|
المناظرة الأولى .. ( فانتازيا آعلامي - امروء القيس ) - ( قتاله - شتاء ) ..
السلام عليكم .. وآسعد الله مسائكم بالخير والمسرات .. يسعدنا عبر هذا المتصفح أن نبدأ معكم مناظره بين اعضاء قسم المجلس وسط منافسة آخوية وشيقه .. وستكون المناظرة الأولى .. بين فريق الاعضاء المكون من : 1- العضو / فانتازياآعلامي 2- العضو / امروء القيس .. وفريق العضوات المكون من : 1- العضوه / قتاله 2 - العضوه / شتاء .. ورئاسة اللجنة .. المنظمة للمناظرة .. برئاسة العضو / احمد النجم .. ضوابط المناظره : - يحق فقط للمشاركين في المناظرة من وردت آسمائهم لهم حق الردود .. في هذا المتصفح .. - يحق لــ رئيس اللجنة .. التداخل في الردود اثناء المناظرة بأي شيء يراه يستدعي التدخل .. - مدة المناظرة ساعتين تبدأ من الساعة 9 ليلا وتنتهي الساعة 11 ليلا .. - الحكم النهائي هو للاعضاء عبر المتصفح الآخر لآبداء آرائهم وتتويج الفائزين بالمناظرة .. بعد نهاية المناظرة .. - يمنع في المناظرة أي تعليقات خارج الفكرة الرئيسية للمناظرة أو الشخصنة للمشاركين .. فكرة المناظره : بين الطرفين تباين ملحوظ في كل شي !! وصار بينهم شد جذب في ثنايا المواضيع في فترات سابقه المعروف ان (العريق جدا امرؤ القيس عضو يمارس الخشونه في كتابته وكثيرا ما يتسبب في اصابات اعضاء وعضوات !! بينما زميله (الانيق) فانتازيا على النقيض حضوره جميل ولكن بلا أثاره الطرف الاخر: شتاء (اوديم او خربشات) تجمع بين الجديه والهزل لها اسلوبها الخاص الذي يميل للكاتبه الادبيه رغم أن حضورها مؤخرا كان اقل توهجا . بينما (الصاخبه قتاله الذي دار حول حضورها الكثير من الاعجاب والامتعاظ وربما (هويتها) اسلوبا وفكرا كان غير مسبوق المحور / هو كشف حساب الخط العريض للمحور / ما الامور التي يتحفظ عليها امرؤ القيس على خصمه والذي دائما يطلق صورايخه تجاههم؟ هل هو تحفظ على افكارهما أم على الاسلوب ام انه تحفظ جاء بعد موقف معين ؟ والتساؤل ينقل للطرف الاخر/ قتاله وديم/ هل لان امرؤ القيس لا (يجيد) المديح . وقد يكون رأيه خالٍ من المجامله تمارسون الاسقاط عليه حينما يكون هناك مجال ومحاوله استفزازه لكي يخرج عن طوره؟؟ المناظره طبيعتها تجمع(نقيضين) ولايحتاج طرح محاور اجتماعيه معتاده والاصل فيها الاختلاف ومن يقنع المتلقي هو المنتصر. فالحكم للاعضاء .وليس للمشرف العام او مشرف المناظره ... بالتوفيق للمشاركين .. |
مدري شبهته على المرقص قبل يجن الطقاقات ودي اغني: طبت اللي طيبها من طيب اهلها على نظام الرديات لازم تهلات بالخصم خص صناديد مثل حقيننا ياتهالي المطر عقب يباس وياتهالي بعدد ذرات الجور والغياب وياهلا عدد ماتسذبوا الرجال وهايطن الحريم والله يافانتا وانت يالخبوبي انا وديم لوحنا ذبايح ماعشيناكم < ياحزني بس تعبروبنا لين نخفس بكم الأرض على حين غره والميدان ياحميدان:11_1_218v |
المحور كلّه عن امرؤ القيس *_*
قو هيد .. |
على بركة اللـــه ... نبدء المناظرة ..
|
من يبدأ حنا او هم ؟ |
هلا وغلا كثر خرابيط دباس ويا مرحبا عدد قطرات الديم حي الله من خصرها يهز الرجال وبلسانه تقطع الانسال |
قتالة خليني أبدأ طيب ...؟ *_*
|
البدآية تكون ..
