبك والله الموفق |
اقتباس:
|
هذاك زمن اول
الحين العالم تفتحت ، و اخذوا بالنظرة الشرعيه و ماعاد يُكتفى بالنظره ! -- لكن للحيين تقييم البنات و الشباب بعد الشوفه من خِلال الصورة و المظهر الذي رأى كُلٍ منهم الآخر .. و نسوا الأخلاق التي ترتكز عليها السعادة الزوجية . شكرًا |
اقتباس:
يفرحن باللي يطق الباب لو هو عرج وعور وفقير وحقير ويشيش ويسكر >> بيطرق ههههه |
اقتباس:
ياقدمك بعد الحول النشق امهات شظاف هن اللي يتشرطن ويجيهن احسن من اللي يتمنن الجميلات لهن المرهمين اللي يمشون على قاز :| لاهو آدمي ولا مسخ يسوطها ويلوطها وبآخر شي يرفسها ويقول الزواج تكافؤ ياعساوه يتكافأ مع ابليس وفرعون بالنار :| |
*.
الدعوى كلها بـ البركه .. و أن لقحت و إلا ما ضرها الجمل :$ كل الدعوى شختك بختك ... سواليفنا شختك بختك ... تعاملاتنا شختك بختك ... زواجاتنا شختك بختك ... خلها على ربك ... لو تدري وش اللي بقلبي ,,, بس اخاف يصير شختك بختك ... *, |
اقتباس:
اعذرين تجاوزت اقتباسك ياحيي انتي شوفي انتي لاتعرسين الحين اجيبلتس واحد من يومهوا بالمهاد وهو بجبال الهملايا لشاف قرع اللسيب طار عقلوه وراح يركض يبلغ يحسبها كائن فضائي :| |
هو انت من اهل الكهف وتوك صاحي ؟
الحين البنت تشوفها وتكلمها وبعد الملكه تطلع معك عشان الاثاث والشباب الحين مافي انجس منهم بمكالمه وحده يعرف طبايعها لكن / البلا بالرجل اذا صار راعي خرابيط من تحت لتحت وشلون نعرف مثل مرض نفسي والا جنيه براسه عاشقته من الصغر والا مسحور عن طريق الشغاله واحيانا يصير مافيه الا العافيه وماينهبل ويطيح بالخرابيط الا بعد الزواج مااقول الا الله يكفينا شركم وبس |
اقتباس:
الطريقة هاذي أغلبها عند بعض ( الجهلة ) ممن لا يعرفون ما كان يقوله ويفعله نبينا محمد صلى الله عليه وسلم ... المهم هناك أمور مهمة جدا حتى نبتعد عن نظرية ( الجحّة ) << البطيخة كما يقولون - التعارف قبل الزواج مهم وبأي وسيلة . - الأرواح جنود مجندة ، ولو من نظرة أو أسلوب أو ... - يجب أن يتوقف المتحابين عند هذا ثم يبدأ بالطرق الواضحة والمعقولة مثل أن يسأل عنها وأهلها ويخبر أهله أنه أعجب بهذه الفتاة - الدخول للبيوت من الأبواب وليس الماسنجر أو الجوال أو .... - السؤال الكامل عنها آخذا بالمواصفات التي ذكرها الرسول في الحديث ( تنكح المرأة لأربع ............ ) وضوروة فهم المراد منه - الجلوس مع ( الفتاة ) بحضور وليها قبل الملكة ( العقد ) ومحاولة فهم طريقة تفكيرها وثقافتها و.................... - الرؤية الشرعية ضرورية جدا جدا - بعد الراحة النفسية والأطمئنان - الأستخارة ( إذا همّ احدكم ........ فليركع .... ) - كذلك البنت تسأل عن الزوج كما ذكر النبي محمد ( إذا أتاكم من ترضون .......... ) وضرورة الفهم الكامل لهذا الحديث - بعد الإتفاق تبدأ المراسم المعتادة من أفضل من تكلم عن هذا شريط للشيخ علي بن محمد الشبيلي بعنوان ( سنة أولى زواج ) |
اسمح لي اخوي الرامي بالاعترض على وجهة نظرك واقول انها ( قديمه ) وماكل الزمن عليها وشارب سعودي اليوم هو من يختار شريكة حياته وماعادت الوالدة او الاخت هي اللي تختار....حتى المتزوجين عن طريق اختيار والداتهم تزوجوا اليوم عليهن من اختيارهم وذوقهم .. كثير من زواجات اليوم هي إما عن معرفه وعلاقه (شريفه) ..او تكون اخت لاحد الاصدقاء ويعرف كل شي عنها وعن شكلها من اخوها وبالتالي يخطبها منه...الخ يعني اخوي ماعادت عادة ( شختك بختك ) موجوده في مجتمعنا... كنموذج لي اخ باذن الله الله يوفقه ويسعده ويهنيه ويتمم زواجه بخير وسعادة واستقرار ..