|
اللحظات العصيبه لشاب ام الجماجم
نشر موقع "يو تيوب" على الإنترنت، تفاصيل اللحظات العصيبة التي عاشها الشاب عبد الله الطوالة على طريق أم الجماجم - حفر الباطن، إثر تعطل مثبت سرعة سيارته الجيب من نوع تويوتا موديل 2010، حيث زادت سرعة السيارة بالطريق من 120 كيلو متراً في الساعة إلى 220 كيلو متراً في الساعة. وبادر الشاب بالاتصال على مرور حفر الباطن، الذي سارع بدوره بالتواصل مع أمن الطرق، لتأمين الطريق، ورفع الأمر إلى محافظة حفر الباطن، التي حثت الجهات المعنية على الاستنفار، ليبادر مدير المرور المقدم ضيف الله الجبلي؛ بإطلاق 3 رصاصات على زجاج السيارة الخلفي، ما أدّى لفك نظام التعليق الآلي، وتوقف السيارة. الشاب من ام الجماجم ووصل الحفر لعدم استطاعته التوقف ..!! في الفيديو التالي شباب الحفر ومشاعرهم المتأثره تجاه الشاب.. الله يحميهم من كل شر على دعواتهم http://www.youtube.com/embed/e4YdQLR...layer_embedded لحظة انقاذه وتوقفه http://www.youtube.com/embed/C5o2DAr...layer_embedded لاحول ولا قوة إلا بالله ... للتحذير من تحديد السرعه يُقال ان هذي الحادثه مش الاولى بسبب تحديد السرعه . |
الحمد لله على سلامته
|
هي الحادثه الرابعه خلال ثلاث اشهر تقريباً ,, والوكاله ثابته (تويوتا )
واليوم صرحت وكالة تويوتا ,، ان السياره الجيب المذكوره بالخبر تم بيعها قبل اسبوع في احد المعارض وليس للوكاله صله ببيعها ,, ومع هذا لازال هناك مكابره من قبل الوكاله ,, ولم نشاهد اي حساب او عقاب او مسأله علنيه من قبل المسؤولين , |
ها المشكلة ما هي المرة الاولى ولا راح تصير الاخيرة وراح يكون لها ضحايا كثار لانه ما فيه حماية للمواطن ضد تاجر ما يخاف الله مشكلة تحديد السرعة , ومشكلة المكابح تم سحب سيارات على مستوى العالم وها المشكلة موجودة عندنا ولا اتخذ اي اجراء السيارات اليابانية صارت مصدر رعب وخاصة ها النوع حسبي الله عليه على تاجر ما يهمه الا ربحه هذا تصريح شركة عبداللطيف جميل المشكلة المبرر غريب , المشكلة تكررت اكثر من مرة أكدت شركة عبداللطيف جميل، سلامة مثبتات السرعة في جميع سيارات اللاندكروزر، مبينة أنه لم يثبت وجود أي خلل فني أو مصنعي في أي حالة تم التقصي بشأنها، مشددة على أن سلامة ضيوفها وزبائنها هو خط أحمر لا يمكن تجاوزه بحال من الأحوال، مشيرة إلى أنه على مدار أكثر من 56 عاماً منذ دخول سيارات لاندكروزر للمملكة لم تثبت وجود حالة واحدة سواء داخل أو خارج المملكة تشير إلى وجود خلل فني أو مصنعي في مثبتات السرعة فيها. وقالت الشركة فيما يتعلق بالحادثة التي وقعت الأسبوع الماضي في حفر الباطن لسيارة لاندكروزر، بشأن عدم تمكن صاحب السيارة من إيقافها بسبب تعطل مثبت السرعة، إنه ثبت بعد الرجوع لشركة تويوتا والكشف على رقم هيكل السيارة، أن هذه السيارة لم يتم استيرادها من قبل شركة عبداللطيف جميل، بل قد تم استيرادها من قبل أحد المعارض التجارية في الرياض من أحد دول الخليج، وبيعها إلى أحد معارض السيارات