|
مع هطول نقاط المطرر .. البنات وعسيلان والطرفية .. !!
http://www.alriyadh.com/2011/04/29/img/211559023847.jpg
السلام عليكم .. مع هطول الآمطار على بريده والطقس المتوقع بأذن الله بأستمرار الآمطار الى نهاية الآسبوع .. والكل يعرف صدى ذلك على آهالي بريدة بهذا الجو الرائع .. من الصغير حتى الكبير .. والغوص في رمال المنتزهات القريبة مثل عسيلان و عروق الطرفية من الشباب والشيبان والعوائل بهذا الجو الرائع .. ولكن المؤسف .. وهو مشاهدة البنات .. والجرأه في السواقه بالبر بمساعدة الآهل بين المخيمات حتى آن آحد زملائي يقول وصل بهن الحال الى الهجوله بين المخيمات بالسياره.. بعد آن كانت مقتصره على الدبابات هذه السنه تطورت الى اكبر .. وهي القيادة آمام الشباب .. ومن الممكن آن تتكرر حادثة الثمامه بالرياض العام الماضي حيث آن البنات من الممكن آن يتعرضن للمطاردة من الشباب بغياب الآمن والهيئة .. وايضا غياب ولي الآمر أو ربما بموافقته .. يامن غفلت عن هذه الورود وتركتهن بدون مرآقبة آنت فقط المسئول آمام رب العباد يوم الحساب .. ( كلكم رآع وكل مسئول عن رعيته ) قبل الندم .. بما قد يحصل لاسمح الله .. نقول لامانع آن يكون هناك لهو بريء وبعيدا عن أنظار الناس وبمرآقبة ولي الآمر .. ولكن آن تصل الجرأة الى الآستعراض آمام الرايح والجااي .. هذا ماتعودناه بهذه العادات الدخيلة على مجتمعنا وخاصة مجتمع القصيم المحافظ .. حمى الله بناتنا وستر الله عليهن .. |
مشكور اخوي تركي علموضوع
وبصراحه سخافة وقلة ادب بعض البنات اصبحت كوارثيه !! الله يحفظنا ويستر علينا.. |
إيه صحّ جا الشتآ وجت النقاشات عن البنات والطرفية إلخ إلخ ..
مشاكل المرأة موسمية عندكم .. بالدراسة تصير مشاكل الإعجاب وقلة أدب البنات .. والعطلة البنات والزواجات والعري .. والشتآ المكاشيت والبنات .. خل نسوي مسلسل أحسن ..؟ *_* |
ديم آهم شي آنا البطله للمسلسل والا ابخربه
< أهم شي بنظري تكون مو متبرجه وخلها تسوق على كيفه مو حريم اول يركبن الجمل والحمير وش تفرق يعني <<ياليل وش هالتفكير الحجري |
تركي
لعل في حديثك جانب من الصواب فيما يتعلق بجرأة المرأه عموماً وليس القصيم أو بريدة ولكن ماتتحدث به عن قيادة السيارة أمام الشباب بالطرفية أو عسيلان فأعتقد ان الامر يحتاج الى تدقيق أكثر مع أني معك في اهمية أن ( زينة المرأة الحياء ) |
تدرون وش تزينون أنتم هالحين بهالمواضيع ... بالمخيمات فيه ( 1000 ) بنت متسترة ومن هالألف ... ( 10 ) بنات يسوقن ويفحطن وبهن بايعات الحياء الأنثوي مبطي ... حينما نركز على ( الخبلات ) وننسى ( العاقلات ) هذه دعوة من حيث ( لا نشعر ) بأن ( تنخبل ) العاقلة عشان تذكر وتشتهر ...!!! مشكلة هالفكرة حتى أنها تعدت مرحلة المراهقة فوصلت لبعض الآباء ... يقول أحدهم حين أراد السفر ( لليمن ) ... أن اليمن فيها عصابات ويمكن يساومون أهلك بعد ما يخطفونك على مبالغ كبيررررررررة وتنفضح بالقنوات .. قال . أزين ،، ودي أشتهر ... سيبووووووووه شكرااااااااااا لغيرتك ... لعلنا نركز على عقل ( الفتاة ) أكثر من ( مراهقتها ) .. |
جزاك الله خير اخي الفاضل على التنبيه على هالنقطه المهمه الذي يغفل او يتساهل الاهل بها .
