|
ماهي المحلات التى تنقص بريدة وتطالب بها ؟
[align=center]
بسم الله الرحمن الرحيم طرأت في بالى هذه الفكرة عندما كتبت بالامس عن موضوع ادماني للقهوة فقلت بما ان كثير من سكان المنطقة عملهم خارجها وربما تعودوا على اشياء هناك ويتمنون وجودها هنا في بريدة فماهي تلك المحلات التى تبحث عنها وتتمنى وجودها خاصة بعدما تم افتتاح كثير من المحلات والمراكز التجارية المهمة بداية بالعثيم ومن ثم جيان وجرير والعبيكان فكل هذه المحلات لها سوقها وطلبها ومازال ينقص بريدة الكثير من المحلات انا عن نفسي اتمنى 1- دانكن دونات كما قلت عن الادمان !! 2- عمو حمزة 3- مطعم دارين 4- مقهى الرمال 5- الماجد للعود وهو من افضل محلات العود 6- ذئب لتاجير السيارات 7 - دمونيتز بيتزا 8 - البيك ( مع انه مستحيل ) كما لا يفوتنى ان ابارك انضما فندق الراجحي الى مجموعة موفنبيك العالمية والذي سعدت جدا لهذا المشروع [/align] |
اتمنى وبصدق واعتقد انه مستحيل ان يكون هناك مول بالسوق الداخلى بدل هالدعاويس
|
[align=center]
اقتباس:
حياك اخوى الراى الاول : وشاكر مرورك الكريم ايو الله ياليت وبعد لاتنسى عمائر شارع الخبيب اللى بعضها له اكثر من 70 سنة على حلتها نسيت اضيف محل مهم : 9 - مشويات الرافدين [/align] |
أتمنى وجود
مركز الأهرام للملابس مطاعم ماريز |
[align=center]
اقتباس:
حياك الله يالخالدي ويامرحبابك فعلا مركز الاهرام جد ممتاز وياريت مطاعم ماريز !! مو ذاك الزود [/align] |
اقتباس:
السوق الداخلي اجمل له أن يبقى على وضعه حتى يحتفظ بعراقته لكن يدخل عليه بعض اللمسات الخفيفة جدا واما مول بكل مكان والحريم الكبار ما يصلح لهن مول رقي وتحو يل |
اتمنى فتح فرع ( أيكيا ) بالقصيم
،،،، |
[align=center]
اقتباس:
جبل نجد شاكر مرورك وكلامك سليم [/align] |
اتمنى..ان..نستطيع إيصال المساعدات العاااجلة الى المجاعة بإفريقيا..." مقديشو "
........... اما على المستوى الداخلي : إفتتاح..مستشفيات متخصصة تابعة لوزارة الصحة للنساء " اسعوديات" الدكتورة..الإستشارية..الممرضة..اسعودية و بالعباية مخفية. - إفتتاح مراكز او معاهد خياااااطة" شك , وتطريز , وتفصيل ..الخ. - إيجاااد مجالس مفتوحة اقصد مزروعة للشباب يلعبون كورة طائرة وتشرف عليه ( رعاية الشبااااب) بس الدخول مجاني لانها ساحة مفتوحة..والإشراف يكون تنظيمي فقط. لانه الصراحة كاثرات المحلات حقات الشباب مثل مركز البليارد حتى الملاعب منول ياااكثرة..الآن!! انطمست وصارت محلات وأسواق تسحب اقروش..أجل الإستراحااات والحجر الفكري.. اقل شي احجزوا لنا ساحة مفتوحة وبه جميع المراااافق.." ترى الموضوع من جد..نتمنى ذلك..نتمنى إيصال صوتنا للمسئولين..""..ل - - وباقي كم طلب بعدين إن شاء الله. ـــــــــــــ المهني.." إلا وين الكهربائيين الشباب والميكانيكا والسمكري والنجار و و و الي بالمعاهد المهنية والكليات التقنية.."(( الذين سبقوا وأن تخرجوا ) )!!؟؟؟ هم توظوفوا...!!.. ولا اُفتتح المجال لهم يفتحون ورشاااات وبدون " كلاااافة""!!ويطردون او يقللون من ابو بنقاء شكله مفروض فرض علينا هالبنقالي..!!.." ليس قطع ارزاق لا بس نبي اعيالنا تشبع."..بدل الدشارة والقعود بالمقاهي..والإستراحاات ومقابل الدشوش. |