المستعملة بالرياض. وأوضح المهندس عثمان العرابي، المدير التنفيذي للصيانة في الشركة، أنه بدأ التحقيق في الحادثة، وجار التنسيق مع إدارة المرور في حفر الباطن ومالك السيارة وجهات حكومية أخرى؛ للتأكد من وقائع الحادثة وتفاصيلها وعمل الفحوصات الفنية اللازمة على السيارة. وأشار إلى أن سيارات اللاندكروزر تعتبر من أكثر سيارات الدفع الرباعي مبيعاً في المملكة والعالم منذ عقود من الزمن، ولم تسجل حالة واحدة حول العالم تتعلق بوجود عيب مصنعي في مثبت السرعة في هذا النوع من السيارات إلى الوقت الحالي. وأكد المهندس العرابي أن شركة عبداللطيف جميل تطمئن جميع مالكي سيارات لاندكروزر في المملكة بعدم وجود أي عيب مصنعي في مثبتات السرعة في سياراتها |
المفروض تقام مقاطعه لشركة تويوتا
بجد مهزله مابعدها مهزله اليوم والله اني اقول لخوي اكسررررر مثبت سيارك والله صار المثبت مرعب . شكرا لك تحدوها البشر |
الحل بسيط جدا ومايكلف مئة ريال
ركب فاصل طرمبة بنزين ويكون الفاصل قريب عندك اذا علق افصل الطرمبة وثواني ويوقف لانك فصلت البنزين عن المكينة وبصراحة من خلال خبرة بكمبيوترات وبرمجة السيارات كمبيوتر الجيب ماله امان يعني والعلم عند الله بتسمعون في الايام القادمة علق الابنص ( دعسة البنزين ) بدون سبب لانها الكترونية فممكن يهنق كمبيوتر السيارة وخاصة انه وارد الصين اكرر فاصل طرمبة البنزين ضرورررري جدا وحتى لو انت ماتسخدم مثبت السرعة لجميع سيارات تايوتا |
المفروض .. المقدم مدير مرور الحفر
ورآهم آن مصير سياراتهم كلها وهي بالوكاله هو الرمي بالمسدس حتى يعرفون قدر آروآح الناس وهم مو مكلفين آنفسهم بالآستفسار من اليابان عن الخلل المصنعي وهو يتكرر باكثر من حادثة .. حتى لا يلحقهم تعويضات .. |
لو في دولة اخرى ترجع السيارات وتدفع الشركة غرامه وتبدل السيارات
الله يكفينا شر السيارات ويحفظنا منها والمسلمين |
لاحول ولاقوة الابالله العلي العظيم
|
صارت ارواح المسلمين سلعة رخيصة للمتاجرة
الله يحمينا ويكفينا ويحمي المسلمين من شر الحديد |
لابد من رفع قضية على شركة تويوتا
ودفع اضرار للتعب النفسي الذي عاشه الشاب |
ومااكثر من يموت بسبب الاعطال الفنيه التي يضمنها المستورد
ولكنها تبقي طي الكتمان تحت بند فاعل مجهول حتى يقضي الله امر كان مفعولا وما اكثر ما تتعطل السيارت لخلل فني ويذهب صاحب السياره من المولد بلا حمص ويبيع سيارته بارخص الاثمان الوكاله غول متوحش لايقف امامه احد لايحاسب ولا يعاقب ولا يقاضي ولايؤخذ منه حق او باطل على مدار خمسين سنه لم نسمع ان وكالة السيارت غرمت او قضاها احد بينما يحارب المزارع ومربي الدواجن من البلديه والزراعه بدون هواده لاعليكم هولا القوم من الهوامير الذين لاذنب لهم وليس لهم الا شهادات حسن السيره والسلوك وكثر خيره فهو يستورد لكم سيارت ويكسب فيها خمسة عشر بالمائه ماذا تريدون اكثر من هذا الانجاز الوطني نامو ولا تتكلمو - ان الكلام محرم نامو لا تتحركو - ما فاز الا النوم عليكم بالنوم معشر المواطينين وطبقو قاعده ( كح ابمخباتك ) وقاعده ( وش كاري ) وقاعده ( باري السيسيان ) ولايصبر على ضيم يحاط به - الا الاذلان عير الحي والوتد |