قبل اسبوعين بثمامه وبعد العشاء موكب من الدبابت اكبر الاولاد لم يتجاوز العاشره والباقي نساء يقومون بالبحث عن فتاة اختفت بدباب ابيض من المغرب ولم تعد تمنيت اني عرفة انها وصلت الى اهله سالمه لكن غادرنا المكان والدبابات مازالت تبحث . اذا كان محرم المراءه وقيمها السائق فلا ملام على النساء . شكرا لك اخي مرة اخرى . |
وش فيهها طيب خلوهم يستانسن
اتوقع م فيها شيء اذا كانت حول المخيم بتآعهم بشرط تككون قدام نظر ابوهـآ وآخوـآنهـآ :) |
وضحوا لهن انكم يااهل هالديار تتعايبون سواقة الحرمه واللي تعرف تكسر الدركسون تطيح من عيونكم هن يدورن الخيره يحسبنكم لشفتوها ورا الطاره راسها تقل زيتونه اسبانيه قلتوا ياسلااااااام :a5: منهي بنته بنعرس عليها http://vb.tgareed.com/images/smilies/55.gif |
وهي تسمونها كشته اللي حول الناس ..!! سوآ بعسيلان ولا الطرفيه ولا الثمامه <<اعتقد انهن مثل الثمامه قالت لي وحده كذا وش فايده الكشته اذا مااخذت راحتك ومد نظرك ماتشوف الاآدمي تسوق سياره ولا دباب ولا طايره محد يشوفك ولا ينتقدك |
بعض البنات قليلة ادب .. ومخذات الكشته هبال .
والكشته تنفيه .. |
تصدق طلعت زوجتي تعرف تسوق والمشكله إنها فنانة طاره .
مافيه أي مانع إن البنت تتعلم القيادة فقط للضرورة القصوى وماعدا ذلك (معصي) تسوق السياره ودونه رقابنا . مشكلتنا إن شبابنا وبناتنا يجون جميع مافيهم ملح ابد ومايوزنون الأمور قبل مايسوونها والسبب إنهم مجرد مايكون فيه جمهور تلاقي البنت أو الولد ينسى نفسه ويحمل نفسه مالاتطيق ويحصل بعدها كوارث نتيجة (البزعه) . كل اللي تشوفه دعدعة بنات وشباب ماضربهم مرض ولا جوع والواحد بدل مايشكر الله تلاقيهم يفسقون بنعم ربي وهاي النتيجه . على فكره ياتركي ترى عندنا أزمة مرجله وهالشيء أثر على حياتنا الإجتماعية بشكل كبير والدليل اللي مشخصه باليوكن . |
كل الشكر والتقدير لكم على هذه المداخلات ..
يمكن فيه بس .. ملاحظة بسيطة .. ويمكن سكان الرياض لهم أطلاع اكبر .. وهو آنتشار القيادة بين البنات بين المخيمات في الثمامة وايضا الدبابات ويمكن تمر من جانبك بالدباب .. وهي تضحك كون غياب الرادع والمراقبة من ولي الأمر .. وايضا القيادة بالسيارات بين المخيمات بشكل لافت للآنتباه .. وحتى لا يتكرر المنظر في بريدة .. حفاظا على البنات في هذا المزآح الذي ربما ينقلب الى ندم من الأهل لترك الحرية لهن .. والقانون لا يحمي المغفلين فيما لا سمح الله حدث أي مكروه للبنت .. والشباب هنا فوضويين ولم يسلمو من بعضهم كيف اذا كان من يشاركهم الفوضى عباية وكحل آسود .. نعم البعض ربما يتساهل ويقول اذا كانت غير متبرجه وووو .. لكن يجب أن نعلم أن البنت درة مصونة ولها الحق في اللهو البريء لكن داخل محيط آهلها ومراقبة وليها بعيدا عن التجمعات .. واذا ضاع الحياء آكتبو على البنت السلام .. واكرر كل الشكر لكم على هذه المداخلات المثرية .. |
كلامك صحيح
لا ضرر ولا ضرار لهن الحق في في التنزه والقيادة لك لاتتعد حدود الادب والاحترام ولا تدخل بين المخيمات هنا تعتبر تعدي الحد المسموح الله يستر ويهديهن |
اخوي تركي اشكرك على حرصك واجتهادك الذي تظن انه من صالح المرأة ...