[align=center]
اقتباس:
مرة اخرى شاكر مرورك مجرد رأى فعلا ياريت ايكيا شركة سويدية رائعه بالفعل [/align] |
[align=center]ابو ضيف 88
الف شكر لطرحك ولكلامك الرائع ولمطالبك الهامة والحساسه وسارد عليها باذن الله بالتفصيل لاحقا : لكن احب اعلق على هذه النقطة [mark=CC6699]((إفتتاح..مستشفيات متخصصة تابعة لوزارة الصحة للنساء " اسعوديات" الدكتورة..الإستشارية..الممرضة..اسعودية))[/mark] اذا الكل منا لايرضى لاخته او زوجته او بنته ان تدخل كلية طب بمافيها من هوائل نسمع عنها كيف نخرج من يعالج نسائنا !![/align] |
اقتباس:
اذاً...نطالب طال عمرك معاهد صحية تخرج طبيباات ومعليش نستعين بخبرااات الطبيبااات من الخارج...كماهو موجود التيس الأجنبي وبجانبة السستر نكتفي بالطببة.. و بإنتظار باقي تعليقك على ما تبقى...و بالنسبة لمركز الخياطة ...وش رأيك يكون لي ولك السبق وعلى مستوى الشرق الأوسط...ورأس المال موجووود وبدخووول مساااااااهمين وإكتتتااااباات والوعد هيئة السوق وترخيص مركز ابو88والتميم....تحياتي وأشواقي. |
نبي نفتتح قبة مثل قبة رشيد بجنب جيان لازم تراث!!!!!!
نبي محل فول وفواكه!!! والله يانا مشتهي جح مع لبن!!!! كيف الحال |
ليش ما عندنا حريم
حتى نطلب مطاعم زيادة ... المطعم الوحيد اللي يرفع الراس هو مطعم (( السرايا )) التركي اللي بالرياض . لكن دكان ( إيكيا ) والله ياهو كلك ... كنت مغشوش فيه لين زرته في الرياض ... |
مطاعم يامال الشام ,,, بيت الدونات ,,, وناطحة سحاب على شارع النهضة
|
مانبي زود محلات دجينا من هالموجود وشلون لو يجي زود
نبي شركات توظف عيالنا ما نبغى محلات تسحب فلوسنا |
[align=center]
اقتباس:
جميع المحلات المذكورة توظف الشباب السعودي لكن شبابنا البعض منهم مو حق وظائف الله يهديه والله قبل يومين وعند دوار المحاكم الساعه 3 الفجر سيارة محل لا اتذكر اسمه والذي يقودها شاب سعودب طبعا من عيالنا اكيد قاعد يفحط واوذى الناس بالاشارة هذا لو اني صاحب محل ماوظفته ابدا لى عودة للجميع باذن الله [/align] |
الحقيقه ينقص بريدة الكثير الكثير من الاسواق العالميه والمطاعم المتطوره
كمثال محلات ايكيا كذلك لايوجد مطاعم اسماك عائليه متخصصه كالتي في المنطقه الشرقيه او في شمال جده تحياتي |
انا عن نفسي باطلب اشياء كثيرة .. بس
من اهمها .. (( يامال الشام )) و دومونيز بيتزا وايضا لايفوتني طلب (( ليتل سيزرز )) غير اللي بالعثيم مول ياخي بناكل منه مو قادرين .. والسبب ممنوع !.! وبعد نبي ايكيا وكارفور ونبي مجمعات زيادة مثل ( النخيل والعثيم ) حتى اذا مسكت مع الواحد يتمشى .. مايبلش وبعد لا يفوتني جعل المجمعات التجاريه مفتوحه للشباب والعوائل ماعدا الأيام ( الاربعاء والخميس ) بسبب الزحام.. مانبي الشباب يجون اما باقي الايام .. اطالب بفتح ابوبها للشباب حتى يتمشون ويتسوقون .. زيهم زي الناس .. والا حنا ناقصين .!.!؟.؟؟ انتهى مع كل الود والاحترام ديزوو المشاكس |
وبعد نسيت اقوول مطعم
"تشيليز" جدا حلوو وهو متخصص بالحوار .!. مع كل الود ديزوو |
اعتقد ايضا قزاز مهم جدا للمدينة ولا انسى مطعم برجر كنج ,,,