- |
الغلط عليه ميه بالمية
ليه يثبت السرعة الوكالة حطته زينة العرض الجديد لتايوتا اشتر سيارة ومعه ام صتمة لكسر الزجاج الخلفي اااااااااااااااااااااه ياوطني |
الفديو بفعل فاعل
قسم اني ضحكت انكم متفاعلين ومتوقعه ان عيال بريده ذيابه مايفوتون شئ لو لا حظتو المقطعين السياره اللي ايقاله وقفت عند الشرطه طبعن هي السياره المثبته المقطع الثاني اللي ايقالهم من الشباب المتفاعلين لو لا حظتو السياره في المقطعين هي نفسه لا حظو الفاين والتعليقه على المرايه والسواق نفسه في السيارتين حتى الاصوات وقفو عند نقطة تفتيش ايقاله هي الشرطه اللي امساعدتهم ابصم بالعشره ان المقطع مفتعل كما تعودنا اي خبر نقوم نطبق عليه بمقاطع صحصحو |
ايه نسيت اذكرو الله وانفثو بالشاشه وتاصلن
|
^^^^^
اللى معلق المثبت جيب لاندكروزر فضي والشباب هم اللى صوروره بالمقطع الاول داق فلشر والشرطة تلحقه وبالمقطع الثاني يوم رموه ثلاث طلقات واللى رماه رئيس شرطة الحفر وله لقاء باليوتيوب يحكي عن القصة والسيارة مصورة بصحف رسمية واللى بوسطها ابن طوالة الشمري من اهل هجرة بن طوالة وراء الحفر له لقاء باليوتيوب ايضا راجعي الملفين وبتلاقين الشباب يصورون قبل دخول الحفروبعد وقوفها يعني لاعلق عندهم المثبت ولاشي وهالشارع ياما مريت معه فعلا قبل الحفر تركدي شوي وانا اخوك |
اقتباس:
القيصر وانا اختك انا عجله بس فهمتن انت ماشاء الله متركد وعجزت افهمك انا ماعندي اي خلفيه عن الموضوع او الحاله كله انا اتكلم عن المقطعين اللي بالموضوع انا اقول السياره اللي وقفت عند الشرطه هي السياره اللي كانت تصور الجيب اللي ايقالهم متنحين عن الشارع يعني حتى لو السالفه صدق هذي تمثيل للحادثه بالنسبه لما لون بالاحمر وش تقصد اللي ماعلق او متى ؟ |
بعد اذن صاحبة الموضوع
شوفي ياطايرتن بوهته السالفة جيب تايوتا 2010 بلغ الشرطة ان المثبت علق عنده بعد ماثبته على سرعة 120 وبما ان السيارة صينية ( الجيب الجديد وارد عبداللطيف ) فوت الكمبيوتر حق السيارة وبدت السيارة تزيد بالسرعة لين وصلت 220 طبعا لا فرامل ولايقدر يفضي القير ولا يطفي السيارة حاولو معه بكل الطرق مافيه فايدة يوم بقا على الحفر 20 كلم جاهم الرد من الوكالة اكسروا الزجاج الخلفي قام رئيس الشرطة بالحفر ولحق الجيب الفضي ورماه ثلاث طلقات بعد ما اخذ الاذن من المحافظ ومن مرجع عمله وتوقفت السيارة قبل الحفر وفكه رب العباد وبدعاء المسلمين له الشباب اللى يصورون بسيارة ثانية مالهم دخل براعي الجيب وقفوا على الطريق وصوروه يوم مر( الجيب اللى مولع الفلشر) ووراه الشرطة تلحقه لحقوه الشباب بسيارتهم الا الشرطة وقت الجيب الفضي الضحية فصوروا الحلقة الثانية من الموضوع بعد وقوف الجيب الفضي يعني الشباب مالهم دخل مجرد مصورين ونزلوه باليوتيوب صوروا الحدث اثناء تعليق المثبت وبعد ماوقفت السيارة وهذي الحكاية فيه مقاطع باليوتيوب للضحية ولرئيس الشرطة مقابلات بعد ما انتهى الموضوع ابحثي عنها ولعل الاخوان يثرون الموضوع بها |