من فريق الاعضاء .. |
عجلوا قشدت تسبدي |
بداية أرحب برئيس المناظرة وكذلك مبتدعها وأرحب بزميلي وصديقي الأخ فنتازيا وسررت أن أكون معه وأما الطرف الآخر فصراحة هم خصم وبيننا وبينهم الميدان
|
اقتباس:
حطي تناشيدك للخبوبي لين يقضي فانتا ناظم قصيدته :| |
>> جالسة على الكرسي وتلعب بالمناديل والعصير .. ههه ..
خلاص بجلس مؤدبة لين يجي دوري .. *_* |
احسبوا عندكم يالجماهير افتتاحيتنا وافتتاحيتهم :) |
البدآية مفتوحه للاعضاء الآن لآفتتاح المناظرة ..
والرد يكون .. فريق العضوات .. |
اقتباس:
ومراح يتعاطفون معك !! :11_4_124v |
اقتباس:
مو تناشيد .. بتكلّم عن المحور الأوّل ويمكن أشطّ عنه شوي .. وبصراحة من زمان ماجمعني مع امرؤ أي موضوع .. لكن أقرأ له زيه زي أي عضو قدير .. وياللي اكتشفته إنّه حد مثير للمشاكل .. ويحب الضوضاء .. والنقطة الرئيسية : اللي لاحظته إنه يثير المشاكل للمشاكل .. يكتب أشيا مو مقتنع فيها عشان يسوي شوشرة لو على أشيا مسلم فيها وهذا غلط يحط من هيبة اللي يكتبه ويقلل من قيمته .. : ) |
|
^^ هذاي بديت بس خلي الفريقين يعقلون
خلكم من السوالف وانضبطوا .. |
السؤال القتالي الأول :
بسم الله ؟ الخبوبي : ابو عدي كل مواضيعك متجهمه مو بعضها الا كلها مرات احسك بتطلع من الشاشه وتتفل علينا ، عدائيتك للمجتمع واضحه ليه ؟ هالنبره انت تستخدمها بزعمك تعطيك غموض واهميه وجذب او هذا اللي الله عطاك ؟ |
السؤال القتالي الثاني :
الخبوبي : تعاديني شخصيآ وبشكل ملاحظ وتستنقصني وانا ماغير اطبطب عليك اذكر اسباب كرهك عشان اتفهمها .. وحدد المواقف بعينها لاتحكي كلام عايم :) :) < حق توبي |
بدايتنا قويّة ... *_*
بننتظر الخبوبي بعدين يهاجمون وندافع .. بعدها نستلم فانتازيا .. |
س \ للخبوبي
مؤخراً لاحظنا تعمدك لزمة اهلين :) ببداية مواضيعك حتى اني صرت احس انها موجوده بالكيبورد وصرت ادورها هه وكذلك تذيل مواضيعك بإسمك تقل مانعرفك ماكن اسمك موجود برمزيتك كبر قفل البقاله هل هذا تأثر بإسلوب ندى الورد المقنع والجميل بمواضيعها :) او لزمه جت خن بط لاني تابعت مواضيعك القديمه ولالقيتها :) توبي الله يعينك على هالابتسامه شوغلانه :| |
بانتظار _(ابوعدي) الذي تعرض لاطلاق نار
وسط تراخي من زميله ! فانتازيا تحررررك . نريد الوجه المعبس لك http://www.buraydh.com/forum/images/icons/icon6.gif |
هم معنا فانتا والخبوبي ؟ |
والله يانيتي .. إنهم شربوا لبن وناموا .. *_*
|
ديم قولي بفانتا دام الخبوبي يعبر ويقلفع |
سيد فانتا .. : بالرغم من إنو المثاليين يرفعون ضغطي وأحسّهم آكلين مسطرة .. لكن بسألك .. : ليه ردودك دايماً ماتثير صاحب الموضوع ويخليه يناقشك .. عنّي أنا دايماً ألقاك قايل اللي المفروض ينقال .. مايمدي تبحبش بطريقة مش مستفزّة .. صحيح إن أمانة الكلمة مهمّة .. لكن انضرب على عقلك وتشغبن شوي *_* |