ولكن ماهو المانع من قيادة المرأة للسيارة في البر وكذلك الدباب ؟! اعتقد ان نحتاج الى ثقافة اكثر بالدين بعيدا عن التشدد والتطرف ... |
-
وعليكم السلام ورحمة الله وبركاته أحب مثل هالنقاشات كونه لا تنتهي ابداً .. ! مع إن حله بسيط جداً كلمة وحده مع شوية عقل تفهم وش نقول تقريباً لخصت هــ الحل بردك الثاني استاذ تركي ~ سمعت عن الثمامه والمشاكل اللي صارت به ولا أحد يقول موب مشاكل إلا أكبر مشكله كون البنت بلا حياء ! السبب الوحيد الخروج للتنزه بالبر مع السواقين مستحيل اب او اخ يرضى لــ محارمه تنشاف بهالشكل وإذا كان فعلاً فــ على الدنيا السلام ... =( بالنسبة عندنا قليل الخروج مع السواقين فـ يكون الحال اخف شوي ما يمنع البنت تسوق وتتمشى وتروح وتجي بس تحت عين اهله ما فيه بنت عاقله تجيه الجرأه تروح بلحاله وما تدري وش يصير عليه حنا الخميس الماضي طلعنا بمخيم لخالي هالمخيم على طريق اللسيب مندعس بششكل رهيييب محد لمنا ومعزولين تماما ... رحنا وسقنا قريب اخذنا لفتين وورانا اثنين من خوالي الشباب ما فيها شي صح احنا طالعين نترفه ونستانس بس بشكل معقول عشان هالترفيه ما ينقلب كارثه لا سمح الله والله يكفينا الشر والله ستر على بناتنا وبنات المسلمين ويجملهن بــ الحياء ~ شكراً تركي ,, |
اذا وجدت البنت تسوق وبكل جرئه فاعرف انه لا رجال واذا كان لا رجال هناك ورادع للبنت فلا خوف على البنات من الخرفان |
اقتباس:
حياك وبياك .... كثيرا من افحول الرجال لاتمانع بقيادة نسائها للسيارة في البر تحت رقابتها وبحمايتها بعد الله سبحانه ... ........... |
خرفان ؟؟؟ !.......... أرجل الرجال اللي يعلم نسوانه على القيادة عن الدنيا واحواله ..... والخروف هو من يقبل ظهورها بشكل ملفت للأنظار ... في البر والسوق وغيره.. ....... اما تعليم القيادة والترفيه في اماكن بعيدة عن الناس .... ظاهرة جميلة ورجولة لامثيل لها ......ذذ
|
العضو القدير ... الصياد
الموضوع لا يتكلم عن التشدد او قيادة البنت للسيارة .. هو يتحدث عن قيام بعض البنات بالآستعراض آمام الشباب بالمنتزهات مثل الطرفية وعسيلان والثمامة .. بقيادة السيارات أو الدبابات .. وأما مسئلة ما تتكلم فيه .. نعم نساء البادية منذ القدم وهن يقضن حاجات آهلهم بالسيارات كونهم يقطنون البر والهجر .. ويأتون الى المدن والمحطاات لكي يقضون مصالحهم .. |
اجل وش تسوون لاتمت الموافقه على القياده بشكل عااااام
وربي البنت بحاجه انه تسووق ولامذله محارمه خصوصا المطلقاات والارامل شكرا تركي |
اقتباس:
هلابك اخيي انا لا امانع قيادة البنت للتسلية ولا امانع من تعلمها القيادة وبحرفنه تحتاجها في يوم ما معارضتي على قيادتها بين العالم وبوسط المخيمات كاستعراض ما قصدت بالخرفان من الرجال هو من يدعها تقود على الطريقة التي ذكر اخوي تركي قد تحدث كارثة بين المخيمات ويكون هناك ضحايا تدري في سنة كنا طالعين للبر وما درينا الا وبنت تسوق تتجه نحونا تفرقنا وسلمنا الله وقشنا الله يسلمه راح في خبر كان وتباكينا على قدرونا وقشنا:36_1_1[1] |
هالسواقه اللي نسمع به ولا نشوفه أشك إن أكشت بالبر اللي انتم تكشتون به :) |
أصبري ايتها الفتاة ..