الإعتراف بالحق فضيله ( طايرتن بوهته )
يعني اللي فهمته <<<< صاقطه بالفسحه إن اللي بالمقطعين هم اللي يصورون وهم اللي وقفو عند الشرطه اللي يقولون سجود الشكر سجود الشكر والمعني فقط اللي مر مسرع كذا ولا لا ؟ اذا كان كذا انا حسبت اللي وقف عند الشرطه هو اللي سيارته معلقه هذا اللي خلاني اطير بالعجه ههههههه يازين الركاده :cool: القيصر الله يقصر عنك كل شر على سعة صدرك |
الحمدلله على سلامته
|
اللحين نعلق على السالفه
لا اخفيكم اول مره شفت المقطع قبل التدقيق حقيقه صابن رعب ورحمته وبعد التدقيق والتباس الأمر علي وشكي حمدت الله وشكرته انه كذب وارتحت بعد ماشرح الموضوع الأخ القيصر فهمت السالفه <<< دايم تدخل تقويه رجعت ظيقة الصدر من هوول مارئيت اقول لشركة تويوتا ( كثر الكرب يرخي ) المفروض المقطع ياصلهم ويحاسبون قظينى من الطيارات ورهابهن ومشاكل تصنيعهن مير ذولي اهون نقول مانسافر التسايد السيارات وش نروح عليه اقول يازين ابو برطم انواع سعة الصدر |
المعلقين رقاله ..والموضوع سياره..ومانعرفش بالسياره غير شكلها والشركات غير اسمها http://www.buraydh.com/forum/images/icons/icon11.gif
هـنرد والتوفيئ على الله ,,, http://www.buraydh.com/forum/images/icons/icon11.gif :) 7 7 |
اقتباس:
|
اقتباس:
والوكاله بيذكروا ان مثل هالحوادث هن من المستوردات من الامارات مستعملات والشركات السعوديه المستوردة مالها خصوص بمثل هالحوادث .. وفي جميع الاحوال الشركات السعوديه لازم تحاسب ..عندنا الشركات يتدخلون في السيارة اللي يستوردنها جديدة وياخذوا بعض مميزاتها يبيعه عليك لحاله ..وهو بايع عليك السيارة بقيمة خياليه..! طمع وجشع ماله حد شكرا قلب لتعليقك |
اقتباس:
أكثر الاخبار تؤكد ان مثل هذي الاعطال هي في السيارات المستعمله والمستوردة لكن يبقى السؤال ليش تويوتا بالذات ..؟ شكرا لتعليقك واضافتك رفيع الشان ,, |
اقتباس:
ماكسبهم ولاطمع الشركات المستوردة غير رغبة رجال المملكه باقتنائها ..جيب لاند كروزر وخر عنه ..يرقى الحصى لكن بجد المقاطعه حل للمشكله دام ماعندنا قانون شكرا لتعلقك هلاوين |
اقتباس:
القيصر انت موسوعة أفكار ومعلومات بكل المجالات يخزي العين عليك الله يزيدك من فضله اتمنى كل من يقرأ الطرح من الشباب يحتفظ ويستفيد من هذي التوجيهات والافكار.. منور ومشرف مشرفنا القيصر ..شكرا لاضافتك وتوجيهاتك القيمه |
اقتباس:
ما فهمت سيارات مستعملة .. والمستورد كل السيارات مستوردة ما عندنا مصانع سيارات عبداللطيف بس يركب القطع ويضيف بعض الاكسسورات يعني المشكلة الاساسية من المصنع من تويوتا سواء السيارة سعودية المواصفات او خليجية بيان عبداللطيف كل كلام فاضي وهو عارف انه ما راح يحاسب على كلامه المشكلة القديمة في المكابح اعرف ناس وانا منهم سياراتنا كانت فيها نفس المشكلة وهي وكالة في امريكا سحبت السيارات وعندنا ما سمعنا اي خبر |