زواجه بعد العيد ..ومالنا اخواته ووالدته اي دخل باختيارها .لنا نبارك وندعو لهم فقط ... وكل اخواني مختارين زوجاتهم بانفسهم ..و سعداء الله يهنيهم ومعهم الحين عيال.. اما حكاية مجتمع محافظ فهذا مو دليل او سبب لـ ( شختك بختك ) ..اللي يعني مايعرف عنها شي الا بعد الزواج اقرب مثال مجتمع مصر .... المجتمع المصري بالرغم انه اختلاط الا انهم الى الان العادة السائدة في الزواج هي (الشختك بختك )..تروح والدته تدور له وتخطب له ..؟ ثم بعدها الخطيبين يتعرفوا ع بعض ايام الخطوبه ... : |
اقتباس:
أنا أشهد ...:( وبهذي المناسبه اقول لكل وحده عاديه انها تحمد ربها وتشكره تراها اسعد انسانه وسمعت ان الرسول داعي لهن يوم هن دائما هن سعيدات الحظ بالزواج اكثر من الجميلات .. الجميلات حظها مقرود ..ودايم في غثا حياتها وهموم وغموم وقل توفيق وعين وشيوخ يقرون عليه .. الله رايد بكل اقل من عاديه خير لما خلقها غير لافته لمجتمع ماعنده لها غير النحاته والحسد واستكثار النعمه على الغير.. انا اؤمن كمااال الايمان وادعوا غيري بالايمان والاقتناع بالمثل اللي يقول مافيش حد احسن من حد . تأكد تماما يا اخوي ويا اختي مافيه نعمه قد الاخلاق والطبع الزين وسمحة النفس والدين .. الشكل هذا تراه ماهو شي ابدا ولا يضيف لك شي ولا يدخلك جنه ولا نار ..دينك واخلاقك هي اللي تنفعك ...الشكل في الزواج هو في المرتبه الثانيه ولا هو ضروري بعد يكون كامل الاهم انه مقبول فقط ..! : |
بوضح شغله بسيطه معليش
صح تطورنا وصرنا نكلم الرجل بعد الخطبه واذا مااعجبنا سحبنا عليه وفيه شوفه شرعيه ولله الحمد ومع ذلك اقولك الزواج قديما اللي مافيه ولا شوفه شرعيه ايام التشدد احسه ناجح اكثر من الزواج الحالي |
اقتباس:
امييييييييييييين يارب العالمين بيوم هالجمعه المبارك في شهرك الفضيل تقبل منها ياحى ياقيوم:( |
سوء الاختيار سبب ذلك ...
الانسان العاقل الواعي هو من يقرر بنفسه انا ارفض الكلام بنسبة 80% |
اقتباس:
بالمناسبة / ألاحظ أن بعض الزملاء عارضوا الفكرة على اعتبار أن هناك ( رؤية شرعية ) الآن ، و لكن هل تكفي الرؤية الشرعية في اكتشاف طباع شريك المستقبل و أخلاقه و عقله و روحه ؟ |
اقتباس:
اسمحلي اقوولك ان مجتمعناا وديننا واخلاقنااا ماتسمح بالتعارف قبل الملكه مهماا كاان واذاا كنت تقصد نتعارف وقت الخطبه فاسمح لي اقولك ان الوقت ما يكفي يعني فترة الخطبه ماتزييد عن اربع خمس شهوور وبهالوقت القصير ماتقدر تحكم على الشخص يعني الصديق يكون معك اكثر من ثلااث سنوات وفجئه تكتشف بعد المده هذي انه مايناسبك وش بالك بشخص بيقاسمك كل شي بحيااتك وانت ماتعرفه الا مده بسيطه وفترة الخطبه مستحيل الواحد يحكم لان كل الطرفيين بحاول يكون باحسن صووره قداام الثااني وبامور الديين انااا معك الاستخاره والسؤال والنظره الشرعيه وهي سبب نجااح اغلب الزوجاات عندنا لو سمحت هذاا مافهمته ؟؟ الأرواح جنود مجندة ، ولو من نظرة أو أسلوب أو ... |
اقتباس:
بتات البته وهذا ردي على العضو عزف الحقيقه ... اقتباس:
|
عزاء النفس اهم شئ الاخلاق
|
اقتباس:
|
اقتباس:
|
اقتباس:
|
اقتباس:
|
اقتباس:
|
اقتباس:
|
اقتباس:
|
اقتباس:
|
اقتباس:
بعد كل هذه الاختبارات تشوفين تبينه أو لا ؟! |
اقتباس:
|
اقتباس:
|
| الساعة الآن 11:31 am. |
Powered by vBulletin® Version 3.8.8 Alpha 1
Copyright ©2000 - 2026, vBulletin Solutions, Inc. Trans by
موقع بريدة