ايضا المدينه بحاجه الي نادي رياضي صحي ترفيهي متكامل مثل بودي ماستر يغطي احتياج المدينه من هذا الجانب الحيوي ويخدم السيدلت و الساده الافاضل تحياتي القلبية للجميع ,,,, وكل عاااااااااااااااااااااااام وانتم بخير ابناء مدينتي الجميلة |
>> طمووح <<
نبي لنا كم ناطحة سحاب الله لايهينكم هععهع امزح استغفر الله مانبي يكفي اللي بعاصمتنا الرياض |
احلاااااااااااااااااااام المنطلق
كل محل يفتح اول فرع ببريدة ما يكون بمجمع او يكون بمجمع ويفتح براء المجمع وجواء مثل وجوه للعطور بالنخيل و سيد جنيد عالم (عطورات البحرين) وهارديز وكمان نطالب ان السوبر ماركت التالية ماتكون مقصورة على العوائل (جيان والعثيم) ياخوان والله العظيم اني اروح للرياض على شان اشتري عطور من وجوه مع العلم ان فيه فرع على بعد كيلو من بيتي ما اقدر ادخله مو حرااااااااااااااام وبعدين المفروض ان اللي بيحط للعوائل فقط يكتب لوحه واضحة قدام الباب منعً للاحراج وفيه سوائل محيرني حراس الامن ليش يدخلون بدون محرم ولا مو رجال مثلنا وهم والبياعين واخيراً اقترح مشروع ناجح هو ان واحد يفتح محل لتاجير المحارم للي بيدخل وما معه محرم قدام العثيم مول والنخيل بلازا |
احلاااااااااااااااااااام المنطلق1
كل محل يفتح اول فرع ببريدة ما يكون بمجمع او يكون بمجمع ويفتح براء المجمع وجواء مثل وجوه للعطور بالنخيل و سيد جنيد عالم (عطورات البحرين) وهارديز وكمان نطالب ان السوبر ماركت التالية ماتكون مقصورة على العوائل (جيان والعثيم) ياخوان والله العظيم اني اروح للرياض على شان اشتري عطور من وجوه مع العلم ان فيه فرع على بعد كيلو من بيتي ما اقدر ادخله مو حرااااااااااااااام وبعدين المفروض ان اللي بيحط للعوائل فقط يكتب لوحه واضحة قدام الباب منعاً للاحراج وفيه سوائل محيرني حراس الامن والبياعين ليش يدخلون بدون محرم ولا مو رجال مثلنا واخيراً اقترح مشروع ناجح هو ان واحد يفتح محل لتاجير المحارم للي بيدخل وما معه محرم قدام العثيم مول والنخيل بلازا مجرد احلااااااااااااااااااااااااااااااااااااااااااااااا ااااااااااااااااااااااام |
نطالب بمقاهي عوائل .......... ستار بكس مثلا او د كيف
مطاعم صيني _ هندي _ ايطالي _ ايراني كلها مهب عندنا. مطاعم عالمية مثل فرايدايز_ فودركرز_ شيليز محلات مثل ايكيا مول جديد يحتوي على محلات اخرى مثل السواني_ الدو ممشى للعوائل نادي صحي نسائي والكثير الكثير |
اتمنى يفتح عندناصالون نسائي راقي مثل فاشن بالرياض ومشغل نسائي بمستوى مشاغل الرياض الراقيه مثل بيوتي ودوزن ونور وغيرهاونفسي بمسطحات خضراءفبهامسارت للمشي بمستوى راقي خاصه للنساء وان حصل نادي على مستوى الأنديه العالميه ليش مايصيرعندناايش ينقصناومطاعم بنفس مستوى المطاعم اللي موجوده بالخبربالذات الخاصه بالأسماك وفيه اشياءكثيره اتمناهامثل مدارس اهليه بموااصفات افضل من المدارس التي لديناوكذلك الأسواق نتمنى ان تتوفرفيهاخدمات اكثرواتمنى مستوى التعليم يكون افضل مماهوعليه واتمنى مكاتب للخدمات خاصةبالنساءواتمنى انشاءمشاريع سكنيه راقيه مثل اللي في دبي وغيرهاتشتهي تسكن فيهاواتمنى عيادات خاصة مستواهاجيدواطبائهامستقرين موكل يوم لنادكتووووووووووورالله يعين.هذه احلالالالالالالالالالالالام اتمنى ان اراهاواقعا"تحياتي لكم ولي عوده لإستكمال احلامي