اقتباس:
من جد ارواح البشر ماهي لعبه .. وتكرر هالحوادث دليل على تهاونهم وعمدهم خاصه ان مثل هذي الحوداث مانقرا ونسمع عنها برا لقوا شعب يشتري وهو مغمض ويتحمل الاعطال الفنيه ومسؤوليتها وما تعود يقاطع او يرفع قضايا ... مشرف مشرفنا تركي ..شكرا لاضافتك وافكارك |
اقتباس:
شكرا لتعليقك ودعواتك انين الذكريات |
اقتباس:
|
اقتباس:
شكرا لحضورك وتعلقيك مدير خبرة |
اقتباس:
لاصار يبيع لك الكامري اللي مافيها اي مميزات بحول الـ100ألف والهايلوكس مثل .. كم بتتوقع فائدته من وراهن وهن اللي اكثر مايخذها الشباب وخاصه المراهق منهم ..! شكرا لتعلقيك مشرفنا وفعلا حنا فينا عيب ان كل ماله دخل إلا بنفسه..!! |
اقتباس:
غيره تلاقيه بيصدم باي شي من الفزع والخوف..مثل اللي يضرب عليه كفر ويوقف فجأة من الخوف والنتجيه تقلب فيه سيارته عشر قلبات وزين ان عاش ..!! منوره ترف ..شكرا لتعليقك |
اقتباس:
اقتباس:
ماحنا بأسوأ حال من غيرنا .. عندنا نعم غيرنا محروم منها النعمه الكبرى العقيدة الصحيحه ونعمة الامن ..ونعمة المشاعر الاخويه الوطنيه الصادقه..> " الوطنيه " الشعب السعودي اكثر شعب في العالم مشاعرهم لبعض كأنهم أشقاء من ام واب ..! الحمدلله على نعمه التي لاتعد ولا تحصى .. لانحصي ثناء عليك سبحاتك :) مشرف من جديد مشرفنا القيصر .. شكرا لتعليقك |
لاحول ولا قوة الا بالله
انا معي لاندكروزر والله من يوم سمعت هذه القصص قبل عدة اشهر وانا على اعصابي كل مارحت وجيت رغم اني لا استخدم المثبت رغم أني لم اصدق تلك القصص لكن القصة الاخيرة تخوف .. لكن بالنسبة لقول اخي القيصر وضع فاصل للطرمبة فهذا غير نافع لأن الخلل يعم جميع السيارة ولا يستجيب لافاصل ولا غيره .. لذا أفضل حل هو الغاء مثبت السرعة وفي شأن المقاطعة لايمكن لأن له شعبية كبيرة وسعره في ازدياد مستمر حتى بعد الاستعمال |
على حسب معرفتي ان القائمين بصناعة سيارات تويوتا خصوصا الموديلات الجديده من 2010 مثل لاند كروزر فكسار و افالون وكامري وسيكويا وبرادو وانت طالع هم متدربين يعني تصنيعاتهم فيها عيوب شف كم سياره مسحوبه بالعالم وعندنا السيارات ويحترقن ويعلقن وينحرفن ولاسمعنا انهم يبين يسحبن ويعدلن فيها العيوب ..
كلمه اخيره عقب العيوب اللي لحقت بشركة تويوتا نقول وداعا تويوتا اهلا بالأمريكي والكوري ,,, الحين السيارات الكوريه تفوقت على الشركات اليابانيه خصوصا السيدان ( ضربه موجعه لتويوتا ).. |
هنا ما فيه قانون يحميك
لن يطول تعويضات ولا غيره .. هذي طريقه لفك مثبت السرعه عند التعليق .. [youtube]http://www.youtube.com/watch?v=fA3E4peemD8[/youtube] وهذي برضه يمكن تفيد .. [youtube]http://www.youtube.com/watch?v=o59LlRzHPmc&feature=related[/youtube] |
هلا تركي
تقصد ضغط ستارت ثلاث مرات يقولون لاتنفع |
| الساعة الآن 01:32 pm. |
Powered by vBulletin® Version 3.8.8 Alpha 1
Copyright ©2000 - 2025, vBulletin Solutions, Inc. Trans by
موقع بريدة