هذا قدرك .. ان تعيشي في هذه الحياة .. أو تساقي الى قبرك .. |
ايه ياتركي هذولي بنات قليلة تربايه http://vadrouilles.moto.free.fr/smil...fightsmile.gif ( مهب عاقل الشامي )
مير ياتركي البنات عندكم بالثمامه مهنا دباب الا ومستاجر .. لاني شفت بجريده صوره مصوره من فوق نفود وكثار مره الي ركبات البنات دبابات http://www.lakii.com/vb/smile/26-174.gif همه عاد عليهن عباة سودا والنفود لونه بني لشفت الصوره بالجريده كا انك شايف جلد نمر ههههه ) هذولي امكن شر .. واي شي يودي الى شر ابعدو عنه .. مثل مايقول المثال ابعد عن الشر وغني لوه وتسن مايسمع غنى انشد له http://forum.z7mh.com/images/fisat/76.gif |
شكلي بحط مخيم واكتب عليه بالوردي (مكنيكي بنات)http://www.buraydh.com/forum/images/icons/icon10.gif واوفر خدمه المكياج البري السريع لزوم الترفيه والتمخطر وفيه بعد الخدمات ماراح اقولها حرصاً على حقوق الفكره تراي بري جداً بذكر اسبابي والمقصد تجاري بحت:4_1_7v[1] أخوي تركي افصل سواقة السياره عن الدباب لان هناك فرق بينهما كبير.. اتوقع البنت اللي تسوق السياره وتدربي رأسها بالسياره قاصده مواقع الشباب قد فسخت الحياء ولبست ثوب التكشف والتحديد لكل الرجال الذين هم عنها مسؤلون .. حلمك يارب الأرباب |
|
مت موت من التردد لـ الطرفية وعسيلان ولا عمري شفت مثل هالصوره :f5:
بس ما نقول إلا الله يكفينا شر هالسالفه وهذا إن دل فيدل على دلاخة بعض الرجاجيل |
راعي الضبان ... u
لا يصير كل ترددك توصل مصنع الآسمنت وترجع بس .. :f5: السالفه ذي صارت قبل آمس .. ببنت تسوق وراكب معها اخوها وخواتها ورآآ .. وانت تذكر يوم تقول بريده مابه مطر حتى جبنا لك الصور .. :f5: |
شر البلية ما يضحك آآآآيه اين الفتاة التى تستحى من ضلها اين الفتاة التى اذا شافت زول رجل خافت وارتبكت والله رجال بالأسم فقط يجعلون بناتهم يسوقن أمام الرجال اين الغيره فتاة الاسلام اين انتى من الصوامة القوامة حفصة بنت عمر بن الخطاب الزهراء فاطمة بنت نبينا محمد صلى الله عليه وسلم ذات النطاقين أسماء بنت أبي بكر الصديق الطاهرة خديجة بنت خويلد |
مشكلتي مع قيادة اختي انه كسسسسسرت سيارتي مافيه شجره الا وطتها ولا حفرة الانقزت وسطها. هههه
وجهة نظري ان السيارة افضل الف مررررة من الدباب لان السيارة تكون تحت رقابة الاهل وربما تكون مع احد الرجاااال. شكرا تركي |
فعلاً , نخاف أن تقع الكثير من المفاسد جراء هذا الأمر , .
من حوادث أو معاكسات ومضايقات , . لذا البعد عن ذلك أولى , درءاً للمفاسد , . وعلى أولياء الأمور أن يأخذوا الحيطة والحذر و أن يضيقوا الخناق قليلاً بشأن ذلك , . تحيتي أستاذ تركي , . ~ |
الله يستر بسسسس........
|
والله ياليت نسوق بس عندنا ساهر يدور حول المخيم خلونا نستانس وانسوق وش فيها لصار باالبر او متستره
|
المفروض الوحده اذا جت تسوق
مايدري به احد بالمقلط مثلا |
ايه الله يعز الاسلام والمسلمين ويدمر اعداء الدين ...
لاتعليييييييييييييييييييييق |
اقول يازين الخيل انا ابي خيل مابي اسوق سياره ...
يازين الخيول بس بلا سيارا ت بلابطيخ .. اجل اشوا اننا درينا انكم شهبان نخليكم تشبعون بالطرفيه وعسيلان وع انواع الزحمه ... |
الشرهه على الرجال الي له السيارة ولا كيف يعطيهن المفتاااااح !!!
|
لا أعتقد أن إنسان يريد أن يأخذ راحته خاصةً أن معه أهله يذهب إلى تلك الأماكن المقتضة بالعالم.. لا أرى فيها راحةً للشخص أو لأهله.. عندما أذهب إلى البر أريد أن يأخذ أهلي راحتهم حتى يذهبوا يميناً وشمالاً فيكون كل شيء بعيدٌ عني. وإلا فالبيت أفضل لي.. وهل ترون أن الرجل فضلاً عن المرأة يستطيع أن يأخذ راحته في تلك الأماكن..؟ لا أعتقـد..! عندما تقول لأهلك نريد البر فأنت تريدهم أن يأخذوا راحتهم من مأكل ومشرب و.... و....وحتى العباءة يتجردن منها، فهن لم يذهبن لأجل أن يتمسكن بتلك العبايات. وإلا فما فائدة البر إذاً..! أما عن قيادة المرأة فهذا ليس جديد فقد علمتها زوجتي عنوةً من أول زواجي ولازلت أدربها والآن هي قائدةٌ شبه ماهرة فقط أنتظر إعلان القيادة لها فإن وافقت فليس لدي مانع في ذلك، فالسائقين لم يأتونا بخير. تقديري لك أخي تركي،،، |
هههههههههههههههههه لاحجت البقر ع قرونها سقت ولاااااااااا بالبر اذا فكرت او اقنعني احد اسوق هههههههههه مكان مافي مخلوق او وهي واقفه ياخي احب نفسي مابي اموت ...
|
| الساعة الآن 07:16 pm. |
Powered by vBulletin® Version 3.8.8 Alpha 1
Copyright ©2000 - 2025, vBulletin Solutions, Inc. Trans by
موقع بريدة