|
ملاهي سنعه
ومدن ترفيهيه على مستوى مثل اللي بالرياض بالثمامة (قرية الثمامة -قرية الساحل -فانتزي لاند-ستار ستي ) وبني نوادي نسائيه فيها تمارس كل الرياضات وفق الشريعة الاسلاميه يعني يقوم عليها بنات ملتزمات ويكون فيها كوفي شوب ومقهى انترنت و000000 |
إذا هي على التمني
فالخيال والطموح أفقه واسع وشاسع ـ ـ وما نيـــل المطــالب بالتمنــي ـ ـ ومع ذلك سأتمنى لمدينتي كل ماينقصها من أشياء جوهرية وتكميلية لتزداد روعة وتكاملاً |
أما إذا كانت المسألة للتصويت
فأنا أصوت بحضور كل جديد ومفيد لمدينتي لعل صوتي يكون مسموعاً ومقدرا كل الشكر لك يا أخي الفاضل على حرصك واهتمامك |
اقتباس:
ونبي مجمعات زيادة مثل ( النخيل والعثيم ) حتى اذا مسكت مع الواحد يتمشى .. مايبلش وبعد لا يفوتني جعل المجمعات التجاريه مفتوحه للشباب والعوائل ماعدا الأيام ( الاربعاء والخميس ) بسبب الزحام.. مانبي الشباب يجون اما باقي الايام .. اطالب بفتح ابوبها للشباب حتى يتمشون ويتسوقون .. زيهم زي الناس .. والا حنا ناقصين .!.!؟.؟؟ انتهى ـ ـ ـ ـ ـ ـ ـ ـ ـ ـ ـ واحد مارينا مول ، واثنين دزني بالصواري لاند ، وشوي جميرة بيتش مخلوطة ببرج العرب من دون حمر عين ومن دون غرناطة حبيت امزح معك ديزو لأنك والله ذكرتني بطلبات المطاعم عموماً والله مو كثير على غاليتنا كل اللي تقولونه بس محتاجه شوية لفته من تجارنا ومسؤولينا .. |
انا ابغى ايكيا
ومطعم تشليز وايش كمااان ... ايه و نبغى نادي نسائي :) وسلامتكم |
اقتباس:
الله يسلـــــــــــــــــــــــــمـــــــك واحـــــــــــــــــــــــــــــــــــــــــــــــ ـــــــــد مستشفى للعيـــــــــــــــــــــــــــــــون والأســـــــنـــــــــــــان و الثاني : "" ولم العصابة قبل الفلقة..."" مستشفى فيه جميع التخصصااااااااات وخاصة الباطنية..نظراً للوجبات السريعة التي ستنتشر في طلبات الشباب هنا في بريدة..!! تقبل مداخلتي اخي الكريم.. دمت بسمو وعز |
اتمنى يفتح عندنا فرع لبقالة الزبيره لانه فيها بسكوت حلو اول مره اشوفه يجنن اتوقع انه واصلهم من لبنان
|
هههههههههههههههههههههههههههههههههههههههههههههههههه
والله انك عن جد ونستني يا مستور وشو يعني فرع لبقاله !! تستهبل انت والا تستهبل !! والا انكـ تفكر بلبنان وبساكيتهم الحلوة !!!!!! هع مع كل الود ديزوو |
نتمنى ان تقوم الامانه بعملها على اكمل وجه
ثم البقية تأتي |
اقتباس:
كني سامعه عنهم بدبي خخخخخخخخ لا يكون بس يا ابو الهدد تقصد شي خخ امزح معك والله |
السلام عليكم ورحمه الله وبركاته
ألاحض أنك يا أخي ماجد أكثر المحلات التي تريدها مطاعم فهل تقول لي لماذا :18[1]: :x5: ن م ر 666 |
برجر كنج
صب واي كوزينو صب تشيليز ستار بكس د.كيف فتيحي قزاز ايكيا |
بريدة يطفون بالشي اول مرة وبعدها تشوف المحل يهش ذبان.
إلا لو يفتح بيت الدونات |
لاوالله الملاحظ والاهم ان تكون المستوصفات الخاصه اعلى مستوى من مستشفيات الشئون الصحيه وكلهم في الهوا سوا
|
| الساعة الآن 08:46 pm. |
Powered by vBulletin® Version 3.8.8 Alpha 1
Copyright ©2000 - 2026, vBulletin Solutions, Inc. Trans by
موقع بريدة