:(
عجل يالخبوبي رد على الثلاث اللي فوق باقي ببلعومي سؤال احس له اصبع يطحل تسبدي عجل واللي يرحم والديك :a16[1]: |
اقتباس:
اسف يجماعه بدلت النت الحكم على اي عضو يكون بالمحاوره معه ومتابعته وانت من خلال متابعه عادية باعترافك ! حكمتي وكيف قيمتي ردودة وقناعته ؟ ووضعتي نفسك افهم منه .. |
أعتذر للتأخر لضعف الاتصال
امرؤ القيس لم يتخذ في حياته خصما فكيف إذا كان ذلك الخصم نسوة لأن مجرد إتخاذ خصة نسائي يعتبر خسارة ؤه حتى لو كسب الحوار وأنا تنازلت للحوار لرغبة أكثر من شخص لا أكثر |
اقتباس:
مو امرؤ طلع من حلقي وحنا نتناقش ونتهاوش .. قبل أقلّ من سنة .. سنين زمالة منتدى .. وعارفة وش خط سيره .. بالرغم من خط سيره .. همجي شوي إلا إنها نقطة تحسب له هو الوحيد ياللي ماتغير على مر السنين ... عملة نادرة بالثبات ,, يعني :) وغيرو ..؟ |
اقتباس:
العذر أخوي إمرؤ .. إن كنت في حياتك تستهين بالمرة .. فـ أنا متعودة أتصدر المجالس :) لذلك إن أصريت على النقطة أنا أنسحب .. :) |
التساؤل حول عدائيتي للمجتمع ليست صحيحة ولكن أنا أعتبر نفسي ناقد وساخر وهذا من حقي والا فأنا مبسوط في حياتي ولا أرغب بالتغيير ولكن رؤيتي ورأيي حول المجتمع ككل مكفول ولا أطن ان من حق أحد مصادرته
* |
عم أحمد ..
مو المفروض تكون الأطراف متكافئة ..؟ مو هيك تنسفه ردود لنا .. مفضين حالنا مشانها ... وإلا ..؟ *_* |
اقتباس:
امرؤ القيس يتقدر تفرق بين الوقاحه والصراحه ؟ عطني تعريفك الشخصي لهم عشان اعطيك سؤال |
عذرا للمداخله ..
بناء على رأي اللجنة المنظمة سوف يمدد الوقت نصف ساعة آضافية لآعطاء مساحة اكبر للرأي .. وسوف يكون نهاية المناظرة في الساعة 11,30 .. موفقين .. |
التساؤل حول عدائيتي لشخص عضوة الطرف الآخر ليس صحيح وإنما ضد الآراء والتي فيها كلام فاضي وتهريج وأمتنع عن دخول العضو لأي موضوع أطرحه حتى لو كان رأيه في صالح الموضوع فاختلافي يبقى حتى أضمن تغير فكر العضو !!*
|
اقتباس:
ياسيدتي انا اتعامل مع الكلمة ولب الموضوع بعيد عن المعرف الذي يشكل الشيء الكبير عندك .. اذا وجدتي رد من ردودي ممكن يقوله احد بامسح معرفي لسبب قناعتي بتفاوت العقول وهذا يسمى السهل الممتنع ... وبعدين ليه رجعتي لامانة الكلمة هل هذا عدم قناعة بكلامك |
فريق قتاله / ديم
هناك تسارع في الردود ويتضح عدم التنسيق بينكم ماينفع 2×1 الرجاء الانتباه لذلك |
لاحظي ياديم كيف الرجال مايعرفون يركزون الا بشغله وحده انا وانتي فوق وتحت وبعد ودي احوم على المواضيع وارد دام الخبوبي يتعصر ههه |
| الساعة الآن 01:50 pm. |
Powered by vBulletin® Version 3.8.8 Alpha 1
Copyright ©2000 - 2025, vBulletin Solutions, Inc. Trans by
موقع بريدة